الموضوع: مخالفه سويسريه

السلام عليكم ورحمة الله وبركاته
اخوتي الكرام سافرت الى المانيا بتاريخ 27 اغسطس ورجعت من المانيا بتاريخ 7 سبتمبر وخلال هذا الوقت استاجرت سيارة من المانيا وذهبت فيها الى النمسا ثم سويسرا وعدت الى المانيا
السيارة استاجرتها من شركة سيكست وتاميني شامل ولكن تم ارسال رسالتين بالبريد وحده من سيكست والثانية من مرور سويسرا اللي من سيكست قالولي ادفع 18 دولار اجور بحث عن معلوماتي وارسالها لمحكمة سويسرا وانه راح تجيني رساله من سويسرا بخصوص المخالفه
اللي من سويسرا اختصارها تقول مسوي جريمه بتجاوز السرعه زيادة 27 كيلو وانه لابد تعبئة النموذج وارسال البيانات خلال 30 يوم من استقبال الرساله (وقد مضى عليها اكثر من 30 يوم)
والحين مدري وش اسوي؟
مافيه ميلغ ولا حساب معين كل الشغلة رقم المصدر ومافيه مكتوب اي قيمة ومن بين الكلام لابد من حضورك للمحكمه
الشغله الثانيه وش فايدة شركة سكست عندهم الفيزا ليه مايخصمون منها خصوصا حاجزين قيمة 300 يورو

مواضيع عشوائيه ممكن تكون تعجبك اخترناها لك:

• قررنا بعون الله تعالى زيارة سويسرا وحاب آخذ رأيكم في مسألة محيرتني
• السفر من فرنسا الى سويسرا بالسياره او القطار
• استفسار عن السويس باس مهم تساعدوني
• رحلة عمل يتخللها سياحه مطلوب استشاره
• الانتقال بالقطار من مطار جنيف الى انترلاكن مــهـــم
• استفسار بخصوص زيرمات
• سوال عن سويسرا جدول
• السفر بعد بكره وهذي اخر الاستفسارات من فضلكم
• تحياتنا لجميع من شركة e-Limousine
• قوقل ماب
• استفسار عن
• من أين أبدأ
• اسعار ايجار السيارات
• صور من رحلتي الى بادجاستين وقائمه للفنادق هناك
• عن القرى القريبة من انترلاكن
• سوق تقرير مصور
• مساعدتكم بترتيب الجدول اليومي لجنيف وانترلاكن
• والله زنقه فزعتكم
• ارجو المساعده ياخبراء لأني محتار
• ساعدوني في الإنتثال من فرانكفورت إلى أنترلاكن

المطلوب منك تكمل البيانات الي طلبوها وترسلها لايميلهم
وراح يتم تزويدك برقم الحساب لسداد المخالفات

وحاول تكون حازم جداَ بالسداد ولاتتعمد التأخير او الاهمال لها

وعليكم السلام ورحمة الله وبركاته

هلا وغلا الغالي

بقولك قصتي مع المخالفه

تاريخ 20/8 نزلنا مطار جنيف ولما وصل دورنا عند الجوازات طولنا واحنا واقفين ..
واشوفهم يتشاورون وايطالعون فيني ^_*

دريت انه في شي ولكن ننتظر وانشوف ..
اشوي الي جاي شرطي من ورا مكاتب الجوازات واقعدوا ايكلمونه وبعدها اخذ جوازاتنا كلها وجاني وقالي ممكن تتفضلون معي !

قلت له قدام ..
واخذنا على مكتب ورا ولما وصلنا قالي عليك مخالفة رادار !
قلت في خاطري الحين امخلينا واقفين كل هالمده عشان رادار !
سألته ليش ماجاتني مخالفه على البريد او الأيميل !
قال ماادري !
قلت له كم المخالفه !
قال 240 فرنك !
قلت بعدها في شي !
قال لا ..
دفعت المبلغ وتوكلت على الله ..

ولكن خبيرنا اللورد هو اعلم وادرى في هالمواضيع

اموفق الغالي

السلام عليكم جميعا
ابشركم وصلتني مراسله جديده قبل شهر المخالفه واضحه تماما فيها رقم الايبان والمبلغ ولكن كل الكلام بلغتهم مافهمتها
ارسلت لهم ولسفارتهم بالرياض ولسفارة السعوديه بسويسرا عشان احد يترجملي ويعلمني وش السالفه ولا حياة لمن تنادي
المبلغ المكتوب 750 فرنك سويسري ، وبالانجليزي رقم الايبان ، وخمس صفحات وانا ماعندي مشكلة ادفع ولكن ودي افهم وش المكتوب
وش الحل ؟

ردعلي السفارة السويسريه في السعزديه يقولون عليك مخالفة سرعه بقيمة 740 فرنك وآخر فرصه للدفع كانت 23/2/2013 وسكتوا

رجعت قلت طيب احول المبلغ على الايبان وخلاص ولا لازم انتظر فاتوره جديده ولا وش السواة لان محد رد علي

من وقتها للحين محد جاوب والسفاره مقفله من الخميس الين الاحد وبانتظر اتصل فيهم الاثنين

ادفع المبلغ في حسابهم الي اعطوك برقم الايبان
وارسل لهم رسالة الكترونية وبلغهم بأنه تم السداد

وريح راسك حتي ما تدخل في متاهه او يتم ايقافك بالمطار عند دخولك سويسرا مستقبلاَ واجبارك على السداد الفوري
او يتم وضعك بقائمة الممنوعين من الدخول

بصراحه نصب عينك عينك
الان تجاوز سرعه بدرجه خفيفه وليست متهوره غرامه 750 فرنك ،، بصراحه شي مو معقول ومستفز ،،

بالنسبه لي وعلى ضوء الكلام السابق انا حجزت وخلصت حجوزاة سويسرا وبروح اتمتع في طبيعتهم الجميله ،، ولكن ما اتوقع اني بزورها مره ثانيه لو تعاملهم كيذا ،،
احنا ما نجيب الفلوس من الشارع عشان وبكل بساطه يخالفني بحدود 3000 ريال سعودي بسرعه لا تتجاوز 20 عن السرعه المحدده ،، عجبي

أحترم كلامك ورأئك فيما ذكرت
لكن اسمح لي

عدد المخالفات لا يكون اقل من 5 طالما المبلغ 750 فرنك

احتمال الشخص قطع اشارة + تجاوز الخطوط البيضاء عند الاشارة
كان مسرع خلال فترة سفرة كاملة بمعدل 20

تجاوز السرعه بمقدار يزيد عن السرعة القصوى للطرق السريعة يكلفك غرامة عالية
سويسرا لم تقم بفرض عقوبة عليك انما سردت تعليمات وحددت مبلغ لقاء كل مخالفة
وبذلك وصل الاجمالي هالمبلغ

اعرف شخص بالسعودية يسافر اغلب وقته بر
وصلت المخالفات بنظام ساهر 12 الف ريـال في سنه

والنظام واضح ، عدم السداد يترتب عليه زيادة في قيمة المخالفة

ومع ذلك نحترم النظام بغض النظر اعجبنا او كان في خدمتنا
مثل احترامنا لرائك

عزيزي لورد بناءاً على ما ذكرته فالمبلغ معقول
خمس مخالفات بهذا السعر اجدها نسبياً معقوله وغيره لا

وانا للامانه مع احترام القوانين وخصوصاً تجاوز السرعه وقطع الاشاره ،،

شكراً للتوضيح هنا وفي الجانب الاخر

وراكم حملتوني خمس مخالفات !!
كل المسألة اني زودت السرعه بزيادة تقريبا زيادة 27 كيلو
ولكن يمكن لاني طنشتهم مرتين او بالاصح راسلتهم ولكن راسلوني مرتين بلغتهم الغبيه ولا حياة لمن تنادي فتدبلت الغرامه يعني يا استاذي الكريم نصب
ماهي مشكلتي يراسلني بلغته ولا افهم عليه ، لا وكمان ارسل له ويطنش؟ لكن ما اشره عليهم طالما ان سفارتي السعوديه ماردت علي تبي السفارة الاجنبيه تعطيني وجه ، وان مادفعت آخرتها بيعاملوني مجرم ويبهذلوني ويسجنوني وادفع وانا ما اشوف الدرب وسفارتك ولا تحسبلك حساب وللعلم راسلت سفارتي السعوديه هناك ولا ردوا على ايميلي الرسمي ... ياعمي خربانه الشرهه على اللي يستأجر سياره مره ثانيه في اوروبا ولا انا لي ثمان شهور في كندا ومعاي سياره ما اخذت ولا مخالفه ولكن صراحه كنت محترم القوانين اما في اوروبا ضغط السيارات والمسار وطول النفق جابلي الضيقه والخنقه وانغريت بالسيارات اللي تسرع فاسرعت معاهم اثاريهم مثل نظامنا يعرفون وين حاطين الكاميرات ويهدون وانا اكلتها .