الموضوع: هل سعر سويس هاف عند الوكيل معقول ؟ وايهما الانسب ؟

ارفع القبعة لجميع رواد هذا المنتدى وركائزه الاساسية الذين بالاضافة لمواضيعهم المهمة التي زيّنت (العرب المسافرون) فكذلك الجميع مسرور من تجاوبهم وتفاعلهم مع كل عضو جديد جاء لهذا المنتدى ثقة في إدارته ومشرفيه وأعضاءه الأكارم ..

- وإستفساري الذي ارجو أن يلاقي رحابة صدوركم هو عن كرت (سويس هاف) الذي وجدت سعره 2000 ريال للشخص الواحد في مكتب الوكيل بالرياض .. فهل هذا السعر هو نفسه لو أخذتها من داخل سويسرا .،؟

- السؤال الثاني عن نفس الكرت :
سأستأجر بإذن الله سيارة وستكون اقامتي إن شاء الله في سويسرا 9 أيام بالاضافة لـ 4 أيام في الارياف الفرنسية وارغب أن اذهب من انترلكن إلى زيورخ وشلالات الراين بالقطار ، وهل استفيد من هذه البطاقة لو سافرت من انترلكن إلى ميلان بالقطار .. فهل هذه البطاقة تناسبني وأيهم برأيكم الافضل من فئاتها لمثل برنامجي ؟

والشكر للجميع .. من الموبايل

مواضيع عشوائيه ممكن تكون تعجبك اخترناها لك:

• سفرنا قرب وابغى مساعدتكم لان اول مره اسافر لاوربا
• الاعضاء الكرام لاخلا ولاعدم
• مجموعة استفسارات ياليت تجاوبوني
• ابي مشورتكم في الشقه ضروري
• احتاج وقفتكم لإنشاء جدول ياأخواني واخواتي ومشكورين
• محتاره بالمناطق والتنقلات
• ارجو النصح والتخطيط لرحلتي
• من ميلان لسويسرا
• سؤال عن الاطفال
• رحلتي لسويسرا وفرنسا باكتوبر
• صور من سويسرا
• محتاج للمساتكم السحرية في توزيع المدن حسب المسافات
• ياجماعة ساعدوني الله يساعدكم
• ارجوكم رتبولي جدولي لسويسرا وفرنسا
• أرجوا مساعدتي في ترتيب جدول رحلتي الي سويسرا
• أرجو المساعدة في تنظيم رحلتي
• اريد تسديد مخالفاتي ولا اعرف كيف ارجووووووووووووكم ساعدوني
• ممكن استفسار عن هالمناطق جزاكم الله كل خير
• شهر عسل و ابي مساعدتكم يا اخوان الله يسعدكم
• الاكواخ في اوربا

السلام عليكم ورحمة الله وبركاته :.
حياك الله اخوي كل الاماكن .






- وإستفساري الذي ارجو أن يلاقي رحابة صدوركم هو عن كرت (سويس هاف) الذي وجدت سعره 2000 ريال للشخص الواحد في مكتب الوكيل بالرياض .. فهل هذا السعر هو نفسه لو أخذتها من داخل سويسرا .،؟




لأ ابدا مو نفسه .


السويس هاف فير كارد قيمته لشخصين في سويسرا ب 240 فرنك سويسري.
يعني ما جاء ألف ريال .
يعني للواحد حددود 500 ريال.


وانت تقول الفين ؟؟ مو معقول.


فيبقى لا تستعجل وخذها من سويسرا افضل ..لأن مافيها خصم لو اشتريتها من بدري.


والرجاء زيارة هذا الموقع :
http://www.myswissalps.com/swisshalf...rd.asp?lang=EN






السؤال الثاني عن نفس الكرت :
سأستأجر بإذن الله سيارة وستكون اقامتي إن شاء الله في سويسرا 9 أيام بالاضافة لـ 4 أيام في الارياف الفرنسية وارغب أن اذهب من انترلكن إلى زيورخ وشلالات الراين بالقطار ، وهل استفيد من هذه البطاقة لو سافرت من انترلكن إلى ميلان بالقطار .. فهل هذه البطاقة تناسبني وأيهم برأيكم الافضل من فئاتها لمثل برنامجي ؟




خليني اشرح لك شوية عن طبيعة هذه الكروت .


عندك خيارين ..يا تستعمل القطارات ...او تستعمل سيارة .


اذا استعملت قطارات ..فيبقى تاخذ بطاقة السويس سيفر باس للمدة اللي راح تجلس فيها بسويسرا (4 ايام او 8 او 15 او شهر)
والتنقل بالباصات والقطارات والعبارات .بعدد غير محدود ..وخصم 50 % على التلفريكات .




====


واذا استعملت السيارة ..الافضل لك انك تاخذ السويس هاف فير كارد ..يعني خصومات 50 % على كل شي ...قطارات باصات عبارات تلفريكات .
وراح تستفيد منها بشرط :
اذا كانت الانشطة للشخص الواحد تتعدى 220 فرنك سويسري.


راح تقولي كيف ؟
اعطيك مثال:


الصعود لقمة اوروبا مثلا ..يكلف للشخص 170 فرنك ..مع زيارة شلال 10 فرنكات ..مع صعود لقمة اخرى ب 90 فرنك ..مع دخول متحف 5 فرنكات ..الخ .
المجموع = 275 فرنك ....بدون بطاقة الهاف فير.




ولو معاك البطاقة ..قيمتها 120 فرنك + نفس الانشطة اللي فوق بس 50 % من قيمتها .
يعني :
120 + 85 + 5 + 45 + 2.5 = 257.5 فرنك .


فيبقى انت استفدت من البطاقة بتوفير (275 - 257 = 18 فرنك )


ترى هذا مثال ..والا االانشطة اللي راح تسويها جدا كثيرة ..وعاد عندك الحساب ...اذا كثرت الانشطة بيكثر التوفير.


هذا من غير المميزات الموجودة في البطاقة مثل :
الاطفال لعمر 5 سنوات التنقل مجانا .
الاطفال لعمر 15 سة التنقل بنص القيمة دون الحاجة لشراء بطاقة خاصة فيهم ..يعني مشمولين باحد بطاقة الوالدين.




بالنسبة من انترلكن الى الشلال ..ممكن بالقطار مع خصم 50 % على سعر التذكرة .


وايضا الى ميلان .




وبالتوفيق.

يعطيكم العافية من الموبايل

السلام عليكم
طيب اذا بشتريها من سويسرا يصير من وين بالظبط ؟
المطار ؟ والا محطة القطار ؟؟ واذا من المحطة من نفس شباك التذاكر ؟
ياليت تفيدوني
انا و زوجي و معانا 3 اطفال 3 و 7 و 9 سنين
3 سنين مجانا يطلع حتى لو ما معنا السويس هاف صح ؟
والباقين يصير لو اخذنا البطاقة يصيروا يدخلوا معانا ببلاش بس لازم نطلب فاميلي كارد صح ؟
واحنا 2 كبار بـ 120 فرنك الواحد ؟ كذا معلوماتي صح ؟؟

السلام عليكم بما ان الموضوع عن السويس باس
فحبيت اطرح سؤال سريع
هل السويس باس سيفير تمنحني خصم 50% لقمة اوروبا ؟ لاني بصراحه تلخبط بعد قراءة السويس هاف فير !
باذن الله مخطط اصعد للقمة عبر قرية Grindelwald لانه ارخص لي من الصعود لها من انترلاكن
فهل سيكون الخصم 50% بناء على سعر التذكرة من خلال الصعود لها من قرية Grindelwald ؟


وباختصار هل السويس سيفير باس تمنحني خصومات 50% على كل نشاط غير مجاني ؟ مثل التلفريكات والقمم وماشابه ؟
سالفة السويس هاف فير جدا لخبطني



اخوي على فكرة انا شريت السويس باس من الانترنت ولله الحمد ووصلني خلال 4 ايام عبر الدي اتش ال
وقبل لااقرر الشراء من الانترنت اتصلت ببعض الوكلاء بالسعودية مثل الزومان وكان سعره لايفرق كثيرا عن سعر الانترنت
فقط حبيت التنويه

ماش عجزت افهمها مخي مقفل
حنا شخصين وطفل 4 سنوات
من جنيف ليله باريس ليلتين كونستانس 4ليالي انترلكن 7ليالي لوقانوليلتين ميلان ليلتين بعني 18 ليله بتاريخ 24 سبتمبر الى 12 اكتوبر

من اول ليله بتكون معانا سياره ان شاء الله لين الحين ماحجزنا السياره بس تخطيط بنحز سياره من لحظه وصولن الين لوقانو بنسلمها فيها وبالقطار لميلان


وش الكرت اللي بينفع لي

وغير كذا كيف اجمع الانشطه عشان تتعدى 240 فرنك يعني شلون لازم باليوم يكون النشاط يتعدى هالسعر والا ادفع والخصم يرجعونه لي بعدين والا شلون

ماش مافهمت هالنقطه

اعذروني مسافره اول مرا لاوربا

اختي شرح مشرفنا ميدو واضح قيمة الكرت 120 فرنك للشخ
مثال قمة كابريو 64 فرنك للشخص بدون الكرت مع الكرت تدفعي 32 فقط
قمة تتلس 86 بدون الكرت مع الكرت 43 تدفعي فقط
وهكذ
الان وفرتي 32+43=75 فرنك مع العلم سعر البطاقه 120 يعني 75-120 =45
اي انه اذا طلعتي قمة اخرى ووفرت 45 جبتي حق البطاقه
اتمنى وضحت

يالربعهل السويس سيفر باس يعطي خصم 50% مثل السويس هاف ؟ على القمم والقطارات الجبلية والتلفريكات ؟؟
ارجو الايضاح وفقكم الله

طيب الحين ياخوان بانسبه للبطاقه ابي افهم
لازم اكثر من فعاليه باليوم عشان استفيد منها ولا كيف
يعني لازم اوصل لحد معين من قيمة التذاكر يوميا عشان استفيد
طيب لو طرالي بيوم من الايام اني اروح لاي تلفريك وكانت قيمه للشخص مثلا 90 فرانك
وانا والمدام لحالنا راح نستفيد من التخفيض ولا يفتح الله

المشاركة الأصلية كتبت بواسطة فيصل 3
http://www.arabtravelersforum.com/tr...9/#post7952839

اختي شرح مشرفنا ميدو واضح قيمة الكرت 120 فرنك للشخ
مثال قمة كابريو 64 فرنك للشخص بدون الكرت مع الكرت تدفعي 32 فقط
قمة تتلس 86 بدون الكرت مع الكرت 43 تدفعي فقط
وهكذ
الان وفرتي 32+43=75 فرنك مع العلم سعر البطاقه 120 يعني 75-120 =45
اي انه اذا طلعتي قمة اخرى ووفرت 45 جبتي حق البطاقه
اتمنى وضحت



الله يجزاك خير ماقصرت


بس النقطه اللي حست بها
انو لازم اتعدى 275 فرنك هالبيوم والا باجمالي الرحله والا كيف ؟؟






وشكرا لكم جميعا

مالها علاقة بمبلغ معين بطاقة تعطيك خصم 50٪ في اماكن معينة والحسبة اللي مسوينها علشان يحللون مبلغ الكرت اللي هو 120 فرنك