الموضوع: الى خبراء الفلبين ابغى فزعتكم في المشوره

السلام عليكم ورحمة الله

اخواني بدخل في الموضوع على طول

بسافر للفلبين ان شاء الله ولكن هذي المره الاولى للذهاب اليها

طبعا انا لي شغل محدد هناك وهو اني بجيب فنيين خاصين لمركزي لتلميع السيارات يكونو مدربين وخبره في المجال وطبعا هذا لحاجتي لهم في المركز وطلب السوق ايضا والزبائن او مايسأل عن العماله وتقدير الزبائن للفلبينيين.... والله يرزق الجميع بأن الله

و بصراحه رحت المكاتب ويعطوني اسعار خياليه مع انه معي 9 تأشيرات فلبينيه ويقولون لي بنجيب الواحد على 7500 ريال واقل مكتب سوى تخفيض بـ7000 ريال وعليكم الحسبه ....
ولا تدري بعد وش التاليه ممكن مايعرف اصلا الشغل نهائي ولا غير مدرب وماعنده خبره ذاك الوقت ابلش فيه
فقررت اني اروح بنفسي واخف التكلفه لأن في واحد من الزملاء نصحني بهالشي واتنقى العماله المناسبه بعد توفيق ربي بأذن الله

طبعا في الاخير انا مااستغني عن استشارتكم وتوصياتكم وبالنسبه لمدة جلوسي في الفلبين ماهي محدد وتبدأ من 15 يوم واكثر وابغى لو جاء عندي فرصه اني اتمشى داخل مانيلا بما تنصحوني ايضا واي الخطوط افضل استقلها من هنا ذهاب واياب وتكاليف الاقامه العاديه جدا والمصروفات و و و و و

اتمنى من الله ثم منكم افادتي بجميع المعلومات وعدم التقصير في اي معلومه وحتى لو كانت صغيره


شاكر ومقدر للجميع

مواضيع عشوائيه ممكن تكون تعجبك اخترناها لك:

• أرخص تذكرة الفلبين ب الاف ريال
• إلى بوراكاي
• فنادق جميلة في انجليز سيتي
• فندق في ماكاتي افينيو شارع برقص دولار
• نظام شقق في بروكاي
• زلزال قبل قليل على العاصمة مانيلا
• فنادق في مانيلا رأيكم ماهو أفضلهم
• هل تلاحظون اختفاء بعض الأعضاء اللي كانوا فعالين في رمضان ؟؟؟؟
• ادبل ميزانيتك والا بتوهق الله يرحم ايام اول
• عبد قيس في سيبو
• من الي يعرف فقط
• الفزعه بخصوص باقيو
• اخواني الاعزاء برجاء
• استفسار عاجل
• نصائحكم لمن يزور الفلبين لأول مره
• المشورة ياعشاق الوردة الله لايهينكم
• موقع راح يفيدكم
• ●▫۝ Ω☼●♥رحـــلة هـــايـــ وبيــترــدي إلـــ الفلبــيــن ـى●♥☼Ω۝▫●
• رسالة شكر للقائمين على هذا المنتدى
• بخصوص حجز الفادق

مانزيد ع كلام اخوي عاشق الورده رح للسفارة وهم بيدلوك ع مكتب موثوق اما من ناحية مانيلا ادخل ع موضوع الاخ سنايبر اكتشف مانيلا وراح تلقا كل شي عن مانيلا.
ومن ناحية المصروف السكن اذا تبي قريب المكاتب عندك منطقة ملاتي والسكن هناك ع الي شفته من الفنادق الي قريبة للمكاتب من 3500 بيسو الي 1500 بيسو ومصروف كلن يحدد من نفسة وش يصرف انا عن نفسي 100 دولار لليوم من مجاميعه .
الخطوط رح ع السعوديه اذا تبي دايركت واذا تبي احسن خطوط من ناحية الخدمات عندك الامراتية والقطرية والاتحاد بس الله يعينك ع الانتظار.
ملاحظة اذا تبي تجلس اكثر من 21 يوم لازم تفيز.
تحياتي اخي

اخوي عاشق

اخوي العاطل

معلومه قيمة وان شاء الله اول ماروح دايركت على السفاره وابلغهم بكل التفاصيل

وبالنسبه اخوي العاطل للمصروف فأنا ماعندي شي الا السكن والاكل والشرب المواصلات وزي كذا لا اكثر ولا اقل ومايمنع اني اتمشى شوي يعني بالمساء في مركز او مكان حلو لكن بدون مصاريف زياده

ومن ناحية التفييز فالظاهر اني بفيز لأني احتمال اتأخر ولا شي فأكون ماخذ احتياطي



انا في انتظار الردود من الباقين ان شاء الله



شاكر ومقدر لكم تجاوبكم مع موضوعي

ياخي اروح الى مكاتب موثوقة هناك ومعتمده من السفاره وتاكد ما عندهم مشاكل سابقاً مهم جداً احصل عليهم من السعودية و من السفارة. لما ترجع الى السعوديه يستغلونك كل يوم يقولون ارسل لنا مبلغ كذا يدفعونه لشغله كذا.و الا تنلطع سنه والا تسافر مره ثانية. زميل لي راح الفلبين خلص شغالتين دفع كل شي .قبل ما يرجع السعودية تفق بعد 3 او 4 ايام يسافرون الى السعودية لانهاء ختم من السفارة فقط ويحجزون لهم .ما سفارتهم الا انا بعد ما دفعت 1000 دولار مع حب خشوم وتحايل . انتبه من وحده اسمها جوليا

الله يجزاك اخوي خير على هالتبيه

وفعلا كلامك صح بس انا عندي نيه ان شاء الله ماارجع الا وهم معي على الطياره لو ادفع فرق تذاكر من جيبي لهم مو مشكله


الله يوفقك اخوي ويوفقك الجميع

وانتظر مشاركات اخواني الباقين اتمنى الا يبخل على احد في معلومه لو كانت صغيره