المشاركة الأصلية كتبت بواسطة demah21
http://www.arabtravelersforum.com/tr...1/#post6677961

من اجمل ماقرات من التقارير .. صراحه فادني كثير لاني مسافره في هذا الصيف شهر يونيو ويوليو
واستفدت منه ناحية التمشيات والاماكن
لاني أول مره ازور باريس ..

وثانيا حجزنا بنفس الفندق الي قلته عنه في الاديفانس

بس أخي أبو أمجد عندي استفسار ..

متى قدمت على التأشيره قبل السفر ؟ وايش تحتاج بالضبط من اوراق وهل الاطفال تحت سن معين لهم شروط . .!

وايضا الي فهمته من التقرير اني أبعد عن الاوت لت ومتحف الشمع لاني زرتهم في لندن .. يعني ما اضيع وقتي فيهم مع العلم اني مدة الرحله 17 يوم تقريبا بس حابه أروح المدن الريفيه والقريبه من جنيف .. ايش تنصحنا فيه ؟


ربي ييسر لك كل أمر عسير ويحميلك بناتك واولادك .


ومره ثانيه شكرا جزيلا لك .. تقريرك حفظته بالمفضله لاني من اجمل ماقرات .. كنت ابحث عن هيك تقرير يفيدني ..



شكرا على المرور والثناء والكلام الطيب

وكويس ان التقرير فادك بالتخطيط ومعلومات عشان رحلتكم القادمة باذن الله والجهد اللي سويته وكل الاعضاء كذلك انما هو من اجلكم

بالسبة للفندق ان شالله بترتاحون فيه والموظفين فيه راقيين ويجيدون الانجليزية بشكل ممتاز وتراه قريب مرة من محطة المترو وكله مكتوب بتقريري

بالنسبة للتأشيرة انا كما ذكرت بتقريري اني قدمت على السفارة الالمانية للاهل لان انا معي اصلا تاشيرة مدتها سنتين، وسبب التقديم على الالمانية كما وضحت بالتقرير شروطهم ما عجبتني وحسيت انها معقدة شوي خصوصا شروط الصور فلقيت الالمانية اسهل بواجد ولا يحتاج حجز طيران ولا خطاب تامين ولا كشف حساب وقدمت عليها تقريبا قبل شهر من موعد السفر وطلعت خلال 12 يوم اذكر بس انتم مسافرين بعز الموسم فيرجى اخذ الحيطة والحذر ومخاطبة مركز التاشيرات قبل مدة كافية وسؤالهم كم تحتاج . بس في ناس اخذوها من الفرنسية وكانت بالنسبة لهم عادي وانتم شوفو اللي يناسبكم.

بالنسبة للاوت لت هو زين تتمشون فيه اذا زرتم دزني لاند لعدة ايام من باب الاطلاع والتفرج بس انا لقيته غالي جدا جدا، بالنسبة لمتحف الشمع اذا انتم زرتم حق لندن ما انصحكم بحق باريس خير شر لانه اقل مستوى بكثير

بالنسبة للمدن بقرب جنيف انا لا اعلم عنها بس في تقرير الاخ لورد تقرير مزدوج عن فرنسا وسويسرا واظن بفيدكم

وشكرا لكم ورحلة سعيدة

مواضيع عشوائيه ممكن تكون تعجبك اخترناها لك: