الموضوع: أحد راح موريشس ومامعه لغة أفيدونا

صاحبي يبغى يروح موريشس..

بس متخوووووووووف من حكاية اللغه..


إذا أحد خاض التجربه هذي, الرجاء يفيدنا..
(أو إذا أحد يعرف سواق يتكلم عربي)



الله الله بالردود..

لاتفشلوني عاد ترى شاد الظهر فيكم..

وبيضوا وجهي مع الرجال:m9:

مواضيع عشوائيه ممكن تكون تعجبك اخترناها لك:

• اللي حجز فنادق المالديف عن طريق ياليت يدخل
• المالديف قرار واستشارة
• سيريلانكا والهند والمالديف
• سفرة فلاويه
• استفسار لأصحاب الخبره ؟
• فزعتكم يالربع
• طالبه فزعتكم
• حصر جميع ايجابيات وسلبيات موريشيوس والمالديف
• مساعدة عمل برامج لجزر الماليدف
• رايحين بشهر أكتوبر إن شاءالله
• استفسار عن جزيرة سانت لويس بالسنغال
• المالديف والمظاهرات
• محتار في المالديف
• استفسار بخصوص الفنادق مالديف
• بدأ التوقيت الصيفي في مويشيوس اليوم
• افضل عروض السفر طلب استشاره
• من يعرف هالفندق وين ؟؟؟
• لك من يملك خبره في المالديف ارجوا الافاده
• حجزنا على المالديف
• ابو عزيز و الاخوان جميعا بخصوص توقيت سفرتي

انا اسئل مثلك

وانتظر الجواب معك


والشباب موب مقصرين

الصراحة لازم يكون معك لغة لان الشعب يتكلم فرنسي واذا تكلموا انجليزي يطلع لسان الواحد ثقيل يالله تفهم وش يقول
اما اذا كان فيه احد يتكلم عربي انا صادفت موظف مغربي في الهيلتون اسمه الوادعي يتكلم عربي لكن سواقين الظاهر صعبة

الشعب لغته فرنسي على لهجة هنديه اذا شافك اول مره يقولك بونجور اذا شافك ماتدري وين الله حاطك قالك (ولكم) اذا كنت تبغى رقم سواق ممتاز ومسلم(خبري فيه عام 2003 ) بس مايجيد العربية ( ولد عمه يتكلم فصحى قد درس في الجامعات السعوديه) يتكلم انجليزي ويجيد لغة الاشارة

مشكوررررررين..

بس يا أخوان أنا عارف المعلومات هذي كلها..
وأنا توني جاي من موريشس ولغتي الe ممتازه ومعندي مشاكل..

بس صاحبي خايف يروح ويتورط ,, يبغى يتأكد إذا فيه أحد زي حالته راح هناك !؟

-الأخ سنايبر, إذا تقدر تعطيني رقم السواق.

انا ما معي لغة ومشت اموري لاني اخذت من المنتدى الاماكن مكتوبة بالانجليزي ومترجمينها الشباب ما عليه الا يطبعها ويوريها السواق وبيفهم
بس اهم شي يحفظ دسكاون يعني خفض واكسبنسف يعني غالي و ok وتمشي اموره:113:

هلا والله بأبو تمام..
الحمدالله على السلامه..
مشكووور حبيبي وماقصرت..

بس عندي أستفسار بسيط,,,,
بما أن غالبية الوقت يكون الواحد في الفندق,,, كيف مشيت أمورك هناك؟؟؟
هل واجهتك أي صعوبات؟؟؟


ترى صاحبنا عريس ومايبي يتفشل قدام المدام:21:

ما اتوقع يحتاج يتكلم مع احد في الفندق الا مع مدامه وترى حركات اليدين بعض الاحيان تفك ازمه

لن يواجه مشاكل إن شاء الله

بالتوفيق

مشكوريييييييييين
الله يعطيكم العافيه..

ابو شاكر ياحبيبي لف الدنيا مرتين من عام 1398هـ الى هالسنة 1427هـ

من استراليا ونيوزلندا اقصى الجنوب الشرقي من العالم الى الشمال الاسكندنافي في اوربا


له رحلتين في الصيف ثلاث اسابيع اول الاجازة الصيفية مع العايلة وثلاث اسابيع مع الزملاء اخر الصيف
المهم ابو شاكر والله ما يعرف على كثر ما سافر في الدنيا الا ييس ونو وشك اوت
ومع ذلك صار مرشد سياحي للزملاء كل سنة مسفر له ناس جدد وماشية امور زي الحلاوة لا ويتفلسف عليهم انه يعرف كل شي
لهذا لا تقلق ابدا من ناحية اللغة بتتيسر اهم شي سافر وبس

شاكر لك يا أبو شاكر..

الله يجزاك خيرييييييييير..

بصراحه كلامك يحمس ويرفع المعنويات