السلام عليكم ورحمة الله وبركاته

شكر خاص للاخوان اللي تجاوبوا معي وبرضه اللي ماتجاوبوا

1- بالنسبه لحجزي على طيران الاتحاد واللي كلفني 2630 ريال للشخص + وبقيمة 2130 ريال لطفلة = اجمالي 12650 ريال لأربعة بالغين وطفلة,, هل السعر مناسب ولا يعتبر غالي؟ هل فيه افضل؟

2- هل الدرجة السياحية في طيران الاتحاد تعتبر متعبة لامي وابي مع العلم بان المكتب السياحي قال ابحطهم قدام علشان مايصير قدامهم احد ويتمددون؟


2- الوصول الى جاكرتا في يوم الاثنين بحيث انه ليس عطلة نهاية الاسبوع والوصول الساعه 2 الظهر يعني نوصل للسكن تقريبا الساعه 4 او 5 يعني لسى اليوم ماراح.


3- بما ان السفر عن طريق البحرين فهل طيران الاتحاد يعطي موقف مجاني للسيارة طوال الرحله؟


3- انا بإذن الله بيصفى لي 12 ليله وناوي أقضيها كالتالي:

بالنسبه لجاكرتا: المكوث ليلة او ليلتين.
أ- محتار اجلس ليلة او ليلتين؟ للعلم جلستي في جاكرتا هو للراحه فقط بعد عناء الرحلة والهدف من سفرتي هو الطبيعه والامطار باكبر قدر ممكن
ب- السكن في جاكرتا هو في فندق شنقريلا جاكرتا او شقق اسكوت او شقق اريادوتا سمنقي؟ وش افضل وهل يوجد شي افضل وافخم؟

ملاحظه: الوالد وافق على السفر بعد الحاح مني وبصراحه ابغى كل شي يكون مرتب 100% علشان مايكرشني

الجبل (بونشاك): الذهاب الى الجبل وقضاء ليلة في فندق سيروني وفي خلال هذا اليوم سأبحث عن فيلا واقضي فيها ثلاث ليال او اربع ليال او خمس ليال كحد اقصى

أ- وش رايكم كم المده الكافيه في الجبل؟

ب- هل اقدر احجز في سيروني 3 وانا هنا في السعودية لاني اخاف اروح هناك ومااحصل غرف ويشوتني الوالد حفظه الله

ج- الفلل وماادراك ما الفلل, وش الحل مع ضمان وجود فله نظيفه وغير محجوزه, كيف اضمن اني احصل حجز في فله نظيفه وامنه وبعيده عن الشباب الحلوين ؟ مع العلم بان اغلب الرحله بتكون في الجبل.

باندونق: الذهاب الى باندونق وقضاء ثلاث ليال او اربع ليال.

أ- وش الفرق بين باندونق ولمبانق؟

ب- هدفي الطبيعه والامطار (احس اني اقلقتكم بذا الجمله ), هل اسكن في شقه او منتجع؟ هل فيه شي بمسبح خاص؟ (ابغى شي نظييييف تكفون والمده فقط ثلاث ايام)

ج- بالنسبه للينابيع الحاره, هل فيه ينابيع محدده بالاسم؟ هل الينابيع يعني اني اقدر اروح واسبح فيها ولا بس اتفرج؟ هل هي نظيفه؟

د- ماهو منتجع شايتر هايلند؟ هل هو للسكن؟ او هو ينابيع؟ هل السكن فيه مناسب؟

هـ - ماهي شقق استون باندونق براغا؟ هل ينصح السكن فيها مع العلم اني احب الاستقلاليه في فله لان كثير من الوقت بنقضيه في حديقة البيت والاماكن القريبه؟

و- هل فيه شلالات تستحق الزياره؟ اين؟ يرجى التحديد بالاسم؟



جاكرتا مره اخرى (انشول): سأقضي ليلتين في انشول بإذن الله ثم العودة الى ارض الوطن..

أ- وش أفضل الاماكن للسكن في أنشول؟

ب- وش افضل الاماكن اللي تستحق الزيارة ي انشول؟

ج- هل يوجد ملاهي مائية في اي من المدن اللي ذكرتها؟ هل فيه شي يصلح للكبار (انا وبابا) وفي نفس الوقت للصغار (بنتي عمرها 3 سنوات)؟


وش رايكم في جدولي؟ هل يحتاج تعديلات او سمكره؟




جزاكم الله خير وانتظر تعقيبكم ولا حرمكم الله الأجر

مواضيع عشوائيه ممكن تكون تعجبك اخترناها لك: