الموضوع: ماستر في التمويل الاسلامي

السلام عليكم ورحمه الله وبركاته

انا ناوي ان شاءالله اني ادرس ماستر في التمويل الاسلامي
وسمعت انه يدرس في بريطانيا
حيث اني حاصل على بالكلوريوس محاسبه
في احد عنده فكره عنه التخصص هذا وشنو افضل الجامعات الي ممكن ادرس فيها
وكم تبي نسبه في الايلتس
واذا في احد يدرسه يكون افضل
وشكر لكم

مواضيع عشوائيه ممكن تكون تعجبك اخترناها لك:

• المشرف الدراسي بالملحقية الثقافي السعودي بواشنطن
• اللي عنده خبرة في فيزا الأمريكان والهجرة الأمريكية، يتفضل يقرأ القصة ويحل اللغز؟
• ياشباب ايش هوه ال
• ناوي اكمل الدراسه ساعدوني ربي يوفقكم
• مدن لدراسة اللغة الانجليزية
• استفسار عن جامعة اهايو في مدينة اثينز ومعهد الجامعة
• إلى كل مبتعث الرجاء الرد وذلك للأهميه
• دراسة اللغة الإنجليزية في لندن صيف استفسار
• دراسة اللغه في أمريكا
• أجيب في ال ايلتس والا لازم ؟؟؟
• تم رفضي في القنصلية ولكن السفارة تقبلتني ومنحتني الفيزا الامريكية
• الجدول يوم الأحد والرسالة يوم السبت ضعنا
• ارجوكم عايز معهد للدراسة فى مجال السياحة بلندن
• ماستر كارد كتب عربية
• من بعرف معلومات عن هذه الجامعه
• وش رايكم يا اخوان بمعهد كنج بورموث ؟
• ي ابي اسالكم عن ولايه كونيتيكت connecticut وعن مدينه bridgeport
• يا شباب استفسار عن دراسة اللغة فى امريكا
• أمل في المنتهى معكم أفضل ولاية للدراسة
• دعوة للنقاش أرخص مدينة بريطانية لدراسة الماستر على حسابي فلوسي على قدي

المشاركة الأصلية كتبت بواسطة شيخ على ربعة
http://www.arabtravelersforum.com/tr...3/#post4284270

السلام عليكم ورحمه الله وبركاته

انا ناوي ان شاءالله اني ادرس ماستر في التمويل الاسلامي
وسمعت انه يدرس في بريطانيا
حيث اني حاصل على بالكلوريوس محاسبه
في احد عنده فكره عنه التخصص هذا وشنو افضل الجامعات الي ممكن ادرس فيها
وكم تبي نسبه في الايلتس
واذا في احد يدرسه يكون افضل
وشكر لكم



وعليكم السلام ورحمة الله وبركاتة

ياطويل العمر الايلتس تيب فيه من 5.5 الى مافوق ..

والجامعات واايد بس انا اللي اعرفهم هذيل :

London school of business and finance
تكلفتها تقريبا 5000 باوند بس مومتأكده تأكد منهم احسن

Dundee University
تكلفتها 9,500 باوند

Newcastle University
تكلفتها 14,525 باوند

Bangor University
تكلفتها 11,500 باوند
هذي المنطقة شمال غرب ويلز وتبعد عن لندن 3 ساعات وربع ..

University of Manchester

University of Leeds

هذيل اتراسل الجامعه ويعطونك الاسعار

هذيل بالنسبة للجامعات اللي اعرفهم ويعطون تمويل اسلامي ،، واعذرني على اي قصور طلع مني وموفق خير ان شاء الله

مامن قصور ماقصرتي
انا مدحولي Bangor University

بس الي ابعرفه هل الجامعات هذي معترف فيها عن التعليم العالي عندنا
تعرفينهم انتي كل يوم لهم قرار جديد
وان شاءالله انا يمكن على شهر 1 او 2 اروح ادرس للغه
وحاليا مسجل في البرتش كانسل ابي اسس نفسي عدل قبل لا اروحك
ومشكووووره وبارك الله فيج يا بنت ديرتي

اي الجامعات معترف فيهم هذيل ،، و زين سوين انك تاخذ كورس وتأسس قبل ما تاخذ كورس لغة ..

وهذيل اسماء الجامعات من ملحقنا الثقافي لسنة 2010 ومن ضمنهم اللي حطيتهم لك

http://www.kuwaitculturaloffice.org....%20Finance.pdf

bangor و dundee ممتازين

وموفق خير ان شاء الله

ماقصرتي والله بيض الله وجهج
ان شاءالله يمكن على شهر 1 اسافر
بارك الله فيج وجعلها في ميزان اعمالج

اخوي شيخ انا سمعت ان جامعة ريدنق هي أفضل جامعه وانا بسجل فيها وفي الحين نظام الاوفست بالتعليم العالي يعني هم اللي يدفعون رسوم الجامعه والجامعه ان شا الله التسجيل فيها شهر 7 واذا تبي اي شي ترا انا في بريطانيا الحين.

بارك الله فيك مسفرجي
انت الحين وين في بريطانيا
وجامعه ريدنق في اي مدينه وكم يبون ايلتس

اسفة على لقافتي بس ريدينغ تبعد عن لندن 20 دقيقة تقريبا بالقطار الى 30 دقيقة تطلع لها من محطة بادنغتون والايلتس اعتقد 6 ،، ان شاء الله اخوي مسفرجي يعطيك الاجابة الاكيد ،، واسفة مره ثانية على اللقافة سامحني مسفرجي
وبالتوفيج

المشاركة الأصلية كتبت بواسطة q8ya metnaqla
http://www.arabtravelersforum.com/tr...8/#post4349688

اسفة على لقافتي بس ريدينغ تبعد عن لندن 20 دقيقة تقريبا بالقطار الى 30 دقيقة تطلع لها من محطة بادنغتون والايلتس اعتقد 6 ،، ان شاء الله اخوي مسفرجي يعطيك الاجابة الاكيد ،، واسفة مره ثانية على اللقافة سامحني مسفرجي
وبالتوفيج




بالعكس مو لقافه
وشاكرلك المعلومه
انزين شلون الديره غاليه نفس لندن ولا
و 6 من 10 في الايلتس هل هي صعبه ولا

المشاركة الأصلية كتبت بواسطة شيخ على ربعة
http://www.arabtravelersforum.com/tr...6/#post4353436

بالعكس مو لقافه
وشاكرلك المعلومه
انزين شلون الديره غاليه نفس لندن ولا
و 6 من 10 في الايلتس هل هي صعبه ولا



العفـــو
لاا ارخص من لندن
لا موصعبة 6 من 10 بس انت شد حيلك اشوي واتيبها ان شاء الله

صح مثل ما قالت اختي كويتيه تبعد عند لندي 30 دقيقه تقريبا بالقطار والايلتس6
انا الحين في بورمث اتعلم لغه شويه وبقدم الايلتس على شهر 12 ان شاء الله والله يوفقنا.