الموضوع: تقريريدافاو بهول مانيلامع الصور

بسم الله الرحمن الرحيم السلام عليكم ورحمة الله وبركاته ...................لكل احباء الوردهطبعاً في البدايه احب اشكر كل شخص ساعدني للوصول لكل مكان حبيت اروح له والطريقه والاماكن الي فيه والشكر لاصحاب المواضيع المثبته الصراحه فيها كل ما يحتاج الواحد عن الفلبين طبعاً نبدا بالتقرير وراح اكون صريح عن ما شافت عيني عن الفلبين وارجو من عشاق الورده انهم ياخذونها بقلب رحب وروح رياضيه ولا يزعلون علي لاني متعود على اني اكون صريح عاد لا تحسبون اني راح اشرشح فيها لا بس اشياء ارفعت ضغطي هناك وابقولها لكم وبعضكم يمكن يشوفها عاديالمهم ما اطول عليكم احس اني قرقت واجد نبدا بالرحله يالغالين بس الكل يربط حزام الامان علشان ما احد يمصط ولا ينشب بالارض من الطيران تراني اخلي المسؤليه تعلن خطوط زماني عن اقلاع رحلتها المتوجهه الى مانيلا والكل يربط حزام الامان ويربض فوق كرسيه وترى ما فيه وجبات تعرفون بعض الاحيان تجينا مطاب صناعيه ما نبي تلعب ببطونكم وبعدين ........ وععععععلان ما فيه احد فاضي امسح الخطوط الناقله https://travel.maktoob.com/photo/sho...p?photo=734657 الخطوط السعوديه الله لا يعيدها لان لازم فيه مقالب اسوونه ما ادري هي استهبال ولا دلاخه عاد الي متابع معي راح يشوف وش المقلب سووه السعوديه وعادي الي يبي اخمن اكيد صارت مع كثير من المسافرين على متن الخطوط السعوديه طبعا كان الاقلاع الساعه 9:25 بالليل من يوم السبت 17 اكتوبر طبعا هذا موعد الصعود ام االاقلاع لازم تجلس احدود الساعه لين ييبس ظهرك علشان تقلع الطياره وانا ما غير انتظر متى يقلع وما غير الساعابيل تقوطر من لهفتي لشوفة الفلبينطبعا اقلعنا على الساعه 8 وقبل الاقلاع اوزعون عليكم مناديل معطره ما ادري وش له وريحته تجيب الضغطلو خطوط ثانيه اوزعون فوط حاره تمسح وجهك فيها ما علينا تجربه وعدت وبعدين اقلعنا وصرنا بالجو ما غير اقلب في المجلات الي قدامي ابي الوقت يطير امر تجيني ذاك الفكره قلت ياولد وش رايك بالنوم وجلست اقلب بندول نايت اخذ ما اخذ اخذ ما اخذ قلت خل اجرب بدون ما اخذ شي ونمت ذيك النومه لين جتني المظيفه طيرت عقلي صحتني وقالت خذ اكلك والتفت يسار ويمين قلت وش تبي ذي لا اكون احلم وش اكله والي بالطياره ما عندهم لا اكل ولا شي ليه لحالي قلت هاه وشو لا ما ابي شي قالت هذا لك خذه وجبتك قلت ما ابي ابنام قالت اكيد قلت اكيد قالت طيب وراحت شوي وبدو اوزعون الاكل والعالم ما غير بلع امر يطير النوم من الريحه وسمع بعدها اصوات البطن من الجوع مقرود وش اسوي قلت اطلب اكلي قلت شينه بعد ما قلت ما ابي ابي انام قلت حاول تنام شوي ونمت وبالعاده ما يجيني النوم بالطياره بس ما ادري وش جاني ما غير ضرب نوم تقل ماكل لي ذبابة التيس تسي مو باطتني من القهر بس تراني مو نوم نوم يعني اصحى وانام شوي واشوف الساعه علشان ادري كم باقي اثاري الوقت طار وباقي ساعتين امر تجي لمي المضيفه تقل احد مسلطها علي قالت يله الحين كل قلت ليه حطته وقالت يله كل هذا اكلك قلت يا ربيه والناس وين اكلمه شوي ونزلو اكل الي بالطياره الصراحه كنت ميت من الجوع بس المشكله ان الي بالطياره ما غير اناظرون قبل ما انزلون اكلهم قلت الله يستر لا تجي عين اطلع كل الي اكلته ما غير اسمي بس اشوى ما راح شي الا واكلهم ينزل وجلست ما غير اترقب الجزر ما غير ناقز على الي بجنبي شكله قال وش يبي هذا ما قد سافر ابي بس ابي اكحل ناظري بشي من هالجزر حلوه اكحل ناظري

مواضيع عشوائيه ممكن تكون تعجبك اخترناها لك:

• انا قلق بشأن انفلونزا الخنازير هل من جديد ؟
• تكلفة الدراسة في الفلبين
• ضيـف العيـــــــد
• طلب من جميع خبراء الفلبين
• الكهرباء في الفلبين
• ماشي للفلبين بعد
• استفسارات ضروريه ارجو الدخول
• مسافرون الى الفلبين
• جميع إجرءات السفر للفلبين
• الفيضانات في مانيلام
• الجرين بلت
• مشاركة جديدة لأول مرة مشارك
• سفري قريب وابي فزعتكم الله يجزاكم خير
• وش رايكم بالاوان او دافاو افيدددوني
• و المرشده السياحية اللي شكلها بتجيب العيد فيني
• اسعارالتذاكر لهذا الشهر
• مسافر وعندي كاميرا سوني هل تنفع في تصوير المناظر بكل وضوح
• اريد مساعدة عشاق الفلبين واصحاب الخبرة
• سؤااال مهم جدا وضروري للغايه
• مدن الفلبين

الله يعطيك العافية اخوي تقرير من بدايته بيكون روعه خصوصا المناطق الي زرتها
واذا فيها عيوب يالبا عيوبها مافي شي مكتمل
لاكن عندي ملاحظه الصور مره مصغرها وشكرا
تحياتي

مشكور ياخوي ع الصور بس عيوني اوجعتني من صغرها ممكن تكبرها شوي

وبالنسبه للسوق الكبير هو mall of asia

تقبل تحياتي

الحمدلله على السلامه
وانشاءالله ننتظرك

الله يعطيك العافية اخوي تقرير من بدايته بيكون روعه خصوصا المناطق الي زرتها

مرحبــــــــــــاً


يسعدني متابعة تقريركم وبداية رائعة شاملة تفاصيل متعددة


ويسعدني أرشادكم فيما يختص بالصور فـ عند أختيار الصورة المراد وضعها بالموضوع من معرض الصور الخاصة بالمنتدي فـ من الافضل أختيار الرابط الثاني لوضعه حيث ان الرابط الاول تظهر الصور بحجم صغير بينما الثاني تظهر بالحجم المناسب في الموضوع .


ولكم جزيل الشكر والتقدير

تقرير من البدايه شكله جميل بس اذا ماعليك امر مثل ماقالوا الاخوان تكبير الصور وننتظر التقرير بفارغ الصبر والتحيه موصوله للاستاذ سنايبر ونقول وحشتنا طلتك من زمان

المشاركة الأصلية كتبت بواسطة (العاطل)
http://www.arabtravelersforum.com/tr...8/#post3445628

الله يعطيك العافية اخوي تقرير من بدايته بيكون روعه خصوصا المناطق الي زرتها
واذا فيها عيوب يالبا عيوبها مافي شي مكتمل
لاكن عندي ملاحظه الصور مره مصغرها وشكرا
تحياتي

كلامك صحيح ما فيه شي مكتمل

وابشر بالنسبه للصور راح يصير الحجم احلى واحلى مع دافاو

المشاركة الأصلية كتبت بواسطة عاشق بوراكاي
http://www.arabtravelersforum.com/tr...8/#post3445688

مشكور ياخوي ع الصور بس عيوني اوجعتني من صغرها ممكن تكبرها شوي

وبالنسبه للسوق الكبير هو mall of asia

تقبل تحياتي

اجل عيونك عورتك المشكل نزلتهم ولا وزعت معهم مكبر
بس الجاي احلى لا مكبر ولا عوار عيون

على طاري السوق يقولون ان اسمه المخصتر اس ام وما ادري وانت ابخص على قولتهم

المشاركة الأصلية كتبت بواسطة رجنت
http://www.arabtravelersforum.com/tr...7/#post3445737

الحمدلله على السلامه

وانشاءالله ننتظرك

الله السلمك من كل شر

وا ن شاء الله انه احلى بوجودك يا المشرف الغالي
ولا يهونون الموجودين

ما صار رد صارت جلست طرب

المشاركة الأصلية كتبت بواسطة faisal999
http://www.arabtravelersforum.com/tr...7/#post3445967

الله يعطيك العافية اخوي تقرير من بدايته بيكون روعه خصوصا المناطق الي زرتها

الله اعافيك يالغالي

مع اني اول مره اروح لم الفلبين بس قلت خل ابتهور واروح لم دافاو لاني اسمع عنها اشياء حلوه

والحمد لله ما خيبت ضني

المشاركة الأصلية كتبت بواسطة عاشق الورده2009
http://www.arabtravelersforum.com/tr...6/#post3446266

تقرير من البدايه شكله جميل بس اذا ماعليك امر مثل ماقالوا الاخوان تكبير الصور وننتظر التقرير بفارغ الصبر والتحيه موصوله للاستاذ سنايبر ونقول وحشتنا طلتك من زمان

الله اسلمك الي يا عاشق لا خلى ولا عدم

وخاصه في توجيهاتك يالغالي قبل سفرتي في بعض الاشياء

وابشر يالغالي بالي تامر عليه

بسم الله
ونرجع لكم في الجزء الثاني من التقرير

وحبيت زي ما قلت لكم بعض الاشياء الي ضيقت صدري والاشياء الي استغربت منها مع كم حبه نصيحه وهي :

1- الصراحه في كل منطقه اسكن فيها سواء مانيلا دافاو بهول او اني اتمشى في داخل المدينه
اكثر ما اشوف الكنايس والاصنام طبعا هذا شي عادي بس المشكله انك ما تمسع لا صوت اذان
ولا حس وحتى الصراحه اذا شفت مسجد شهقت قلت معقوله فيه مسجد اخيرا يعني خذ معك السجاده الي فيها بوصله علشان تقدر تعرف القبله ولا تراك رح ترز خشتك كل ما غيرت السكن علشان تعرف الشرق والغرب وتحدد قبلت

2- دورات المياه وانتم بكرامه زي ما تعرفون حنى مسلمين والواحد اذا خش الدوره وانتم بكرامه لازم فيه مويه يعني كل الفنادق الي سكنت فيها ما فيها مويه تروح تشري لك علبة مويه وتشرب المويه وتستخدمها او ادبر عمرك في زي كذا مو بس الفنادق حمامات الحدايق والمنتزهات والمطاعم بس حصلت فندق واحد وراح اقولكم اسم الفندق الي هو في دافاو الي متابع معي راح يعرفه

3- لحم الخنزير الي منتشر بالمطاعم ولا بعض الاحيان اخلونه محمر كامل في بوفيه مفتوح وعععععع يعني لازم ادقق بالي تطلبه علشان تعرف انه ما يحتوي لحم خنزير (يعني بدل ما تجلس تطلب اقل من خمس دقايق تجلس نص ساعه علشان تطلب غير كذا تحوس ام الاصناف عندهم علشان تطلع اكلتك خاليه من لحوم الخنزير والصراحه هذا الي سويته ) وعلشان تسلم لازم تاكل اكل بحري ولا اكل تعرفه ولا اندومي (مسميات الخنزير علشان ما احد ياكله بالعربي ( بورك – هام – بيق) بالانجليزي (pig ham – pork- ) )


4- انقراض المطاعم العربيه في دافاو وحتى بهول ما شفت شي اما مانيلا ما حصلت في منطقة مكاتي الا كباب ايراني وحتى كاتبه بالعربي اما مانيلا ما ادري يمكن جهل مني ولا دليت المطاعم العربيه صح اما دافاو لا ما فيها ابد بس الصراحه الاكل البحري عندهم احلى من أي اكل وغير كذا مو غالي مثل الي في مانيلا

5- الي استغربت اسعار الفنادق غاليه مره الصراحه يعني اقل فندق اتحصله 2500 بيسو وطالع والي تحصله بالسعر هذا تحصله ما يصلح للسكن يالغرف فيهن ريحه ترفع الضغط ولاهي نظيفه الفرش وسخه والي تحصله فوق 3300 بيسو تحصله حلو وفيه احلى بالسعر هذا بس يالله تحصله بعد ما تفر مليون فره وغير كذا الاسعار الي في موقع الفندق مثل فندق مكاتي بالاس رحت لمه وشفت السعر فرق بينه وبين السعر الي في موقعهم بعد ما قلت لهم انا شفت السعر في موقعكم ارخص من السعر الي عطيتوني 1500 بيسو قالو ايه صح لان السعر مو شامل الضريبه قلت اف يعني الضريبه بالقيمه هذي قالو ايه بعدين طلعت وتركت الفندق لهم لان الصراحه حصلت الغرفه مهب زينه ابدا على السعر هذا وكان السعر 3900 بيسو وحصلت فندق احلى واريح وامن وانظف من كل شي ارخص من السعر هذا وراح اقولكم بعدين وش اسم الفندق

6- بعض المنتجعات سمعت فيها انها رايقه بس للاسف رحت لها وذبحني الباعض فيها وراح تعرفون أي المنتجعات الي اقصد في الموضوع

7- غلى الاسعار الصراحه حصلت الاسعار غاليه مره اقصد الغلى داخل المراكز التجاريه واذا قلت ابي سوق اسعاره حلوه ما حصلت الا واحد هو الي فهمني وقالي عن اسم مركز الصراحه كبير وحلو ورايق اسعاره حلوه والمركز التجاري فيه ارخص من هنا اقصد بالسعوديه وفيه نفس الاسعار وفيه اغلى وعلى حسب شطارتك بالمكاسر وتحصل نفس البضاعه الي في كل المراكز التجاريه عندهم وبسعر احلى وراح تعرفون المركز التجاري داخل الموضوع احس انه ارتفع ضغطكم بس هذي ضريبه للي يبي اتابع

8- التكاسي وما ادراك مالتكاسي ومشاكلي معهم كل يوم جلست فيه في مانيلا لازم اتهاوش مع كم تكسي مو اني انا اقشر بس نفسيتهم الي كان احد غاصبهم يسوقون تكاسي والحمد لله اني ماحصلت الشي هذا الا في مانيلا اما المناطق الثانيه يا حبيلهم وهي انك اذا بغيت تروح مشوار احدود العشره كيلو لحد عشرين كيلو يرفضون ليه ما ادري والبعض يقول اشيلك وازود عليك يعني اذا طلع 100 بيسو بالعداد اخذ منك 50 بيسو زياده عاد خذ مهاوش وانزل ولا اعطيه ولا بيسو واحد واجلس افر على تكسي ثاني

9- التذاكر والنصب الي يصير وهو اذا رحت لم احد مكاتب الطيران علشان تقص تذكره قالو لك متى تبي تسافر اذا قلت لهم الحين قالو فيه رحله بعد ساعه او ساعتين او ثلاث اذا وافقت اعرف انك راح تدفع ضعف المبلغ اما اذا قلت لا ابيها بكرا راح تدفع المبلغ العادي للتذكره يعني اذا مضطر انك تروح الله يعينك راح تدفع قيمة تذكرتين طبعاً واجهت الشي هذا في دافاو وبهول اما سيبو لا بالعكس رحبو وعطوني التذكره بالسعر العادي

10- شي غريب اول مره اشوف مطار يقيس الشنط اليدويه اذا كانت زايد تدفع عليها يعني ماصين دمك بالفلوس غير الضريبه وغير وغير يعني استغرب ليه الدفعات هذي الضريبه في كل مطار ومتعودين عليها بس اول مره اشوف احد شايل شنطه في يده الي تسمى هاند باق مسوي انجليزي ههههه ياخذ عليها وزن يعني لو كل المطارات الفلبين كذا كان عادي يعني على حسب المزاج ولا بعضهم يشيله في يده كان يده ميزان يعرف اكثر من 10 كيلو او لا يا سلام سلم وبعض المطارات امشونك الصراحه كم مره سويت حركات استنذال بالنسبه لهذي اقولها للي متابع معي الموضوع

11- النظره الغريبه وهي ان اهل فلبين ما ادري ليه اناظرون كذا لقافه فيهم او حقد بس الي اشوفه انه يتناقز من عيونه شرار ليه ما ادري وجلست اكلم نفسي اقول ليه النظره هذي كاني قاتل واحد من اهله بس الصراحه احط عيني فيه عينه اشوف وش اخرتها وبالاخير ما انزل عينه يعني مثل قولت وش عندك في ديرتنا ليه جاي هذا الي حسيت

12- الي تفاجئت فيه قبل ما تنزل الطياره تكلمت مع الي بجنبي اقوله جوكم بارد الحين في الفلبين قال ايه وبعد ما نزلنا من الطياره في مطار مانيلا وطلعت أتفاجئ بالحر قلت يله جاي من حر واطب في حر بس يله نروح لديره ثانيه لعلي احصل شوي براد بس اغلب المناطق قالو لي حر ما فيه الا باقيو و تقيتاي او بتنقس هي جوها رايق والي يبي اعرف ليه ما رحت للمنطقتين هذولي ينتظر ويعرف ليه وفيه مكان الصراحه يرد الروح راح بارد ورايق وراح تعرفونه برضه في الموضوع للي متابع

13- كثرة الي يبيعون عليك اشياء غير قانونيه واذا جيت تاخذها يكون فيه من رجال الشرطه اراقب الموضوع لين تكون في يدك اول ما تصير في يدك يجي لمك بسرعه ويمسكك وهذاك يطلع من الموضوع طبعا اتفاقات بيناتهم علشان الفلوس لا اقل ولا اكثر واكثر ما ينتشر الشي هذا بشارع برقص وفي شوارع منطقة ملاتي وبالاخص شارع ملاتي انتبهو لا تروحون بسبة هالاشياء هذولي لانك اذا ما عطيته المبلغ الي يبي راح تروح لم الحجز وعاد من نصب لنصب لين تروح فيها يعني ابعد وريح بالك عن كل المشاكل هذولي ولا تقرب من أي احد اعرض لك شي في الشارع او غير الشارع

واخر شي اقوله الحمد لله ان بعض المشاكل تحصلها في منطقه ولا تحصله في منطقه ثانيه بس المشكله الثانيه انك تحصل غيرها ههههههههههههه
يتبع .....

الله عليك اخوي مبدع والي الامام من ابداعاتك ومتابعين لجميع حلقاتك
تحياتي

شكرا لك اخي تصدق خشيت جو رهيب من التقرير وكاني سافرت معاك..بس لاحظت انك كل شوى تروش واذا تروشت تبدع اكثر..بصراحه صور رائعه...وتقرير خطير يعطيك العافيه

يسلام عليك اسلوبك رهيييب كمل بنتابعك حتى لو دمعة عيوني من لون الخط يجهر هالون بس معليه معاك للاخر

هلا ابوي هلا والله بعرزي ماشاء الله عليك والله انك بردت على اتسبادنا


أول شي الحمد لله على السلامه

ثاني شي ماشاء الله عليك وش هالاسلوب نابغه متابع معك وراح امشي معاك للاخر يابعد عرزي انشاء الله

ملاحظه ( اسعدني تعليقك الي هو دريشة (شباك ) وبعض الكلمات القصمنجية ترى مايفهم هالكلمات الا القصمنجية يابعد عرزي بس عساك فهمت عرزي ههههههههههه)

روح والقلب داعليك

اخوك حمودي حماده ..............سكر زياده

المشاركة الأصلية كتبت بواسطة (العاطل)
http://www.arabtravelersforum.com/tr...7/#post3450837

الله عليك اخوي مبدع والي الامام من ابداعاتك ومتابعين لجميع حلقاتك
تحياتي

يسلمو يا لغالي وان شاء الله اني اكمل للاخر وتعجبك كل الحلاقات
وبوجودكم الواحد اكمل لو كان مشغول للاخر

تحياتي لك

المشاركة الأصلية كتبت بواسطة لابو لابو
http://www.arabtravelersforum.com/tr...0/#post3451260

شكرا لك اخي تصدق خشيت جو رهيب من التقرير وكاني سافرت معاك..بس لاحظت انك كل شوى تروش واذا تروشت تبدع اكثر..بصراحه صور رائعه...وتقرير خطير يعطيك العافيه

بسلمو يالغالي

اما بالنسبه للتروش من الحر وثاني شي احس اني اتنشط اذا تروشت وشي طبيعي
بالر طوبه تتروش اكثر من مره في اليوم يا ترويشه طبيعيه من المطر يا سلا م سلم او عاد تحت الدش

ومتابعتك لي اخطر يالغالي

المشاركة الأصلية كتبت بواسطة mishariii
http://www.arabtravelersforum.com/tr...9/#post3451929

يسلام عليك اسلوبك رهيييب كمل بنتابعك حتى لو دمعة عيوني من لون الخط يجهر هالون بس معليه معاك للاخر

اف اجل انا مخلي احد تدمع عينه في التقرير علشان اللون
بس وش اسوي ان شاء الله انك تتعود عليه مثل ما تعودت عليه انا قبلك يالغالي

لان هاللون له مكانه في قلبي

ويسلمو على المتابعه وان شاء الله الجاي احلى

المشاركة الأصلية كتبت بواسطة حمودي حماده
http://www.arabtravelersforum.com/tr...6/#post3452206

هلا ابوي هلا والله بعرزي ماشاء الله عليك والله انك بردت على اتسبادنا


أول شي الحمد لله على السلامه

ثاني شي ماشاء الله عليك وش هالاسلوب نابغه متابع معك وراح امشي معاك للاخر يابعد عرزي انشاء الله

ملاحظه ( اسعدني تعليقك الي هو دريشة (شباك ) وبعض الكلمات القصمنجية ترى مايفهم هالكلمات الا القصمنجية يابعد عرزي بس عساك فهمت عرزي ههههههههههه)

روح والقلب داعليك

اخوك حمودي حماده ..............سكر زياده

الله اسلمك ويخلي يالغالي

وان شاء الله انك تستمعت معي بكل حلقه يا عرزي ويا تسبدي
وش طبيعي ما نستغني عن هالكلامات يا بعدي

والباقي يالغالي احلى وانتظررررررررررووووووووو

فى انتظار البقيه .. وفعلا انا مثلك يرفعون ضغطى خاصه مانيلا .. فيهم سبحان الله بروده من الخنزير !


اما العداد مره ركبت من اكسفورد الى روبنسون ب450 .؟لاعب بام العداد الحرامى .....:109: تحياتى.

المشاركة الأصلية كتبت بواسطة بن كارترايت
http://www.arabtravelersforum.com/tr...3/#post3453503

فى انتظار البقيه .. وفعلا انا مثلك يرفعون ضغطى خاصه مانيلا .. فيهم سبحان الله بروده من الخنزير !


اما العداد مره ركبت من اكسفورد الى روبنسون ب450 .؟لاعب بام العداد الحرامى .....:109: تحياتى.

ايه سبحان الله مانيلا فيها اشياء اتضيق صدرك

بس لو انا منك ما اخليه يشيل ولا ريال ولو اناقز لاني كم مره اتهاوش معهم بسبة العداد ولا اعطيه شي

الله عليك اخي زماني عيشتني بجو اني هناك في جزيرة سامال .
مبدع قليلة بحق تحياتي

الله عليك مبدع
متميز في السرد
انت قمة الابدع
وشاكر لك ع المرح الي امتعتنا به
تقبل مروري

المشاركة الأصلية كتبت بواسطة (العاطل)
http://www.arabtravelersforum.com/tr...9/#post3458439

الله عليك اخي زماني عيشتني بجو اني هناك في جزيرة سامال .
مبدع قليلة بحق تحياتي

الابداع كلامك يالغالي

وان شاء الله راح يكمل الموضوع بتواجدكم وتشجيعكم

المشاركة الأصلية كتبت بواسطة drj
http://www.arabtravelersforum.com/tr...8/#post3459068

الله عليك مبدع
متميز في السرد
انت قمة الابدع
وشاكر لك ع المرح الي امتعتنا به
تقبل مروري

يسلمو على المرور

وان شاء الله تستمعت في باقي التقرير يالغالي

مراحب يالغالين

عارف اني طولت عليكم

العذر والسموحه منكم

الصراحه انهبل اللاب توب وجاه فيروس ولعب في حسبة اهله

والحمد كل ما يخص الرحله في هاردسك خارجي ولا الله اخلف عليه

وان شاء الله اذا زان الجهاز راح اكمل معكم ما توقفت عنده للنهايه

وتقبلو عذري

اخوكم زماني

بصراحه اخوي تقرير مرتب
وبنفس الوقت برجلتني

تقريرك مو مره يمدح الوضع هناك

لاني كنت نواي ازور الفلبين والان بديت ارقل

المشاركة الأصلية كتبت بواسطة dellah27
http://www.arabtravelersforum.com/tr...9/#post3468609

بصراحه اخوي تقرير مرتب
وبنفس الوقت برجلتني

تقريرك مو مره يمدح الوضع هناك

لاني كنت نواي ازور الفلبين والان بديت ارقل

يالغالي لا ترقل ولا شي

اذا انت تبي تروح لم الفلبين روح واحكم بنفسك لا تحكم من مواضيع المسافرين
لان المواضيع الي تنحط بس مجرد تعرف الاماكن والاشياء الي تبي تروح لها هذي نظريتي

يعني مثلاً فيه مواضيع تتكلم عن الخطر والامن في الفلبين الحمد لله رحت ولا حصل اي شي
يعني ما شفت من الكلام الي متداول بين الشباب من سرقه وخطوره وكلا فاضي
يعني انت توكل على ربك ورح شف الفلبين وتعرف وقتها وش اقصد
بس ابعد عن الاماكن المشبوهه

واذا تبي المفيد (اذا انت تحب الجزر الرايقه روح لم الفلبين راح تحصل جزر رايقه من جد اذا انت عزابي ولا تصلح للعوائل الفلبين كا كل ) وجهة نظر
واذا رحت رحو لم دافاو الصراحه ديره تستاهل الزياره وخاصه جزيره سامال خذ فيها فره ولا تنسى برل فارم

مرحبـــ zmanee ـــ والجميع ـــاً



ما شاء الله أتحفتنا بتقرير جميل ولتجربه رائعة في جنوب الفلبين

واااااااو ما شاء الله قمه ، أجمل شئ ، أني أغبط ( غبطه ) عليك في ذلك


ولكم الشكر والتقدير

*الله يعطيك العافيه ..

كانك عارف ان رحلتي للورده بعد 3 اسابيع وتحديدا لديفاو وبهول !!

واول ماشفت الموضوع قلت قريت افكاري وسويت هذا التقرير عشاني مخصوص ؛)

تدري انا منتظر نهايه التقرير عشان احدد الوجهات الى بروحها في المنطقتين ..

مشكور مره ثانيه .

يعطيك العافية اخوي زماني تسلم الانامل الذهبية الي اعدت هالتقرير
وكل عام وانت بخير تقبل خالص تحياتي

الله يعطيك العافيه
تقرير جميل
بس عندي سؤال
ليش منسدح وانت تصور الممرات
خخخخ
عساك على القوه
ودمت بود

المشاركة الأصلية كتبت بواسطة zmanee
http://www.arabtravelersforum.com/tr...5/#post3468875

يالغالي لا ترقل ولا شي

اذا انت تبي تروح لم الفلبين روح واحكم بنفسك لا تحكم من مواضيع المسافرين
لان المواضيع الي تنحط بس مجرد تعرف الاماكن والاشياء الي تبي تروح لها هذي نظريتي

يعني مثلاً فيه مواضيع تتكلم عن الخطر والامن في الفلبين الحمد لله رحت ولا حصل اي شي
يعني ما شفت من الكلام الي متداول بين الشباب من سرقه وخطوره وكلا فاضي
يعني انت توكل على ربك ورح شف الفلبين وتعرف وقتها وش اقصد
بس ابعد عن الاماكن المشبوهه

واذا تبي المفيد (اذا انت تحب الجزر الرايقه روح لم الفلبين راح تحصل جزر رايقه من جد اذا انت عزابي ولا تصلح للعوائل الفلبين كا كل ) وجهة نظر

واذا رحت رحو لم دافاو الصراحه ديره تستاهل الزياره وخاصه جزيره سامال خذ فيها فره ولا تنسى برل فارم

اخوي كلامك سليم
بس تعرف بالنسبه لنا يالموظفين ما عندنا استعداد اننا نجرب ديره الوضع فيها مو واضح " الاجازه محسوبه " عشان كذا الواحد منا ما يبغي يخاطر ويروح ديره الاراء حولها مختلفه

على كل حال مشكور ع النصيحه

الله يرزقنا مثل هذي الرحلة الحلوة

رروعه ماشاء الللللللللللله

والله مجهود اكثر من رااائع...ولا والاكثر من هذا الاسلووووب مرررره روعة

والله قهر كانت رحلتي العودة من الفلبين 19 اكتوبر

انا جالست في مانيلا يومين وطالعت الي اليوكانو وجالست هناك 15 يوم وبعدين طالعت الي جزريرة بوراكاي هذى افضل

جزيرة في الفلبين شكلك ما رحتلها

بس حسافه والله ....مت قهر لما شفت صور جزيرة سامال تمنيت اني رحتلها


على العموم الله يعطيك العافية على المجهووود الرائع

يعطيك العافية مجهود تشكر عليه ، وفي بعض الأغلاط صدرت منك ،،، ذي الفلبيني إلى قاعد ويناظر فيك !!! عاد إنت قمت وتناظر فيه إلين تشوف إش أخرتها !!!! من الأفضل لك أن تطنش ولا تحط في بالك عشان ما توقع نفسك بمشاكل ،،،
ومن الأفضل عند زيارة الفلبين يكون معك خوي تعتمدوا على بعض الجنة بلا ناس ما تنداس
ترى اتحفتنى بالصور الجميلة وتقريرك المفصل إلى أحياناً تضيع فيه من كثرة التفاصيل ههههه
مجهود أكثر من رائع ،،،، سلمت يداك

ماشاء الله عليك والله بداع وتفقعت عيوني من القراءة وواللله ابداع بااختيار الاماكن والتصوير والاسلوب الممتع وقت التمشي ياسلام عليك ومازلنا نتابع

تقرير ممتاز من جميع النواحى وتعجبنى تفاصيلك الدقيقة فى كل المنتجعات التى زرتها ونتمنى من الادارة التثبيت . تحياتى واللة يعطيك العافية على التقرير.

أشمل وأوفى وأغنى تقرير قرأته عن ملكة الجنوب دآفآو

مآشآء الله تبآرك الله ،

عيني عليك بآردة أخوي zmanee

ألف ألف شكر لك ،

ولو إن ردي جآء بعد مآيقىرب السنه والشهرين من آخر رد لك في هذآ الموضوع إلآ إني اتمنى من كل قلبي إنك تكمله

تحيآتي لك

اشكرك على تقريك الرائع

لكن ماتوقعت اسعار دافاو مبالغ فيها لهذه الدرجه ........

انت ذكرت اسماء لحم الخنزير بالانجليزي الله يعطيك العافيه . حبيت اضيف اسمه باللغه الفلبينيه oink oink او baboy
لتعم الفائده

إلاما زمـــاني .. زمــــاني إلاما

أكيـــد تعرف هالأغنيــــة

إلا وين وديتنا يازماني .. يا زماني إلى وين وديتنا

مشكــــور يا زمـــاني مشكــــور

تقرير رآآآآآئع

وأعدت الذكريات

خصوصا في دآآفآآو

حنا سكنا في منتجع قريب من بيرل فاآرم

بس نسيت اسمه ايضا رآآئع

بس الأشهر بيرل فآآرم

دآفآآو يكثر فيها المسلمين

ركبت مع دباب ومشاني في داخل الجزيرة الي فيها المنتجعات

ودخلني في قرى مسلمة ومساجد

أسأل الله أن يثبتهم ويجمع كلمتهم

آآآآآآمين

بمناسبة الأحداث الجارية في ليبيا

أذكر اني وجدت امام مسجد يتكلم العربي بلهجة مصرية

وذكر لي انه خريج من ليبيا وزوجته مصرية !!!!

اللهم فرج عن اخواننا في ليبيا

اوووه تقرير جميل جدا يعطيك العافية

تحياتي لك

بارك الله فيك

شكرا لك اخي

سلام
تقرير رائع
هذا التقرير غني و جميل من حيث المعلومات والصور
حيث معد التقرير الاخ زماني ( مرمر زماني يازمني مرمر ) اشركنا بالعدسه والكلمات ماكان يدور بخاطره في وقت تجواله في اي مكان وذلك اشعرنا نحن القراء واشركنا في احاسيسه وكننا معه في كل لحظه وامتعنا بحساسه بالمحيط به من اجواء وهذا يعتبر قمه في ابداع وصياغت المواضيع وكنه ممترس على مثل هذه التقارير إلى الامام وشكرا لك عالما سطرت بكلماتك وما وضعت من صور فجزاك الله خير جزاء عنا

تقرير رائع يعطيك العافيه

تقرير جميل جدا يعطيك العافية

الله يعطيك العافية يا زماني

مجهود رااااااااااائع تشكر عليه

تقدم إلى الأمام يا بطل نحن معك

السلام عليكم
ماشاء الله أخوي زماني .. تقرير مبدع من مسافر مبدع لرحله مبدعة
عندي سؤال غريب شويه ... معلش اتحملني
ما هو مستوى النظافه في الفلبين بصفه عامه ؟؟؟؟؟؟
يعني ... في روايح كريهة ؟؟؟ حشرات في الغرف ؟؟ ( أكرمك الله ) .

معلومات واضحة ومشاعر من الواقع مباشره

ننتظر تقرير بهول

تقرير ولا اروع

ولكم جزيل الشكر والتقدير

جمييييييييييييل جزيرة بوهول روعة