الموضوع: اسفسار لرحلة الى سويسرا

تحياتي اخواني الكرام

بصراحه ارغب بالذهاب الى سويسرا وفرنسا ممكن بالصيف القادم لكن محتاج مساعدتكم
ابي توضعون لي جدول مناسب لمدة 14 يوم بحيث تبتدي رحلتي بسويسرا وتنتهي بباريس يعني ابي اعرف المدن اللي تستحق الزيارة والسكن فيها وكم عدد الايام اللي اجلس فيها ودي تقسمونها لي بشكل صحيح..

بالنسبة للسياره هل احتاج تكون معي بكل المدن السويسريه او في مدن استخدم وسائل المواصلات فيها افضل؟؟

ايضا انا قريت كثير من الاخوان يتكلمون عن الفرنك السويسري هل سويسرا ماتتعامل باليورو؟؟

مواضيع عشوائيه ممكن تكون تعجبك اخترناها لك:

• سويسرا لأول مره
• حلمي شهر العسل في اوربا شهر يناير وفبراير
• ابي رأيكم في برنامجي في انترلاكن
• المساعدة في السكن بانترلاكن وماهو الغالي بسويسرا
• استفسار بخصوص جهاز القارمن
• تكفون الفزعه يا خبراء سويسرا لا تخلوني
• في خلل في رحلتي منو يساعدني لكم الاجر
• اريد مساعدتكم في ترتيب الاماكن السياحية في انترلاكن
• كيف ساد مخالفات ساهر السويسري
• مساعدة في الحصول علي شقة
• استفسار عن النقطه الوسط في سويسرا خبرا سويسرا بليز
• استفسار عن خط سير
• الله يخليكم ساعدوني بالتخطيط السليم لرحلتي لمدة ليلة
• ما هي أفضل جبال الثلج و التزلج القريبه من جنيف آنسي
• عشـــــــقــــــــــــت ديـــــــــــــرة كلهااااا خضراءموضوع رحلتي
• احتاج خبرتكم بكذا موضوع
• مشاهداتي في انترلاكن صيف م
• استفسار لرحلة سويسرية
• ارجو افادتي بخصوص تغيير موعد الرحله
• شركة يورب كار نرجوا الافادة

السلام عليكم ورحمة الله وبركاته::
حياك الله اخوي الذيب


اولا ..سويسرا كله يمشي فيها ..فرنك ولا يورو..لكن الافضل الفرنك ..لأن في كل مكان تستعمل يورو فيه له سعر صرف اعلى من انك لو اخذته بالفرنك.


وتوجد في محلات الصرافة فرنكات سويسرية ..لكن الاهم تشوف سعر الصرف على هذا الموقع مثلا:
http://www.xe.com


ثم تشوف كم يبيعون الفرنك ..يعني لا يكون فيها زيادة كبيرة.


واذا كنت من اهل الغربية ..صراف العمودي اللي في المساعدية اشوفه الافضل.




=========
بالنسبة للمخطط ..هل تنوي استئجار سيارة ..ولا بالقطارات.
المخطط راح يفرق معاك شي بسيط.


سويسرا من وجهة نظري تحتاج سيارة ..لجمال الريف السويسري والطبيعة الخلابة.
اما باريس ابدا ما تحتاج.


مثلا كم عدد االاشخاص .؟؟


توجد بطاقات السويس باس في سويسرا واللي تعطيك حرية التنقل بالباصات والترامات والقطارات والبواخر من دون تحديد لفترة معينة 4 ايام ثمانية 15 يوم




ولو اخترت السيارة ...الغالب يوصلون جنيف ويستأجرونها من المطار من القسم الفرنسي ..ويسلموها فيه ..ومن محطة القطار الموجودة في مطار جنيف يطلعون على باريس ..لأن باريس ابد ما تحتاج سيارة .




المخطط مبدئيا لو كان معاك سيارة :
جنيف والسكن في لوزان لمدة يومين
لوزيرن ثلاثة ايام
انترلكن أربعة ايام
جنيف والريف الفرنسي يومين
باريس ثلاثة ايام




ممكن تلغي لوزيرن ..
وتصير
لوزان يومين
انترلكن خمسة ايام
جنيف والريف الفرنسي ثلاثة ايام
باريس اربعة ايام




شوف ايش المناسب لك ..والله يكتب لك اللي فيه الخير

مشكور اخوي ميدو

بصراحه انا انوي استئجار سياره اكيد لانها افضل وسيلة ةبالذات في سويسرا على كلامك

لكن انا افكر ان وصولي يكون بـ زيوريخ وبعدها انترلكن واخيرا جنيف وراح اسلم السيارة فيها وبالقطار الى باريس

مدري في رايك هالمخطط كويس ولا مخططك افضل ؟؟

نعم ممكن أخوي الذيب..
واذا شفت مواقهم على الخريطة ..تلقاهم قريبين من بعض.


لكن لا تقول ما يستحقون السكن فيها ..لأن الناس اذواق ..ومدن كثيرة تعجبني وما تعجب الاخرين.


على العموم ..حلوة اذا ما بغيت التنقل الكثير..ثلاث مدن وكفاية.


مع اني والله اشوف لو تزيد مونترو للسكن لمدة يومين ..يطلع احلى واحلى.


لوزان جنب مونترو وقريبين من جنيف
ولوزيرن قريبة من زيورخ .


واستخير الله وشوف ايش يصير معك

والله انا جاء ع بالي مخطط اخر ابي رايك فيه

ميلان 3 ايام
لوقانو يومين
انترلكن 4 ايام
جنيف 3 ايام
باريس 3 ايام
هل تشوفه مخطط جيد؟؟ والسيار يكون استئجارها من ميلانو اخر يوم لي ولا من لوقانو افضل؟؟

ممتااااااااااز ماشاء الله تبارك الرحمن,.
وبالنسبة للسيارة ..بحثت لك في شركة سيكست التالي:
الاستلام لوقانو ,التسليم جنيف ..وطلعت اقل سعر .
اذا استلمتها من ميلان وسلمتها في جنيف ..السعر راح يتدبل..لكون الاستلام والتسليم في دولتين مختلفتين.


وبالتوفيق

يعطيك العافيه
وانا اشوفه هذا المخطط افضل وفي تنوع بالمدن ونشاطاتها