الموضوع: أحلى تفاصيل شتاء النمسا ديسمبر

بسم الله الرحمن الرحيم







مدخل..
عــلى البـــآل.. كل التفاصيل..
عــلى البـــآل.. و أحلى التفاصيل..
عــلى البـــآل.. و الحل و الترحال.. و النار و الهيل..
و القمرة اللي نورت ليل ورا ليل..
دايم على البـــآل..



أنا من كبار متابعي هذا الصرح الرائع و المفيد لكل من أراد التخطيط و الترتيب للسفر أو لمن أراد السفر و هو جالس في منزله.. و كنت متابع لكم حتى قبل أن أسجل معكم.. و بفضل من الله قُدرت لي زيارة النمسا في هذا الشتاء.. و منها أعود إليكم بهذا التقرير المتواضع..

هذا التقرير يعد باكورة مشاركاتي الفاعلة.. و التي لم تكن قبله إلا للاستفسارات!!
و من البداية اطلب منكم العذر و السماح على القصور لأنها مثل ما قلت المرة الأولى و ما أتمنى انها تكون الأخيرة..



و تجدر الإشارة هنا إلى أني أهدي هذا التقرير المتواضع لمشرف النمسا و ألمانيا المميز و المتميز :: ALI_Q8_77::
و الذي له كل الشكر في سرعة الإجابة عن استفساراتي.. شكرا ملايين يا كابتن علي..



بحاول من خلال تقريري ان أغطي الرحلة يوم بيوم.. مع الصور و الشرح إذا أمكن..


خطة التقرير ستكون كالتالي..

- نبذة عن فكرة السفر و الترتيب من حجوزات و خلافه
- الرحلة بالأيام
- الختام و التقرير المالي
- السلبيات و الايجابيات



و ان شاء الله البداية قريبة..


سياستي في التجهيز و الطرح لهذا التقرير.. طبعا الصور تم فرزها و حاليا كلها جاهزة و معدلة بس التأخير من الرفع.. و النص تتم كتابته عشان يكون كل شي جاهز..
و بحاول اخلص كتابة و طرح التقرير في اقرب فرصة (اذا الله راد.. قبل نهاية يناير)..



و اللي يحبوني.. في تقريري المتواضع يتابعوني..

مواضيع عشوائيه ممكن تكون تعجبك اخترناها لك:

• احتاج مساعدتكم ضروري ببعض الاستفسارات لرحلة شهر عسل
• ابي شوركم بخصوص خطوط الطيران
• استفسارين لسفرتي
• فيينا
• أسئلة هامه لذوي الخبره في السفر الى أوربا ؟؟ والنمسا أفيدوني حالا
• خبراء النمسا رايكم بمخطط رحلتناا
• ياخوان بالنسبة للطيران
• ضروووري لأهل الخبره
• استفسارات احتاج توضيح
• بخصوص استأجار سيارة في المانيا
• لو سمحتوا محتاج مساعدة
• منَ التُراثالملبسرمز الزواج السعيد فيسوريا
• رحلتي القصيرة للنمسا لحضور موتمر
• استفسار بخصوص القطار وزيلامسي
• لما باخر لحظه تتغير الوجهه وانا اتوهق هيلب
• محتاااسة رحلة أول مره لاوروبا من ميونيخ ديزني لاند باريس
• استفسار عن حجز تذاكر القطار للتنقلات بين المدن من الانترنت
• ابي اعرف كيف الجو بالنمسا في عيد الاضحى الجاي
• استفسارات
• ترتيب رحلتي للنمسا

احجز اول المقاعد

وأهم سؤال


هل تنصح بالذهاب الي النمسا في الشتاء ؟وهل قمت بإستئجار سيارة لك هناكـ؟؟؟

ثالث مقعد اخوي وعلى احر من جمر
ولي هذي البداية اكيد بيكون تقرير مشوق

رابع واحد وشوفني رافع ايدي

واصل ياملك واحنا متابعين

نروح للبزنس والضيافة

اهم شي مايفوتنا التقرير

متابع

هلا فيك اخوي احلى التفاصيل ..

باين على التقرير من بدايته انه مميز .. وبنتظار ابداعتك ..

وشكرا لك على ما سطرت في حقي وانت تستاهل .. ونتشرف فيك

تقبل مروري وتحياتي

وباقي المقاعد أنا حاجزها حبيبي
الله الله إحنا معاك وأنا إن شاء الله رحلتي في أبريل
ومستني منك كل التفاصيل

هلا أخوي أحلى التفاصيل

أولاً الحمد لله على السلامة

ثانياً الله يعطيك العافية تقرير باين عليه ممتع و مميز

مادري فيه مقاعد ؟؟ ولا خلصوها الشباب !!

بنتظارك

وااااااااااااااااااااو

ما شاء الله عليك تقرير من بدايته قوي ورائع ...

تعجبني التقارير المفصلة والدقيقة لانها راح تفيد الكل ..

_____


كانت تفاصيل الحجوزات كالتالي..



و التقييم بيكون ان شاء الله خلال السرد..


نفسي اعرف تقييمك لهذه الفنادق ؟؟
لاني سبق وان سكنت فيها في رحلتي الاخيرة في سبتمبر

متابعين معاكم

ترقبوا


يوم السفر و أول أيام الرحلة غدا ان شاء الله

اشوا لحقت عليكم قبل الاقلاع

خلوني اشوف لي مكان اجلس فيه ... فوكس افحز شوي تراك ماخذ كرسيين ترى ممنوع تحجز لربعك

بداية مووووفقه أخوي أحلى التفاصيل و متابعين لك بس كلم فوكس يوخر شوي

الكتاب باين من عنوانه و منتظرين بشوق لمتابعة تقريرك

ننتظر أدق التفاصيل .. متابعين
ما شاء الله قمة التشويق ..

ياهوووووووو استنوني
ابغى مقعد ....
لاتتاخر علينا بالتقرير ..بداية موفقه ..

المشاركة الأصلية كتبت بواسطة yas599
http://www.arabtravelersforum.com/tr...6/#post4763096

ياهوووووووو استنوني
ابغى مقعد ....
لاتتاخر علينا بالتقرير ..بداية موفقه ..



تعااااااااااااال..

لقيت كم مقعد موزعين هنا و هناك..

و التكملة بتنزل بعد برهة..

[center][color="Blue"][size="6"][font="times new roman"]




يوم السفر.. و اليوم الأول..
23 و 24 ديسمبر 2010






بما انه الرحلة في وقت الفجر.. قررنا نطلع للمطار من وقت شوي.. عشان ما نعذب السايق.. يعني يوصلنا و يلحق يرجع يريح و ينام.. وصلنا المطار قبل الرحلة بـ 4 ساعات تقريبا.. و خلصنا الاجراءات و الجوازات و التفتيشات و قررنا ناخذ وجبه خفيفة قبل السفر.. لانه الخطة انه ننام في الطيارة عشان نوصل مصحصحين و نروح نكمل جدولنا من اول يوم..
و بما اني طريت الجدول.. كانت خطة الرحلة كالتالي..

الوصول الى مطار فيينا..
التوجه إلى محطة القطارات الغربية..
اخذ قطار الفجر (دايركت) الى زيلامسي..
و التجوال في انحاء زيلامسي..





نرجع للمطار.. طبعا ريحنا و كلنا و تجولنا و الوقت بعده!!.. بعدها رحنا للبوابة لانه مثل ما قالنا موظف الطيران انه الطائرة موقفة بعيد و بنروحلها بالباصات..

و الحمدلله.. الساعة 2:35 فجرا بتوقيت الامارات انطلقت الرحلة كاملة العدد..
و خلال الطريق ما قدرنا نرقد لانه الكراسي تعتبر ضيقة مقارنه بطيران الامارات.. بالاضافة انه الكرسي ما كان مريح و الترفيه في الجو محدود..


أترككم مع كم صورة للمطار و الطيارة..


المطار



المطار..



المطار..



حبيب القلب



من الطائرة..



نخلة دبي



وقت الوصول على حسب شاشة المعلومات..



خط الرحلة وقت الوصول..





و على الساعة 5:35 فجرا بتوقيت فيينا.. هبطت بنا الطائرة في مطار فيينا الدولي..
بعد ختم الجوازات ذهبنا لاستلام الشنط.. و طلعت بسرعة..


الاجواء كانت شبه باردة

صور رائعه زيلامسي رائعه حتى في الشتاء

مجهود رائع و صور أكثر من رائعة

ما أجملك يا زيلامسي رغم الثلوج و الجو البارد

بس ياشين نظام الاجازات كل شي مسكر ، و احس تغيرت ترتيبات كثيره بسببها . صح ؟

تقرير رائــع ..
الحين ماهي درجه الحراره في نهايه شهر فبراير او بدايه شهر مارس في النمسا ..
برد او ثلوج او امطار او معندل ..

ثلج مرة وحدة !! و احنا المطر حتى ما محصلينا !!

حلقة ممتعة أخوي

وبنتظارك

مشكور على التقرير الجميل
شتاء روعه وتوقيت ارواع

انا انشالله راح الحقك على زيلامسي بعد شهرين ونص انشالله

وانشالله راح انزل في نفس الفندق لانو كثييير نصحوني فية

وماني عارفة فين انزل في سالزبرق وفي فينا وفي ميونخ والله ييسر كمل بقية التقرير

خلينا نشوف تكملة تقييمك عن بقية الفنادق

متابعيييييييييييييييين .....

على العموووووووووم ما ادري في اي درجه
او مقعد
لكن باكون من المتااااابعين
الى الأماااااااام

يالله ياحبيب قلبي وين باقي التقرير وإلا ترى ألغي الحجز معاك وأشوف واحد ثاني
تحياتي ياقمر

هذي التقارير اللي ترد الروح

تنسيق ترتيب معلومات صور ... جذيه التقارير السنعه


شكرا من القلب لك ... و واصل فنحن بأنتظارك يوميا ..


سؤال


المسافه بين زيلامسي و موندسي ... كم تبلغ

لأني سبق وذهبت أليها من سالزبورغ والمده ساعه تقريبا .. فهل هي نفس المده ..؟؟

ما أجمل ان ترى الثلج وتحس به وهو يلامس بشرتك .. احساس روعه

مشكور عزيزي احلى التفاصيل .. وبجد التفاصيل معك غييييير

اشكرك على الصور الحلوه و اعجبتني تصوير الثلج و هو نازل .. بس عسي ما واجهتوا مشاكل مع السكارى

في انتظااااااااااااااارك

متابعه معاك
وتقرير ولا احلى

متابع



ماشاء الله الأجواء جميله , كما أرى , وكما سعدت بتصويرك لعالم سوارفسكي
ولعلمي ان التصوير في الصيف ممنوع , فـ اعتقد ان التصوير في الشتاء مسموح

أشـكـرك مـن الـقـلـب عـلـى هـذا الـتـقـريــر الـرررراااائــــع .. تسلم إيدياتك

و مـتـابـعـك مـن الـبـدايــة .. أكـمـل و سـطـر لـنـا هالـروائـع بـأنـامـلـك الذهبية يالحبيب


*** قـيـادة السيارة بالنمسا شكلها سهله .. و الطرق دايماً غير مزدحمة حسب صور الأخوة !!

مراحب لكل الاعضاء ارجو مساعدتي في اختيار الطيران المناسب والرخيص الى النمسا من خلال تجربتكم مع العلم مخططه اسافر في شهر 7 من الرياض وثاني شي كم يوم تكفي بالنمسا لاني مرتبطة بدوام ورصيدي يكفي ل 10 ايام هل تكفي؟؟
وثالثا واخيرا معليش طولت عليكم كم الميزانية للسفرة كاملة ودي بتقرير مفصل بالاسعار بالنسبة للسكن والطيران والمواصلات والمصروف اليومي للايام المحدده....
شكرررررررا لتعاونكم

اختي nono200 مرحبا فيك

بالنسبه للطيران أنا حجزت قبل فترة بسيطه على الخطوط المصريه عن طريق القاهره بـ 2200 للشخص الذهاب لفينا و العوده من ميونخ .. انا اشوف انها اوفر الخطوط و مستواها كويس

اما عن هل تكفي عشره ايام اتوقع تكفي و تقدرين بترتيب الجدول بشكل دقيق زيارة اهم الأماكن في النمسا و المخطط ممكن يكون يومين فييا - يومين سالزبورغ - اربعة ايام زيلامسي - يومين ميونخ و انصح و بقوه استئجار سياره لاستمتاع اكثر

الميزانية تختلف من شخص لآخر و على حسب السكن اللي بتسكنين فيه فنادق فخمه والا متوسطه او حتى شقق و يمكن تستفيدين من المواضيع المثبته لأخذ التفاصيل بس اتوقع تقريباً 25 الف كافيه لشخصين مع العلم انه يعتمد على صرفكم و اكبر دليل اختنا دره كلفتها رحلتها هي و زوجها و اثنين من عيالها 30 الف

تحياتي لك

المشاركة الأصلية كتبت بواسطة nono200
http://www.arabtravelersforum.com/tr...6/#post4787686

مراحب لكل الاعضاء ارجو مساعدتي في اختيار الطيران المناسب والرخيص الى النمسا من خلال تجربتكم مع العلم مخططه اسافر في شهر 7 من الرياض وثاني شي كم يوم تكفي بالنمسا لاني مرتبطة بدوام ورصيدي يكفي ل 10 ايام هل تكفي؟؟
وثالثا واخيرا معليش طولت عليكم كم الميزانية للسفرة كاملة ودي بتقرير مفصل بالاسعار بالنسبة للسكن والطيران والمواصلات والمصروف اليومي للايام المحدده....
شكرررررررا لتعاونكم




يا هلا.. بنونو..

انا من تجربتي بادارة ميزانية السفر.. توصلت للتالي.. تقدرين تحسبينها تقريبا انه الشخص الكبير يكلف عشرة آلاف ريال/ درهم لمدة اسبوع في اوروبا.. تشمل الطيران و الفندق و المشاوير و التسوق البسيط.. و احتمال تزيد و تنقص على حسب الخيارات و الصرف..

و لمزيد من المعلومات ادخلي ع التقارير السابقة للاعضاء و ان شاء الله بتفيدج



و اجابة ميشو كافية و وافيه..