الموضوع: مساعده بترتيب خط سير الرحله

السلام عليكم
احب اشكر جميع القائمين على هذا المنتدى الحلو والمفيد

بصراحه من كثر ماقريت تقارير حسين انو تلخبطت شوي
اتمنى المساعده

ان شاءالله ناويه على السفر الى ايطاليا وسويسرا وآخر شي لندن

في ايطاليا حابه ازور فينسيا حتى لو يوم واحد
ولانو ابغى اروح فينيسيا هل لازم امر ميلانو ؟
وسويسرا ابغى انترلاكن ومحتاره بين زيورخ ولا جنيف ؟
علما بأنو حابه اروح قمة تتلس
الطيران لسه ماحجزنا والسفر بأذن الله في شهر ابريل والمده ممكن 12 يوم او اقل او اكثر يعني على حسب الجدول
يعني ممكن
من جده لزيورخ على طيران الامارات
ومن لندن لجده
او من جده لجنيف ومن لندن لجده

وهل في فرق بالسعر اذا التنقلات بقطار او سياره ؟
واللي يهمني بالسفر طبيعه وتسوق والعاب
اتمنى انكم تتقبلو اسألتي بصدر رحب شكررررا

مواضيع عشوائيه ممكن تكون تعجبك اخترناها لك:

• ضروري شقق في انترلاكن
• السفر من سويسرا لباريس بالسيارة او الفطار
• استفسار عن طيران الداخلي في حسبة قطع العفش
• ارض الطبيعه والجمال تقرير
• ساعدوني ولا عليكم امر توهقت بالسكن
• استفسار عن طيران ايزي جت
• استفسار بخصوص التنقلات في سويسرا
• ضروررررررررررررررررررررري
• بسررررعه تكفون بس عندي بكره سااااعدوني
• إستفسارات عن عمر الأطفال المسموح به في الفنادق؟؟
• باقي ع سفرتنا اسبوع فقط الله يخليكم بحاجتكم ضروووري
• لو سمحتوا ممكن برنامج لانترلاكن وزيورخ
• هل سويس هاف باس تسوي خصم على القطار اللي متجه من جنيف الى باريس
• ما أدري شغلي صح ولا غلط ؟؟؟ أفيدوني
• السفر الى سويسرا بداية ابريل ارجو المساعده ضروري
• ضروري الله يخلييكم
• ياجماعه طلب مساعده لواحد غشيم جدا جدا
• ترتيب سفرة الى سويسرا وايطاليا
• بعد أن أغلقت جمع الطرق ۔ هل أجد لديكم رقم سائق شخصي ؟
• انترلاكن فرايبورغ باريس

السلام عليكم ورحمة الله وبركاته:

هلا والله .






في ايطاليا حابه ازور فينسيا حتى لو يوم واحد
ولانو ابغى اروح فينيسيا هل لازم امر ميلانو ؟
وسويسرا ابغى انترلاكن ومحتاره بين زيورخ ولا جنيف ؟
علما بأنو حابه اروح قمة تتلس




الخطوط التركية ..توصل الى فينيسيا ..من دون المرور على ميلان .


لكن يوجد حل اخر..وهو الوصول الى ميلان وقضاء يومين ..اليوم الاول للراحة ..واليوم الثاني لزيارة فينيسيا .


او ممكن الوصول الى زيورخ او جنيف ..وزيارة انترلكن ..ثم لوقانو ..ثم ميلان ..ومن ميلان تزورو البندقية بالقطار .
ومن ميلان تطلعو على لندن.






هذا الدليل السياحي السويسري ..ممكن يفيدكم في الاختيار بين زيورخ او انترلكن.

http://www.arabtravelersforum.com/travel51030/






وهل في فرق بالسعر اذا التنقلات بقطار او سياره ؟
واللي يهمني بالسفر طبيعه وتسوق والعاب
اتمنى انكم تتقبلو اسألتي بصدر رحب شكررررا




السعر تقريبا من وجهة نظري متقارب الى حد ما ...لكن كإستمتاع السيارة امتع واروع واسرع ..والقطار راحة بال ..لكن يعيبه كثرة التوقفات والتبديلات .








واللي يهمني بالسفر طبيعه وتسوق والعاب



الطبيعة في منطقة الاوبرلاند اللي فيها انترلكن
التسوق عدة اماكن ..وميلان اقربهم .
العاب ..توجد اليوروب بارك في الجنوب الالماني ..وممكن زيارتها من زيورخ ..او زيارة باريس والديزني لاند .








ونسيت اسال بخصوص السويس باس
يعني ممكن اني اركب القطارات بين زيورخ وانترلاكن وجنيف مجانا
ولا بس داخل نفس المدينه
بصراحه قريت كثير ومافهمتها



السويس باس تعطيك حرية التنقل بالقطار او بالباص او بالبواخر او بالترام بعدد غير محدود للفترة المعينة .


يعني مثلا سويس سيفر باس لمدة اربعة ايام ...بقيمة تقريبا 200 فرنك على ما اظن ...وتتنقلو على كيفكم بوسائل النقل المذكورة .


وفوق هذا كله خصم 50 % على التلفريكات وبعض القطارات الجبلية .


هذا موضوع من العمدة عنه:
http://www.arabtravelersforum.com/travel62167/






======
وبالتوفيق

اهلين اخوي ميدو
ومشكور يعطيك العافيه

بس بالنسبه لميلانو ما اقصد على الطيران
قصدي انو زيارتي لفينسيا ايش اقرب مدينه لها وحلوه تكون بين سويسرا وايطاليا

وايش الافضل بالنسبه لخط السير
جده - زيورخ -انترلاكن - وبعدها فينسيا بس اكيد يكون مدينه قبلها
او
جده - جنيف - انترلاكن وبعدها فينسيا
الحيره عندي يا جنيف او زيورخ !!!!
؟؟
وقمة تتلس اقرب لانترلاكن ولا زيورخ ؟
أسفه اسئلتي كثيره ..
التسوق ان شاءالله في لندن
وديززني رحتها ما افكر اعيدها الا مع ولدي لما يكبر ان شاءالله
افكر في اليورب بارك

12يوم 3 دول
ليش تعب كذا
صح لندن تساهل اسبوع
بس جنيف يوم كفايه
بس صعبه الطيران الاقتصادي اذا الشنط صغيره كويس اما غيره بيكون مكلف

وبالنسبه لجنيف مو ضروريه عندي ابدا ممكن رأيك بخط السير وايش الافضل
والمده مو ثابته

هي 12 يوم يعني روحه منا ومنا يوم تشك ان ويوم تشك اوت وبعدين كم يوم بيروح عليك وقبلها بكم ساعه بالمطار تنتظر الرحله
الغي لندن
وخلي وصولك علي زيوريخ القطريه توصل لها ومن ثم انترلاكن وبعدها لوقانو كومو ميلان والعوده من ميلان

مشكور فيصل

الغي ايطاليا بكبرها مو مشكله
لندن لا ):
يعني المشكله بالطيران !
طيب نخليها زيورخ - انترلاكن - جنيف -وبعدها باريس - لندن
او حتى الغي زيورخ هههههههه شكلي تجننت
والله اسفه
طيب في مدينه تروح دايركت بالقطار الى لندن غير باريس؟؟؟؟؟؟؟؟
لانو همي بالسفره انترلاكن عشان الطبيعه الحلوه والثلج في قمة تتلس
ولندن حابتها احب حياة المدن والسوق
ومو عارفه اسهل الطرق عشان اجمع بينهم
اتمنى تكونو فهمتوني

تتلس ممكن تروحيها من زيورخ وممكن من انترلكن ..تقريبا جاية بالنص.

.
طيب الحين المخطط ..هذا اللي اعتمدوه :
زيورخ - انترلاكن - جنيف -وبعدها باريس - لندن
؟؟

المخطط ان شاءالله
يا زيورخ انترلاكن جنيف لندن
او
جنيف انترلاكن جنيف لندن
كم يوم ونقرر على حسب الخطوط المتاحه
شكرررا لتعاونكم

انا ارشح لك الاول .

انت استخير الله وشاور ..والله يكتب لك اللي فيه الخير.

انا ارشح لك الاول ..اذا كانت رحلتك على غير السعودية .

انت استخير الله وشاور ..والله يكتب لك اللي فيه الخير.