الموضوع: ايام جنيف وانترلاكن

السلام عليكم ورحمة الله وبركاته

كل عام وانتم بخير ، والله يبلغنا ليلة القدر ويجعلنا من عتقائه فالشهر الفضيل

ان شاء الله بإذن الله راح اسافر فـ3 ديسمبر لسويسرا ، النمسا ، المانيا

وراح تكون جنيف اول محطة ، بجلس فيها يومين
يوم الوصول وجولة سريعه ع جنيف ، واليوم الثاني نطلع لزياره انسي الفرنسيه

ومن بعد نطلع لانترلاكن 3 ايام

استفساري : بعد انترلاكن راح تكون سالزبورغ

وش هي اسهل طريقه للوصول إلى سالزبورغ ؟؟

لو انتقل بعد انترلاكن لزيورخ ومنها لسالزبورغ
فيه رحلات ع الطيران الاوروبي الاقتصادي بين هالمحطتين ولا مافيه ؟؟

فسويسرا مراح نستأجر سياره ،، لان بنستأجر سياره اول مانوصل للنمسا

ونحن شخصين انا وزوجي وطفل عمره سنه و3 اشهر


ماهي افضل الفنادق بالنسبه لوضعنا بدون سياره
فكل من جنيف وانترلاكن

سويت سيرش لفنادق كثير بس احترت
خاطري ففنادق تعطي بطاقات تنقل بالقطار مجانا او خصم ع البطاقات
وتكون قريبة بما انه ما معانا سياره

والله يعطيكم العافيه

* من الموبايل

مواضيع عشوائيه ممكن تكون تعجبك اخترناها لك:

• فزعتك يابو عبدالعزيز استفسارات حو رحلتي الي سويسرا
• مساعده في تنسيق المدن مع انترلاكن
• صور من سويسرا في اكتوبر ليستعد المسافرون باجازة الحج
• سويسرا في مارس
• وين التزلج بسويسرا
• استفسار بخصوص استخراج التاشيرة
• جدول خمسه ايام لسويسرا
• رقم الخطوط السعوديه في جنيف ۔ ضروري
• ضروري جداااا
• بيلاجيو انترتكيرشن ؟ مشكلتين
• مدينة أنيسي الفرنسية فينيسا فرنسا بعيون الرااااااااايق فيديو
• استفسار بخصوص رسوم الطريق بين فرنسا وسويسرا
• المساعدة في ايجاد اسواق في زيورخ وتكون منطقة هادئه
• سويسرا في شهر اغسطس
• سؤال بخوصوص الاجهزه الاب توب ايباد والبرامج المكركه
• ساعدوني في كم استفسار عن سويسرا ياوجيه الخييير
• ياأهل الخبره لاتبخل علينا بما عندك
• سيارة ركاب اتوماتيك
• استشيركم في مخططي القــادم يا اهل الخير
• جدول يوم غنى بين انترلاكن وكابرون

تسلم يالطيب

والله مااكان عندي اي خلفيه عن الجو
لان اساس السفره للنمسا وجوها اوكي فسبتمبر
وبس اضفت جنيف وانترلاكن فاول السفره

يعني بيكون الجوو بارد من بداية سبتمبر
ترى والله تحطمت وراحت كل امالي من قريت ردك

انا ماعلي من نفسي همي كله ولدي توه صغيررر

وخاطري فانترلاكن لو يومين وجنيف مجرد محطة وصول وراحه للنوم


راح انتقل من انترلاكن لزيورخ حتى اطلع من زيورخ لسالزبورغ

لو عندك فكره عن الطيران الاوروبي الاقتصادي من زيورخ لسالزبورغ

انا وزوجي وطفل عمره سنه و3 اشهر
يوم 6سبتمبر ؟؟ من الموبايل

عفوا أختي ...ألحين االسفر متى في اي شهر ميلادي؟في شهر 12 ديسمبر


ولا في شهر سبتمبر 9 .؟؟؟


لأن سؤالك الاول كان شهر 12 ..والان شهر 9...وشتان ما بينهما ..


في انتظار ردك؟؟


-------
-------
هذا موقع للطيران وعرض ارخص الاسعار:
http://www.travelocity.com/?IgnoreIpRedirect=yes

السموووحه غلط فتاريخ الاول تو انتبه والله

لا يا خوي سفرنا فشهر سبتمبر
يوم 3 سبتمبر نوصل جنيف بجلس يومين فيها
وبنتقل لاانترلاكن عن طريق القطار وبجلس فيها 3 ايام
وبعدين لـ زيورخ ومنها ع سالزبورغ


ووالسموحه ع الخطأ فأول ردد من الموبايل

استغربت من تاريخ الرحلة
لان معكم اطفال وديسمبر بررررررد

لكن سبتمبر من اروع الفصول بعد الموسم

الافضل تستاجرون سيارة مع مراعاة شروط المقاعد المخصصة للاطفال عند الحجز من الانترنت
حتى تتنقلون على راحتكم

ووانصح تسكنون في ديفون بجوار البحيرة
في اماكن لالعاب الاطفال رائعة

واذا حبيتوا تتنقلون قطار فهذا امر أخر
وله علاقة بتغير المخطط واختيار المدن

ههههههه حسيت ان المعنويات ارتفعت ورجعت لكم الروح.

على العموم أختي الله يسهل لكم السفرة باذن الله.


طيب ما دام انكم راح تستأجرون سيارة بالنمسا ..ليش ما تنزلون في انسبروك وتاخذو السيارة من هناك؟ بالقطار يعني..أرخص بكثير.
وبعدها توصول على سالزبورغ.


لأن الرحلة من زيورخ الى انسبروك دايركت.


يعني حجز القطار من انترلكن الى انسبروك.
راح يكون فيه تبديل في بيرن ..وتبديل في زيورخ ..و على طول على سالزبورغ.
الرحلة مدتها 5 ساعات.
سعر الشخص 120 فرنك = 450 ريال


بينما الطيران يكلف 185 يورو = 870 ريال.


-------
---
اللي مستغرب منه ان اكثر الاعضاء ما يفضل التنقل بالسيارة في النمسا ..بينما سويسرا شي أساسي.


تاخذونها من الجانب الفرنسي للمطار من جنيف ..أرخص.


لأن معكم عفش وطفل وحوسة القطارات يبغالها ناس خفيفين .


عشان كذا أخوي اللورد ما قصر واقترح عليكم هذا الشيء.


----------
---
استخيروا الله وشوف ايش يصير معاكم ..ونحن في انتظاركم.
عشان نكمل باقي الرحلة.

والله يانا تحطمت لمن قلت لي بررد وثلج
بسس لمن نبهتنيييي للشهرررررر استوعبتتتت

اخوي اللورد ماقصررت البه يعطيك العافيه
حنا راح نستأجر فالنمسا سياره

بس انتم تقترحون استأجر من اول ما اوصل جنيف وانتقل فيها لين اخر محطه لنا فالمانيا ؟؟

احس المسافه بعيده بالسيااره

اخوي مودي والله الرروووح رجعت لييييييي
كنت بسوي منااااااحه
لان انا متعقدددده من سالفه اجازه زووجي
كرررررهت القطاااع العسكري والمرابطه

نشفوا دميييي ع الاجازه وفالاخير وافقوا ع 15 يوووووم
وزوجي بيممدد من عنده 3 اياااام

ولو تدري للحين ماحجزنا الا تذاكر الطيراان
لان تو وافقوا ع الاجازه هالاسبوع

انا ما اعرف فالمناطق كثير عشان كذا قلت لك بنتقل طيران من زيورخ لسالزبورغ

واللي فهمته من كلامك الحين ان الافضل انتقل من زيورخ لانسبورك طيران افضل ومن بعد ناخذ السياره ونكمل لسالزبورغ ؟؟

ولا انتقل قطار من انترلاكن وانتظر فالتبديلات

والله مع العفش والولد بهلللك وبمللل وولدي الله يحفظه حركته كثيره ما يجلسسس



بسالك فيه فمطار جنيف قسم الماني ؟
يصير اخذ السياره من عندهم واكمل فيها لاخر محطه لنا فميونيخ واسلمها
واليومين اللي فميونيخ نكمل بالمواصلات العامه افضل ( كثير من الاعضاء فتقاريرهم ينصحون تسليم السياره ومن بعد الجلوس فميونيخ ع اساس استخدام السياره فميوينخ متعب والمواصلات العامه افضل )


ولو استاجرت سياره من وصولي جنيف كم بتكلفني بشرط تكون فيها كرسي سياره وقارمن
يعني استلمها يوم 4 سبتمبر بعد وصولي لجنيف بيوم
واروح بها لقريه انسي واليوم الثاني نروح لانترلاكن لمدده 3 ايام ومن بعد نطلع للنمسا ونمر ع منطقه فالوسط نريح فيها اعتقد قرية ماينفلد ( ارض هايدي )
وبعدين نكمل للنمسا ( سالزبورغ- زيلامسي - كابرون - ميونيخ ) من الموبايل

الغرض من سؤالي عن القسم الالماني في جنيف حتى ماندفع ضربيه اخذ السياره من بلد وتسلميها في بلد اخر

عشان كذا سألت لو فيه قسم الماني نستأجر منه السياره ونسلمها في ميوينخ

بس لو كانت الضربيه فينا فينا مافيه مفر

وش تفضل نستأجر فجنيف ونسلمها فجنيف
وبعدين نستأجر فالنمسا سياره ثانيه ؟

( كانك يازيد ما غزيت )

ولا اوفر حق القطارات والمحطات والتوقف في كل محطه واكمل بالسياره لالمانيا وندفع الضربيه

يعني قيمه الضريبه تساوي قيمه تذاكر القطار والانتقال من زيورخ للنمسا

لو كانت تساويها او الفرق بسيط راح نتوكل ع الله ونستأجر من القسم الفرنسي ونسلم المزيونه فميونيخ


وسامحيني ع الاطاله واستفساراتيييي اللي تكفى الراااس * من الموبايل

ولو استاجرت سياره من وصولي جنيف كم بتكلفني بشرط تكون فيها كرسي سياره وقارمن
يعني استلمها يوم 4 سبتمبر بعد وصولي لجنيف بيوم
واروح بها لقريه انسي واليوم الثاني نروح لانترلاكن لمدده 3 ايام ومن بعد نطلع للنمسا ونمر ع منطقه فالوسط نريح فيها اعتقد قرية ماينفلد ( ارض هايدي )
وبعدين نكمل للنمسا ( سالزبورغ- زيلامسي - كابرون - ميونيخ )



أدفع مبلغ زيادة عشان راحتي انا والعائلة ما هو مشكلة.


وانا انصحك تشوفي موقع سيكست او هيرتز او اليوروب كار
وتحطي الدولة فرنسا ..والمدينة جنيف ..واختيار القسم الفرنسي.


وتشوفي اختلاف الاسعار وتنوع السيارات .
sa.sixt.com
http://www.hertz.com
http://www.europcar.com


وانا انصحكم بانكم تاخذون القارمن معاكم من هنا,


مع ان توجد سيارات مركب فيها نظام ملاحة ..لكن تطلع غالية شوي.


لمدة اسبوعين عندكم من 2000 ريال في اليوم سيارة صغيرة الى حد 4700 ريال بي ام دبليو الفئة الثالثة.







هذه بعض المواضيع اللي تفيدك.

)http://www.arabtravelersforum.com/travel626306/

http://www.arabtravelersforum.com/travel662292/

بإمكانك قراءة الدليل السياحي السويسري
http://www.arabtravelersforum.com/travel51030/

وبعض من تقارير الاعضاء

http://www.arabtravelersforum.com/travel108099/



http://www.aboaziz.net/blog/?p=979

وبالتوفيق

ام عزو
قلنا اول ديسمبر وطلع سبتمبر
ههههههه وهذي بسيطة

هالمرة متاكد انك كتبتي الرقم بسرعة وطلعت ميزانية دولتين اووربية
26030,81 ريال
اكيد قصدك 2603 ريال فقط !!!!!!!!!

هههههههههه ياخوي

هو بعد ما خلصت الطلب
يجي ان ثمن التأجير بالدرهم الاماراتي
1,960,99 *

حولتها للريال السعودي
طلع لي 2002 ريال و37 هلله

قلت اكيد هذا سعرها فاليوم ،
فضربت هالرقم فـ 13 يوم
طلع لي 26026
اناااااا هنااااااااا تجننننتتتتت بلمتتتتت ما عرفت وش اسوييي ولا قلت لزوجي ولا شيء
قلت ارجع واشوف وش قصتهااا وليه االخلق يستأجرون برخيييييص


الحين وين الخطأ ؟؟؟

ترى والله مدري هالسفره كيف بتجي ، كل يوم تطلع لي عله



وكلت امري لرب العباااااااد * من الموبايل

( لمدة اسبوعين عندكم من 2000 ريال في اليوم سيارة صغيرة الى حد 4700 ريال بي ام دبليو الفئة الثالثة)


اللي خلاني اتأكد انها بتوصل لـ 26 الف

كلمه 2000 ريال في اليووووووووووم من الموبايل

اكتبي لي مكان تاجيرك للسيارة
المدينة الي تاخذون منها السيارة
المدينة الي تسلمون لها السيارة سواء بضريبة او بدون ضريبة
التاريخ بالضبط والافضل مع تاريخ ( الاستلام والتسليم الساعة / ظهراَ او مساء )
وانا اعطيك سعر مؤكد الان

اما مبلغ 26000 هذا ادفعيه لي واوعدك اتمشى في اربعه دول اوروبية هههههه

مستحيل هالسعر

انتظرك

ياخوي انا اخترت الاستلام مطار جنيف القسم الفرنسي
يوم 3 سبتمبر الساعه 2 ونص الظهر
والتسليم فميونيخ 12 الظهر يوم 14 سبتمبر

هو السعر طلع لي 2002 ريال
وانا ضربت الـ 2002 في 13 يوم

لان قلت مستحيل يكون استأجر السياره بـ 2002 ريال فاجمالي الـ 13 يوووم *

والله تسوي خيير لو تعطيني اجمالي التكلفه مع الضريبه حقت التسليم فبلد مغاير لبلد الاستلام



ممكن طلب عجبني الشاليه اللي سكنت فيه فجنيف فديفون بس ماحصلته ع البوكينق لو عندك موقعه ع البوكينق ياليت تدلني عليييه

لان بصراحه الروابط اللي احصللها للفنادق فغير البوكينق ما اعرف لهااا مولياااا من الموبايل

عندكم خلفيه عن هالشقه
Ferienhof Krindenhof من الموبايل

ههههههه والله ماا اعرف للمواقع اللي انت اعطييتني رابطها واستحييت اطلب
وفرحت لمن حصلت موقع بالعرررربي

الحين لو ابي سعر للسياره ارخص من 4000
احصل ؟؟

وووجهككك خيييييررر توو ججززت اول شاليه فكابرون ولسى يبقى الخيييير
جنيف وانترلاكن وسالزبورغ وميونيخ
ان شااء الله اخلص منها قبل الفجرررر
* من الموبايل

ام عزووو

لو انك دكتورة في جامعة
ماعتقد في طالبه ترسب ههههههه

ليه ضربتي السعر في 13 ؟
لهدرجة مصدومه من الاجمالي ؟


المهم ركزي معي الحين
صورت لك الحجز كامل حتى تتضح الصورة لك

المربع الاحمر يخص الاسعار عند الحجز والدفع مباشرة من الانترنت
المربع الازرق السعر عند الحجز والدفع بالمطار

الفئاات الاعلى من ناحية مستوى






الاجمالي بعد اختيار موافق لكل طلبك وفئه السيارة الفئه العادية اول وحده

المبلغ الاجمالي مع جميع المزايا تأمين ضريبة عداد مفتوح
لمدة اسبوع واربعة ايام






2090 ريأل فقط

طبعا في فئات سيارات افخم والسعر 2363 ثم 2640 سيارة ممتازة

بامكانك طلب مقعد لطفل 5 سنوات واكثر 212 ريـال للمدة كلها
او مقعد اصغر يثبت داخل السيارة 63 ريـال للمدة كاملة

مع مراعاة انه لابد تشترون ستكر طرقات سريعة سعره 40 فرنك بحالة حجزكم من هيرتز
الجانب الفرنسي





الختام
حاولي فقط تسترخي وتخططي بهدوء
بعيد عن التسرع او التخوف
وباذن الله الاخوان مابيقصرون معك
في افضل واسوء الظروف هنا او عند وصولك هناك

والله الخبرة لها دور ياللورد ..شوف ردي ..وشوف ردك ..ههههههههههه

----------
-----


ام عزو
هذه محطة الاستلام
Geneve Airport - French Side


وتحطي صح على المربع اللي تحت اسم اللي فوق..وتطلع لك خانة اضافية:


وهذه التسليم
Munich Airport Center Level 3


------
--
على فكرة أخوي اللورد ...مافي أكواد تخفيض ومن هذا القبيل؟

الله يعطيكم العافيه
بجرب واشوف حظي



وش رايكم بالسوييت
http://www.booking.com/hotel/fr/busi...AR&aid=1329869

سعره مغري (:
اتوكل ع الله واحجز فيه لمده يومين ومن بعد انتقل لانترلاكن من الموبايل

استفسار ضروروي
تم الحجز فـ فندق Business park

فالحجز كاتبين إن الدولة فرنسا
وهو فجنيف..

المشكلة إن السفارة السويسرية طالبين تكون أكثر اقامه عندهم
وبنمدد الرحلة 6 ايام سويسرا و6 ايام النمسا ويومين ميونيخ

بس الحين زوجي يقول بما إن أول فندق يبين إنه تابع لفرنسا راح يسبب لي مشكلة مع السفاره
وش رايكم .؟؟
بيدققون ع هالنقطة ,,, بسس ياعاااااااااااااااااااااالم والله هوو فجنييف رجولنااا وصلت جنييف

وومن غبااائي إني حجززت وومنوووع إلغاء الحجزز

ااااه اااه
كل شوي تطلع لي عله
فندق جنيف المنحووس رسلوا لي ان بطاقه الائتمان فيها خطا وحدثيها ولا نخصم كامل السعر

دخلت وحدثت ومدريي وش بيصير
وزوجي يقول خليهم يخصمون مانبيهم دامه ففرنسا


وانترلاكن بنت عمهم ماحصلت فيها شقق زينه
قلت خلاص نحول ع فندق او شاليه
اللي احصلها فبوكينق اغلبها فل
واللي يكتبون عنها الاعضاء مااحصل لها روابط ع بوكينق بس روابط لنفس موقع الفندق وما اعرف احجز منه من الموبايل

والله اني كررررهت سويسرا من قبل لا ادخلهاا
وش اللي خلاني اضيفها ع خطة السفرر
كان رضيت بالمزايييين النمسا والمانيا


الحييت اللي رابطني فسويسررا تذاكر الطيرران والله لو ما التذااكر لاكنسلهااااا


// ترررى تعقدددددددتت والله ،، من الموبايل

كل عام وانتم بـ خ ـير وعساكم من عوادهـ

بدأ العد التنازلي ع موعد سفرتي
وللحين ما رسيت ع سكن مناسب لنا فانترلاكن

ممكن تفيدوني ،، مع العلم اني بحثت كثير ، وحصلت اكواخ تبعد عن انترلاكن باعداد محدوده من الكيلومترات بس اللي مانعني عن الحجز فيها
اخاف من هدوء الليل وعتمته،، احس انه من بعد الغروب بكون فمنطقه مهجوره مافيها ولا صوت من الموبايل

وانتم بألف صحة وسلامة يا رب.وعيدكم مبارك.


طيب ممكن عدد الاشخاص والتواريخ في انترلكن.

تسلم ياخوي
عددنا 3 (انا وزوجي وطفل عمره سنه وثلاث اشهر)

التاريخ من 5 سبتمبر إلى 9 سبتمبر من الموبايل

المنطقة بكاملها هادئة ..وفي الليل الهدوء يزيد ..مو بس في الارياف ..حتى في انترلكن.

هذه مقترحات للسكن..موجودة تقريبا في السنتر وليست الارياف.


http://www.booking.com/hotel/ch/bell...X1&aid=1329869


http://www.booking.com/hotel/ch/eige...X6&aid=1329869


http://www.booking.com/hotel/ch/gran...X2&aid=1329869

ميدو الله يعطيك العافيه

مخطط سفرتييييي النهائي وابي شوركم فاخر ليلة فسويسرا


جنيف ليلتين 3 و4 سبتمبر


طبعا لان حجزي للفنادق في انترلاكن متأخر
وكل ما اشوف فندق ابيه ما احصل امكانيه
فقسمت الايام ع فندقين
ليلتين في فندق كريبس (5 و6 )
وليلة في فندق قولدي ( 7 )

ووانا كنت مخططه 6 ايام سويسرا
وبسبب الحجز بنلغي يوم من سويسرا

وش رايكم انتقل من بعد انترلاكن لـ لوزريين واجلس يوم ( 8 )

ويوم 9 اكمل طريقي للنمسا ( اول محطه لنا فالنمسا سالزبورغ )



* من الموبايل

ما عندكم اشكالية ..لوزيرن حلوة وتستاهل الاقامة فيها..
وكان الله بعونكم في كثرة التنقلات .

المشاركة الأصلية كتبت بواسطة lord155
http://www.arabtravelersforum.com/tr...1/#post7152501

ام عزووو

لو انك دكتورة في جامعة
ماعتقد في طالبه ترسب ههههههه

ليه ضربتي السعر في 13 ؟
لهدرجة مصدومه من الاجمالي ؟


المهم ركزي معي الحين
صورت لك الحجز كامل حتى تتضح الصورة لك

المربع الاحمر يخص الاسعار عند الحجز والدفع مباشرة من الانترنت
المربع الازرق السعر عند الحجز والدفع بالمطار

الفئاات الاعلى من ناحية مستوى






الاجمالي بعد اختيار موافق لكل طلبك وفئه السيارة الفئه العادية اول وحده

المبلغ الاجمالي مع جميع المزايا تأمين ضريبة عداد مفتوح
لمدة اسبوع واربعة ايام






2090 ريأل فقط

طبعا في فئات سيارات افخم والسعر 2363 ثم 2640 سيارة ممتازة

بامكانك طلب مقعد لطفل 5 سنوات واكثر 212 ريـال للمدة كلها
او مقعد اصغر يثبت داخل السيارة 63 ريـال للمدة كاملة

مع مراعاة انه لابد تشترون ستكر طرقات سريعة سعره 40 فرنك بحالة حجزكم من هيرتز
الجانب الفرنسي





الختام
حاولي فقط تسترخي وتخططي بهدوء
بعيد عن التسرع او التخوف
وباذن الله الاخوان مابيقصرون معك
في افضل واسوء الظروف هنا او عند وصولك هناك





اللورد هالسعر شامل ضريبة الاستلام من بلد والتسليم فبلد ثاني ؟؟؟؟؟ من الموبايل

ما اقدر اعطيك شي مو متاكد منه
لكن الضريبة بكل الاحوال ماهي غاليه بحدود 400 ريـال تقريبـاَ
وحسب الموضح لي بالحجز انه غير شاملة
الضريبة تدفع هناك والله اعلم

الله يعطييك العافيه
ويرزقك من حيث لا تحتسب من الموبايل

يا خوي بسالك
اشترينا قارمن نوفي 3590
وفيه خرائط اوروبا والشرق الاوسط
ونزل لي المحل كل الاماكن السياحيه في سويسرا والمانيا وفرنسا والنمسا

والحين فتتحت كم احداثيه من اللي هو حاطها
تختلف برقم او رقمين عن الاحديثات اللي احصلها فالمنتدى

يعني مثلا مدينة انسي هذي احدثيتها فالقارمن

n 45 53.927

e006 07.037




وفيه سوال ثاني
الحين الفنادق اللي حجزتها عن طريق بوكينق
ثنين منهم سحبوا المبلغ كامل
والباقي اخذوا مبلغ معين

يصير هالمبلغ اللي اخذوه هو جزء من المبلغ النهائي ،، ولا زياده عليه


وفندق برنس بارك اللي فتويري الفرنسيه
وصل مسج شراء ع الفيزا بنفس مبلغ الحجز كامل
بس الاسم مختلف عن اسم الفندق

ارسل لهم مسج اتأكد منهم ؟؟
وكيف اعرف مين اللي سحب من الفيزا اذا لا سمح الله ما طلع الفندق

بس المسج وصل بعد حجزي للفندق وبنفس سعرهم وبالفرنك بعد





كمان
زوجي حول 9 الاف
3 الاف منها حولها ل1000 فرنك ورقه وحده وكلمته يصرفه
و4000 حولها لليورو ووكلها اوراق من 50 يورو

// الوضع كذا زيين ولا ؟؟؟


وهل لا وصلت سويسرا ونقصت علي فلوس اقدر اسحب من الفيزا من عندهم واحول لفرنك من الموبايل

يا اخواني حلوني فالسياره
خلاص بنستأجر واخذنا القارمن

الحين وقف لي طريقه استاجار السياره
باخذ من شركة sixt
بس لمن اختار مكان الاستلام وبعدين مكان التسليم
والتواريخ
تجيني ع طول صفحه السيارات واحتار منها
مايجي باقي الخيارات اللي اختار العداد والقيرر والتامين


خلاص مليت

اللورد او ميدو اللي فيكم من سكان جده يرسل رقمه ع الخاص لي
وزوجي راح يتصل فيه ويتقابل معاه ويحجز السياره
والله ترددت اطلب هالطلب

بس لا حظت انه تجيكم اتصالات من اعضاء المنتدى ،، وتساعدونهم فاللي محتاجينه



سفرتيي بكرة لدبي ويوم االاثنين الصبح طالعين لجنيف

الله يخليكممممم ابي حلل سررريع من الموبايل

تمم بحمد الله الحجزز

تشفير الرد اللي فوق ): من الموبايل

سلاااااام عليكمممم
الحمدلله وصلت لجنيف الظهررر
والحيين اكلمكم من تويري الفرنسيه




انقذوني تكفون
القارمن لمن جينا نشغله
حصلت وصلاته الثنتين حقت اليوسبي وحقت الشاحن
وحصلت الماسكه فالقزاز الامامي
نااقصه اللي تمسكه ومنها اقددر اشحنه

وش السواااه ؟؟؟؟


ترى والله حسسنا لين وصلنا خليت حق الشركه يضبط لنا قارمن السياره
لان حصلناهااا بقاررمن بسس استخداامه صععببببب


تكفووون قولوا لي وش السواه
والله ماخذيينه بسعررر وقدره



وابي صورة ستكرر الطرقاتتت
عشان اوريهمم فالمحطه يعطوني زيييه من الموبايل

ستكر السيارات حصلته ع السياره ومكتوم 12
يعني ينتهي بنهايه السنه صححح؟؟؟




يالييت تردوون عليييي سرريع بخصوص القاارررررمن من وين ادبر له وصله تشبك فيه
الوصلتين اللي معاه وحده حقت يوسبي تدخل تمام فيه


واالثانيه حقت شاحن السياره
يشبك فالسياره بسس راسه الثاني مارضي يدددخل فالقاارمن
وواحد قال لنا ناقصه حديده من ورى تثبته ع الماسك اللي فالقزازززززز





وين احصلللللللللل لههههه من الموبايل

مؤقتا ..اشحنوه بشاحن البيت او اليو اس بي ألين ما تحصل القاعدة ..
الستكر صح مكتوب عليه 12...يعني سنة 2012.


بالنسبة للقارمن ..اذا واجهتكم اي مشكلة معاه ..او قطع ناقصه ,,وما عرفتم كيف تستعملو نظام الملاحة اللي في السيارة ..روحو اقرب محل الكترونيات واشترو القطع الناقصة ..واذا لزم الامر...اشترو قارمن ثاني وامركم لله.


على فكرة ..نظام ملاحة السيارة ما في اسهل منه ..وانا ما استعمل الا هو ..والقارمن هذا اخذه معي احتياط.
كلها ربع ساعة ..تطقطقو عليه الين تفهمو النظام حقه ..وبس.


وفيه مقاطع في اليوتيوب تشرح انظمة الملاحة لأي سيارة .


على فكرة وش نوع السيارة وموديلها؟؟ لا تكون بي ام فئة ثالثة ؟

ميدو ،، اللورد
الله يعطيكم العافيه
القطعه الناقصه عندنا هي اللي تمسك القارمن

والحمدلله انحلت المشكله الله يسعد ابوعزيز
جانا للفندق وعدلنا الوضع
مستحيل اوفي هالرجال حقه
الله يجزاه الجنه


ميدو نوع السياره فورد
سياره عائليه لوونها فاقع هههههه بس مزيونه


والحمدلله اليوم رحلنا لانسي وتونسنا
بسس القارمن ماسكته فيدي
ماله مكان يتثبت فييه ،،
اول حطيناه عند القير بس لانه عادي
كل شوي يتحرك
فحكمممت المحكمه علي بمسكه طوال التنقلاات ولازلنا فييي جدل من الموبايل

عندي سؤال
الحين بكرا رايحين لانترلاكن
وبنسكن فكريبس
راح اختار من المفضله عندي فندق كريبس وانطلق

بس راح يوديني ع ايه طريق
اللي فهمته من استفسارات الاعضااء
انه فيه طريقين واحد سريع وواحد ريفي

والسريع فيه نقاط تفتيش او دفع ضرايب ؟؟

و كيف اعرف القارمن راح يختار لي ايت طريق ؟؟

واقدر اتحكم انا فاختيار الطريق ؟؟


اليوم رحلتنا لانسي يدي ع قلبي لين وصلنا
مددري ليه خايفه من سالفة استخددام السياره
وخوفي موترني والله من الموبايل

الحمددلله وصلنا لاانترلاكن
والحين اكلمكمم من فندق كريبسسس

لمن سلمت لنا الكرت اعطتنا معاه بطاقتين
تقول انها مجانية لركوب الباص

وانا ماعندي خلفيه للامانه عن الباصات
ومدري هو الباص وين بيروح

عندكم خلفيه عنه ؟؟؟ من الموبايل

اذا معاكم السيارة ..ما تحتاجونها..
هذه بطاقات للتنقل في منطقة انترلكن مجانا بالوسائل العامة .


وتوجد للباصات مخططات وبروشورات بمواعيدهم اذا ودكم تستعملوها ..وكل باص له وجهة ومسار محدد يمشي عليه.


وبالتوفيق