الموضوع: تكفون يا عيال

السلام عليكم

تكفون يا عيال انا ابسافر بكره ان شاء الله

وربي ما ادري وين اروح ووين اسكن ووين اتمشا

ابي الجبل اهم شي يقولون فيه الفله

تكفون افيدوني
المده 10 ايام يمكن تزود حسب الجو
المبلغ من 12 الف الي 15 الف
تكفون افيدوني يقولون في المطار مكتب كاها وش افضل الشقق عنده
عدد الاشخاص 2
يا عيال ابيكم تكفون توصيف رح لكذا وكذا وربي منكب
تكفون افيدوني

مواضيع عشوائيه ممكن تكون تعجبك اخترناها لك:

• رحلة شبابية لبلاد العمة بحاجة مساعدتكم ونصيحتكم
• انا حجزت واول مره اسافر
• الله يجعلكم من اهل الجنه يارب ادخلو ضروري
• كيف الجو في اندونسيا في بونشاك
• اسفسار بخصوص فندق بولمان
• طلب افادة لا عدمتكم
• سؤال وابي الاجابه عليه باقرب فرصه تكفون يالنشامى
• الدال على الخير كفاعله
• المسات الأخيره على مخطط السفر لماليزيا واندونيسيا
• السلام عليكم اريد تفاصيل هذه عن اندونيسيا ...
• استفسارات بخصوص السفر الداخلي بالطائره والقطار
• عطلة قصيره والوجهه بوغور او بونتشاك
• ابي استفسر عن بعض الشغلات في اندونيسيا
• نداء الى خبراء الجبل
• طلب تنسيق جدول لشهر العسل
• هل ميزانيتي كافيه ؟
• خيره حيره قبل السفر الي اندونيسيا
• بليز ابي مساعدكم في التنقلات ورحلتي
• أفضل خطوط الطيران الأندونيسية
• بوكيه ورد وبعض الاستفسارات

اول شي حط مبلغ 50 دولار بجيبك للفيزا اول ماتوصل المطار اخوي لشخصين وخلها دولار مو ريالات لانها مطلوبه بالدولار
وتاكد من جوازاتكم انها باقي فيها ست اشهر
وخل 300 الف روبيه علي جنب هذي ضريبه مغادره لكم الاثنين بعد مانتنتهي رحلتكم باذن الله = تقريبا 35دولار

===========
بتقلع الجميعه يعني توصل السبت هناك صعب تطلع للجبل بهل يوم لانه بيكون مزحوم الخط
خلك بجاكرتا اول ليلتين
اسكن بوسط المدينه في فندق لومير بيناسبكم جنبكم سوق متوسط اسمه اتريوم بلازا وفيه صرف عملات وشرائح جوال وشحن لها ومطاعم قليله والمنطقه نفسها جنبك مو بعيد عنك كثير من المطاعم العربيه زي مطعم الجزيره
واذا سعر الفندق ما ناسبك تقدر تحجز بفندق اكايا القريب من المنطقه بعد بس لومير افضل منه واذا الغرفه ما ناسبتك في لومير مو نظيفه حاول تغييرها احيانا يعطون العرب غرف اقل مستوي

او تسكن في شمال المدينه بمنطقه انشول فندق ميركورياو شقق استون مارينا انت هنا جنب شمال العاصمه وشنب منطقه انشول البحريه الترفيهيه بتواجه مشكله زحام في التمشيه يوم الاحد فيها لانه يوم عطلتهم بس تتحمله وتروح لعده مناطق في انشول زي سومدرا او دنيا فنتازيا او سي وورلد او تتمشي في البحر وتركب التلفريك

يوم الاثنين تطلع للبونشاك مسافته عن جاكرتا 85 كيلو تقريبا تفتر فيه تدور فيلا تناسبكم ومنها تتمشي في مناطق الجبل كل يوم
اقرا هلموضوعين بيفيدونك باذن الله
http://www.arabtravelersforum.com/travel384735/

http://www.arabtravelersforum.com/travel413849/

وصولك بيكون يوم السبت على حسب كلامك
اول ماتوصل المطار وتنهي إجراءات التفييز(25) دولار لكل واحد
بعدها تنهي إجراءات الجوازات وبعد استلام العفش تجد مكتب كاها
على يمينك أحجز منه غرفتين بأحد هذه الشقق الفندقية (بوري كازبلانكا - استون راسونا - كونينغان سويت )
خذ يومين بجاكرتا يوم للراحه ويوم توجه فيه لانشول بيكون زحمه بس عادي انتم شباب
يوم الاثنين توجه للجبل بالاتفاق مع احد السائقين المذكوره اسمائهم وارقامهم بهذا الرابط
http://www.arabtravelersforum.com/travel389407/
الاتفاق مع السائق حتى الحصول على فيلا عند وصولك للجبل ابحث عن فلل مناسبه لكم والمجمعات
مجمع شكرو ممتاز كسعر وكموقع
خذ بالجبل اربعه او خمسه ايام على حسب رغبتكم يتم توزيعها كتالي
اول يوم راحه
ثاني يوم شلالات شلمبير وحديقة تمان سفاري ويبدا فعاليات سفاري من العاشره ص حتى الخامسه م
ثالث يوم حديقة الزهور ومسجد التعاون والبراشوت ومصنع الشاي
رابع يوم مدينة بوقور والمرور على بحيرة الليدو أثناء العوده
خامس يوم راحه بالجبل والتوجه لمكتب بالفقيه لحجز يومين بأحد شقق باندونق الفندقية والافضل برائي
شقق استون باندونق او حجزها من مكتب كاها المتواجد بمحطه قطار باندونق عند وصولك
سادس يوم السفر الى مدينة باندونق والتوجه للسكن والراحه وبالمساء التوجه لاحد الاسواق
سابع يوم التوجه لضاحيه لمبانق لبركان تنكوبان براهو وبعده التوجه لشياتر وبعده التوجه لشالالات مرابيا
ثامن يوم السفر من باندونق الى جاكرتا لقضاء آخر يومين هناك للتسوق والتمشه
واذا زودت الايام وزعها بين الجبل وباندونق او السفر الى بالي والاستغناء عن ايام باندونق وممكن حجز
بالي من مكتب بالفقيه المتواجد بالجبل وبالي يكفيها من 4 الى 5 ايام
اذا جدولكم 10 ايام ممكن تنسق مع سائق يكون معاكم بالجبل وباندونق بحدود 500 الف روبية لليوم الواحد
وجاكرتا مشي أمؤرك بالتكاسي
هذه أفاده على عجل والشباب ما راح يقصروا معااااااك

بخصوص مكتب كاها بتلقي له مكتب في المطار تحجز منه سكنك بيعيطك ورقه فاوتشر للحجز تاخذه وتروح للفندق وتعطيه الورقه الفاوتشر ويعطيك غرفتك
الفندق ما يوفر سكن ملائم بري جاكرتا فلا تحجز منه الا سكنك في جاكرتا وفي البونشاك دور علي سكن يناسبكم مع السائق وانصحك تمر فلل جياكرتا او فلل شيكروا كمنتجعات مستقله او فيه فلل مستقله تقدر تتفرج عليها بتمشيك في المنطقه وبحثك عن سكن

هلا ابو خالد لو شاهدت مشاركتك لكتفيت بها
تحيتي

هلا ابو سلطان بالعكس دوما سباق للخير واشكرك لردك ولو كنت بكل رد بتكتفون بمشاركتي فاني لن ارد علي احد لان بردودكم شفاء ودواء للسائل دوما انت وبقيه الاخوان بارك الله فيكم وبكم المنتدي يقوي كل يوم واخر وكلنا مع بعض مكملين لبعضنا البعض وتعدد الاراء افضل للسائلين ليكون عنده عده خيارات للاختيار منها

في الجبل خذ عندك

تمان سفاري + حديقة الزهور +البركان(المياه الحاره)+الشلال +البرشوت


وخذلك يوم اويومين في جاكرتا

عالم البحار +دنيا فنتزي +مطعم بندر جاكرتا +التلفريك

وروح بالي اذا انتو شباب كم يوم

الالعاب البحريه + رحله التجديف في النهر +شاطى دريم

وبالتوفيق وتوصل بالسلامه

في الجبل خذ معك العزبه

لانك راح تسكن في فيلا ولزوم الطبخ والنفخ

وخذ معك فطور ((معلبات ونواشف ولوازم القهوه والشاهي وتمر ))

نشكر الخبراء الافاضل على أجاباتهم الرائعه والمميزة وبصراحة ماعندى أى شى أقوله

بعدهم الا ذكر هذه الملاحظات المهمه وأن شاء الله راح تستفيد منها أخي الكريم وهي :-


1- أذا كنت بالعاصمة جاكرتا أستخـدم التكاسي أوفــر وأفضــل وتحديدا تكاسي شــركـــة

( بلو بيرد ) وتحصلهــم بكثرهـ هنــاك سواء بالفنادق أو المجمعات التجارية أو المطارات ،،


2- بالجبل بنشاك أنصحكــم باأستخدام سيارهـ خاصــة وأسعارها باليوم الواحد

بحدود 400 الى 450 ألف روبيه شاملة البنزين وضرائب الطريق ،،


3- حاول تكون جميع حجوزات الفنادق اللي راح تسكن بهــا من مكتب أسمه ( كـــــــاهـــــا )

وكذلك حجوزات الطيران الداخلي لمدن وجز أندونيسيــا ،،


4- أثناء عودتكم الى أرض الوطن هنـــــاك ضرائب لابد من دفعهــــــا بالمطار وهي عبارة

عن مبلغ وقدرة ( 150 ألف روبيه ) للشخص الواحد حاول تعمل حسابك على هذا الشى ،،


5- حاول أنك تحول فلوسك الى دولارات وتكون من فئــه جديدة وحاول مايكون مكتوب عليهـا

شى وماتكون مسفوطة ومعفطة لان هذا يقلل من سعر الصرف هنــــــاك ،،


6- هناك ضرائب بمبلغ وقدره من 30 الى 40 ألف روبيه للشخص الواحد

تدفعــونهـا بالمطارعند ذهابكم برحلات داخلية باأندونيسيــا ،،


7- - ضرورة تعبئة الكرت اللي راح يوزعونه عليك بالطيارة واذا نزلت بالمطار راح يختمون

على جوازك ويأخذون جزء ويعطونك جزء أحتفظ بالجزء حتى العوده لأهميته بالمطار ،،


8- تأكد من صلاحية الجواز أن لاتقل عن 6 أشهر ،،


رحلـــة موفقة بأذن الله تعالى أخي الفاضل أخوك أبن السعـــــودية ،،