بسم الله وبه نستعين
السلام عليكم ورحمة الله
زوجي عنده عدة كورسات في اماكن مختلفة بامريكا راح تكون كالتالي :
كورس لمدة اسبوع في سنسناتي باوهايو , كورس لمدة اسبوع بمتشغان , كورس اسبوع بهيوستن في تكساس.. والمتوقع ان تجي بعد كورسات اكثر باماكن مختلفة..
وعندي اطفال اعمارهم 6 , 2, 1....ابي اعرف رايكم بالمخطط الي انا اقترحته على زوجي...
1) اول شي نروح لندن ونجلس فيها ليلتين (نرمي شوي من تعب المشوار لان لو كان دايركت بيكون متعب مع الاطفال ..وفرصة نرد الروح بهوا المحبوبة لندن)
2) لندن -نيويورك .. نبقى فيها 3 ليالي وناخذ رحلة الى شلالات نياغرا
3)نيويورك -سنسناتي ..بالسيارة لمدة 8 ساعات والاقامة فيها 6 ليالي بشقة مفروشة ( مع خيشة رز) عشان نطبخ الكبسة لان اولادي سعوديين مية مية اخاف يصير فيهم شي لو بقوا كل هالمدة بدون رز
4) اوهايو - ميتشغان بالسيارة مدة 3 ساعات تقريبا والاقامة لمدة 6 ليالي في شقة مفروشة
5) ميتشغان - هيوستن طيران داخلي عن طريق برايس لاين( شفت رحلة مع ون ستوب بشيكاغو مدتها 7 ساعات ..ينفع ناخذها ونطلع برج سيزر ونرجع مرة ثانية المطار ونطير لهيوستن ولا مايمدي الوقت؟؟ ((ادري طماعة ما يحتاج تقولونها)))
الاقامة بهيوستن لمدة 7او 8 ليالي في شقة مفروشة
6) اخر شي هيوستن - اورلاندو ... اسبوع او اقل وناخذ شاليه ونروح لديزني
طبعا زوجي المصون رافض الفكرة
اقترح علي ان نروح دايركت لهيوستن ويجلس معنا اسبوع ياخذ الكورس وبعدين يتركنا لمدة اسبوعين يروح يخلص كورساته وابقى مع اهله الي عايشين بهيوستن ولما يخلص يجي لنا ونروح اورلاندو ...بس يحلم..رجلي على رجله..
قولوا لي انتم وش رايكم؟؟ معاي ولا مع زوجي؟؟
المقترح ان تكون السفرة بجون او منتصف جون
وعندي امل من الحين للصيف بعلم ولدي عل الحمام يعني بيكون رجال وبنشيل عنه الحفاظة خخخ
ويقول زوجي اني راح اطفش مع الاطفال لان بيكون اغلب اليوم بالكورس واذا رجع بيكون متأخر وبيذاكر وبينام بس انا اقوله ما علي منك لاني قد رحت معه كورسات باوروبا ويكون كذا طول اليوم بالكورس وانا اطلع واتسوق واتمشى ولغتي كويسة يعني ما اتعطل لو ماكان معاي بس هو يقول لي امريكا مو متوفر فيها المترو بشكل كبير مثل اوروبا واذا فيه باصات في اوقات محددةومستصعب فكرة السفر بالسيارة لمدة 8 ساعات مع الاطفال
قولوا لي يسوى اشيل قشي واروح معه ولا اجلس ازين لي ولعيالي؟؟؟
وبالنسبة للفيزا اي اسهل عشان تطلع نطلب خطاب من الشركة الي بتعطي الكورس ولا من اخو زوجي الموظف بشركة ارامكو في هيوستن ؟؟؟
ادري طولت وقلت قصة حياتي بس يمكن زوجي اذا شاف ردودكم يتشجع
هالله هالله بالردود الي تعجبني
مواضيع عشوائيه ممكن تكون تعجبك اخترناها لك:
- ارغب بالحصول على تاشيرة دراسية
- بخصوص ال
- حجز موعد لطلب فيزا
- احتاج تجربة أم مع اطفالها بالسفر إلى أمريكا
- كيف الجو في روشستر مينيسوتا في شهر 6 و 7
- الله يوفق من يجاوبني
- استفسار بخصوص الادوية في المطار بنادول السفر الي امريكا
- طلب نصائح من
- باقي اقل من اسبوع على سفرتي واحتاج معلومات ضروريه
- فيرجينيا شو تعرفون عنها ؟؟؟؟
- ارجو المساعده
- طلب مساعدة
- عاجل طائرة تصطدم بمبني في نيويورك
- متروهات كاليفورنيا كيف السبيل
- مساعده عاااجله بلييز
- تساؤلات قانونية
- استفسارت الرجاء المساعدة
- اسافسار مهم ويفيد كل العالم اذا العائله بيجون وكلهم فوق هل لازم؟
- استفسار عن
- ارجو من كل الخبراء الدخول
رد مع اقتباس
المشاركة الأصلية كتبت بواسطة sesame street
المفضلات