السلام عليكم اخواني و اشكر كل عضو في ها المنتدى على خدماتكم الجليلة و نشاطكم في سبيل اثراء بوابة الكويت بكل جديد و مفيد حول زيارة الكويت برنامجي كان كالاتي
1- الوصول الى مطار الكويت الدولي الساعة السادسة مساء و استلام السيارة من مكتب الاجار و التوجه فورا الى فندق ميراج في الشعب البحري بجانب الشعب البحري و الفندق ما كان ذاك الزود و غرفه ضيقة لكن يفي بالغرض الا و هو النوم و سعره رخيص نسبيا مقارنة بالفنادق القريبة تقريبا 25 دينار الليلة للغرفة الديلوكس
2۔. التوجه الى منطقة المطاعم اللي ملاصقة فندق موفنبيك و محاولة العثور على مطعم مناسب و احترنا في الاختيار لكثرة المطاعم الله يديمها من نعمة على الكويت و استقرينا على احد المطاعم نسيت اسمه ما ادقق في الاسامي
3۔ سرنا بعدين مول 360 و صفطنا باركن في المواقف الداخلية بنظام الدفع و تمشينا فيه و هو مجمع جديد و فخم ماشاء الله و عرفته من خلال ها المنتدى يعطيكم العافية و قعدنا في كوفي شوب لتقضية اوقات في هذا الصرح الرائع
4۔ العودة للفندق استعدادا للنوم بعد يوم حافل و متعب
5۔. في اليوم الثاني و بما انه جمعة ذهبنا للمسجد القريب من من الفندق و صلينا الجمعة مع الناس الطيبة و رجعنا بعد ذللك للفندق
6۔. الذهاب الى جمعية الرميثية التعاونية و يا كبرها من جمعية ما شاء الله ما ناقصها شي تسوق مطاعم كافيات محلات عطور الصراحة انبهرت لان الجمعيات اللي عدنا الله يعينا و الاسعار الصراحة مقارنة باللي عندنا رخيييصة و اخذنا لنا شوية حلويات على شوية حب من اللي ما يتحصل في بلادنا
7۔. الذهاب الى شارع المطاعم في السالمبة و انا ها المكان اعرفه من اهلي اللي سارو قبلي و قالولي بتخبل من ها الشارع من كثر المطاعم اللي فيه الله يديم عليكم النعمة الصراحة اللي يزور الكويت اخر شي بيحاتيه بطنه لان منتشرة بشكل فظيع و اسعارهم حلوة مقارنة بدبي
8۔ و في اخر يوم لنا رحنا لمنطقة السوق الكبير و تمشينا في ذيك المنطقة و للاسف ما اشترينا شي و لا حصلنا محل الدرابيل كان خاطري اخذ شوية وولكن اليايات اكثر
ترى الوضع كان هادي و مافي شي غير طبيعي حتى مع الاحداث الاخيرة ترى انا وصلت ثاني يوم من اندلاع احداث مجلس الامة و ما في شي يدل على حدوث مشكلة بالعكس الناس في امان و مستانسين و يروحون و يطلعون مع عيالهم فاللي يحاتي ها. الشي اقوله تعال الى بلاد الامن و الامان الكويت حفظ الله شعبها الطيب من كل مكروه
و رجعنا الى المطار و للاسف الدنيا بدت تمطر يا خسارة و كان الكويت حبت تودعنا بالنفاف الخفيف اللي صادفناه في درب الرجوع الى ارض الوطن
و ركبنا الطيارة. و رجعنا مستانسين على امل الرجوع مرة ثانية و استكشاف اماكن ثانية لان هاي الرحلة سريعة و ما حصلنا وقت نزور اماكن اكثًر
7۔. *مواضيع عشوائيه ممكن تكون تعجبك اخترناها لك:
- منو فيكم جرب قروبات جنوب افريقيا يتفضل
- رأيكم
- كيف الطريق إلى الكويت بالبر من الإمارات ؟
- انا عراقية مقيمه في السويد كيف احصل على فيزا سياحة الى دولة الكويت
- اولادي مضافين على جواز الام هل يجوز اخذ تأشيرة الى الكويت
- استفسار عن الشاليهات بالكويت من ثاني العيد
- ما هي الفعاليات والانشطة في شهر إبريل م ؟؟؟
- الريال السعودي كم يساوي بالنسبه للدينار والفلس
- أبي فندق عليه الكلام وبالسعر والمواصفات هذي
- امهات الكويت الذويقات
- اهلى الكويت ابي شقق مفروشه الفزعة
- شراء الأثاث من الصين
- الرجاء الافاده ياهلي
- ممكن جدول وفعاليات هلا فبراير
- شنهو الجديد عندكم في عيد الفطرر ياأهل الكويت
- هلا فبراير يدعو الجمهور لوضع برنامج المهرجانساهم بافكارك
- برنامج سياحي ل ايام
- الأكوا بارك
- يا اهل الكويت انقذونا وش الفعليات الموجودة في الكويت الان حجزت في فندق ابيس الشرق
- محتار بالذهاب في شهر نوفمبر
رد مع اقتباس
المفضلات