السلام عليكم ورحمة الله وبركاته ..۔
مطعم التفاحه الخضراء .۔ والواقع في منطقة شرق كان موعدنا معه بلا موعد .۔ خرجت مع ام العيال للعشاء ولكن لم يكن هناك اي تخطيط مسبق على نوعية ومكان العشاء .۔ وانما نركب السياره وبعدين نفكر وين نروح وفجأه .۔ ظهر أمامنا مطعم التفاحه الخضراء .۔ وقلنا ليش لأ نجرب هالمطعم وفرصه كبيره للتغير .۔ بصراحه خوووش مطعم ويستاهل .۔ نظيف و متنوع ..۔ وخدمه ممتازه .۔ الدور الأرضي عباره عن القسم اللبناني .۔ الدور الثاني عباره عن القسم الهندي صيني .۔ الدور الثالث القسم الإيراني .۔ بزيارتي الأولى مع ام العيال قمنا بتجربة القسم اللبناني .۔ وتجربتي الثانيه كانت في القسم الهندي صيني كلاهما رائعاااااان ..۔ اترككم مع الصور ۔
المطعم من الخارج
وهذا شكل الطاولة لعدد اربع اشخاص
وهنا الطاولات الكبيره .۔ تصلح للعوائل
كل الطاولات تقريبا عليهم هالورده الحلوه .۔ عجبتني بصراحه
المخلل والزيتون .۔ بصراحه اكلت وبعدني صورته سامحوني .۔ ترحيب من المطعم
والخبز حاااااار .۔ عندهم خوش تنور
حتى الخضروات نظيفه ما شاء الله
وهذي شوربة دجاج بالذره من ضمن الطلبات .۔ خوش شوربه بس تصويري مو ذاك الزود سامحوني
وهذي شورة العدس .۔ هم خوش شوربه تكفي شخصين
[اMG]http://www.arabtravelersforum.com/picture.php?albumid=12886&pictureid=514110[/IMG]
البطاطا الحاره بالبقدونس ..۔ وبما اني مو محترف تصوير هم نسيت اكلت منها وبعدين صورتها .۔ الله يهداني مستعيل
هالصوره ما ادري اكلت قبل لا اصور والا صورة قبل لا اكل .۔ المهم صورة .۔ خوش حمص وسلطه خضراء
احنا شخصين .۔ والصحن فيه عدد 6 كبه برغل ..۔ وهذا يعبر عن سخاء المطعم
وبما اني احب الريش .۔ بصراحه القسم اللبناني عنده خووووش ريش وايد طيبه
مع الريش طلبنا تكا .۔ نجرب شورانا اول مره ندخل المطعم
وهذا الطبق ما طلبناه ..۔ بعد ما خلصنا العشاء نزل الطبق كإهداء من المطعم .۔ تقريبا فته فيها باذنجان .۔ تذوقت منها شويه
بعد طبق الفته حسبالنا خلصنا ..۔ لا في طبق ثاني وين رايحين .۔ والصوره تعبر عن نفسها
الحمدلله كانت زيارة المطعم موفقه .۔ وللتأكيد من قبل ادارة المطعم رضاء العميل غايه بالأهميه .۔ فجأه لقينا الشيف واصل لطاولتنا يسأل ويتطمأن على نوعية ومستوى الأطباق
بصراحه .۔ مطعم التفاحه الخضراء خوش مطعم ويستحق الزياره ..۔ وما انسى صورة الفاتورة
أتمنى عجبكم التقرير .۔ تحياتي لكم .مواضيع عشوائيه ممكن تكون تعجبك اخترناها لك:
- عاجل متى عودة الداومات بالدوائر الحكومية
- استفسار ضروري
- تاشيرة دخول الكويت
- ماهي افضل الاماكن السياحية والأثرية ومواقعها بدولة الكويت
- ادري ازعجتكم بس تحملوني ؟
- مـــــجـــــمــــع الـــبــــيـــرق
- ريوقنا في جوني روكتس
- مراكز التسوق بالكويت رائعة ولكن
- رحلة ناظم بلد الخير أم الخير الكويت
- اول مره فى حياتي ازور الكويت الحبيبه
- اهل الكويت اكرموني بالجواب
- ارغب فى تاشيرة سياحة الى الكويت
- وفاة ابن الشاعر حمد السعيد
- تطوير الجزيرة الخضراء
- الطريق للكويت الحبيبة
- رحلتنا الى الكويت الشقيقه بتاريخ
- شقق الجهراء؟
- الان امطار غزيرة على الكويت
- استفسار عن الشقق في الكويت
- مساعدة في ايجاد شليه في العيد
رد مع اقتباس
المشاركة الأصلية كتبت بواسطة اوزنجول التركية
المشاركة الأصلية كتبت بواسطة توبليرون
المفضلات