الموضوع: الاسواق الشعبية بالكويت

هلا وغلا باهل الكويت

والله يكتب لنا ونزوركم

ودي اسال عن اسواق الكويت اللي تبيع الملابس المصنوعه بالكويت سالت عنها وقالوا لي بالسالميه

هل هي السالميه سيتي سنتر او المحلات اللي بشارع المبارك لان انا شفت ملابس مرررة حلوه كنها ماركات لكن ستايلها خليجي

وابسال عن المباركيه هل يستاهل العنوه مدحوا لي سرداب الشايع فيه

وايضا رامز هل هو نفسه اللي عندنا بالرياض او مختلف

والعربيد هل دائما فيه اشياء حلوه

والاسواق هذي هل هي مكيفه او لا

مواضيع عشوائيه ممكن تكون تعجبك اخترناها لك:

• حجزت على طيران الاتحاد من بو ظبي للكويت يومين
• تخطيط لمدة سبوع
• مساعده اهل ديرتي الثانية الكويت الحبيبة
• أهلا بالصيف مع يوفوريا
• الفيزبالكويت
• ابي محلات
• رأيكم يهمني بالفندق وموقعه
• خااااص لبنوتات الكويت الشيك
• صور من كويت الماضي
• فزعتكم يالربعباحث تاريخي يرغب زيارتكم
• ابي فندق ومنتجع
• اتمنى الرد باسرع وقت
• للمساعدة الهامة
• الخطوط الوطنية تتسلم طائرتها الخامسة وتعلن إطلاق رحلاتها إلى اسطنبول
• شركة مطاحن الدقيق الكويتيه
• شو رايكم
• مطعم شطه و دقه بالمباركيه
• مطعم التسيمو في برج النصار
• ممكن ترتيت الاماكن القريبة من بعض
• ضروررري أبي أرقى فندق حق معاريس

السلام عليكم ..۔
حبيبتي انتي تسالين عن خياطة الكويت ....هذه ما تحصلينهم بالسالمية لا تلاقين بالاوقاف دراريع جلابيات وقمصان طويله........۔
اما البدل في خيايط بجانب مجمع الصالحية يخيطون بدل مرتبة حيييييل ......زاكثر شي تلاقين في المعارض الخاصة للسيدات الكويتيات ...تلاقين اعلاناتهم بالجرايد...۔
اما سيتي سنتر ما فيه الا ملابس صناعة سوريه .....والسالميه فيه محلات بس مو صناعه محليه.....۔
العربيد فيه جلابيات حلوة وييتفنون بشهر رمضان دراريع استقبال ۔
وهذا ما عندي .....وان شاء الله تلاقين موضوعات بالمنتدى تتكلم عن الملابس الكويتيه

سوق السالمية ستي سنتر بعض محلاته خياط الكويت والبعض سوري - مجمع النقره الشمالي خياط الكويت وتلقين بعض المرات اشياء حلوه عندهم - المعارض تلقين خياط المويت وتلقين بضايع من الصين ..

العربيد كله خياييط دراريع في جاهزين وفي تفصال الموديل اللي تبينه - سرداب الشايع جناط تقليد فيه مكياج فيه والخ ..
اغلب الاماكن مكيفه المباركيه لا بس المحلات والسرداب مكيف والجو الحين وايد حلو تقدرون اتمشون بره من غير تكييف ..

المشاركة الأصلية كتبت بواسطة احلى أميرة323
http://www.arabtravelersforum.com/tr...6/#post6269720

هلا وغلا باهل الكويت

والله يكتب لنا ونزوركم

ودي اسال عن اسواق الكويت اللي تبيع الملابس المصنوعه بالكويت سالت عنها وقالوا لي بالسالميه

هل هي السالميه سيتي سنتر او المحلات اللي بشارع المبارك لان انا شفت ملابس مرررة حلوه كنها ماركات لكن ستايلها خليجي

وابسال عن المباركيه هل يستاهل العنوه مدحوا لي سرداب الشايع فيه

وايضا رامز هل هو نفسه اللي عندنا بالرياض او مختلف

والعربيد هل دائما فيه اشياء حلوه

والاسواق هذي هل هي مكيفه او لا




أهلا بك
يوجد في السالمية سيتي سنتر ملابس خياط كويتي و يوجد أيضا في المحلات في شارع سالم المبارك

بالنسبة لسوق المباركية بضاعته متواضعة جدا بالنسبة لي حيث انني لا أحبذ شراء شي من هناك أما بالنسبة لسرداب الشايع يقال أنه جيد نسبيا و لكنني لا أحبذ زيارته

العربيد حسب طلبك أنت حيث انه لابد من الانتظار ايام لحين انتهاء الملابس

اخواني وحابيبي مشكورين كل الشكر لمساعدةاحلى اميرة

بصراحة لفت انتباهي وانبسطت وضحكت كثير ع كلمة تليريون يوم قال (دراريع ) الله يعيدك يازمان مضى وياحلو هالكلمة تذكرنا عبق الماضي الجميل وزمان اجدادنا رحمة الله عليهم وجميع موتى المسلمين
مشكور ل توليريون ماقصرت يازين هالكلمات وياحلوكم ياهل الكويت وكثروا منها

بالنسبة لسوق المباركية شعبي ويوسع الصدر للي يبي يتمشى فيه كل شي قديم وجديد والكويت اذا ماتمر هالسوق تحس ماجيت الكويت بالنسبة للرجال اما النساء والله مااعلم اخشى امدح يقولون تبالغ


ماقلت شي قلت راي قلت وجهة نظر على ماقال اخينا سعود الورع

الله يعطيكم العافية جميعا ما قصرتوا

يقولك ما اتعرف الشي الا يوم يروح عنك
سوق المباركيه تراث أنا كل ما اروح الكويت لازم امر عليه وفية اشياء وايد حلوة بسنا من الموالات نحن نتوله على سوق ابوظبي القديم
له طابعه الخاص صدقها الاخت الي ما بروحه جنه ما راح الكويت

*