استفسار عن اهم المدن ومدة البقاء فيها والسكن

**alifun** · 02-03-2015, 12:14 PM

السلام عليكم ورحمة الله
حبيت استفسر شباب عن الفلبين حيث انشاء الله موعد الرحلة بعد شهر على خطوط الاتحاد الامراتية وعددنا 4 شباب تكلفة التذكرة 2100 ريال خط الرحلة الرياض -ابوظبي -مانيلا والعودة نفس الشي .ومدة الرحلة انشاء الله 28 يوم ان شاء الل

ابي منكم ترتيب المدن والجزر حسب مدة الاقامة الى تستاهل الواحد يزورها يعني مثلا مانيلا مدة 2 يوم ثم سيبو عدد 4 ايام ثم دافو بالجنوب مدة 4 ايام وهكذا مع ذكر افضل الشقق او الفنادق هناك وللمعلومية هذي هي المرة الاول للزيارة تكفون شباب همتكم معنا شوي ومشكورين مقدما

مواضيع عشوائيه ممكن تكون تعجبك اخترناها لك:

**ahmed3** · 02-03-2015, 12:14 PM

هلا اخوي اولا الوقت جيد للتمشي والتنقل لكن فيه ملاحظه على اغلب السواح يبي يتمشى ولا يحدد وين يسكن ثم ايتمشى
المفروض ان الواحد يحدد المد والجزر والمنجعات على شان مايطلع عليه التنقل غالي بالمواصلات والوقت كذلك
انصح انك اولا اجلس في مانيلا يوم واحد فقط بعدين اطمر الى بطنقس كلها ساعتين وانت فيها اذا كان هناك زحمه تحب تزور برتو قليرا يومين او اطلع الى تقي تاي واجلس يومين خل واحد للشلالات في بكسنهان واليوم للاخر اطمر الى مدينة دسما قريبه منها وتفرج على عباد الله وديكتهم والهوشات لديكه بعدين ارجع وريح في لاقونا يومين بعدين اطلع الى سوبيك وخذلك منتجع يوم فيه جزيره تطلع لها من سوبيك نسيت اسمها تبعد حوالي نصف ساعه حلوه تعش هناك والمغرب خلك في المنتجع بعدين اطمر الى انجلس ستي واجلس يوم منها اطلع على منتجع الجمال والراحه مي موسى لايفوتك في انقلس كلارك بعدين مر ديوتي فري تراها رخيصه كل البضاعه عندهم في كلارك وريح في انجلس يوم ونقز الى باقيو 3 ايام او اكثر حسب الرغبه ولا تفوتك مطاعم الاكلات البحريبه بالطريق حله ونظيفه جدا بعدين الى البركان جبل على الطريق تشوفه لكن مع طريق ثاني بعدين ارجع انجلس لانها في الوسط من الالمنجعات يومين ثم الى بينا توبو رحلة سفاري ومغامرات يوم كامل بعدين سوبيك يومين واحد خله لمنتجع سان انطونيو بعد سوبيك 15 ك تقريبا لو تحب تاخذ جوله بحريه باللنشات او المراكب جرب حلوه ومنها اطلع الى انجلس والمطار واحجز الى بروكاي 3 ايام لاتزيد ثم ارجع الى انقلس ومدينة مابلاقات مره يوم وتسوق واكتشفها كبيره واطلع الى بامين واكتشفها ايضا والمواقع الحربيه هناك كل هذي قريبه من انجلس ستي ولا تكلف بالتاكسي حلو بعدين ارجع للعاصمه وتسوق ونشوفك هنا ان شاء الله

**ahmed3** · 02-03-2015, 12:14 PM

مشكور اخوي باسل على النصيحة والخطة انشاء الله نبي نزور الاماكن الى ذكرتها مشكور جدا جدا بس شباب ابي مانيلا وش اسكن فية وكذلك بروكاي وسيبو تكفون النصيحة