المشاركة الأصلية كتبت بواسطة شكولاتة بالبندق
http://www.arabtravelersforum.com/tr...8/#post4346376
1- حجزت من اقودا على فندق fm7 resort hotel لليلة وحده علشان عندنا طيارة على بالي علطول
وعندهم خدمة مجانية نقل بالباص من والى المطار ....
وانا عند الحجز باقودا كتبت في خانة طلبالت خاصة : اني ابي الباص المجاني وذكرت لهم تفاصيل رحلتي ووقت وصولي المتوقع .. لكن اخاف اقودا ما يوصولون طلباتي مضبوط للفندق ...
فبليز الي عنده لغة انجليزي يدخل موقعهم ويشوف كيف الطريقة اني اراسلهم مباشرة بموقعهم واخبرهم عن وقت وصولي وأأكد عليهم بالباص ...
وهذا رابط الفندق
http://www.fm7hotel.com/index-1.html أختي الفاضلة موقع اقودا من أفضل المواقع السياحيه لحجز الفنادق ذو مصداقية رائعه
وبعد مشاهدة إستفسارك دخلت على رابط الفندق وحاولت مراسلتهم لكن تظهر لي رسالة يجب التحميل عن طريق
الياهو وممكن أختي الفاضله أن تعيدي تأكيدك من ناحيه الباص على موقع اقودا بعد دخولك على حسابك بالموقع
ومراسلتهم عدة مرات حت يتم تأكيد ذلك وممكن الاتصال على الفندق مباشراً والاستفسار منهم واذا لاتجيدي اللغة الانجليزية ممكن تستعيني بأحد صديقاتك او احد اقاربك بهذا الموضوع
2- أحد جرب يفتح حساب ببنك باندونيسيا ؟ عشان يودع فيه الفلوس اول مايجي ويصير يسحب من صرافاتهم ؟؟
وهل الاجراءات تاخذ وقت ؟ (جربتها بالصين وفتح الحساب اخذ مني فقط نص ساعه وصرنا نسحب متى مانبي باي وقت ) ...انتظر تجاربكم بهالخصوص
بعض البنوك في إندونيسيا يطلب منك التأشيرة اذا كانت سياحية لايوفقوا على فتح حساب لديهم مهما كان المبلغ الذي راح يفتح به الحساب
وهناك بنوك آخرى يمكن فتح حساب لديهم لكن يجب أن يكون الحساب فعال سحب وإيداع وتحويل وغيره لكن بعد المرمطة والتسحيب وجمع معلومات وغيرها
وهناك طريقة آخرى ممكن تستعيني بها ولايحتاج منك فتح حساب في بنوك إندونيسيا وهي تحويل مبلغ بإسمك الى احد بنوك إندونيسيا بموجب الاسبيلنق الصحيح من واقع جواز السفر من احد هذه البنوك تلي موني ببنك العربي او بنك انجاز التابع لبنك البلاد الى احد بنوك إندونيسيا الفعاله والتي يكون لها عدة فروع بكل المدن التي مقترحه زيارتها وممكن معرفت هذه البنوك من موظف البنك
ولا أنصحك بمحاولة فتح حساب هناك او التحويل وإجبتك لكي تقتنعي بصعوبة المحاولة
والافضل لكي خذي دراهمك معك والباقي ببطاقة الصراف
3- في جاركرتا .. احد يعرف موجود عندهم سوق الأحد ( مينقو ) ؟ وهل هو حلو ورخيص ؟ ووش اسمه بالانجليزي علشان اطلب من التاكسي يوصلنا له ؟
فاسر مينقو والسوق رخيص واذا ودك بغيره ممكن تروحي سوق بازار بارو جميل ورخيص
وبرضو شارع جيسيكا ؟ احد يعرف عنه شي؟
قصدك شارع جلان جكسا شارع شعبي جميل جداً خاصه بعد العصر يختص بالتحف والاشياء الرخيصه
4- ملاهي دنيا فنتازي .. انا جربتها يوم الاحد تفتح الساعة 10 ونص كذا
لكن سؤالي بوسط ايام الاسبوع كم الساعة تفتح ؟؟؟؟ سمعت انه الساعة 2 الظهر صحيح ؟؟؟؟
من التاسعه صباحاً حتى الساعه الخامسه عصراً
5- انا بجلس بجاكرتا 5 ايام تقريبا للتسوق ... وحابة اسكن بفندق جنب سوق ...
انا جربت الاتريوم سابقا .. وجداااا عجبنا .. بالرغم من ان كثير يقولون انه قديم .. لكن حنا عجبنا
لان انا مايهمني فخامة الفندق .. اهم شي نظيف وفطور حلو وللنوم ...
فبليــــــــــز وش فيه فنادق يكون سعرها من 50 دولار الى 80 دولار تقريبا وجنب سوق ...
فندق ابيس بمنقادوا
وايضا ابي اسكن بمنطقة سارينا ... يقولون كلها حركة ومقاهم ومطاعم .. ابي فندق مرتب فيها مين يعرف؟
بليزززززززز هالفنادق ادوشتني ابي جواب ...
فندق أكماني اربعه نجوم من أفضل فنادق منطقة سارينا ويمكن حجزه من اقودا
6- ابي محل لتحميض أفلام الصور في بالي وياليت قريب من شاطئ كوتا ..................
او محل تحميض في اي سوق بجاكرتا ...
سوق هاركو قلودك او جلودك وممكن تجدين بسوق منقادوا بس مني متأكد وببالي ماني عارف بصراحه
سعمت عن محل بالبونشاك بس لأ مابيه ابي غيره ...
كذلك يوجد محل ملاصق لمكتب بالفقيه بالبونشاك
7- هذا السؤال لاتضحكون علي فيه بس ودي اعرفه صراحه ..عشان احط بحساباتي ..
في بالي لما الواحد يلف على الفنادق الفخمة علشان يشوفها ويصورها (ابقلد الاخ نجم الكويت والف بالفلل )
بس ودي اعرف بهالفنادق الفخمة كم يكلف تقريبا لو نطلب 2 كوفي او موكا ؟ سمعت ان الاسعار ضربة
بس كم تقريبا ؟! عارفه سؤال مدري وش يبي بس يهمني 
والله ماني عارف وجربي مايمنع اذا كان لمره واحده واذا احد جرب ذلك من الاخوان ممكن يفيدك
8- اخر سؤؤؤؤؤؤؤؤؤؤؤؤؤؤؤؤؤؤؤؤؤال
بليـــــــــــز
احد يعرف كيف اقدر اجيب معاي قطة 
بليز مين يعرف كيف اشحنها للسعودية ؟ وهل الحيوانات مسموحه ؟
ابي اي اي طررررررررريقة
ابي مثل ذي تكفون
7
7
7
8
8
هذي بنيتي .. ابي اجيبها من هناك
حطيت الصورة عشان تتحمسون
الله لا يحرمنا من احلا منتدى ... انتظر اجوبتكم ....
أختي الفاضلة حسب علمي يمنع ذلك واذا صادوك بالمطار يمكن فيها سين وجيم وسجن .
أتمنى أن اكون أفدتك ولو بالقليل
تمنياتي لكم برحله سعيده وموفقه بإذن الله
رد مع اقتباس
المشاركة الأصلية كتبت بواسطة الكوكب الطائر
المفضلات