الموضوع: × × × ؟؟

[center]بسم الله الرحمن الرحيم


حبايبنا اهل الكويت صغار وكبار


اتمنى من كل قلبي ان كل واحد يدخل الصفحه مااااااااايطلع الا لما يرد



عشان كذا خليت العنوان غريب وغامظ عشان كل واحد يدخل

------------------------


الزبده وما فيها اني جاي الكويت الاسبوع الجاي وجالس اربعه ايام

واعرف ان مطاعم الكويت كل واحد يقول الزود عندي ومحتار



يعني

ابي منكم من خلال هالموضوع ترشحون لي

4 مطاعم للفطور

4 مطاعم للغدا

4 مطاعم للعشا

4 كافيهات ذووق

[size="3"][color="purple"][b]انتبهوا لا تسدحون لي مليون مطعم ابي شي خلاص يعني اروح اروح

مواضيع عشوائيه ممكن تكون تعجبك اخترناها لك:

• ماهي أكبر وأفضل الجمعيات التعاونية في الكويت؟
• بخصوص مولات الكويت
• شهر عسل ؟
• ياهل الكويت الفزعه
• سوق الجمعه في الكويت صور صور
• شقق مفروشة او فندق تأجر عزاب وتكون نظيفة
• الدخول لدولة الكويت ؟
• معرض الريد بول
• اللي ناوي يزور الكويت بعد أسبوعين
• افتتاح «فندق المنشر روتانا» أواخر الشهر الجاري
• طلب مساعدة
• اريد خارطة لمدينة الكويت
• سوال مهم لاهل الكويت النشامى بخصوص تاجيلا السيارات
• رحلتي السياحية الي الكويت لو جاهزين للمتعة اتفضلوا
• محتاج فزعتكم ضروري
• استفسااااار عن فندق بليييييييييييز ساعدوني
• الكويت برد بكره
• كيفيه الذهاب إلى فيلجا
• مسافر للؤلؤة الخليج ومحتاج لمساعدتكم
• صور من الكويت لمحبين الغوص و البيئة البحرية

يؤ اسف نسيت اقولكم اني بكون مع زوجتي وبنتي ^_^

وان الاكل الصيني والياباني

ممممممممممم مو جونا سوري

بسم الله الرحمن الرحيم



أولاً : حياك الله في ديرتك ،،،،



ثانياً : الله يونسك بالعافية في الكويت .



ثالثاً : لابد من وضع خطة وخارطة لأماكن الزيارة في الكويت أو أي بلد تريد أ، تزورة ، سواءً كانت البلد التي تريد زيارتها أول مرة أو زيارتك لها متكرره .



رابعاً:



خامساً : كل هالمقدمة ردعاً لك ولأمثالك ،،،،،



سادساً : الكويت بلدي ولا غنى لي عنه .



سابعاً : هذه مجرد مشاركة وترحيب لك

ألحين راح أقول لك المطاعم اللي جربتها وعجبتني ،،،،،


أولاً : مطعم حسني ،،،،، مطعم مصري ، في حولي في آخر الشارع المقابل لمستشفى دار الشفاء من جهة الدوار "الله يعينك على الوصف



ثانياً : بيت ديكسون ،،،، وشاهد تقريري له ،،،، وهو مطعم مأكولات كويتية



ثالثاً : مطعم فيش ماركت ،،، في أبو حليفة على البحر ،،، مطعم بحري وفيه كبائن



رابعاً : مطعم قيصر اللي في الفحيحيل ، في برج حمود الدور 11 "إن ما خانتني الذاكرة"



خامساً : مطعم أونتي بالاس ،،، مطعم هندي ،،، بجانب مطعم بيت ديكسون في السالمية


طبعاً إنت تختار تبي عشاء ولا غداء بين هالمطاعم


والله يوفقك والأخوة الأعضاء عندهم مطاعم أكثر وأكثر


بالنسبة للفطور ،،،، أفضل أنا دائما الأكل البسيط ،،، توست ، جبن ، خيار ، طماط ،،، بس لا تعصب هذا رأيي ،،،



وبالنسبة للكافيهات مالي فيها خبرة ولا تجربة لأني من مدمنين القهوة العربية وين ما أسافر لازم تكون معاي

حبيبي والله بو عبد الرحمن تابعت تقريرك واعجبني المطعم

واعذرني على اسلوب الموضوع هههههههههههه يمكن حبيت اخلي اكبر عدد يدخل ^_^


لكن مرورك والله اسعدني واختياراتك تم تسجيلها وننتظر رأي ( الاخوان والاخوات ) الذويقين طبعا يب يب

حياك الله اخوى واقترح عليك التالى

للفطور : 1- مركز سلطان 2- زيت وزعتر فى المارينا 3 - الكلحه ش البحرين4 - نينو على الكورنيش

للغداء : 1-فريج الصويلح 2- ايام زمان 3-بيت دكسون 4- فش ماركت

للعشاء : 1-فيلا فيروز فى الافنيو 2- فرايديز الكورنيش 3- موجل محل السالمية 4- النوخذا الشعب

الكافيهات 1- ستاربوكس 2-كافىبينز 3- كوستا 4- كافيه ايت فى كيفان مول .

هلا ومرحباً "عالم من الخيال"



وإن شاء الله تكون زيارة للكويت متعة وإستكشاف وفائدة ،،،،،



وأي شي تبي نحن في الخدمة ترانا حاضرين ،،، سكن إيجار سيارة وصف للمطاعم وغيرها


نحن بالخدمة،،،،،،

الريوق (الفطور) 1- لونوتر "فرنسي" 2- البلد "بوفيه في منطقه شرق" 3- مركز السطان "على الخليج العربي" 4- ريوق " منطقه الشعب البحري".

الغدا: 1- ميس الغانم"لبناني على الخليج العربي" 2- نينو "ايطالي على الخليج العربي" 3- مغل محل "هندي فوق ماركس اند سبنسر على الخليج العربي 4- فريج صويلح "كويتي على الخليج بجانب مارينا مول.

العشاء: 1- فيلا فيروز "لبناني مجمع الافنيوز" 2- b+f "امريكي مجمع 360 " 3- شرين بانو " ايراني الدائري الاول" 4-melenzane "ايطالي في منطقه البدع صوب فرايديز"..

الكافيهات : 1- شوكلت بار " منطقه البدع او مارينا كرسنت" 2- كاكاو " مجمع 360 " 3- لادوريه "في مجمع 360 " دين اند دلوكا "الافنيوز .

كافيه بزه على شارع الخليج في منطقه بنيد القار بالضبط مقابل فرايديز ..

حياكم الله

في مطعم بمنطقة الشعب
اسمة فطور
ممتاز جدا جدا .. يفتح الساعة 5 صباحا الي الساعة 11 الصبح فقط عائلي ممتاز


للغداء في الافنيوز ... ليلي لبناني ،، رايس ..

في مطعم للعشاء مقابل قصر السيف جمييييل جدا
اسمة سلاييدر ستيشن

الجين ماشااءالله بتفطر وتتغدا وتتعشاء .. وين استفساراتك عن اماكن النزهه خخخخ

الفطووور ليش مب بالفندق افضل واوفرر اناا اشوفه ...

المطاعم : فريج صويلح درجه اولى __ القيصر هندي ___ مطاعم ايرانيه لاتفوووتهاااا وخاصة بسوق المباركييه

كافيه شوكلت بار

اربع ليالي حلوة للكويت ما تملووون ولا تكفي تخليكم تشتاقون لها مرة ثانية بس ترااا الحر مشكلة عندنا و الغبار بعد بس لو تشوووف تقريري رحلتي الي الكويت فالك البيرق

ويلوموني فيكم يا اهل الكويت

وربي كلكم ذوق وتسلمون لي على هالمرووور والمشاركه


كل المطاعم تم وضعها في عين الاعتبار وتم الاقرار على مطاعم معينه التي تم الاتفاق عليها بين اغلب الردود
وبصراحه فيه كذا رد اثق فيهم تماما لمتابعتي لهم من خلال المنتدى

والكل ما منه قصور


والاخت ( خبيرة ماليزيا ) اللي تسأل عن البرنامج وترتيبه كل شي وووكي من خلال هالمنتدى سألأنا عن كل شي والحمد لله والله ما احد قصر

باقي بس هاللمسات الاخيره وقربنا نقفل باب الترتيبات ^_^



شكرا لمروووركم جميعا


وننتظر باقي الذويقه امثالكم ^_^



تحياااااااااااااااتو

ما قصروا الإخوان و أضيف بعد مطعم أبراج الكويت غدا او عشا

و الكويتي مطعم فريج العزايم و فريج صويلح غدا أو عشا

و الهندي مغل محل لا يعلى عليه أيضا غدا او عشا

و اللبناني مطعم عبد الوهاب اللي عالبحر أيضا غدا او عشا

و حياكم الله في ديرتكم الثانية

حياكم الله فى ديرتكم

الفطور ( سلطان - لوينوتر- اغلب كوفيهات الافنيوز وال360 والمارينا تقدم افطار وشخصيا افضل زيت وزعتر)

الغداء (المطاعم الهنديه افضلها مغل محل - اشاز- قيصر والكثير

وفى لبنانيه تقريبا اغلبها جيده فيروز- صبح ومسا- زهر الليمون والكثير

المصريه حسنى ومؤمن وجاد الكويتيه فريج صويلح مع انى مااحب ريحه المطعم

واسواق المباركيه فيها كميات مطاعم متنوعه

سؤالك عام والكويت اغلبها مطاعم واسواق وكوفى شوب حدد واحنا بالخدمه شنو ستايل اكلكم

وعافيه

والله مبدعين ما شاء الله عليكم

وتوقعت هالتفاعل وهالردو بصراحه فرحني تواصلكم وماهي غريبه على الكويت واهلها الطيبين


مشكورين اسم اسم عضو عضو ^_^

ويا ام بدر ستايلنا بتاع كلو ما عدا الصيني والياباني لاااااااااااااااااااااااااااااااا

يعني بالنسبه لنا نحب نعيش جو بالمطعم نظافته ترتيبه ستايله سعره اكله

تكون هالاشياء متناسقه مع بعضها



وننتظر باقي الذووووووووويقه


واوعدكم بتقارير على كيفكم بعد ما ارجع نفيد فيها كل اللي حاب يزور الكويت

ونرد الجميل لكم يا اهل الكويت

على راسي اولله هالمشاركه الحلوه والمتعوب عليها


مو غريبه على اهل الكويت

يعطيك العافيه على المشاركه والرد

وان شاء الله تعم الفايده لكل زوار الصفه اليوم وفي المستقبل

تحياااااااااااااااااااااااااتي

المشاركة الأصلية كتبت بواسطة عالم من الخيال
http://www.arabtravelersforum.com/tr...8/#post5628292

4 مطاعم للفطور
1-ابراج الكويت
2-البلد
3- زعتر وزيت او ليلى
4- ريوق.
ولنوتر حييل امدحووه رحت له ريوق بس مانفع رديت باليل وتعشيت لان مايصلح للريوق يعني ريوقهم جبنه لبنه وحلومهم مو حلو
4 مطاعم للغدا
1-فريج صويلح
2-ماضينا
3-ليالي روز بس مكانهم موشي
4-اشاز
5- زافران

4 مطاعم للعشا
1-الميجنا
2- ماعرف بالبحري بس يمكن زفيير لان اعلاناته شكثر بس ماجربته..
3-سراي
4-نينو.
4 كافيهات ذووق
كفييهاات عاد هذا تخصص الخبر..
الي عندنا..
1-جوكليت بار
2- وفي واحد عند البوورصه بس مادري شسمه
3-مادري شنو
4-ستار بوكس وربعه ودين&دلوكا

وحيآآآآآآآآك الله