بسم الله وبه نستعين
السلام عليكم ورحمة الله
زوجي عنده عدة كورسات في اماكن مختلفة بامريكا راح تكون كالتالي :
كورس لمدة اسبوع في سنسناتي باوهايو , كورس لمدة اسبوع بمتشغان , كورس اسبوع بهيوستن في تكساس.. والمتوقع ان تجي بعد كورسات اكثر باماكن مختلفة..
وعندي اطفال اعمارهم 6 , 2, 1....ابي اعرف رايكم بالمخطط الي انا اقترحته على زوجي...
1) اول شي نروح لندن ونجلس فيها ليلتين (نرمي شوي من تعب المشوار لان لو كان دايركت بيكون متعب مع الاطفال ..وفرصة نرد الروح بهوا المحبوبة لندن)
2) لندن -نيويورك .. نبقى فيها 3 ليالي وناخذ رحلة الى شلالات نياغرا
3)نيويورك -سنسناتي ..بالسيارة لمدة 8 ساعات والاقامة فيها 6 ليالي بشقة مفروشة ( مع خيشة رز) عشان نطبخ الكبسة لان اولادي سعوديين مية مية اخاف يصير فيهم شي لو بقوا كل هالمدة بدون رز
4) اوهايو - ميتشغان بالسيارة مدة 3 ساعات تقريبا والاقامة لمدة 6 ليالي في شقة مفروشة
5) ميتشغان - هيوستن طيران داخلي عن طريق برايس لاين( شفت رحلة مع ون ستوب بشيكاغو مدتها 7 ساعات ..ينفع ناخذها ونطلع برج سيزر ونرجع مرة ثانية المطار ونطير لهيوستن ولا مايمدي الوقت؟؟ ((ادري طماعة ما يحتاج تقولونها)))
الاقامة بهيوستن لمدة 7او 8 ليالي في شقة مفروشة
6) اخر شي هيوستن - اورلاندو ... اسبوع او اقل وناخذ شاليه ونروح لديزني
طبعا زوجي المصون رافض الفكرة
اقترح علي ان نروح دايركت لهيوستن ويجلس معنا اسبوع ياخذ الكورس وبعدين يتركنا لمدة اسبوعين يروح يخلص كورساته وابقى مع اهله الي عايشين بهيوستن ولما يخلص يجي لنا ونروح اورلاندو ...بس يحلم..رجلي على رجله..
قولوا لي انتم وش رايكم؟؟ معاي ولا مع زوجي؟؟
المقترح ان تكون السفرة بجون او منتصف جون
وعندي امل من الحين للصيف بعلم ولدي عل الحمام يعني بيكون رجال وبنشيل عنه الحفاظة خخخ
ويقول زوجي اني راح اطفش مع الاطفال لان بيكون اغلب اليوم بالكورس واذا رجع بيكون متأخر وبيذاكر وبينام بس انا اقوله ما علي منك لاني قد رحت معه كورسات باوروبا ويكون كذا طول اليوم بالكورس وانا اطلع واتسوق واتمشى ولغتي كويسة يعني ما اتعطل لو ماكان معاي بس هو يقول لي امريكا مو متوفر فيها المترو بشكل كبير مثل اوروبا واذا فيه باصات في اوقات محددةومستصعب فكرة السفر بالسيارة لمدة 8 ساعات مع الاطفال
قولوا لي يسوى اشيل قشي واروح معه ولا اجلس ازين لي ولعيالي؟؟؟
وبالنسبة للفيزا اي اسهل عشان تطلع نطلب خطاب من الشركة الي بتعطي الكورس ولا من اخو زوجي الموظف بشركة ارامكو في هيوستن ؟؟؟
ادري طولت وقلت قصة حياتي بس يمكن زوجي اذا شاف ردودكم يتشجع
هالله هالله بالردود الي تعجبني
مواضيع عشوائيه ممكن تكون تعجبك اخترناها لك:
- استفسار عن الفيزا
- مساعدة في مخطط رحلة لأمريكا عاجل من فضلكم
- السفر الي نيويورك لمدة 10 أيام سياحة في رمضان
- ماذا حدث لـــــك في السفارة؟؟ ارجو التثبيت
- طلب من ساكني كاليفورنيا
- سعر تذكرة امريكا على اللوفتهنزا
- ما افضل المناطق في ولاية اوريجن؟ ومحتاج مواقع لتأجير الشقق في غرب امريكا
- شقق فندقية او عادية في سان دييقو للسكن لمدة اسبوعين
- السكن في اورلاندو
- رأيكم بشراء جهاز ملاحة نافيقيتر من امريكا
- استفسار فيزا الزوجة للزوج الامريكي
- استفسار بخصوص الفيزا
- الى خبراء امريكا معلومات عن سانديقو
- كيف اطلع فيزا للخطيبه
- ارجو الرد باسرع وقت ممكن ؛
- مــاذا نــفــعـل ايــام ف نيويورك ؟
- عندي فيزا وستنتهي كيف اجددها انا بالسعودية الان؟؟؟
- استفسار بخصوص حجز موعد المقابلة
- رفض تجديد الفيزا ؟؟؟؟؟ نحتاج خبراتكم جميعا وبانتظار
- الفيزا تحتاج إلى إجراءات إداريّة، ما المقصد؟
رد مع اقتباس
المشاركة الأصلية كتبت بواسطة sesame street
المفضلات