الموضوع: ديزني لاند باريس شوركم بالفندق لاهنتو

السلام عليكم ورحمه الله وبركاته

اشكركم جميعا مقدما علي مساعدتكم لي بترتيب رحلتي العائليه الي باريس جدااا استفدت من مساعتدكم بموضوعي السابق
واخص بالشكر الاخ فيصل بصراحه مايقصر
ولاهانو الاعضاء الباجي بصراحه كل رد يساعدني ويجعله في ميزان اعمالكم ان شاءالله
بصراحه هالبوابه من انشط البوابات بالمنتدي (حطيت مواضيع باقسام ثانيه من الاسبوع اللي طاف تسمع حسكم ولاحد يرد! صج فرق)

الحين خلصنا من باريس
ولويتها وفنادقها
احتاج شور باختيار فندق ديزني لاند باريس

جدا احترت احتاج فندق يا داخل ديزني لاند يا اقررررب شي لها
لان بنكون عيله من 5 انا وزوجي وبناتي 3 غير عندي بيبي صغيره عمرها اشهر يعني في عربانه بالموضوع صعب اني استخدم الشاتيل سيرفسس مع عربانه\
تواريخنا من 1 لي 3 يوليو يعني ليلتين
ل 2 كبار و 3 صغار اقل من 12 سنه وinfant
جيكت علي فندق دزني لاند بصراحه سعر خيالي ! شدعواااا ليلتين مايقارب ال 600 دينار !!! ليش!!!

بانتظار ردودكم وفزعتكم اللي تعودت عليها

مواضيع عشوائيه ممكن تكون تعجبك اخترناها لك:

• مسافر من زيورخ إلى باريس وابي لي سكن في الشانز في فرنسا تكفون غشيم ومجنون
• طلبنا مساعدتكم يا اهل الكرم الله يسهل اموركم في الدنيا والاخرة
• من باريس لمدريد ؟؟؟؟؟؟؟؟
• ارجو من اهل الخبرة مساعدتي باريس كان ونيس انترلاكن روست جنيف
• استفسار بخصوص ديزني باريس
• اضافة وجهة جديدة للمخطط
• تعبت من سالفه السويس اخذها او لا
• المساعدة في ترتيب جدول يومي في باريس
• لأول مره اسافر لدول اوربيه هل اللغه بتكون عائق لدينا
• الطريق من باريس الى انترلاكن
• فندق كاليفورنيا شانزيليزيه
• بداية التخطيط لرحلة لفرنسا
• نصيحتكم ولكم الشكر
• التزلج في فرنسا أو سويسرا
• ماهي الدول التي تشملها فيزا الشنجن
• استفسار حول اللغه
• مساعدة في المخطط الله يسعدكم
• خبراء باريس تعالووا
• استفسار قبل السفر الي باريس
• أول مره أروح فرنسا أنا وزوجي ومودين معانا الاطفال ، ممكن تعطوني فكره عنها

الفنادق القريبه من ديزني غاليه نااااااار
مساله العربه ما راح يتضايقون من حقكم
الفنادق تقدم لكم نقل مجاني الي ديزني لاند
فيه فندق جربته مراقبتنا ام نواف اسمه فال دي يورب ينقل لك لديزني ويدخلك مجاني قبل النسا بساعتين وهذا شيء حلو
فيه فنادق اخري مجربه وكثيره مثل اكسبلور ودريم كاستل

أهلا أخوي

فعلا الفنادق داخل ديزني سعرها أغلى..
أنا لسه مارحت ولا مرة.. بس لي زيارة في جولاي بإذن الكريم.. وأعجبوني فندقين قريبين جدا:
Park & Suites Prestige Val d'Europe
هذا اللي حجزت فيه.. وفيه خدمة شتل.. وعندي طفلة رح يكون عمرها سنة و5 أشهر
بس مو مشكلة خلكم جاهزين الصغيرة محمولة والعربة مطوية ومابتتأخروا ان شاءالله

والثاني مو متأكدة من خدمة الشتل:
Relais Spa Chessy

رحلة موفقة

حبيت ابلغكم الحمدالله خلصت حجوزاتي وخذينا في فندق ماريوت
صج بعيد عن ديزني بس حلو وافضل بصراحه من ان اقعد بفندق نص نص بسعر يالهوي

حلو يوصلكم باص الي ديزني منهم وفيه باصات اعتقد رقمه 14 مدري 141 كمان يوديك ناسي
بس اختيار موفق للعائله

المشاركة الأصلية كتبت بواسطة dera233
http://www.arabtravelersforum.com/tr...5/#post7007525

حبيت ابلغكم الحمدالله خلصت حجوزاتي وخذينا في فندق ماريوت
صج بعيد عن ديزني بس حلو وافضل بصراحه من ان اقعد بفندق نص نص بسعر يالهوي




ياهلا وغلا فيج اختي الفاضله ماعليج ممكن تفيدينا عن فندقين محتار فيهم

دريم كسيل شنو رايكم في هذا معاي المدام والاطفال
وفندق نيويورك بس هذا يقولون غالي حييل

رحنا فندق ماريوت
بصراحه من احلااااااااااا الفنادق ومكانه اكثر من رائع وممتاز
ومريح
وسيرفسهم روعه والمكان مجهز
اخذنا التاون هاوس غرفتين نوم وصاله وعباره عن مثل شاليه صغير دورين وفيه حديقه صغيره والعاب بسيطه لليهال وتاجير قواري
وبحيره ووين ماتتلفتون خضره

بحطلكم صور منه

الصور

http://www.m5zn.com/out.php?code=14652946

http://www.m5zn.com/out.php?code=14652945

http://www.m5zn.com/out.php?code=14652944

http://www.m5zn.com/out.php?code=14652943

http://www.m5zn.com/out.php?code=14652942

كتبت رد طويييييييييييييل وراح للاسف


في الاعاده افاده وتستاهلين اختي ام تركش

بالنسبه لفندق ديزني لاند اي انصح وبشده وجدا فيه
اولا في شاتيل سيرفس من والي ديزني كل ربع ساعه جنه او كل نص ساعه بالروحه جدا سهل بس بالرجوع مرات مانبي ننطر كنا ناخذ تاكسي
ولاتاخرين وايد بديزني صعب تحصلين تاكسي راح يكون في انتظار

واذا ماجره سياره انتهت كل المشاكل

الفندق نفسه وايد وايد وايد حلو ومريح المكان طبيعه ما اقدر اوصفلج حلاها وهدووووووووووووووووووووووووووووووء بحيره صغيره وبط يتمشون ونهر صغير وحمام سباحه مغطي
وهدووووووووء وخضار
اصلا في ايام ماكنت ابي اطلع ابي اقعد اشوف عيالي يلعبون جدامي بالمكان وانا اقعد اشرب قهوتي
ومشغله سي دي فيروز
ابو الروقان

بالنسبه للسعر ماكان غالي نهائيا! ماذكر جم بالضبط بس ارخص من فندق باريس


نيي حق فندق باريس
هذي ديتيلز اللي قعدت فيه
اسم الفندق
Hotel des Champs-Elysées.

وهذا الريفيو ماله بسايت بوكينق
http://www.booking.com/hotel/fr/des-...ml?aid=1329869

وهذا سايت الفندق الرسمي
http://www.champselysees-paris-hotel.com/

عيبه الاصنصير صغير ومو مريح طريقته بابيين ينسحبون بس ماكان في مشكله احنا ساكنين بالطابق الثاني والثالث بس كنت مضطره عليه لان احتاج انتركونيكتيد رومز لان عيله معاي عيالي ويحتاجون غرفه انتركونيكتيد ومحد قدر يضمنلي هالشي وان الغرف انتركونيكتيد مو كونيكتيد الا هالنفدق
ويعتبر بوتيك هوتيل
في عنده موضوع ثاني كاتبه عنه اذا تحبين اقريه

عودا حميدا شكرا لك علي الاضافه
تصدقين لو وضعتي الصور بموضوع مستقل ورأيك بالفندق بيخدم الكثيرين والله

يعطيج العافيه اختي انا حاجزه بماريوت فيليج و باذن الله رايحه اخر شهر 5 و معاي 3 اطفال منهم رضيعه بس اذا ممكن تفيدي عن فطوركم بالفيلا شلون،؟؟ كنتم تشترون او فيه مطعم من الموبايل

فعلا ياريت كان بموضوع مستقل وشكرا ع الطرح

المشاركة الأصلية كتبت بواسطة om dalool
http://www.arabtravelersforum.com/tr...8/#post7702458

يعطيج العافيه اختي انا حاجزه بماريوت فيليج و باذن الله رايحه اخر شهر 5 و معاي 3 اطفال منهم رضيعه بس اذا ممكن تفيدي عن فطوركم بالفيلا شلون،؟؟ كنتم تشترون او فيه مطعم من الموبايل



هلا حبيبتي
كنت اسوي ريوقنا بالبيت لان في مطبخ مجهز كامل
وكانت معاي بنتي بعد صفيره وماكان في مشاكل عربانه البيبي سهل تحركينها بالمدخل والحديقه وفي اكل بيبي بالسوبر ماركت الموجود هناك