انت اسال الفندق ان كان يتعامل مع هذا النوع من البطاقات ويسمى Debit card اذا قال اوك فخلاص ماعندك مشكلهوانا استخدمتها بدبي كذا فندق بس بعضهم كان يحاول يسحب منها ع اساس انها credit card وهي البطاقه الائتمانيه العاديه ومانفعت فيسال هذه كريديت او دبت كارد اقوله دبت كارد ويرجع يعدل شي بالجهاز ويضبط معه ولكن ان كان تبي نصيحتي طلع من البنك الي راتبك ينزل عليه بطاقه ائتمانيه عاديه بتكون مجانيه وانت سدد البطاقه اول باول عشان ما ياخذون عليك اي شي ولما ترجع قفلها وانتهينا والسبب اول شي انه تفتك من الخوف لاسمح الله لو طلع في مشكله بالفندق او البنك او البطاقه ومانقبلت وش راح تسوي !! المبلغ الي تحطه بالبطاقه ماراح يرجع بحسابك على حد علمي الا بطلعه الروح وبتكون بموقف صعب وقتها فخليك على المضمون البطاقه هذه دوليه وكل النناس تتعامل فيها واي مشكله بس تلفون للبنك وينتهي الموضوع وهذا نادرا مايسير السبب الثاني انه لاسمح الله لاي طاريء احتجت لمبلغ زياده ممكن تسحب منها وارجع سددها على طول السبب الثالث بعض الفنادق او مكاتب تاجير السيارات او حتى المطاعم وبعض الاماكن الفخمه خصوصا تطلب حجز ببطاقه كريديت او الدفع فيها وماتقبل حتى كاش واخر شي اذا رجعت تبي تقفلها قفلها ماتكون خسرت شي الاصدار مجاني وانت سددت الي عليك على طول وبالاخير اشتريت راحه بالك بدل ما تشيل معك كاش ممكن يضيع او ينسرق لا سمح الله وهذه نصيحتي لك وانت بكيفك وانا لو تبي زياده الحرص بعد تطلع بطاقتين وحده فيزا ووحده ماستر كارد لان احيانا بطاقه تتعطل ولا المكان الي تكون فيه مايقبل الا وحده فيهم بس ممكن هذا يكون شي مو ضروري بنظري مثل تواجد بطاقه ائتمانيه بالسفر بالوقت الحالي فهو ضروره وليس خيار والله يسهل لك سفرك واتمنى لك اجازه سعيده

مواضيع عشوائيه ممكن تكون تعجبك اخترناها لك: