الموضوع: مســـاعدة

السلام عليكم
أخواني انا ان شاء الله راح اسافر الى سان فرانسيسكو سياحة بعد يومين وابغى منكم مساعدة

أفضل الفنادق في سان فرانسيسكو( من حيث الموقع والسعر)

هل من الممكن اني استأجر سيارة بدون كرديت يعنى كاش

ناوى اروح الى لاس فيغاس كم ساعة بالقطار وهل هو دايركت

سؤوال اخير هل فيه مطار دولي في لاس فيغاس عشان الرجعة

دمـــتـــم بـــود

مواضيع عشوائيه ممكن تكون تعجبك اخترناها لك:

• هزة أرضية تضرب لوس انجلوس قبل قليل
• سؤال بخصوص دعوة الاشخاص الى امريكا
• يعني ايه عضويه في فندق
• بنساكولا وما حولها ؟
• طلب لوترى او منحة دراسية لامريكا او كندا
• الفزعه يا ربعي وهلي في تامبا فلوريدا
• أريد مساعدتى من العنصر النسائى وخصوصا اختنا بنت الصقور وكل من يسكن ولاية كاليفورنيا
• إستفسارات بخصوص الرد على موقع السفارة؟
• خبراء حجز سياره في نيويورك ضروري
• أهل الخبرة ياريت تساعدوني
• آخر الكلام في الايفون واللاب توب
• مظاهرات في لوس انجلوس ويست وود
• خلصنا موعدنا ، و هذي التفاصيل
• بدأ التخطيط ضبطونا الله لا يهينكم
• مسافر بعد غد ، ان شاء الله ، وسؤال بخصوص التفتيش
• ولاية كولورادو اختارها يا شباب دراسه
• لم اذهب للمقابله واريد استرجاع الفلوس ؟
• تفاصيل مقابلتي اليوم مابو
• عيد الفطر إجازة رسمية للمبتعثين بالولايات المتحدة
• اقتراح لمكان في الـ

أولا تروح بالسلامة ولكن غريبة إنك مسافر بعد يومين وما عملت أي ترتيبات

بالنسبة كسائح هناك منطقتان للسكن داخل سان فرانسيسكو وهما اليونيون سكوير أو الفيشر مان وارف
الأول الفنادق النظيفة راح تكون حول ال 200 دولار
المنطقة الثانية هي على البحر وممكن تلقى فنادق حول ال 100 دولار أو 150 للفندق النظيف
وإذا سكنت على أطراف المدينة راح تكون الاسعار حول ال 100

بالنسبة للسيارة كاش يمكن صعبة بس ممكن تاخذ معك شيكات سياحية

أنصحك تروح فيجاس بالطيارة لأن التذاكر الداخلية رخيصة ولا توجد في أمريكا شبكة متكاملة للقطارت

ومطار فيجاس مطار دولي كبير

بس إنتبه ولا تلعب في فيجاس

شكرا Old Boy

بالنسبة للمنطقتين ايهم تنصحني اسكن من حيث الموقع

وبالنسبة للشيكات السياحية راح يقبلوها محلات التأجير

وأخيرا أكيد الفنادق يقبلون كاش

عزيزي

اغلب محلات التأجير ما يقبلوا الا بالبطاقة الائتمانية !!

واذا كان على السيارة سانفرانسيسكوا ما تحتاج سيارة لا هي ولا لاس فيقاس

التنقل بينهم بالطائرة وخذ الساوث ويست ممتازة واسعارهم رخيصة !!

المطار دولي ولاكن رحلاته لاوروبا ومنها الالخليج ,,


بالتوفيق

نورت الموضوع يامشرفنا الغالي

بالنسبة لسان فرانسيسكو وش تنصحني باي فندق (من حيث الموقع و السعر)

دمتم بود

مرحبا ..
فندق راديسون في فيشرز مان وارف .. روووعة .. لكن أغلب الفنادق لازم تدفع لهم على الباركنج .. انا مرة سكنت في فندق راديسون لكن شوي خارج المدينة قريب على المطار .. كان الباركنج عندهم مجاناً ..
الحلو في راديسون أسعاره ممتازة .. و ما عندهم ميني بار في الغرفة و هذا أحلى شي .. و بداله عندك مايكروويف و ثلاجة فاضية و مكينة قهوة .. يعني تقدر تشتري لك عصاير و كرواسون من محل محطة البترول و بكذا أمنت فطورك اليومي .. و وفرت تكاليف مطعم الفندق ..
سان فرانسيسكو من أحلى مدن كاليفورنيا و فيها العديد من المعالم و النشاطات .. ما أعرف ليش تريد تروح لاس فيغاس أحس مالها داعي .. ما فيها شي غير المنظر اللافتات الضوئية في الليل و المحلات و باقي الأمور ما تناسبنا كمسلمين .. يعني ما تستاهل الواحد يتعنى عشانها .. و الرحلة طويلة ..
و بالتوفيق ..

نورت الصفحة ميمي

بالنسبة للرحلة أجلتها اسبوع علشان ارتب اموري

لكن اعتقد ان الراديسون موقعه مش كويس( أتوقع لو أخذ فندق في اليونيون سكوير أفضل)

بالنسبة ماهي الأماكن اللي تستحق الزيارة في سان فرانسيسكو

وبالنسبة للفنادق أكيد راح يقبلو كاش

دمتم بود

صباح الخير اخوي

انصحك تطلع فيزا مسبقة الدفع (( من البنك الاهلي ))

وشروطها سهله جداً وخليها لتأجير السياره واشحنها بمبلغ بسيط


تحياتي:sasb49

السياحة في سان فرانسيسكو ..
أولاً عندك Union square .. اذا بتسكن فيه أحلى شي لأن كل شي قريب منك .. المطاعم و الكافيهات و المحلات ..
Fisherman's Wharf .. منطقة رائعة على البحر .. محلات و مطاعم و عروض .. و تقدر تشوف مجموعة من حيوانات الفقمة أيضاً مستلقية على ألواح خشبية في الميناء ..

لا تنسى تجرب شوربة ال Chowder يغرفونها في أواني عبارة عن رغيف خبز مفرّغ .. تلاقيها في أكشاك في هذي المنطقة ..
Coit Tower هو برج عالي تم تشييده من فترة قديمة جداً .. و يتميز باطلالة رائعة للمدينة ..
Golden Gate Bridge جسر البوابة الذهبية .. (لونه أحمر) أشهر معالم سان فرانسيسكو و في تحته قلعة عسكرية قديمة حلوة للزيارة .. الجسر أغلب الأحيان يتعرض لموجات من الضباب شكلها عجيب كأنها سحابة تطفو على البحر ...
في مكان تقدر تستأجر فيه دراجة هوائية و تتمشى في المنطقة حول الجسر .. في هناك منطقة حلوة و شاطئ..
لما تعبر الجسر بتكتشف جوهرة ثمينة منطقة رائعة إسمها Sausalisto يشبهونها بالرفييرا الفرنسية .. فعلاً شيء خيالي كأنك في أوروبا .. و مليانة سياح أوروبيين
China Town القرية الصينية .. محلات بالهبل و بضايع حلوة و متنوعة تصلح للهدايا .. و المطاعم الصينية أكيد
Japanese Town أنشأها المهاجرون اليابانيين اللي استقروا في سان فرانسيسكو من زماااان .. فيها محلات يابانية و مراكز تجارية تحتوي محلات و مطاعم يابانية .. لازم تجرب الكوفي اللي عندهم و الكيك رووعة
جزيرة Alcatraz السجن المشهور اللي مسوين عنه فيلم هوليوودي .. لازم تحجز تذكرة عشان الجولة البحرية اللي تتضمن جولة داخل السجن ..
حديقة Yosemite الوطنية .. محمية طبيعية كبيرة جداً .. فيها مناظر رهيبة غابات و شلالات .. للأسف فاتتني في رحلتي ..
هذي الأشياء اللي تذكرتها الحين .. الأفضل لك أول ما توصل تشتري خريطة سياحية و بتلاقي فيها كل العنواين و المعالم السياحية .. و في أيضاً مكاتب سياحية في منطقة الميناء يبيعون فيها تذاكر لعدة أنشطة ..
و بالتوفيق ..

شكرا من القلب ميمي

أخوي sasb يقلون البطاقة اللي عند البنك الأهلي تتطلع عيونك علشان توصلك

وانا يمكن الويكند الجاي مسافر ان شاء الله

دمتم بود

المشاركة الأصلية كتبت بواسطة foggy
http://www.arabtravelersforum.com/tr...1/#post3617431


شكرا من القلب ميمي

أخوي sasb يقلون البطاقة اللي عند البنك الأهلي تتطلع عيونك علشان توصلك

وانا يمكن الويكند الجاي مسافر ان شاء الله

دمتم بود



'طيب عندك بنك الراجحي وعندك بنك الرياض ببلاش(( يعني بدون رسوم اصدار)) انا اليوم مكلمهم

والبنك الاهلي ممكن تدفع 50ريال زياده وتجيك بل بريد المستعجل

تحياتي : sasb49

وقع اختياري اخيرا على فندق

Larkspur Hotels في اليونيون سكوير

ايش رايكم ياشباب


دمتم بود