الموضوع: سان فرانسيسكو

السلام عليكم
ارجوا الافادة ... المعالم التي تستحق الزيارة في سان فرانسيسكو

وانتظروني بعد انتهاء الرحلة باجمل التقارير المصورة

مع انها رحلة استشفاء بس للمتعه حيز كبير دعواااتكم

مواضيع عشوائيه ممكن تكون تعجبك اخترناها لك:

• اللــــــــــــــــهم فرج كربة من يفرج كربتي ؟؟
• طالب استشارتك أخوي
• فيزة امريكا
• سؤال لنجم البوابة الامريكية
• العسكريين ومن لديه خبرة او معلومه
• رحلتي من لوس انجلس الى سان فرانسيسكو
• ابحث عن سكن في منهاتن في نيويورك
• استفسار عن افضل شركتين طيران لمريكا ؟؟
• والله متوهق الله يعينكم علينا حنا العليميّة
• شباب شويت استفسارات
• الأخ
• المرأه الحامل وأمريكا
• كيفية عمل حجز طيران وهمي وحجز فندق وهمي
• كيفية توصيل الشحنة الى السعودية
• وش أرخص خطوط لأمريكاواشنطن
• لخبراء امريكا ارجو المساعده جزاكم الله خير
• عاجل أرجوا المساعدة
• استفسار بخصوص السكس فلاقز في كاليفورنيا
• تأشيره مع تعليقه
• اثناء الحجز لم افهم المطلوب

الله يشفي مريضكم ان شاء الله
موضوع اختنا المشرفهhudaAbdullah فيه جزء عن سان فرانسسكو راح يساعدك ان شاء الله

http://www.arabtravelersforum.com/travel221488-6/

في موضوع للأخ foggy كان يسأل عن سان فرانسيسكو .. و هذا ردي له
للأسف أنا ما سويت تقرير مصور ..




السياحة في سان فرانسيسكو ..
أولاً عندك Union square .. اذا بتسكن فيه أحلى شي لأن كل شي قريب منك .. المطاعم و الكافيهات و المحلات ..
Fisherman's Wharf .. منطقة رائعة على البحر .. محلات و مطاعم و عروض .. و تقدر تشوف مجموعة من حيوانات الفقمة أيضاً مستلقية على ألواح خشبية في الميناء ..

لا تنسى تجرب شوربة ال Chowder يغرفونها في أواني عبارة عن رغيف خبز مفرّغ .. تلاقيها في أكشاك في هذي المنطقة ..
Coit Tower هو برج عالي تم تشييده من فترة قديمة جداً .. و يتميز باطلالة رائعة للمدينة ..
Golden Gate Bridge جسر البوابة الذهبية .. (لونه أحمر) أشهر معالم سان فرانسيسكو و في تحته قلعة عسكرية قديمة حلوة للزيارة .. الجسر أغلب الأحيان يتعرض لموجات من الضباب شكلها عجيب كأنها سحابة تطفو على البحر ...
في مكان تقدر تستأجر فيه دراجة هوائية و تتمشى في المنطقة حول الجسر .. في هناك منطقة حلوة و شاطئ..
لما تعبر الجسر بتكتشف جوهرة ثمينة منطقة رائعة إسمها Sausalisto يشبهونها بالرفييرا الفرنسية .. فعلاً شيء خيالي كأنك في أوروبا .. و مليانة سياح أوروبيين
China Town القرية الصينية .. محلات بالهبل و بضايع حلوة و متنوعة تصلح للهدايا .. و المطاعم الصينية أكيد
Japanese Town أنشأها المهاجرون اليابانيين اللي استقروا في سان فرانسيسكو من زماااان .. فيها محلات يابانية و مراكز تجارية تحتوي محلات و مطاعم يابانية .. لازم تجرب الكوفي اللي عندهم و الكيك رووعة
جزيرة Alcatraz السجن المشهور اللي مسوين عنه فيلم هوليوودي .. لازم تحجز تذكرة عشان الجولة البحرية اللي تتضمن جولة داخل السجن ..
حديقة Yosemite الوطنية .. محمية طبيعية كبيرة جداً .. فيها مناظر رهيبة غابات و شلالات .. للأسف فاتتني في رحلتي ..
هذي الأشياء اللي تذكرتها الحين .. الأفضل لك أول ما توصل تشتري خريطة سياحية و بتلاقي فيها كل العنواين و المعالم السياحية .. و في أيضاً مكاتب سياحية في منطقة الميناء يبيعون فيها تذاكر لعدة أنشطة ..
و بالتوفيق ..

هذي ديرتي
راح تنبسطني صدقيني
بس بضيف على الاماكن
twin peak
مكان مره روعه
تشوفين سان فرانسيسكو كلها

شكرا ليكم كتير استفدت من المواضيع المطروحة