الموضوع: مساعده بفنادق في زيورخ ولوزان ولوسيرن

السلام عليكم
ممكن تساعدوني بفنادق تكون جيده وموقعها مناسب واسعارها مقبوله في شهرمايو في زيورخ يومين ولوزان يومين ولوزيرن يومين وماراح يكون معنا سياره
وهل فندق رمادا زيورخ مناسب للي مامعه سياره؟
* من الموبايل

مواضيع عشوائيه ممكن تكون تعجبك اخترناها لك:

• استفسار ومساعدة هل يوجد قطار من ميونخ إلى زيورخ دايركت وبعض المحطات الأخرى
• افضل الأماكن في سويسرا
• خادمة فلبينيه ودخول سويسرا
• ابو عزيز وأبو مساعد وخبراء سويسرا بحاجة كم
• مالفائده من زيارة مصنع شوكلاته ؟؟؟
• ضرورري ،، بغيت مساعدتكم؟؟ اول مره اسافر اوروبا ؟؟
• المساعدة في ايجاد شقة او كوخ
• المسافات بين أهم المدن السويسرية
• سائق وتوصيل مشاوير ومرشد سياحي في سويسرا
• ياليت تفيدوني وتساعدوني الله يسعدكم
• طلب برنامج سياحي لمدة يوماً لزيارة كلا من سويسرا و النمسا و ألمانيا
• مساعده في ترتيب جدول رحلتي
• وين أفضل إستلام السيارة بمطار جنيف ؟
• استخدام البلاك بيري في سويسرا
• طلبتكم مساعدتي الله يجزاكم خير ، رحتي بعد ايام
• شكرا للملك ابو عزيز ولكل من كتب في بوابه سويسرا
• شهر عسل لمده ايام
• اريد افضل وارخص شقة بإنترلاكن؟
• جدول سويسرا لمدة 5 ايام
• افيدوني شباب و صبايا

التواريخ لا هنتم ..


وبالنسبة لفندق رمادا ..يبعد عن المحطة بالترام 22 دقيقة ..ويكون فيها تبديل واحد .


بالتاكسي تقريبا 10 دقائق .

الله يكون بعونك اخوي على هالتنقلات ..


على العموم .فندق رمادا اذا ناسبك سعره وموقعه ..توكل على الله واحجز فيه ..هو مو قريب مررة من محطة القطار ..يعني ملاصق له ..بعيد شويتين وتروح له بالترام ..يعني بالمواصلات العامة .


=======
فندق مقترح في لوزيرن :
http://www.booking.com/hotel/ch/hote...X2&aid=1329869








لوزان:
http://www.booking.com/hotel/ch/elit...X4&aid=1329869


http://www.booking.com/hotel/ch/au-l...X1&aid=1329869




http://www.booking.com/hotel/ch/du-p...X3&aid=1329869






في زيورخ :
رمادا


او هذا:




http://www.booking.com/hotel/ch/book...D1&aid=1329869








والامر راجع لك اخوي .
وبالتوفيق

الله يعطيك العافيه اخوي ميدو ماقصرت
لكن عندي استفسار هل الفنادق الي ذكرتها مجربه ؟ لان السكن مهم بالنسبه لنا من الموبايل

الله يعافيك والشر ما يجيك.
.


والله انا ما جربتها شخصيا ..لكن التقييم يغنيك باذن الله..
وممكن تشوف ايضا موقع التريب ادفايزور ..تلقى تقاييم للفندق ايضا .


وفكرتي في الفنادق ..يا تكون اربعة نجوم وفوق ..او ثلاثة نجوم مع تقييم عالي ..ايهما افضل بالنسبة لك .
السعر له دور ايضا .




وبالتوفيق

صح كلامك واوفقك بالرأي ممكن ثلاث نجوم لكن التقييم مرتفع والاسعار كل الفنادق المجربه ويمدحونها الي بالمنتدى ماتنزل عن الالف ريال في ميلان وبكل المدن السويسريه وهذا الي خلاني اطلب المساعده قلت ممكن الاقي فنادق جيده وموقعها مناسب للي مامعه سياره وسعرها اقل من الف ريال من الموبايل

ما دام ان تنقلاتك بالقطار ..ما عندك مشكلة ..التعب عليهم والاستمتاع عليك ..


وشوف اللي اللي يناسبك ..واذا عزمت خلاص خبرنا عن المخطط النهائي للاطلاع فقط .


وبالتوفيق

السلام عليكم الله يوفقك
ممكن تساعدني في ترتيب المدن على حسب المسافات
اناعرفت ارتب ميلان لوغانو لوسيرن زيوزخ لكن باقي المدن هذي مادري وين احطها
(رست انترلاكن لوزان والنهايه ميونخ مادري كيف ارتبها بحيث تكون المسافات اقل

الله يعطيك العافيه على المساعده
ان شاءالله راح اشتري السويس باس ومهمه جدا لنا عشان تنقلاتناكثيره وكلها بالقطار لكن مادري من وين والي خوفني اكثر ان قريت بااحدالتقارير انهم اسالو عنها بالمحطات ومااحديعرفها هل اقدر اشتريها من النت؟ من الموبايل

اول ما توصل محطة لوقانو ..ممكن تشتريها من محطة القطار .او من اي مكتب بريد في سويسرا ..


فقط انت تحتاج اسم السويس باس + عدد الايام .


وبيني وبينك ما جربت واشتريتها من النت .


لكن تحتاج تقرا موضوع العمدة ابو عزيز






فوائد الباس ومعلومات هامة:لابد من إبراز جواز السفر عند الشراء

العملية بسيطة جدا ادخل على booking.com , ebookers.ch ,وكل شئء سكون امامك من معلومات تريدها واسعار ومواقع والخ

السلام عليكم
اناتقريبا خلصت من الفنادق وان شاءالله راح احطها هنا عشان تعطوني رايكم
بس فيه نقطه انا وجودي في زيورخ راح يوافق سبت واحد هل هي ممله بهاليومين والا لا؟ من الموبايل

المولات في يوم السبت ان شاء الله مفتوحة ..


ويوم الاحد راح تلقى المولات والمحلات مقفلة ...ويبدأ نشاط الاسواق الشعبية .


وان شاء الله ما فيها ملل ..اطلع برحلة على بحيرة زيورخ ..تنسى ابو الملل كله .


وهذه بعض الانشطة في زيورخ في هذا الموضوع :


http://www.arabtravelersforum.com/tr...b=user_related




سويسرا تتحدى الملل

مشكور اخوي بس وش رايك بالفندق هذا من ناحية الموقع لاني مامعي سياره
Agora Swiss Night
الغرفه اعجبتني اكثر من فندقAulac من الموبايل

السلام عليكم الحمدلله خلصت من حجز الفنادق وكلها طبعا قابله للتغير وللاستردادوراح اذكرها هنا عشان اخذ رايكم فيها
بس حبيت اسألكم عن الخطوه الي سويتها
اناحجزت اليوم من بازل الي رست لانها ماتشملها السويس باس انا راح اكون جاي من لوزان الي رست لكن قلت مدام معي سويس باس اقدر اروح من لوزان الى بازل من غير تذكره عشان معي سويس باس صح الي سويته والا فيه مشكله؟؟ من الموبايل

اذا تقصد من بازل لرست طلعت 38يورو لشخصين بس ارسلو لي تذكره وحده تكفي لنا كلنا انا كاتب بخطوات الحجز انه شخصين من الموبايل

من اي موقع ؟.


انا اتكلم على موقع القطاراات السويسرية .


واذا حولت بين اليورو والفرنك ..يطلع نفس السعر ...تمام .






وهذا الموضوع راح يفيدك أكثر :
http://www.arabtravelersforum.com/tr...b=user_related

اناحجزت بموقع القطار الالماني
لكن ودي اطلب منك طلب ابيك الله يجزاك خير تساعدني بسعر السويس باس لشخصين مده 8ايام والسعر لمدة15يوم ابي اشوف الفرق والصراحه عجزت اطلع السعر الاكيد
وانا مدة وجودي بسويسرا(11ليله) ومحتار اخذ 8ايام والا15يوم من الموبايل

الله يجزاك الجنة أخوي..


راح اوحد مكان شراء السويس باس ..وهو من القطارات السويسرية ...لشخصين .
سعر 4 ايام 477 فرنك
سعر 8 ايام 683 فرنك
سعر 15 يوم 825 فرنك.


فكرت انك تاخذ ابو 4 وابو 8 ايام ..عشان يصير المجموع 12 يوم ..لكن طلع المبلغ 1160 فرنك .
وهذا اغلى من انك لو اخذت ابو 15 يوم .




فيبقى المناسب لك من وجهة نظري سويس سيفر باس لمدة 15 يوم .
Swiss Saver Pass 15 days

السلام عليكم
حجوزاتي للفنادق ياليت تعطوني رايكم فيها وتساعدوني بترتيب الجدول السياحي يعني اناعارف الاماكن السياحيه لكن الي مااعرفه ترتيبها وكم المده الي تكفي لكل مكان
اليوم الاول 11مايو الوصول الى ميلان والجلوس فيها ثلاث ليالي في فندقStarhotels Echo
اليوم الاول الوصول الساعه وحده ونص ظهرا الراحه والتجول في ساحة الدومو
اليوم الثاني فينيسيا ذهاب وعوده بنفس اليوم
اليوم الثالث جاردا
اليوم الرابع الخروج من ميلان والتوجه الي لوغانو الصباح ممكن يكون في كومو وبعدين اذهب الي لوغانو
اليوم الرابع14/مايو لوغانو والبقا فيها ليلتين في فندقLugano Dante Center
*الاماكن الي حاب ازورها سويسرا المصغره /جوله بالباخره /بس مادري وين اروح بعد؟؟ماابغى تسوق بالاولت لت لان تنقلاتي بالقطار ماابي يكون اغراضي كثيره
اليوم السادس التوجه بالقطار الي لوزيرن لمدة ليلتين في فندقAmeron Hotel Flora
التجول فيها والجسر وتمثال الاسد وقمة تتلسً
اليوم الثامن الذهاب الى زيورخ لمدة ليلتين في فندق swessotel شلالات الراين +التجول في زيورخ والبحيره وين اروح غيره؟
اليوم العاشر الذهاب الي انترلاكن والبقا في ثلاث ليالي في فندق كربس ابي اروح للشلات والبحيرتين ووين اروح غيرها عندي ثلاث ليالي لكن ماابي القمه لان مشوارها طويل وغاليه واتوقع قمة تتلس تكفي عنها
اليوم الثالث عشر الذهاب الى لوزان والبقا فيها ليلتين في فندق *aulac اليوم الاول التجول في لوزان ومنطقة اوشي واليوم الثاني الذهاب الى منترو ومصنع الشوكلاته ومادري يكفي الوقت اروح لجنيف والا لا؟؟
وكيف اروح مع قطار الشوكلاته ولو فاتني القطار لاني راح اكون جاي من لوزان فاخاف مايمديني اجي لاني زي ماعرفت لاني لازم اكون متواجد قبل الساعه9
اقدر اروح للمصنع لوحدي بالقطار اوالباص؟وايش المحطه الي توصلني للمصنع
اليوم الخامس عشرالتوجه من لوزان الي رست والبقاءفي رست ليله وحده في فندقPension Im Sunnegässle
سؤالي هنا كيف ااصل للفندق هو يبعدعشردقايق مشي من اوروبابارك اناعارف ان الباصً راح يوصلني من المحطه الي الملاهي لكن كيف القى الفندق خاصتن اني مستعجل راح احط اغراضي واتوجه للملاهي ماعندي غيريوم
اليوم السادس عشرالتوجه الساعه10ونص الى ميونخ والبقاءفيهاليلتين في فندق في NH München Deutscher Kaiser
واليوم الثامن عشر يوم المغادره تاريخ28مايو الساعه4مساء
عطوني رايكم بالمخطط والفنادق وساعدوني بالاماكن والبرامج السياحيه يمكن فيه اشيا تستاهل اروحلها ماذكرتها ساعدوني فيه
وجزاكم الله الف خير* من الموبايل

الله عليك اخوي ميدو الصراحه ماقصرت الله يوفقك ويسعدك دنيا واخره
على كثرماقريت مواضيع وتقارير الا انه ينقصني الشي الكثير وعندي كذا استفسار
ايش تقصد بالقطارالبانورامي ؟ هل يعني بدال مااروح من انترلاكن للوزان بالقطارالعادي اروح بالبانورامي؟ وهل هو مجاني مع السويس باس؟
والشي الثاني مافهمت قطارالشوكلاته هل اكون رايح تبع قروب والاكيف يعني مافيه الاهالوقت الساعه9الاعشراذامارحت بالرحله هذي خلاص راحت علي؟ وهل هي مجانيه مع السويس باس؟
والفندق الي ذكرته برست دخلت بوكنج قبل شوي بس مالقيته
واخيرا وجودي في زيورخ سبت واحد ماتكون المحلات مسكره الي بشارع البانهوف؟ من الموبايل

للاسف لقيت كل فنادق اوروبابارك فل في تاريخ25مايو من الموبايل

خليك مبدئيا على الفندق حقك ..وشيك بين كل فترة وفترة على الفنادق الخمسة عن طريق بوكنج ..الا ما تلقى شي فاضي ..
البلا ان يوم 25 يصادف يوم سبت وفيه احتفال كبير مدري عيد وطني . كويس تلقى مهرجان تنبسطون عليه .




على العموم ...الصبر زين .

الله يعطيك العافيه
وان شاءالله راح اشيك كل كم يوم واشوف لاني فعلا تحسفت اني مااخذت من فنادق اوروبابارك عشان مااضيع الوقت بالبحث عن الفندق
حلووو انه فيه احتفال نغير شويه ويمكن المهرجان يخفف الزحمه على الملاهي  من الموبايل

معليش تحملني كثرت عليك الاسئله
لكن لما حاولت ادخل المواقع عشان قطارالشوكلاته لما اضع التاريخ 24مايو يرفض فحبيت اتأكد يمكن مااقدر اروح بقطارالشوكلاته بشهر مايو يعني منً يونيو وكذا يبدا مثل بعض اللاماكن السياحيه الاخرى* من الموبايل

والله من رأيي خليك على الفندق الاول .إلين ماتلقى بوسط مدينة الالعاب ..


واالامر راجع لك أخوي.

وعليكم السلام ورحمة الله وبركاته.

الله يبشرك بالخير اخوي ويجزاك الجنة.

واالله يسهل لكم سفرتكم يا غالي.

واذا عندك اي استفسار ، ترانا حاضرين.

وبالتوفيق من الموبايل

ممكن ليش لأ ..الرحلة تصير مجانية ..


اسم محطة نستله :
Broc-Fabrique


اسم محطة باص القلعة في مدينة جريير :
Gruyères, ville




اسم محطة جبل ميلسون :
Moléson-sur-Gruyères


وهذه توصل لها من محطة الباصات الموجودة بالقرب من محطة قطار جريير ..وتروح للمحطة حق ميلسون .
ثم تطلع بالفونكلير ..الى مطل Plan-Francey
ثم بالتلفريك الى قمة الجبل .


العودة لجنيف من محطة ميلسون ..ساعتين ونص .




انصحك تدخل موقع القطارات وتشوف المسارات الموجودة .


http://www.arabtravelersforum.com/tr...b=user_related


يعني تحط جنيف باالاول ..ثم بروك ..ومن بروك الى جريير ..ومن جريير الى ميلسون .,ومن ميلسون الى جنيف .




وبالتوفيق

السلام عليكم
انا عندي ليلتين في لوزان وراح اكون جاي قبلها من انترلاكن وحاب بالمده الي اكون متواجد في لوزان ازور جنيف ومونترو ومصنع الشوكلاته وغرير وجبل ميلسون
واتمشى بلوزان طبعا كيف ارتب البرنامج بحيث يمدين اشوفهم كلهم؟؟

هلا والله اخوي الله يجزاك خير
فكرة الشحن ممتازه بس كيف طريقتها وكم التكلفه وهل اقدر اشحنها من انترلاكن للوزان وانا اروح من انترلاكن لمنترو عشان البانورامي؟
وبالنسبه لايفيان الصراحه مافكرت فيها بس هل هي تستاهل وايهم احلى ايفيان والا منترو والا جنيف؟

المشاركة الأصلية كتبت بواسطة zaad2006
http://www.arabtravelersforum.com/tr...8/#post7730388

هلا والله اخوي الله يجزاك خير
فكرة الشحن ممتازه بس كيف طريقتها وكم التكلفه وهل اقدر اشحنها من انترلاكن للوزان وانا اروح من انترلاكن لمنترو عشان البانورامي؟
وبالنسبه لايفيان الصراحه مافكرت فيها بس هل هي تستاهل وايهم احلى ايفيان والا منترو والا جنيف؟



.

الله يجزاك الجنة .


الشحن ممكن تسأل عنه في محطة قطار انترلكن اذا ودك لمزيد من الاستزادة .
وهذا الموجود في موقعهم
http://www.sbb.ch/en/station-service...s/baggage.html


وتقريبا للشنطة 22 فرنك ..وممكن يكون في تخفيض اذا كان معك السويس باس .


وفيه فكرة ثانية ..انك توصل لوزان ..وتحط الشنط في صناديق الامانات في محطة القطار ..ثم تروح لجنيف ..وترجع تستلمها .




وممكن تشحنها الى لوزان ..وتطلع انت بالقطار البانورامي الى مونترو ..ومن مونترو الى جنيف ..ومن جنيف الى لوزان وتاخذ الشنط بعد الساعة السادسة مساءا .




ايفيان هي القرية المشهورة اللي تنبع منها المياه المعروفة ايفيان ..وهي قرية صغيرة وممكن تقرأ عنها التقارير الموجودة في المنتدى


http://www.arabtravelersforum.com/travel113096/








وبالتوفيق

وش دعوه مااحد عنده معلومه عن الفيش