الموضوع: المعونة يأخوان

[align=center]اخوكم المتأخر في إجراءاته دائما للداراسة في امريكا :101: يطلب المساعدة

تو واصلني اليوم أو بالاصح أمس بالليل الـ i-20 من جامعة UNIVERSITY OF MAINE
بمدينة ORONO عن طريق الفاكس
اللي مستغربة انهم متصلين على جوالي أمس :114: مرتين بس الخط
ما رضي يمسك :108:

المهم أولا رحت الوزارة اليوم الصباح قالوا لي تعال بالليل؟
وش رأيكم

ثانيا هم يقولون ما عد يبون تقديم بكالوريس(مثل ما هو بالموقع حقهم) فهل اقدر أمشي اوراقي ولا تمشي بالسهال عادي؟
افيدوني

ثالثا اذا رفضوا يعملوا لي خطاب للسفارة بحجة انهم قفلوا وبيفتحون بعد فترة هل الجامعة ما عندها مشكلة في التأخر سمستر سمسترين ولا لازم ابلكيشن جديد وi-20 جديد
مع العلم ان دراستي في 10 يناير 2006 ؟؟؟

رابعا السفارة في الرياض كيف اقدر احصل موعد معاهم هل في أرقام أو طرق اخرى لأخذ موعد معاهم
وهل الفاكس يغني مثلا؟؟

خامسا ابي رقم وفاكس السفارة اذا ممكن :109:

أفيدوا أخوكم المتأخر الله يجزاكم خير[/align]

مواضيع عشوائيه ممكن تكون تعجبك اخترناها لك:

• سؤال عن معهد و
• استفسار مهم
• سؤال عن الفيزا بخصوص الدراسة في معهدين في ولايتن مختلفتين ؟؟؟؟؟
• بعثات جديدة لحقوا عليها؟؟
• تم التسجيل موعد في السفارة
• معلومات حول جامعة
• اسعارالسكن في جميع مناطق امريكا تجدونها هنا بالتفصيل
• أخواني بدرس ثانوية بهيوستن في تيكساس بأمريكا مساعدة سريعة
• ما افضل الجامعات فى كندا لدراسه الطب
• اختكم محتاجتكم بســـؤال
• بورد طب الاسنان؟؟؟؟
• هل هنا من يملك الإجابة الوافية
• من داخل أسوار فندق الفهد كراون تفاصيل المقابلة الشخصية
• دراسة من أسابيع الى أسابيع
• استفسار بخصوص مدينة بورموث لجميع الإخوة
• ساعدوني بحل مشكلتي ضايعه
• شنو الوضع في امريكا
• طريقه السفر من الرياض الي ملواكيسؤال
• مهم جداً جداً
• استفسار بسييييييييييييييط ،،، بنت الصقور آمل المساعدة

المشاركة الأصلية كتبت بواسطة ابن السعودية


[align=center]اخوكم المتأخر في إجراءاته دائما للداراسة في امريكا :101: يطلب المساعدة

تو واصلني اليوم أو بالاصح أمس بالليل الـ i-20 من جامعة UNIVERSITY OF MAINE
بمدينة ORONO عن طريق الفاكس
اللي مستغربة انهم متصلين على جوالي أمس :114: مرتين بس الخط
ما رضي يمسك :108:

المهم أولا رحت الوزارة اليوم الصباح قالوا لي تعال بالليل؟
وش رأيكم

ثانيا هم يقولون ما عد يبون تقديم بكالوريس(مثل ما هو بالموقع حقهم) فهل اقدر أمشي اوراقي ولا تمشي بالسهال عادي؟
افيدوني

ثالثا اذا رفضوا يعملوا لي خطاب للسفارة بحجة انهم قفلوا وبيفتحون بعد فترة هل الجامعة ما عندها مشكلة في التأخر سمستر سمسترين ولا لازم ابلكيشن جديد وi-20 جديد
مع العلم ان دراستي في 10 يناير 2006 ؟؟؟

رابعا السفارة في الرياض كيف اقدر احصل موعد معاهم هل في أرقام أو طرق اخرى لأخذ موعد معاهم
وهل الفاكس يغني مثلا؟؟

خامسا ابي رقم وفاكس السفارة اذا ممكن :109:

أفيدوا أخوكم المتأخر الله يجزاكم خير[/align]



بالنسبه للخطاب يعطونك هم معلنين عشان يخفون الزحمه اللي عليهم يعني لاتشيل هم رحلهم الساعه 9 الليل وسلمه وبينزلك من يوم الى 4 ايام على حسب الزحمه اللي عندهم.........


بالنسبه للجامعه لاتعبي ابلكيشن جديد ولاشي ارسلهم في حال صارلك ظرف وتبي تأجل ارسلهم ايميل وقلهم ابي ااجلها لمد كذا والظاهر ترسلهم قيمت الارساليه مدري بالفيزا والا شلون (ترا يمكن ياخذون قيمه الارساليه ويمكن ماياخذون انت وجامعتك)................

الفاكس لايغني هو مجرد محاوله وتبي وقت حلو لارسال الفاكس هو بين الساعه الخامسه مساءً الى التاسعه مساءً ارسلهم كل ساعه فاكس وتكتب فيه كل البيانات اللي بيونها من رقم البريد ورقم الجوال وهو مهم عشان يدقون عليك وايميلك ...............

والطريقه الاصح انك تدق عليهم على التلفون بس بتتعب شوي يعني يبيلك وقت واهم شئ لاتأس حاول اكثر من مره تدق عليهم من الساعه 8 صباحا الى الساعه 4 عصرا على الارقام هذي ::4881472////4887678
واذا تبي طريقه حلوه دق من الجوال ومن تلفون ثانبت على كل الرقمين ......واذا لقيته مشغول حاول ثانيه واكثر من مره ................

رقم الفاكس والله مو عندي الحين بس بجيبه لك...............................


((((((((نصيحه مهمه ))))))))

لك ولكل الاعضاء حاول تحجز موعد من الحين لان ماراح يعطونك كزعد الا بعد العيد بكثير يعني استعجل واحجز من الحين عشان تلحق على الدراسه اللي في يناير.........

:113: :::: ودمتم سالمين :::: :113:

هذي ارقام الفاكس حقت السفاره ::


014887670
014887275
014887360

::::: لاتنسانا بدعواتك :::::

وفيت أخوي الامبراطور

وأمورك إنشاء الله ميسرة أخوي ابن السعودية

لكن نفذ زي ماقال لك أخوي الامبراطور وحاول قدر المستطاع أنك تبلش الوزارة بأنهم يطلعون لك خطاب السفارة "بالصور الي معاك"

والسفارة الأمريكية أحجز معهم من الأن، أرسل فاكس على الرقم 4887670

وإذا الوزارة رفضت أنها تصدر لك خطاب السفارة الا بعد العيد

حاول وقت ما تبداء الدراسة بعد العيد أنك تحجز موعد ثاني علشان تضمن صدور خطاب السفارة

تحياتي لك والله يوفقك

[align=center]الإمبراطور والله لو انك جمبي لأسلم في رأسك (في الصندحة يعني) :101:

طمنتني كثير يأخوك وما قصرت ورايتك بيضاء وجزاك الله الف خير

بس الفاكس بصورة الجواز ولا فاكس بمعلومات فقط :114:

تحياتي لك[/align]

[align=center]sasj15 ما قصرت انت بعد والله يوفقك

الله يوفقك ويوفق الإمبراطور دنيا وآخرة قولوا آمين[/align]

ترسل الله يسلمك صوره الجواز عليها البيانات اللي قلتلك ......................... عشان الاسم وتاريخ الميلاد

[align=center]قصتي مع الوزارة اليوم

طبعا أنا موظف في الصحة فني
رحت للوزارة باللبس طبعا انا تركت بطاقة العمل في المكتب خوف بأن يقولوا انت موظف حدك

وانا داخل الوزارة سئلت حارس الأمن عن مكتب واحد هناك وصفني مشيت قال تعال
قلت امر
قال الاخ سعودي
قلت وش رايك اللهجة ما تبين لك شي
قال هيا روح الله لا يهينك وألبس ثوب وتعال :114:
قلت وش الطاري
قال ما سمعت قرار الأمير نايف يمنع منعا باتا دخول أي مواطن سعودي بغير الزي الرسمي
قلت خير ياخوك رحت الجوازات والمرور والمحكمة ووزارة الصحة ووزارة التعليم العالي باللبس ما احد قال أرجع
قال عاد هذه أوامر ما لنا فيه شي
قلت طيب اعتبرني بنقالي عن اذنك
قال وين الاقامة
:112:
قال انت موظف صح
انا سكتت شوي
قلت ايه
قال عطني بطاقة العمل :108:
قلت والله ما جبتها
قال روح وجيبها وتعال
يا ابن الناس يهديك يرضيك
قلت طيب تعال معاي السيارة وشوف الاستكر على السيارة
جا واحد أعلى منه قال خليه يخش يا شيخ

انا ما ودي اعصب :112: رمضان ولا فيني اضحك :109: اقرب شي الدموع كانت :110: (لاتصدقون)[/align]

صدق ترا الكلام اللي قاله لك صدق ممنوع الدخول بدون الزي السعودي انا رحت الجوازات ببدله ردوني قالوا رح البس ثوب وتعال........

كلامك مضبوط أخوي

حتى مكتب الإشتراكات الإتصالات

يمنعونك من الدخول غير الثوب

تحياتي

الله يهديك
مسمي نفسك ÷ابن السعودية÷

وآخرتها ماصرت سعودي عجيب.....

الإمبراطور رحت الجوازات محد قال لي شي
رحت المرور محد قال لي شي

يعني وصلت قطاعين تبع الأمن العام تبع وزارة الداخلية
والمنع من وزارة الداخلية

فكيف يمنعون وانا خاش باللبس

sasj15 حياك الله
حتى الشركات صارت تمنع

والله حركة بصراحة غبية

المنتصر بالله حياك الله اخوي

والله ما ودي امحي شخصيتي السعودية
لكن اللبس مفروض علينا من العمل وانا فني تتوقع فني بثوب
واللبس اللي انا لابسه لبس عمل مو لبس حركات وخرابيط الشباب هذه

[align=center]أبشركم رحت أمس الوزارة وزحمة لا اله الا الله

وأخذ الأوراق بدون ما يشوف وش فيها وقال الخطاب بعد العيد
تحصله في الموقع

لكن كل الشباب متوزعين في ثلاثة ولايات بشكل كبير
اوريجون بنسلفانيا و فرجينيا

الظاهر انا لحالي في ماين :114:

احد مقدم على ماين غيري خلونانصير رفاقة
الوحدة أحيانا موب زينة
مع اني تعمدت ابتعد عن بعض الزملاء :108: [/align]

^
^
^
هاذي في نيوانجلند ؟؟ :114:
الله يعينك اجل على :11ld:
بالتوفيق انشالله

ايييه نعم يابو عبداللطيف في نيو انجلند اسم المنطقة

بس اسم الولاية ماين والمدينة اورونو والمدينة ابد على الحدود الكندية
يقول لي واحد من الشباب فيها معهد ممتاز وولاية تسر الناظرين من طبيعتها بس برررررررررررد

وجاني أمس قبول في جامعة امبوريا بولاية كنساس وانا محتار؟؟

خلونا نشوف خطاب السفارة والله المستعان

^
^
^
اما كنساس ... طايحين فيها الشباب احس انها معزولة عن الدنيا ...
خلك على مين بس ... قريب منك كندا تروح تورتنو اذا طفشت
وطبيعتها تسر الناظرين ...
وقريبة منك ولايات زينة ماساشوستس ... ولا نيويورك ...
وين تقط روحك في كنساس ... لا انيس ولا نيس

شورك وهداية الله

كل شهر هبقة على بوسطن

بس احب اذكرك الولاية الكندية المجاورة لولاية ماين اسمها كيبك وهي فرنسية
واخوك ثقافتة عربي + انجليزي (:

[align=center]أحب اقولك ماني هبيق كثير :101:

بس بأخذ سنة في ماين بعد كذا بحول جامعة شيكو في كاليفورنيا :106:

اذا اراد الله وقدر لنا البعثة[/align]

^
^
^
شكلك تحب البرد :114:
دايم مشمل الله يهديك...
شيكو ما رحتها يمدحونها ... واحسن شي ان يمك رينو كثر هبقات لها :101: ولا سان فرانسيسكو ..
بس شمعنى اخترت شيكو بالذات ؟؟

[align=center]ابد والله يا مالك هذه نصيحة مديرة التوظيف الخارجي بالعمل
امرأة أمريكية سعودية مسلمة

رحت لها سألتها قالت هذه جامعة ممتازة من ناحية الـ IT وكل شي يخص المجال هذا
وزوج بنتي رجل سعودي درس بها وتوظف في مدينة سان خوسية
حتى الله يجزاها خير راسلت زوج بنتها وأرسل لها معلومات عن المدينة وعن الجامعة وانه
مستعد يساعد أي احد يجي من طرف حماته :101: قوية :113:

بس لمن رحت الوزارة حصلتهم مقفلينها وأفكر ارجع لها اذا اراد الله
http://www.csuchico.edu/
http://www.mohe.gov.sa/education/Uni...ceCode%20=1146[/align]

^
^
ونعم والله بالحماة ...وزوج البنت :101:
كالفورنيا مشهورة جامعاتها في it ...
بالتوفيق انشالله ..

آمين وياك وشكرا على تواصلك

بعدين استقر على صورة يا اخي


تحياتي لك