الموضوع: أستفسار عاجل وين الطيبين أهل الكويت؟؟

السلام عليكم ورحمة الله وبركاته .....

أذكر آخر مرة زرت الكويت فيها كان شهر 3/1990 (قبل الغزو الغاشم بـ5 شهور) .... يوم كنت عزابي ..

والآن أرغب بزيارة خاطفة للكويت الحبيبة (يوم واحد فقط) .... برفقة أم العيال ..

أستفساري لأخواني بالكويت الحبيبة :- بعد ماأدخل للكويت من النويصيب .. وشلون أقدر أوصل بأسرع وأقصر الطرق لمجمع الفنار .. وفيلا مودا (يقولون أنه بجنب ميناء الشويخ) ؟؟ .. واذا فيه مجمعات راقية تستاهل الزيارة .. ووين أفضل مطعم ممكن الواحد يتغدى فيه ؟؟ , وهل المجمعات التجارية فيها شركات صرافة , ولا المحلات تقبل الريال السعودي وكم سعر صرفه؟؟ .

ملاحظة :- هل تتوقعون يكون زحمة صباح الخميس في منفذي الخفجي والنويصيب وكيف سهولة الأجراءات هناك؟؟

محبكم / أبوتركي

مواضيع عشوائيه ممكن تكون تعجبك اخترناها لك:

• بحاجتكم يااهل الكويت لاتخيبون املي الله يخليكم
• صور السفر عن طريق البر من الشرقيه الى الكويت
• استفسار عن فندق مارينا
• بليز يا اهل الكويت ساعدوني
• ارجو المساعده
• استشاره من اهل الخبره
• مركز تنمية الطفل أستكشافي ترفيهي
• مجمع غير
• بكره ان شاء الله في الكويت ابغي مساعدتكم بليييييييز
• فندق سليل الجهراء
• مطعم الرعيل الاول
• معرض افكاري
• رحلتي تحت المطر الى حديقه الشعب صــــووور
• محل الهام الفضاله ووووين
• جايه للكويت وابي بضايع الرجاء المساعده
• نبي موضوع تقييم لحملات الحج الكويتية على غرار الموجود في القسم السعودي
• احتاج مساعدة من مجمع العثمان لا هنتو اخواني و اخواتي في الكويت
• لو سمحتم اخواني اريد مكاتب سفريات في الكويت
• هيلتون اولمبيا فتح ولا لسا
• صور لشارع الخليج ومدينة الكويت

المشاركة الأصلية كتبت بواسطة خالدالسيف


السلام عليكم ورحمة الله وبركاته .....
أذكر آخر مرة زرت الكويت فيها كان شهر 3/1990 (قبل الغزو الغاشم بـ5 شهور) .... يوم كنت عزابي ..
والآن أرغب بزيارة خاطفة للكويت الحبيبة (يوم واحد فقط) .... برفقة أم العيال ..
أستفساري لأخواني بالكويت الحبيبة :- بعد ماأدخل للكويت من النويصيب .. وشلون أقدر أوصل بأسرع وأقصر الطرق لمجمع الفنار .. وفيلا مودا (يقولون أنه بجنب ميناء الشويخ) ؟؟ .. واذا فيه مجمعات راقية تستاهل الزيارة .. ووين أفضل مطعم ممكن الواحد يتغدى فيه ؟؟ , وهل المجمعات التجارية فيها شركات صرافة , ولا المحلات تقبل الريال السعودي وكم سعر صرفه؟؟ .
ملاحظة :- هل تتوقعون يكون زحمة صباح الخميس في منفذي الخفجي والنويصيب وكيف سهولة الأجراءات هناك؟؟
محبكم / أبوتركي



[COLOR="Blue"]الله يحييك اخوي بين اهلك واخوانك وزيارتك للكويت قديمه وتقريبا كل شي تغير المهم اذا تبي تروح الفنار من النويصيب اول ماتدخل الكويت طوالي لاتغير شارعك ابد ليمن توصل الى محطه التحكم بالكهرباء اللي على الدائري الخامس ومنها الى السالميه وبالخصوص شارع سالم المبارك يوجد فيه مجمع الفنار وكل المجمعات الجديده

اما بخصوص فيلا موده الغالي جدا جدا تاخذ الطريق الخامس حتى توصل الى جسر الغزالي او ميناء الشويخ وطوالي توصل له وهو سهل وفي المنطقه الحرة
في عندك مجمع المارينا مول في السالميه وهو راقي جدا وتقدر تصرف الريال بكل مكان وبكل محل بس راح تخسر فيه انصحك تصرف من السعوديه احسن
اتمنى اني جاوبت لك عن اسئلتك وياليت تسال اذا في شي ناقص
COLOR]

بيض الله وجهك ياولد الأجواد .. ماهيب غريبه عليكم ياراعين الأوله ...

بس باقي سؤال المطاعم , وسؤال الأجراءات بالنسبة للجوازات والجمارك بالخفجي والنويصيب... لاهنت ياالحبيب ...

أخوك المحب / ابوتركي

المشاركة الأصلية كتبت بواسطة خالدالسيف


بيض الله وجهك ياولد الأجواد .. ماهيب غريبه عليكم ياراعين الأوله ...
بس باقي سؤال المطاعم , وسؤال الأجراءات بالنسبة للجوازات والجمارك بالخفجي والنويصيب... لاهنت ياالحبيب ...
أخوك المحب / ابوتركي



العفو اخوي وحنا بالشوفه المطاعم اذا ناوي مطاعم عالميه انصحك تروح على البحر كلهم موجودين على الكورنيش وهو بالمناسبه مقابل مجمع الفنار يعني ما يضيع
والاجراءات سهله وبسيطه وانت في سيارتك ماتنزل طبعا في كباين خاصه للجوازات والجمرك

على طول روح لاتعبي اوراق ولاشي وفي الخفجي طبعا لازم تروح للتطبيق ( المطبقه ) بالنسبه للنساء طبعا

وفي الكويت ماكو طبعا

من المطاعم العالميه على الكورنيش
هارد روك فرايديز تشيلي ابل بيز ماكدانالز لونوتر روبي تيوزدي ومطهم ميس الغانم مقابل الابراج انصحك فيه وبشده لانها لبناني وقديم بالكويت

تسلم ويسلم غاليك ياالحبيب ....

أبوتركي

المشاركة الأصلية كتبت بواسطة na9erq8


مطعم ميس الغانم مقابل الابراج انصحك فيه وبشده لانها لبناني وقديم بالكويت

مع كل التقدير والشكر للاخ na9erq8 ,, على المساعدة الا انني لا أنصحك بمطعم ميس الغانم ,,,

بصراحة اتذكر اني رحت له قبل سنه ,, وتسبب في مرض زميلي ,, وايضاً عانيت انا ببعض المشاكل في بطني بسبب هذا المطعم ,,

ربما تكون حالة شاذة , ولكن بعد هذه الحادثة ,, سألت عنه وماامدحوه لي :109:


اتمنى لك سفرا سعيدا ,,





اخي na9erq8 ,, كم سعر برموده بالليلة تتوقع ؟؟

والله جاي فزاع لك يا بوتركي يوم قريت ان تبي تنور الديره بطلتك
ويوم شفت ولا ناصر قام بالواجب وامير الاحساس قلت خلاص ماصار لنا دوور


عموما تري بالخدمه يابوتركي

ولله لح تلاقيها فرقت كثير

الأخ بوتركي حياك الله معانا بالكويت باي وقت

وانشاء انك استمعت بزيارتك السريعه للكويت واتمنى تكرار زيارتك للكويت

ياهلا وياحياك الله بوتركي في بلدك

لا هنتم ابي استفسر هل فيه شقق مفروشه للتاجير بالكويت او لا؟

السلام عليكم
الاخوه الاعزاء اهل الكويت
انا من فلسطين الضفه الغربيه هل بامكاني زياره الكويت ام لهدا شروط معينه مع العلم ليس لي احد هناك لكن اريد زيارتها للسياحه بعد الذي رايته .
ارجو افادتي بمعلومات بهدا الخصوص
واشكركم كثيرا لهدا الموجز الجميل للبلد وشكرا

السلام عليكم
ما في رد على سؤالي ؟؟؟؟؟؟؟؟؟؟؟؟؟

المشاركة الأصلية كتبت بواسطة cidra
http://www.arabtravelersforum.com/tr...4/#post2486834

السلام عليكم
ما في رد على سؤالي ؟؟؟؟؟؟؟؟؟؟؟؟؟

و عليكم السلام و رحمة الله...
أهلا و سهلاً فيك اختي الكريمة.

بالنسبة لطلبك,,,
اعتقد بأنه بحاجة للإجابة عن طريق المسؤولين في احد قنصليات الكويت أو ادارة الهجرة.
لأن الصراحه أول مرة يمر علي مثل هذه الإستفسارات

و حسب علمي بأن الفلسطينيين يعتبرون من حملة الوثيقة المصرية...
لذا قد تفضلون الإستفسار من سفارة الكويت في مصر :
هاتف السفارة : 002027602661
فاكس السفارة : 7602657

تقبلوا تحياتي.