الموضوع: ممكن ايها الاحبه تتكرمون باسعافي

أحبتي أهل الطيبة والشيمة وكل المدح والله شوي فيكم ياحبي لكم جعلي ماعدمكم أسأل الله ان يحفظنا ويحفظ دولتنا ودولتكم من كل شر امين وجميع الخليج يارب اسأل الله ان يوحد قلوبكم وقلوبنا على طاعته امين ،


الكل يدخل ويسأل ويستفسر ولا تقصرون معاه جزاكم الله خيرالجزاء بس انا هالمره ابستفسر عن علاج عندكم ياحبايبنا وش اللي يخفف شوي من محبتكم لاني ماصبر عن هالديره احبها واحب شعبها ياحلوها وياحلو شعبها الله يحفظكم يارب دخلتم قلبي مثلما تقبل الارض الخصبه الماء وتنبت

صدقوني ماظن تلقون علاج واللي يلقى علاج يخبرني بس هو شعور ومحبه في قلبي احببت توصيله للغالين

انا ماقلت شي قلت راي قلت وجهة نظر الله يحفظ من قالها وشهر بهذه المقولة امين

اخوكم ومحبكم ابو خالد

مواضيع عشوائيه ممكن تكون تعجبك اخترناها لك:

• ماهي أيام الاجازة الاسبوعية الويكاند وطريقة شراء سيارة في الكويت
• نبرفانا
• صور عن الكويت
• مطعم بيبيس بيتزا الهوليدي ان السالميه
• استفسار ومساعدة
• استفسار يا اهل الكويت
• مطعم حلووو
• ترتيب جدول مميز من ناس مميزين
• بنات الكويت تعالو
• شقق فندقيه اذا ممكن
• ريجنسي الكويت برنامج مميز في رمضان
• رحلتي العائليه من القصــيم الى لـؤلـؤة الخليـج ▐تقـريـر مصـور
• ツ】ઇ需 روبي تيوزداي في الافينيوز عالم الطعام 需ઇ【ツ
• أين يوجد بوتيك شانيل في الكويت
• سؤال عن برج البابطين
• دوله الكويت معلومات متنوعه وبعض مواقع الانترنت
• انا بـالكويت وأحتاج مساعدة
• كيف اروح مول 360
• هل من يد مساعدة ؟
• مقتطفات من رحلتي للكويت

والله خرعتني خفت بعيد الشر ان فيكم شي او أحد من طرفك الله يقطع ابليسك
العلاج بكل بساطة انك ترجع تنورنا وتكحل عيونك وعيونا بشوفتك مرة ورا مرة ومراااااااااااااااااااااااااااااااااااااااااات
وسعادتنا ماراح تنوصف لاهي مجاملة ولا شي حقيقة في قلوبنا والله بيحاسبنا عليها
وتشرفنا وتشرفنا وتشرفنا وتحل علييييييييييييييينا البركة يابوخالد
واذا عندي كلام يعبر اكثر جان قلته بس انت خلصت الحكي كله عسى الله يبارك في عمرك على دعواتك وانت بمثلها
ويخلي لنا ويخليلك اخونا الغالي سعود الورع.

(ويخلي لنا ويخليلك اخونا الغالي سعود الورع)


مشكوره اختي الاستاذة الغالية أصول 2 على خوفك بس حبيت اتغشمر وياكم بطريقة الموضوع والا انا صج اموت بشي اسمه الكويت احبها واحب اهلها وقرايبينا كلهم عندكم الله يحفظكم ومشكورة كل كلامك ينقط عسل

وسعود الورع والله انه غالي احب مزحه وضحكه وجده برنامجه مايفوتنا ابدا الا بحالة نادره
قابلته فوجدته نعم الرجل يمكن البعض يزعل من كلامه اللي يقول ع الهواء بس خارج الاستديوا رجل أخر بمعنى الكلمة الله يخليه لاميمته وعياله وزوجته وغاليه ومغليه امين
انا ماقلت شي قلت راي قلت وجهة نظر
واشوفكم ع خير يالغالين

يامرحبا بأخونا بوخالد

العين اوسع من الدار

ابرك الساعات

المشاركة الأصلية كتبت بواسطة بيبسي كولا
http://www.arabtravelersforum.com/tr...0/#post6231130

يامرحبا بأخونا بوخالد

العين اوسع من الدار

ابرك الساعات





تسلم ياببسي كولا والله انكم رجال ونعم الرجال والطيبه والاصالة معدنكم مثل الذهب ماشاء الله عليكم كل ماتدقه يلمع الله يحفظكم

انا ماقلت شي قلت راي قلت وجهة نظر

أشكرك على مشاعرك الصادقة ونحمد الله عليها

وهذي الساعة المباركة اللي تشرفنا فيها بأي وقت

البيت بيتكم والديرة ديرتكم واحنا ضيوفكم فيها

حياكم الله

المشاركة الأصلية كتبت بواسطة كويتية^رحالة
http://www.arabtravelersforum.com/tr...4/#post6231314

أشكرك على مشاعرك الصادقة ونحمد الله عليها

وهذي الساعة المباركة اللي تشرفنا فيها بأي وقت

البيت بيتكم والديرة ديرتكم واحنا ضيوفكم فيها

حياكم الله



اختي كويتيه رحاله يبارك بايامك وحياتك أسأل الله العظيم أن يوفقكم جميعاً لما يحبه ويرضى ويجعلنا ممن تولاه بكرامته امين
ماعندي كلام غير جزاكم الله كل خير يالطيبين

واقولها للمره المليون حافظوا على دولتكم حافظوا عليها حافظوا عليها الله يعزها بالاسلام ويوفقكم بطاعة الرحمن ويبعد عنا وعنكم من يريد بنا شرا امين

شكرا جزيلا و نحن أيضا نحبك في الله
و نتمنى ان يوفقك الله لما يحبه و يرضاه

المشاركة الأصلية كتبت بواسطة حلوة الكون
http://www.arabtravelersforum.com/tr...2/#post6232512

شكرا جزيلا و نحن أيضا نحبك في الله
و نتمنى ان يوفقك الله لما يحبه و يرضاه



اختي حلوة الكون احبك الله الذي احببتينا من اجله وأساله ان يظلنا الله في ظله يوم لاظل الا ظله

وحبنا لكم ولدولتكم ماهو وليد اليوم وانما هو من القديم ونحن واياكم اهل واخوان الله لايفرقنا امين يارب العالمين

كلكم يالطيبين ع راسي من فوق واقول حافظوا ع دلتكم وكونوا على قلب رجل واحد

انا ماقلت شي قلت راي قلت وجهة نظر الله يحفظ من قالها وشهر بهذه المقولة امين

اخوكم ومحبكم ابو خالد التميمي

والله خرعتنا يابوخالد
حبتك العافيه وحياك الله في اي وقت المكان مكانكم واحنا ضيوف عندكم والاكيد احنا نحبكم بعد مثل مانتوا تحبونا

المشاركة الأصلية كتبت بواسطة q8ya metnaqla
http://www.arabtravelersforum.com/tr...0/#post6237220

والله خرعتنا يابوخالد
حبتك العافيه وحياك الله في اي وقت المكان مكانكم واحنا ضيوف عندكم والاكيد احنا نحبكم بعد مثل مانتوا تحبونا




استاذة مشرفة الكويت قولي آآآمين جعلك ماتخرعين حياتك كلها الا بمثل تخريعتي لكم واللي يتخرع كذا اكيد انه محبوب وكل يدور المحبه في الله من يرفضها وربي يجعل ايامنا واياكم كلها محبه فيه ويسر امورنا ويحفظ بلادنا وبلاذكم امين يارب العالمين لاتسمعو لمن يريد تفريقكم كونوا يدا واحدة ضد اي واحد يريد تفريقكم الله الله بالحفاظ على دولتكم والله الله بحب شيوخكم فان يدالله مع الجماعه ومن شذ شذ بالنار جعلنا وايكم ممن يستمع القول فيتبع احسنه

انا ماقلت شي قالت راي قلت وجهة نظر الله يحفظ اللي شهر بالكلمه هذي ويخليه لعين ترجيه امين

اخوكم ابو خالد التميمي