ماهي اقرب منطقه ريفيه سويسريه قريبه من ميونخ

**ahmed2** · 02-03-2015, 02:21 PM

السلام عليكم
بعد التوكل على الله قررت الذهاب انا والاولاد الى المانيا النمسا سويسرا
ولحد الان ماحطيت خطه للسفره ياليت تساعدوني في منطقه ريفيه في سويسرا تنصحون فيها
للعلم البدايه والنهايه من مطار ميونخ

مواضيع عشوائيه ممكن تكون تعجبك اخترناها لك:

**ahmed3** · 02-03-2015, 02:21 PM

المشاركة الأصلية كتبت بواسطة Medo 77
http://www.arabtravelersforum.com/tr...6/#post7577726

السلام عليكم ورحمة الله وبركاته ::

حياك الله اخوي ..وسفرة سعيدة باذن الله .

بالنسبة للمخطط ..ممكن تذكر لنا كم يوم ..ووسيلة التنقل ..هل هي سيارة ؟..وفي اي شهر راح يكون السفر.

مبدئيا ..منطقة انترلكن من اجمل المناطق السويسرية .

وفي انتظار ردك .

الوصول ميونخ والمغادره من ميونخ
بستأجر سياره
المده تقريبا 20 يوم
السفر في العيد شهر اغسطس

النمسا سويسرا المانيه

**ahmedgaper** · 02-03-2015, 02:21 PM

يعطيج الف الف عافيه
بس ياليت تشيلين ميونح لان مابي اقعد بل مدن
ابي القري والارياف فقط
يعني لو انترلاكن 5 ايام
زيلامسي 10 ايام
قارمش و كونستانس 5 ايام

بس وين البدايه والنهايه ؟؟؟؟؟؟

**alifun** · 02-03-2015, 02:21 PM

الله يعافيك اخوي..
ملاحظة ..المفروض تقولون تشيل ..وليس تشيلين

بالنسبة للبداية والنهاية ..انتم قولتوها .من ميونخ .
اذا كان وصولكم بدري على ميونخ ..استلمو السيارة و على طول على زيلاميسي.

بس اذا كان متأخر..فيفضل المبيت ليلة واحدة في ميونخ ..ثم الذهاب الى زيلاميسي.

اليوروب بارك لا تفوتوها ..نصييييييييييحة .

فيكون مخططكم :
الوصول ميونخ والسكن في زيلاميسي اسبوع
جارمش ثلاثة ايام
انترلكن خمسة ايام
اليوروب بارك يومين
كونستانس يومين
ميونخ يوم واحد والعودة

واذا ما كان ودكم بمدينة الالعاب ..ممكن تزوروها من كونستانس وتصير :
زيلاميسي اسبوع
جارمش ثلاثة ايام
انترلكن خمسة ايام
كونستانس اربعة ايام
ميونخ يوم واحد

وش رايكم .