الموضوع: من الخبر للكويت بس جاوبوني على سؤالين ممكن ؟؟

السلام عليكم ورحمة الله وبركاته

مراحب بكل اعضاء ومميزي قسم الكويت في هذا المنتدى الشامخ

وبدون مقدمات

انا وعايلتي الصغيره جايين من الخبر للكويت قريبا ....



وحبيت اسأل عن الطريق من الخبر للكويت ( الخبر بو حدريه الخفجي الكويت ) هل لازالت التحويلات والمشاكل بالطريق
واللي كنا نسمع عنها من مده طويله

والا انتهت ؟؟؟



طلبي وسؤالي الثاني (( ابي غرفه )) سواء في فندق او بنظام الشقق المفروشه مثل اللي عندنا بالخبر والدمام وتكون نظيفه ومرتبه بأسعار ما تتعدى 300 ريال

هل ممكن القى هالشي ووين ؟؟




---------------------------------------------------------------------------


فخاطري بعد كم سؤال بس لاحقين
بعد ما نجاوب على هالسؤالين




تحيااااااااااااااااتو

مواضيع عشوائيه ممكن تكون تعجبك اخترناها لك:

• استفسار من اهل الخبره
• لعنة كلمة عوائل فقط تطاردني من الرياض إلى الكويت جزيرة فيلكا
• هل تذكرة طيران الجزيرة ممكن ارجاعها او تبديل التاريخ؟؟
• ترانزيت ساعة
• أهلا بضيوف عروس الخليج العين أوسع لكم من المكان
• افتتاح هوليدي إن دوان تاون مدينة الكويت غدا
• هونغ كونغ الصين أجمل من ما توقعت
• استفسار عاجل قبل بكره ياهل لكويت لأني جاي الكويت
• سريع فندق او شقق في السالمية
• ماهي افضل شقق فندقيه في الكويت؟؟
• أسعار التذاكر والأوقات
• تدشّن أولى رحلات طيران رأس الخيمة الى الكويت
• طلب من أهل الكويت
• ممكن طلب مستعجل
• سأزور الكويت ولدي بعض الاستفسارات الله يسعدكم
• ₪ζΩ«۩۝۩﴾√ مقهى الفروانية الشعبي√﴿۩۝۩»Ωζ₪
• بنات الكويت الذويقات ممكن تساعدوني
• رسالة عامة ل بيت الكويت
• استفسار عن سكن مناسب بالكويت
• سؤال عن فندق

وعليكم السلام ورحمه الله وبركاته

الطريق من الخبر للكويت للحين فيه تحويلات بس قليله اغلبها بين الدمام والخبر بس انت على راحتك وبالنهار احسن


الرابط راح يفيدك عن السكن

http://www.arabtravelersforum.com/travel503712/

يعطيك العافيه اخوي على تجاوبك السريع

وشاكر لك مداخلتك


وبالنسبة للسكن قرأت الموضوع والاسعار تقريبا مثل ما طلبت اقلبها في حدود 25 دينار

لكن الصراحه احترت من كثرها

ودي تنصحوني بشي مجرب او عروف اذا ممكن ؟؟

عندك شقق بودل وبلازا اثينا وميراج و رويال ريزيدنس
وحياكم الله

شرايكم في فندق بالازو ؟؟

Palazzo Hotel

حصلته بسعر حلو والور تقول انه حلو

لكن الغريب ان ماله اي تقارير ولا احد تكلم عنه هل لأنه جديد مثلا ؟؟؟


يعني 3 ليالي حصلته بــ 1200 ريال سعودي


انتظر ردكم

اقدر افيدج بموضوع السكن
في فندق بالسالميه و شرق من سلسله فنادق ايبس المنتشره بالعالم
هو عباره عن فندق اقتصادي جدا يعني مافي خدمات الرفاهيه و الخبه
يعني لا حمام سباحه ولا هل اشياء الثانويه
اسعاره زينه ما تتعدى العشرين دينار كويتي و انصحج في و بقوه
و حياج الله بالكويت

Ibis Sharg افضل شي حصلته ..

زي ماقاال اخوي جبرني الوقت .. اقتصادي ومافيه خدمات فنادق خمس نجوم ..

بالنسبة للطريق .. انا ان شاء الله طالع يوم الاحد للكويت من الجبيل الصناعية .. احنا طريقنا ناخذه من طريق الخفجي يعني انتوا عندكم طريقين يا اما خط ابوحدرية او انك تمسك خط الجبيل الدمام السريع .. وتتجه الى المصانع وفيه لوحات تبين لك خط الخفجي

يعطيكم العافيه

وخلاص حجزت في فندق ميراج (( ببنيد القار )) بشروني ان شاء الله الفندق مريح

ممتاز الفندق الكل يمدحه اختيار موفق .

توصلون بالسلامه.

شكرا على تواصلكم
اسعدني اهتمامكم ونخدكم لما تسيرون علينا بالسعوديه ان شاء الله ^_^