الموضوع: خمس ايام في انترلاكن

السلام عليكم ورحمة الله وبركاته
عندي رحله الى سويسرا
واتجاهي الى مدينة واحده وهي انترلاكن

خمس ايام في انترلاكن من يوم 4/6/2013 الى 9/6/2013

انا قريت من المنتدى عن الكثير من الاماكن السياحيه
بس احترت
اذا ممكن تعطوني افضل الاماكن اللي المفترض اني ماافوتها في رحلتي

وشاكرين لكم تفاعلكم

مواضيع عشوائيه ممكن تكون تعجبك اخترناها لك:

• مطار زيورخ والتاكس فري
• اول مره اسافر اوروبا ممكن مساعده
• الطريق من ميونخ الي جنيف بالسيارة
• للورد حجز القطار من باريس الى انترلاكن ساعدنا
• رتبت رحلتي الى اوروبا واحتاج رايكم في بعض التعديلاتت
• اسافر شهر نوفمبر ولا نآجل السفر لشهر ابريل ؟؟ رايكم لو سمحتوا
• استفسار عن مدن سويسرا
• ساعدوني بترتيب جوله اوروبيه لـ ٣ دول خلال ١٥ يوم
• تكفون بكرة مسافر وماعندي جدول سفرة عمل اضطرارية
• معلومات عن رحلاتنا السابقة لسويسرا الحبيبة إلى قلبي
• فندق
• وصلتني رساله من يورب كار
• تقرير رحلاتي لصيف لكل من لوقانو لوسيرن مونترو انترلاكين لوزان جنيف
• فزعتكم ياهل الخبرات
• مساعدة في حجز شاليه فندق في انترلاكن
• فندق
• استفسار عن فنادق
• أحتاج إجابة على هذه الاسئلة
• استفسار بخصوص الشنغن والحجوزات الوهمية
• رحلتي الي سويسرا Switzerland

http://www.arabtravelersforum.com/travel108099/

السلام عليكم ورحمة الله وبركاته،

اخوي ممكن تفيدنا بمحطة الوصول والمغادرة،،،

يعني من فين رايح لانترلكن ومن فين راح تطلع،

وفي انتظارك اخوي من الموبايل

يعطيك العافيه ياملللوك على برنامج الست ايام

بالنسبه لمحطة الوصول والمغادرة ياmedo77
انا بجي ان شاء الله من زيلامسي من النمسا
وبتجه بعد انترلاكن الى باريس بإذن الله

ومشكور على تفاعلك واسف على التاخير في الرد

فيه شي ثاني احب استفسر عنه
اذا عندك خبر او توجهني الى شخص يخبر عنه شي
الا وهو تحويل الفلوس
احولهم من هنا؟
متى احولهم ؟
هل احولهم من ذا الحين او انتظر قبل السفره بفتره بسيطه
او اشوف اذا اليورو صار نازل سعره احولهم
لاني اخاف اذا اقربت الاجازه يرتفع سعر اليورو

ومشكورين على تعاونكم

مشكور وماقصرت

تعجز كلمات الشكر عن شكرك
لاني اخذت من وقتك
بس بصراحه افدتني كثير وفكيت حيرتي الله يفك حيرتك
وان شاء الله اقدر ارد لك ذا الجميل

ادري اني كثرت عليك بس ودي بسوال
تنصحني اني استاجر سياره
لاني دخلت على شركات التاجير حصلتهم كانهم غالين
مع العلم ان حنا شخصين انا وزوجتي بس

انا فكرت في اكثر من خيار
الخيار الاول اني استاجر سياره للتنقلات الداخليه يعني داخل انترلاكن
الخيار الثاني اني استاجر سياره للتنقلات بين الدول من زيلامسي واسلمها في انترلاكن اول مااوصل ومن انترلاكن واسلمها في باريس او مااوصل
الخيار الثالث مااستخدم السياره واتوكل على الله ثم على الباصات والقطارات والذي منه

ياليت مثل ماساعدتني في الاول بكرمك
تساعدني في هذا الاختيار
وش ترشح الخيار الاول او الثاني او الثالث

ومشكور على المساعده وان شاء الله في ميزان حساناتك

العفو اخوي ،،وجمعة مباركة،،

وخذ راحتك بالاسئلة، لا تخلي في نفسك شي،
،


بالنسبة لخيار السيارة،،،ممكن سعرها مرتفع لان الاستلام والتسليم في دول مختلفة،،،وهذا شي طبيعي،


بالنسبة للقطارات،،هي مريحة لكن لابد بالالتزام بالوقت ،، مو مثل السيارة ،،حرية تامة في التنقل،


واعتقد ان الخيار الاول انسب من وجهة نظري،،ويوجد مكتب لشركة يوروب كار في الشارع الرئيسي لانترلكن،


هل شيكت على موقع شركة سيكست ،، ؟؟ ،،،، بس مدري من فين راح تستلمها ،،من ميونخ ولا فيينا ،، يعني مدينة الوصول،
جرب كذا وكذا ،،وحط التسليم في العاصمة بيرن في محطة القطار ،
ولو تفيدنا ممكن نساعدك ،



وبالتوفيق من الموبايل

تسلم وماقصرت
كفيت ووفيت
ومادام هذا نصيحتك اني استخدم السيارة داخل المدينة
باخذ لي رخصة قيادة دوليه
احتياط ممكن استعملها وممكن لا
اذا رحت هناك بشوف الاسعار
ممكن مع بطاقة السياح يكون فيه تخفيض

(ولو تفيدنا ممكن نساعدك)
انا مخطط رحلتي الوصول في فيينا يوم وبروح لزيلامسي اربع ايام وبعدها انترلاكن خمس ايام وبعدها باريس اربع ايام

مشكور وماقصرت
لا خلا ولا عدم

العفو اخوي ..


والله فيه امكانية انك تعمل حركة توفيرية بحتة ..وبسيطة .


في مدينة المانية قريبة جدا من سالزبورغ اسمها فريلايسنج ..وممكن تروح لها بالتاكسي ...وتاخذ السيارة منها .
والتسليم يكون في مدينة لوراخ ..قريبة جدا من بازل .


الشركة سيكست .
http://sa.sixt.com




هذه اسم مدينة فريلايسنج :
Freilassing


وهذه اسم مدينة لوراخ :
Lorrach




وتحديد التاريخ ..
ومن وجهة نظري ...انك تطلع بالقطار من فيينا الى سالزبورغ ..ومن سالزبورغ الى فريلايسنج بالتاكسي وتاخذ السيارة وتنزل على زيلاميسي .
او تنزل من فيينا الى زيلاميسي ..واليوم الثالث او الرابع تروح تستلم السيارة .






مكتب لوراخ بالقرب من محطة القطار ..وتطلع منه الى باريس ..والمدة ثلاث ساعات ونصف ..وراح تعمل تبديل للقطار في بازل .




بس انتبه لحكاية المواعيد ..متى بالضبط تستلم السيارة ومتى التسليم .




==========
او انك تاخذ السيارة من فيينا ..او من سالزبورغ ..وتسلمها في محطة زيورخ او بازل ..بس السعر يفرق ممكن الف ريال واكثر .


==========


وممكن مثل ما تفضلت تاخذ السيارة من انترلكن لفترة مكوثك فيها ..لكن لا تغامر وتقول ممكن القى سيارة ..لازم تحجزها قبل لا توصل انترلكن .




وبالتوفيق

الله يوفق الجميع ان شاء الله

سويت بحث صغير


استخدمت موقع سيكست لايجار السيارات
وموقع قطارات اوربا لتذاكر القطار


وطلعت معي النتايج التاليه


من فيينا الى زيلامسي بالقطار ( 137يورو) (ريال 684)
سياره من فيينا الى سازبورج 200ريال وطالع (لانه مالهم مكتب في زيلامسي)
النتيجه : السيارة ارخص من القطار فيينا الى زيلامسي
سياره داخل زيلامسي 174 الى 300 ريال لليوم الواحد (طبعا بتاخذ السياره من سازبورج 53 كيلو تقريبا)



التالي
قطار من انسبرج(مدينة قريبه من زيلامسي) الى انترلاكن 246يورو 1226 ريال
سيارة من سازبورج (مدينة قريبه من زيلامسي) الى بيرن (مدينة قريبه من انترلاكن) من 580 الى 664 ريال (مالهم موقع في انترلاكن)
النتيجة : سياره من زيلامسي الى انترلاكن ارخص من القطار
سياره داخل انترلاكن 430 ريال وفوق لليوم الواحد(بتاخذ السياره من اقرب مدينة)


التالي
قطار من انترلاكن الى باريس 249 يورو 1243 ريال
سيارة من انترلاكن الى باريس 1100 الى 1300 ريال
النتيجه : من انترلاكن الى باريس القطار احسن وارخص
سياره داخل باريس 179الى 300 ريال لليوم الواحد


اتوقع اني ابتبع النتايج

ليش ما تستأجر سيارة من فينا وتسلمها بباريس !
تكلفك أقل من 7000 ريال وترتاح من شخططة القطارات والعفوش
وترتب جدولك على راحتك
أحس السيارة نعم المؤانس
ننتظر تجربتك اللي إن شاء الله تكون من أروع الرحلات