السلام عليكم ورحمة لله
عندي بعض الاستفسارات واتمنى الرد عليها........
أهلي((ابوي وأمي واخوين 7سنين و14 سنة)) مسافرين لأمريكا لأن اختي مبتعثة مع زوجها للدراسة من سنتين....وحابين يزوروهم....
انا طبعا اتمنى اسافر مع اهلي وزوجي لظروف عمله مايقدر ياخذ اجازة ويروح معنا,,,واحتمال ضعيف ياخذ اجازة ويروح معنا,,,, يعني حأسافر أنا وأطفالي الثلاثة :5سنين و3سنين وسنتين,,,, وراح نسكن في شقة اختي في بنسلفانيا,, ,,يعني مافي تكاليف فنادق,,الا اذا رحنا فلوريدا معاها نتمشى ممكن نسكن بفندق,,
المهم راح اكتب اسألتي على شكل نقاط عشان يسهل الرد عليها بدون نسيان سؤال .... والرحلة اقتصادية جداجداههههه عشان زوجي لايقول كثير وماله داعي تسافري,,
1-كم تكلف تذاكر السفر لي ولأولادي ال3 ربي يحفظهم؟ لو من الآن حجزنا ؟؟طبعا على الخطوط السعودية؟
2_طبعا السكن في شقة اختي يعني مافي تكاليف فنادق؟؟الا اذا رحنا فلوريدا,,وطبعا راح ناخذ شقة عائلية. يعني كم احط مصروف سكن احتياط لو رحنا نتمشى بولاية ثانية؟؟؟
3-المواصلات بسيارة زوج اختي يعني بإذن الله مانحتاج تكاسي ولا مواصلات الا في الضرورة القصوى يعني احتياط,,,كم احط لهامصروف؟
4-الأكل والمطاعم طبعا مو كل يوم ,,كم احط له مصروف؟
5- التمشية وملاهي الاطفال وتذاكر دخول منتزهات يعني مصروف تمشية كم احط؟؟
6-بالنسبة للتسوق مااعتقد راح افكر فيه رغم انه من أول اهتمامتي ,,لكن عشان أوفر مصروف التسوق
لباقي رحلتنا,,,,ولو انه ماني متأكدة اني اقدر مااتسوق,,,********ههههه ...لكن نحط له اقل قيمة كم؟؟؟
7-المدة راح تكون 3اسابيع الى شهر,,,,كم التكلفة التقريبية لي ولأولادي؟؟
8-انا عندي جواز سفر جديد وحسب ماقرأت انه افضل يكون لكل واحد من اطفلي جواز مستقل....كم يكلف؟؟
9-التأشيرات من و إلى وارسالها بفيديكس وكل شي كم تكلف؟؟
عشان بناءا على المبلغ الاجمالي اللي حيطلع يتوقف عليه ,,هل استمر في اقناع زوجي بالسفر مع اهلي ولا انسى الموضوع احسن لي********ههههه
10- لو نفرض طلع المبلغ كويس رغم اني مااعتقد يطلع كويس,,,,, نجي لإجراءات التأشيرات : : هل ينفع ان ابوي يسويلي تاشيرتي أنا واطفالي ولا لازم زوجي يسويها؟؟ وبالنسبة للحضور في السفارة حسب ماقرأت
في المنتدى ان الاطفال مايحتاج ,,فقط انا احتاج اسافر للرياض عشان اسوي المقابلة الشخصية؟؟صح؟؟
11- لازم اروح شخصيا اسوي المقابلة ؟؟ ينفع لما اتصور اغطي شعري بحجاب واظهر فقط منابت الشعر عند الجبين والسوالف والأذنين ؟؟ هذه الصورة تستخدم للفيزا فقط ؟؟ولا لأوراق ثانية ايضا؟؟
12-وبالنسبة لحساب البنك راح احول المبلغ اللي يعطيني هو زوجي تكاليف لرحتلي انا واطفالي ((( في المشمش)) راح احوله على حساب ابوي عشان هو المسؤول عننا في الرحلة,,ولأني طالبة ,,((عمري 28)),,ولا لازم كشف حساب لي انا واحط فيه المبلغ ؟؟؟
13- لو حطينا احتمال نروح ديزني كم احتاج مصروف لديزني لاند؟؟؟كم مصروف تذاكر داخية للسفر من بنسلفانيا الى ديزني لاند؟؟
14- وأهم نقطة,,,,,,ماهي الطلبات اللي لازم زوجي يسويها بنفسه لسفري انا واطفالي؟؟ عشان ابغى اقوله انت ارتاح ولا تسوي شي ,,,كل شي ابو ي يسويه لي وقت مايسوي اوراقه ,,انت فقط وافق وحط رجل على رجلعشان احسسه انه ماراح يتعب ابدااا.....رغم انه راح يتعب جيبه,,وكفاية اول ماعرضت عليه الفكرة قالي انسي الموضوع وين تبغيي ادورلكم في جوانتانامو.هههه,,,
15- ااااااخر حتمال لو رفض اسافر مع اهلي راح احاول بك الطرق الممكنة والغير ممكنة انه يسافر معانا ,,كذا زاد شخص ,,,كم نزود على الملبغ اعلااااه في كل بند عشان يقدر يروح معانا؟؟
لاحد يقولي 50 الف ريال عشان لاتجيني جلطة...مافي فنادق ولا مواصلات ولا مطاعم يوميا,,
ادعولي يارب يوافق والله فرصة ماتتعوض خصوصا لما يكون عندك احد هناك ويعرف المدينة واتوفر علينا مصاريف السكن والمواصلات. يااااارب تسهلها.مواضيع عشوائيه ممكن تكون تعجبك اخترناها لك:
- مطاعم العربيه في منطقة الهولويود في لوس انجلوس
- تخطيط للسفر إلى ولاية كالفورنيا
- مساعده في تحديد جدول لامريكا
- يا جماعة الخير انقذونى
- ألبـــــوم صــــور كـالـيفـورنيـــا مــــع
- استفسار بشأن وتغييرها إلى
- للمره الثانية
- إجراءات الحصول على الفيزا الامريكية في السعودية والمقابلة الشخصية محدث باستمرار
- مخططنا المبدئي لرحلة أمريكا أرجو إبداء آراءكم ؟
- السفر بين الولايات بواسطة الباص ضروري
- خبراء بوسطن
- أمل التوضيح لي ؟؟؟؟؟
- زوار لوس أنجلوسإستديوهات ينيفيرسال لاتفوتكم
- افيدونا ياأخوان من لديه تجربه ونصيحه؟؟
- أستفسار صغير
- استفسارات ع الطاير
- ياخوان محتاج موعد سفارة لو بفلوس انقذوووني
- حاجه غريبه حصلت وانا بحدد معاد المقابله
- ساعدوني في الباص السياحي نيويورك والتنقل في اورلاندو
- استشارة وش أرخص طيران لاورلاندو ؟
رد مع اقتباس
المفضلات