الموضوع: الى الاخ العزيز لابولابو واصحاب الخبرة في الفلبين

السلام عليكم ياشباب انا حاليا في الفلبين وحجزت ذهاب الى سيبو تاريخ 3/3/2010 في فندق ماريوت سيبو لمدة 4 ليالي ثم الى بوركاي تاريخ 7/3 وحجزت في فندق Boracay Golden Phoenix Hotel خمس نجوم حسب كلام الموقع الي حجزت منة بسعر 75 دولار واعتقد انة سعر ممتاز بنسبة الى بوركاي ,
الاخوان الاعزاء ارجو التوجيه والنصيحة بتفصيل الممل لنا انا احب اعرف كل شى قبل ما اروح الى اي ماكن ,
ملاحظة اريد ايضا اعرف *** بالذات في سيبو , ولكم جزيل الشكرا والتقدير

مواضيع عشوائيه ممكن تكون تعجبك اخترناها لك:

• اول مشاركة ، أيام بالفلبين شهر معالجة الاسنان
• مخلفات اعصار ميجي
• هل مكن او لا ؟؟؟؟؟؟؟
• مالاتى
• هل استطيع صرف دولارات من الصراف الالى ولا لازم اروح للبنك؟
• محل يبع لحم تيوس حلال ورز المهيدب وخبز بهارات بقالة عربية
• تقرير وصور سفرتي الى مانيلا
• مسافر جديد الي مانيلا
• من رحلاتي
• استفسار عن فنادق بوراكاي
• مزارع الؤلؤ دأفاو
• مذكرات مسافر الى الفلبين
• بوراكاي وبورتو قاليرا وخطوط السير الى لاقونا وتقايتاي
• فلبين روحي ومانيلا الهوى وانا في ميندناو وفي باهول جيراني
• الجزر الفقيرة و المناطق الريفية بالفلبين؟؟
• سؤال بسيط
• استفسار
• احذروا من تلاعب مكاتب السفر والسياحة بالتذاكر المسترجعه
• وماذا عن الفلل في بوركاي
• مـسـافـر لحـالـي ع مانيــلا

سلام عليكم سعود هذا ردي عاى طائر الفلبين فيه معلومات عن سيبو اتمنا تستفيد منها تحجز من مانيلا على سيبو بسيفك السعر 320 ريال ذهاب وعوده اتوقع السع ينقص قليلا عن هذا السعر
مدة الرحله ساعه كامله من مانيلا الى سيبو
اذا تبي تسافر دايركت سيبو الخطوط القطريه عندهم رحلات دوحه سيبو ديركت وعوده سيبو دوحه ..مطار سيبو مطار دولي..
انت قلت كم المده التي تنصحني بها
با النسبه للمده انصحك تقضي فيها 366 يوما سنه كبيسه..
10 ايام اقترح عليك بعد الوصول سيبو اذا انت من محبي الشواطي عندك جزيرة مكتان فيه فندق اسمه..microtel...جنب الشنقرلا بحدود 300 ريال لشخصين با الفطور الموقع جميل وفيه هدوء مره اذا تحب جو الصخب راح تطفش ..اذا انت ماتحب الشواطي وتحجب الحركه والزحمه والمطاعم والخدمات انصحك بفندق medtwan..هذا الفندق بمنى فوق اسواق روبنسون وفيه قريبا منه حوالي 16 مطعم غير اللي في روبنسون دور كامل مطاعم فيه مطعم خطير ايراني افضل من مطعم حسين وارخص وفيه اكلات رائعه ...فيه كباب شاورما ساندويشات كبسات حتى يمديك تحجز للحم تيوس المطعم في الدور الثاني وتحت فندق medtwann******** سعر الفندق هذا 240 ريال با الفطور ..اذا تبي فندق اخطر واجمل واحسن فنادق سيبو من وجهة نظري عليك marcopolo......الفندق هذا في نصف الجبل سعره 450 للشخصين با الفطور فيه واجهه جبليه وواجهة جهة جزيرة مكتان ولابو لابو..طبعا اذا تبي فنادق بحدود 160 ريال فيه فنادق 3 نجوم نسيت اسماها لكن هي جنب سوق ايالا وسط مدينة سيبو فيه فندق 4 نجوم بقرب الخطوط القطريه اسمه قولدن بيك سعره 150 ريال تقريبا با لفطور..انصحك تقضي 6 ايام داخل سيبو وتمر سوق ايالا سوق كبير وبقربه حديقه حلوه ...اذهب الى sm فيه مستعمرات اسبانيه ومتاحف لاني ما احب المتاحف والمباني لكن ممكن تاخذ تاكسي ويلف بك 3 ساعات داخل سيبو..فيه جامعة سان وحصن بيدو والمعبد البوذي
لاتنسى تطلع الجبل السعر 600 بيسو الطريق جميل الى الجبل ومن اعلى الجبل سوف ترى كل سيبو
حول تجرب الطيران لن اسمك الطائر بس لاتفشلنا مثل عباس بن فرناس ما كمل دقيقه الا وراسه مفلوق نصفين
ان الطيور وان قصصت جناحها ...تسمو بفطرتها الى الطيران
انا ما حولت الطيران لان الذي يولد ليزحف لايمكنه الطيران
طبعا انصحك تقضي 4 ايام في بهول ..فيه مكتب سياحي في روبنسون يحجز لك عنطريق السوبر كات عباره الوقت ساعه ونصف توصل الى بهول سعر العباره يختلف على حسب الموعد الذي تشري فيه التذاكر هو حدود 500 بيسو رايح جاي..في باهول فيه مدينه فيه اسواق وقريبه من جزيرة panglao...المدينه اسمها tagblranan.....فنادق بهول رخيصهعلى حسب درجة الفندق لابد تزور الشوكلت هيلزاو تلال الشوكلاته منظر خرافي لايفوتك..في طريقك الى الشوكلت هيلز راح تشوف قرود الترشل مر من عندها صورها وارسل لي صوره
فيه كهوف وفيه مناحل جميله في بهول يجب ان تمر خلال اقامتك في بهول
عليك بزيارة نهر لوبك والتمشي في النهر على عباره وفيه وجبة غداء سوف تعبر النهر حتى توصل الى الشلال وفي الرجوع يستقبلك الباهوليات بالرقص في عباره راح توقف جنب عبارتك فيه شياب يرقصوا انزل غرد معهم بس بعد عن الباهوليات...السعر 350 بيسو العباره والغداء
في سيبو لابد من زيارة كواسان فولس شلا لات يجون سواح من البرزيل لكي يشاهدوها لكي تروح هناك تاكسي بحدود 2500 بيسو تروح الصباح ترجع المساء الطريق اليها جميل المسافه 100 كيلو الى الشلا لات.فيه باصات توصل بحدود 200 بيسو عند سوق ايالا
انصح بزيارة جزيره اسمها malapascua....طبعا فيه منطقه حلوه لكن لايوجد فنادق فيه شقق اسمها تليدو ريف حلو سعر الشقق رخيص شقه غرفتين بحدود 120 ريال مدينه صغيره وحولها جبال وفيه اغنام هناك جنب الشقق مطاعم ومحلات مساج ارخص مساج في العالم...ممكن من تليدو هذه تروح جزيرة النقروس السعر 1000 بيسو عباره وتروح النقروس جزيره جميله وممكن تجلس 3 ايام
الجزيره يحبونها اثرياء الفلبين كلهم متكين هناك عندهم فلل ..جرب المانجو
فيه معلومات عن الجزيره في النوته التي اكلتها العنز..اذا وجدت العنز اذبحها وابقر بطنها واخرج النوته
اخي الطائر اعذرني على القصور واتمنى لك طيب الاقامه في سي

جزيرة بروكاي راح تلف كل الاماكن في يوم واحد لاتنسى الرحلات اليوميه في قواراب لمدة ساعتين تلف الجزيره كلها 2500 بيسو با الغداء وراح يودوك الكهوف وبعض الشواطي والحديق المحيطه با الجزيره
بروكاي فيها مطاعم كلها على الشاطي اختر اللي يعجبك ..لا يفوتك البرشوت شي ممتع داخل الجزيره سعره سعره 1500 بيسو لمدة 20 دقيقه وانت فوق الجزيره على ارتفاع 1500 قدم ..
الفندق قولدن في موقع حلو في استيشن 3