الموضوع: تنظيم ثلاثه ايام في انترلاكن

السلام عليكم اعضاء المنتدى الرائعاتمنى مساعدتي في تنظيم ثلاثة ايام اقضيها في انترلاكن والاماكن القريبه منها
وماهي افضل وسيلة تنقل من حيث السعر والوقت؟ وهل تنصحوني بالاعتماد على قروب سياحي من نفس المنطقة او لا ؟
وبالتقريب كم اسعار التنقلات واسعار الاماكن السياحية والهوليكبتور ولكم مني جزيل الشكر والعرفا

مواضيع عشوائيه ممكن تكون تعجبك اخترناها لك:

• محتارة في السكن في انترلاكن شاوروا علي
• ارجو من اهل الخبره المساااعده في نخطيط رحلتي سويسرا والنمسا الى
• مشورة أهل الخبره
• أستفسار لخبراء سويسرا
• استكمالا لتقرير شهر العسل الايطالي سويسري والطيران الشراعي
• سؤال عن السويس باس
• ياجماعه شكلي توهقت بحجز القطار ساعدوني
• ابغى مكتب يخلص ويحجز كل شي
• إستفسار بخصوص السياره تكفون لآ تبخلون علي
• مخطط شهر العسل والسفره مابقى لها الا كم يوم محتاجكم حيل
• سآعدووني سفرتي الاسبوع الجآي
• الرجاء المساعدة انترلكن
• هذا مخططي مساعدتكم في اختيار المواصلات
• ضروري ارجو الرد مساعدة بخصوص سفرتي
• الاحداثيات وقوقل ماب
• سويسرا ماألوم ابو عزيز يوم انه عشقك
• استفسار بخصوص المصروف في سويسرا لو سمحتو
• سويس سيفير باس
• الالتفاتات الذهبية في الرحلة الألبية
• رحله ل اشخاص بالغين في شههر جولاي اتمنى المساعده

وعليكم السلام ورحمة الله وبركاته ::


هلا اخوي محمد.


بالنسبة للأنشطة ..فهي كثيرة وممكن تحدد الانشطة المراد زيارتها ..وراح نرتبها لك بشكل يومي.


الانشطة ممكن تطلع على هذا الموضوع :
http://www.arabtravelersforum.com/travel108099/


وهذا ايضا :
http://www.arabtravelersforum.com/tr...b=user_related


والانتباه في اي شهر راح تسافر عشان لا تكون الانشطة مقفلة.




بالنسبة للمواصلات ..لا اجمل من وجود سيارة للتنقلات وخصوصا في الريف .


اذا كانت ثلاثة ايام في نفس انترلكن ..وما ودك تاخذ سيارة ..ممكن تاخذ السويس باس لمدة اربعة ايام .


http://‬travel.maktoob.com/vb/travel62167/




مع اني ارجح السيارة اكثر.




على العموم ..ممكن لو تفيدنا ايضا بالمحطة اللي قبل انترلكن والمحطة اللي بعدها .




بالنسبة للهوليكوبتر ..السعر للشخص 192 فرنك ..وللحجز على هذا الموقع :
http://www.swisshelicopter.ch/EN/sho...gfrau-en2.html






وفي انتظارك .

الوصول راح يكون بشهر يوليو بتاريخ 3 والمكان اللي راح اجي منه راح يكون من ميلان ماعندي خيارات محدده بحكم اني اول مره ازور انترلاكن لكن ودي ازور اكبر قدر ممكن منها والمواصلات شاغله بالي ودي اعرف اي المواصلات انسب لي من ناحية السعر وتوفير الوقت

ما شاء الله حلو ..توقيت مناسب للزيارة ..


طيب اخوي بقولك الفرق بين السيارة والقطارات .


السيارة ..ممكن تزور عدد لا بأس به من الانشطة اليومية ..بالاضافة الى سهولة التنقل ..والقيادة غير صعبة ..وامنة الحمد لله .
وتكون حر نفسك ..وقت ما تحرك تحرك ..ووقت ما توقف توقف .


اما القطارات والباصات..فلها جدول مواعيد محددة ..واوقات انتظار تكون بعض الاحيان طويلة ..ممكن نشاط الى نشاطين في اليوم كحد اقصى .
ومن ايجابياتها ..الراحة .




للاسف اخوي انت ما ذكرت لي المحطة اللي بعد انترلكن ..ليش؟
لو كانت ميلان ..يعني عودتك منها ..اقولك خذ السيارة من ميلان ..واطلع انترلكن ..ويوم ترجع ميلان تسلمها .


ولو كانت رجعتك من جنيف ..تطلع بالقطار من ميلان الى لوقانو السويسرية ..وتاخذ السيارة ..وتطلع على انترلكن ..وتسلمها في جنيف.
وبكذا تتفادى ضريبة استلام السيارة وتسليمها في دول مختلفة .


حجز سيارة صغيرة من لوقانو وتسليمها في جنيف لمدة اربعة ايام تقريبا سعرها 1127 ريال = 276 فرنك .


ومن ميلان الى ميلان ..اربعة ايام ..سعرها 624 ريال = 122 يورو .


على حسب موقع سيكست :
http://‬http://sa.sixt.com




بينما سعر السويس باس ..اللي يعطيك حرية التنقل بالباصات والترام والقطارات والعبارات (البواخر) لعدد غير محدود
مع خصم 50 % للقطارات الجبلية والتلفريكات ..ودخول بعض المتاحف مجانا.. ..لمدة اربعة ايام ..لشخصين :
462 فرنك = 1909 ريال .


على حسب هذا الموقع :
http://www.myswissalps.com/swisspass.asp?lang=EN




من ما سبق نستنتج :
السيارة انسب + امكانية عمل انشطة اكثر.


مع اني افترضت سعر البنزين + المواقف = 1000 ريال...ولا حتى توصلها .




واذا تم اختيار السيارة ..واختيار زيارة قمة اوروبا + اي قمة اخرى معها ..مثل الشيلثورن او تتلس ...انصحك تاخذ كرت التخفيض السويس هاف فير كارد.
اللي يعطيك خصم 50 % لكل المواصلات والانشطة .


لأن قيمة الصعود الى قمة اوروبا تكلفك 170 فرنك للشخص الواحد ..وقيمة الصعود الى شيلثورن والمطعم الدوار 90 فرنك ..وتتلس ايضا 90 فرنك .




والامر راجع لك اخوي في الاختيار .


واستخير الله وشاور ..والله يكتب اللي فيه الخير.


وبالتوفيق

متابعة الموضوع بعد اذن صاحب الموضوع لانى طالعة انترلكن ثلاث ايام ومحتارة وفي دوامة
والاخ ميدو ما يقصر ان شاء الله مع بقية الاعضاء
شكرا واعتذر للمداخلة

هلا والله اخوي ..والمعذرة تأخرت عليك..


بالنسبة للتسليم ..ممكن تسلمها في بيرن العاصمة ..ومنها تطلع بالقطار الى باريس .


او


اذا ودك بزيارة جنيف ..يعني رغبان فيها ..ممكن قضاء نصف يوم فيها وتسليم السيارة والذهاب اما بالقطار ..او بالطيران الاقتصادي الايزي جت .
http://‬www.easyjet.com




والامر راجع لك اخوي .


===================
بالنسبة للمخطط ..راح يكون مضغوط شويتين :
مثلا :
الطريق من لوقانو الى انترلكن ...يوجد الطريق السريع مع شوية مرتفعات .
او
طريق جبلي ..ليس خطر ..بل ممتع ...وما ادري هل فيه مشكلة مع المرتفعات ولا لأ .


لأن لو على الخط السريع ..اقولك ممكن تتمشى في لوزيرن وبعده تنزل على انترلكن .


هذا اليوم الاول .


==========
اليوم الثاني :
زيارة شلال التروميل باخ + قمة اوروبا الينفيرواخ ..والتمشي على ضفاف بحيرة ثون ..وممكن تعمل زيارة لها لباقي اليوم .


========
اليوم الثالث:
لزيارة كهوف ساينت بيتس الملحية + بحيرة الاوشن سي والزحليقة + بحيرة البلاوسيه .


=======
اليوم الرابع يوم الخروج من انترلكن ..عندك خيارين ..يا بيرن او جنيف.


اذا بيرن ..ممكن تتمشى في مجمع الويست سايد ..بس بشرط ما يصاف يوم احد ...لأن المولات تكون مقفلة يوم الاحد .


او جنيف ..وبإمكانك المرور على مصنع الشوكولاتة وقضاء بعض الوقت في جنيف .وبعدها تسليم السيارة والذهاب الى باريس.


========
اذا ما ودك بزيارة لوزيرن ..والذهاب دايركت الى انترلكن ..بإمكانك زيارة شلال الجس باخ ..ومطل الهاردركلم الموجود بالقرب من سنتر انترلكن .


والامر راجع لك أخوي .




وبالتوفيق.

ربي يعطيك العافيه اخ ميدو ع سرعة الردود والمتابعه ودعواتي لك بالتوفيق وجعل الله خدمتك في ميزان حسناتك دمت بود وبصحه وعافيه واعذرني ع تأخر شكري لك