الموضوع: سوق الجمعة

صباح الخير سوق الجمعة في الكويت اشوفهم يذكرونه في برنامج روعة في تلفزيون الكويت وانه فيه اشياء قديمة وتراثية اضافة الى بعض الاشياءالغريبة فيذا ممكن معلومات عنه ووين يقع وانالكم من الشاكرين

مواضيع عشوائيه ممكن تكون تعجبك اخترناها لك:

• سؤال للاعضاء الغالين
• بخصوص الاتصال لجوال كويتي
• يأهل الكويت
• جاى ومشارك بمعرض بارض المعارض بالكويت
• وين خبراء الكويت أبي شقق تكفينا وأسعارها معقوله
• اختاروا لي من حيث الافضل في السعر
• فطاير
• ضروووري الفجر ماشيه الكويت
• افضل المطاعم ريوق وغدى
• الطريق من الرياض الى الكويت استفسار
• وش الصالات الزينه للزواج
• يا أهل الكويت ما فيش اخبارعن برج الجابر
• 10 فنادق في الكويت قريبة من الأسواق ومناسبة للجميع
• شقق حلوة بالكويت
• تكفون ابي اسافر الكويت فيدوني
• ابي فندق مع حوض داخل الغرفه؟
• استفسار بخصوص تأجير سيارة بالكويت
• استفسار عن بنزين الكويت
• ساعدوني ياأهل الكويت واللي زار الكويت قريب
• مبروووووووووك يالكويتيين التنقل بالبطاقة الذكية بين الخليجي في أكتوبر

السلام عليكم و رحمة اللة



كنت ناوي أنزل موضوع عنة بس بدام أنت سألت فراح أرفعة بكرة. أم عنوان السوق فحسب الجرايد هو نفس الموقع القديم بس جري لة بعض التعديلات و التنظيم.
موقع سوق الجمعة الكويتى: في منطقة الري لو أنت ماشى علي شارع الصحافة بأتجاة المطار السوق يكون علي يمينك مقابل منطقة اليرموك .

عنوانه سوق الغنم القديم في الشويخ مقابل سوق الأيرانيين قريب من شركة تويوتا (الساير)على فكرة موقعة ماتغير من أكثر من 30 سنة لكن تنظم كثير عن اول

يالله ياشباب احد يشد حيله ويحط صوور المووقع الجديد لسوق الجمعه
قبل كان بسطات مكشووفه بساحه
والحين اصبح السووق تغطيه المظلات الكبيرة يعني صار ممكن تتسوق فيه وماتخاف اذا كان الجو مطر او غبار او حر يعني صار سوق مودرن الله يرحم ايام قبل من تصير غبره او مطر فجأ ابتلشو في اعمارهم اصحاب البسطات والمتسوقيين كل من يركض علي سيارته
وقبل المغرب بشوي شطب السوووق
والحين من الصباح الي الساعه 9 بالليل ولاتهتم اغبار مطر

الحقيقه انا خبري فيه يوم البسطات وكنت رايح له العام الماضي بشتري خيام وشفت المظله الكبيرة مالته سالت شنو هذا قالولي سوق الجمعه الجديد ومن يومها ما شفته بس اللي عرفت انه صار سوق حق كل يوم مو بس الجمعه ويفتح من الصبح لليل وفيه كهربا وماي ودورات مياه

ودي اروحله بس الحر مو مخليني اطلع حلاته في الربيع بس يالله ملحوقين السنه اليايه ان شاء الله

عزيزي تفتيش
اضافة على ما قاله الاخوان
السوق تم تخصيصه إلى القطاع الخاص ، وتولت شركة كويتية بناءه وادارته ، وتم توسعته وتغطيته بالشكل الذي تراه حالياً ، كما تم انارته وانارة المواقف الخاصة به ، علاوة على ذلك تم بناء مسجد كبير بداخلة و استراحات ومطاعم ونوافير ، وتم ترصيفه وتبليطه بالكامل ، وأيضاً تسويره بشكل تراثي .
السوق يفتح يومي الخميس والجمعة علاوة على أيام العطل الرسمية والأعياد من الساعة 8 صباحاً وحتى التاسعة مساءً .
السوق يحتوي على قسمين رئيسين :-
السوق الجديد : ويحتوي تقريباً على كل شيء من الملابس والاثاث والسجاد والمواد المنزلية ومواد الزينة والتجميل والعطور ، ويقع بالجهة المقابلة لمنطقة اليرموك .
السوق القديم [ المستعمل ] : ويحتوي ايضا على كل شيء ، لكن المواد المعروضة مستعملة ، وقد تباع مواد جديدة ، او مواد تم جلبها من المخازن [ ستوكات ] .
السوق المستعمل يحتوي على مواد كثيرة ومتنوعة من المواد الثراثية والقديمة ، حيث يكثر به السواح الاجانب ، علاوة على الوافدين وغيرهم الذين يبحثون مشتريات بأسعار معقولة ومقبولة ، وهناك بعض الوافدين يشترون بعض الملابس المستعملة وذلك لارسالها لبلادهم .
ويمكن الوصول لسوق الجمعة من خلال عدة طرق :-
1- الدائري الرابع ومن ثم الدخول بين المشاتل [ محلات الزراعة وادواتها ] .
2- طريق المطار الذي يمر أمام منطقة اليرموك .
3- من خلال طريق الغزالي .
أتمنى أن أكون قد قدمت ما ينفعكم وينفع الاخوان الاعضاء
[blink]ملاحظة [/blink]
[ تراني ما أشتغل هناك ، ولا عندي بسطة ، ولا ني صاحب محل ] .... :109: بس اتردد على السوق كثيراً بحكم انه بجانب سوق الحمام .
وشكراً

يعطيكم العافية جميعا ...
إي والله نبي الصور جزاكم الله خير يمكن نتشجع و نروح له بعد التجديد .
إختكم من زماااااااااان عن سوق الجمعه من يذكر ,يمكن رحت مرتين أو ثلاثة من عقب الغزو علشان أدور أنتيكات قديمة :101:

ماقصرت اخونا فهاد علي هالمعلومات الحلوة . :x1:


تحياتي ............

والله الشباب ماقصروا ومشكور يالوطن على الشرح الوافي كل من شارك