الموضوع: █▓▓█ █▓▓█ خريف باريس الســاحر نوفمبر █▓▓█ █▓▓█

خريف باريس السـاحر
نوفمبر 2010
****
اهلين بجميع أعضاء وزوار منتدى العرب المسافرون ..حبيت اشاركم بتقرير رحلتي المتواضعه ..وأتمنى تستفيدون منها زي ما انا وغيري استفادوا من تقارير الاعضاء المميزه

تقرير متواضع اعتبره زي دين بقدر الفائده اللي استفدتها من التقارير والمعلومات والجهود المميزه اللي يقدمونها الاعضاء
لهم كل الشكر

______________

تفاصيل الرحله:
من الرياض الى باريس 4/11/2010
من باريس الى الرياض 11/11/2010

مدة الرحله 8 ليالي
الهدف منها .. رحلة نقاهه واستجمام وكسر للروتين اليومي
لمدة 8 ايام قلنا نغير فيها جو
ونجرب اجواء باريس بالخريف
___
الرحله كانت على الخطوط الجويه السعوديه

___
الاقلاع كان الساعه1 فجرا
مدة الرحله 6 ساعات و 55 دقيقه
الطائره كانت فاضيه وثلاث ارباع اللي فيها فرنسيين تقريبا مافيه غير احنا وشخص و زوجته اللي سعوديين
وكل شخص اخذ الكراسي اللي جنبه وتمدد فيها
والعالم كل واحد نايم على ثلاث مقاعد
سعر التذكره لي انا وزوجي 3700 ريال تقريبا طبعا كان فيه عرض تذكرتين بسعر 2200 ريال على مقاعد مخفضه لكن رفضنا ناخذها لان خفنا يصير ظرف او شي وتروح علينا لأن سبق واشترينا تذاكر قبل سنتين من الرياض الى جنيف والعوده من باريس لكن ما ناسبنا الوقت وراحت علينا التذاكر
فا انتبهوا من النقطه هذي لا يغركم السعر المخفض الا اذا كنتوا متأكدين من موعد رحلتكم
____________

تم استخراج فيزا الشنقن عن طريق مكتب الصرح
الشخص 850 ريال شامله تأمين طبي يغطي مدة السفر من التعاونيه للتأمين
13 يوم وتم استلام الفيزا وكانت مدتها 6 اشهر
مو بالعاده غالبا تكون مدتها شهر الى 3 شهور
مع ان رحلتنا فقط 8 ايام
طبعا المكتب عمل لنا حجوزات فندق وهميه لان ما كنا حاجزين والصراحه اعطونا موعد وسلمونا الفيزا عالموعد تماما
___

السكن :
تم الحجز عن طريق موقع
http://www.booking.com?aid=1329869 ?aid=358324
Adagio La Défense Esplanade

وهذا رابط الفندق بالموقع
كود:
http://www.booking.com/hotel/fr/adag...ml?aid=1329869

تقييمي للفندق 9 من 10
طبعا كل شخص يختلف تقييمه عن الثاني لان كل انسان له اهتمامات
أنا كان يهمني
- الموقع
- النظافه
- تعاون الريسيبشن
- الخدمات اللي احتاجها
- الاماكن القريبه من الفندق
طبعا الفندق بوسط منطقة الاعمال الراقيه فباريس
حوالين الفندق مباني عاليه كلها شركات .. يعني كل اللي حواليك ناس بزنس .. بالنسبه لي اسكن بالمكان هذا افضل من اني اسكن بمكان مشبوه وتكثر فيه السرقات والافارقه والأسيويين فا هذي نقطه ايجابيه للفندق

وراح اتكلم من خلال التقرير عن تفاصيل اكثر للفندق
بخصوص السعر :
أخذنا 8 ليالي ب 4000 ريال
_______________
*****
انطلقنا لمطار الملك خالد الدولي بالرياض عالساعه 10
واقلعت الرحله بموعدها
وانتظروني باليوم الأول من الرحله

مواضيع عشوائيه ممكن تكون تعجبك اخترناها لك:

• نثق بخبرتكم ونحتاج منها القليل
• اهل الخبرة نبي مشورتكم مشكورين
• ما المواد الغذائية المسموح بدخولها لفرنسا والكمية التي يسمح بدخولها للاستخدام الشخصي
• استفسار عن باريس في اكتوبر
• ابي روح دمشق وابي مساعدة
• استفسار بسيط
• ارجو المساعده بخصوص السفر الي فرنسا
• مسسساعده تكفون سفرتي الاسبوع الجاي و عندي مشكلة في الطيران الاقتصادي
• استفسار
• باريس اول مرة اسافر استفسارات عدة تحتاج الأجابة
• الخارجية تقول التاشيرة من الوجهة الاولى والخبراء هنا بقولون من دولة الاقامة الاطول
• رايكم بالمخطط المبدئي وبعض الاستفسارات
• أرجو الدخول للأهمية يأعضاء أحلى منتدى
• تقرير رحلة متعة وتسوق في باريس
• فين مكتب أو عنوان الخطوط الجوية الفرنسية في جدة
• ارجو المساعده من اصحاب الخبره
• تأشيرة الشنغن
• شامونـــــــيه عروس تزهو باللون الابيض الآخاذ
• مساعده لمخطط السفر فرنسا وسويسرا
• استفسار بخصوص فندق

السلام عليكم ورحمة الله وبركاته


اطلب حجز مقعد في الصف الاول ...

التخطيط ما شاء الله ممتاز ومنظم

تحياتي لك ومتابعين بشغف

وانا اطلب حجز بجوار ببسي كولا
البداية تبشر بتقرير جميل
ونحن في صالة الانتظار من اجل السفر الى فرنسا برفقتك

الحمد لله على سلامة الوصول

بداية تقرير تبشر بالخير وانه تقرير من العيار الثقيل

ثالث مقعد محجوز لي وأكيد بجنب صديقي ببسي كولا مع اني داري انه اخذ المقعد اللي جنب الشباك

احجزو لي مقعد
سائح ومسافر ومتابع

البداية قوية

اليوم الأول

اليوم الأول كان يوم الأكشن .. وأكشن بقوه بعد هههههههههه
وصلت الرحله الحمد لله عالساعه 7 تقريبا بتوقيتنا كانت 5 الفجر بتوقيت باريس
أول ما وصلنا المطار طبعا هذي اول زياره لنا لمطار باريس فا قلنا نمشي مع الناس اللي معنا بالطياره
وقفنا عند كاونتر ختم الجوازات وبثواني ختموا جوازاتنا الحمد لله
وبرضو كملنا مع الناس لين رحنا لمكان تسليم الشنط واخذنا شنطنا
طبعا الناس طلعوا اللي ركب سيارته واللي راح مع تكسي واللي مع باص
والمطار كان الفجر ظلاااام حتى النور لسى ما طلع
وخلال دقائق كل اللي برحلتنا راحوا

وحنا نلتفت يمين يسار مافي احد بالمطار
جلسنا نراقب اللوحات الارشاديه نبغى موقع مكاتب تأجير السيارات
لأن كنا مستأجرين سياره من يوروب كار بمكاتب الرياض
والحمد لله مشينا عاللوحات و وصلنا للمكتب وكأنو شفنا كائنات حيه بالجهه اللي فيها المكاتب
كان فيه فرنسيه حكيت معها وتم الاستئجار بكل سهوله
نقطه مهمه : اللي بيستأجر سياره لازم تكون معه فيزا تكون حروفها بارزه ما تنفع الفيزا العاديه والحمد لله هالنقطه اخذتها من المنتدى الله يجزاكم خير
طبعا طلعنا فيزا مسبقة الدفع او اللي يسمونها فيزا تسوق من الانترنت تكون حروفها بارزه غير الفيزا تبعنا العاديه حبينا انو تكون خاصه فقط بمبلغ السياره
حطينا فيها رصيد
5000 ريال وهم يسحبون 2000 ريال ويحتجزون مبلغ من 2000 الى 3000 ريال كتأمين الى ان ترجع السياره يرجعونها بعدها باسبوع للفيزا
واخذنا نفيقيشن تقريبا ب 100 ريال باليوم ناسيه كم بالضبط
______

استلمنا السياره وطلعنا من المطار وكان الجو الفجر والى الان النور ما طلع ...
اول ماركبنا قلنا ماراح نفتح القارمن بنتجول بين الشوارع الى ان تصير الساعه 12 ما ورانا شي
فينا حماس ونشاط والنوم لو كان فينا اساسا طاااااار
انطلقنا نمشي بشوارعهم طبعا كنا بمنطقة المطار ونمشي مع السيارات الماشيه وعلى قولتهم سييييييده
هههههههههههههههههههههههههههههه
وشوي شوي النور بدا يطلع وبدا ينزل معه رشات مطر
باختصار

الجو لااااااا يوصف
جلسنا نلف من شارع لشارع وانا بديت احوس بالنفيقيشن
اول مره امسك نفيقيشن اعتبره سوالف رجال ماتهمني بس بما ان زوجي اللي يسوق السياره فا انا لازم اجهز القارمن
حولت اللغه للانجليزي وبديت اضبط بالاعدادات من صوت وتوقيت وغيره
واكتشفت انو القارمن تكتب اسم الدوله و بعدين المدينه
وما شاء الله علي كتبت فرنسا و بعدين باريس وبعدين كتبت شارع الشانز
وكتجربه فا حسيت انو جدا سهل ومشينا حسب الطريق
وبالغلط دخلنا مع شارع

كانت الساعه 8 صباحا بتوقيت باريس
ونمشي نمشي

يؤ يؤ
الشارع كل شوي يصير اكبر
وكل شوي يجينا احساس انو ماسكين خط

بالعربي طلعنا من باريس
بس وين رايحين مانعرف
بس اللي متأكدين منه هو اننا طلعنا من باريس
مسكنا الخط حوالي 20 دقيقه مافيه اي شارع او مخرج نقدر نرجع معه
والشارع عريض يتسع بالراحه ل 8 سيارات رايح و 8 سيارات بالسيد الثاني

حاولنا نقرأ اللوحات ومكتوب انو اسم قريه او محافظه ما اذكر اسمها باقي عليها 10 كيلو
فجأه الشارع مقفل بالحواجز طبعا وقفنا ماندري وش السالفه اول مره يقابلنا هذا الشي
مافي قدامنا غير حواجز ومكينه اشبه بماكينه الصراف الألي
وقفنا لمدة دقيقه قال زوجي بجرب احط بطاقة الصراف
وفعلا حط البطاقه وطلعت لنا ورقه وانفتح الحاجز وكملنا

طبعا المكان اللي رحنا له كنا مره خايفين كيف نرجع لباريس
بنفس الوقت كانت تقابلنا طبيعه نستنا كل الكارثه اللي سويناها هههههههههههههه
طبيعه احسن من باريس بكثيييييييييير
الوان اشجار احمر واخضر و وردي و اصفر شيء لا يوصف
طبعا مجرد ما تعدينا نقطة الضرايب قابلتنا محطة بانزين

عبينا السيياره ديزل وكان فيه سوبرماركت اخذنا مويه و عصير ولفينا علشان نرجع لباريس طبعا بعد ما لفينا الحمد لله صارت تطلع لنا اللوحات باقي على باريس 50 كيلو
باقي 30 كيلو
الين دخلنا باريس عالساعه 11 بتوقيت باريس
قلنا خلاص بنروح ندور على الفندق
طبعا بما ان الفندق بمنطقة لاديفانس اللي عرفته انو هي امتداد لشارع الشانزيليزيه وانو قوس لاديفانس مقابل لقوس النصر
فا قلنا خلونا نكتب شارع الشانزيليزيه بالقارمن ومن هناك بسهوله راح نوصل للفندق وانطلقنا مع القارمن وهو يقول لنا
تيرن ليفت
تيك رايت
سيركل اراوند
قو اهيد
واحنا ماشين معاه
وفعلا وصلنا لمنطقة الاديفانس
طلعت معلومات الفندق كنت طابعتها من النت
وكتبت اسم الشارع
لكن عجزنا نوصله من كثر المتاهات اللي بالمنطقه
وضيعنا كثير
ولو اقولكم ماراح تصدقون

تخيلو
الساعه الأن 2 الظهر
واحنا الى الان مالقينا الفندق
طبعا كنت اصبر زوجي علشان ما يعصب كنت اقول لها اعتبرها تمشيه
واكيدراح نلقى الفندق وين بيروح
ومستمتعين بالمناظر والتصوير
طبعا فيه حدائق حوالين منطقة اللديفانس
والطبيعه كانت خياااااال بالخريف
شفت طبيعه خضراء
لكن الخريف اول مره اشوفه عالطبيعه
كنت اشوفه بالصور واحسه زي الخيال
وهذي بعض الصور اخذتها بالوقت اللي كنا ندور فيه عالفندق






















___________________________________


يتبع اليوم الأول

ملاحظات !!
- ايجار سياره (( قمة المتعه )) تخيلت سفرتنا بدون سياره احس 90% من المتعه مفقوده فا انصح فيها 100% كل اللي مطلوب رخصه دوليه ب 100 ريال و قارمن وانطلقوا ..
_ شركة يوروب كارجدا ممتازه كتعامل واجراءاتهم سلسه تحجز وتسلم بكل سهوله بدون اي تعقيدات (( قالولنا تسلمون السياره بموعد استلامها او يحسب عليكم يوم جديد )) استلمناها الفجر و سلمناها الظهر بدون ما يحسبون يوم جديد
_ القريه اللي دخلناها بالغلط بسوي بحث عنها و لو حصلتها راح تكون هي اول خياراتي بالسفره الجايه لان المناظر اللي شفناها شيء من الخيال
ولا تقارن بطبيعة باريس اطلاقا
حتى زوجي يوافقني الراي يقول لو برجع باريس اتمنى اسكن بالمنطقه افضل من باريس نفسها على فكره هي ما كانت قريه اتوقع محافظه لان فيها فلل و مباني حديثه

- الفندق .. فيه عدة مميزات ممكن تكون عند غيري اشياء عاديه لكن بالنسبه لي اعتبره ميزه 1- الفندق موقعه جدا ممتاز 2- تحت الفندق فيه مطعم لبناني يفتح من الصباح الى المساء تقريبا الى 10 بالليل واكلهم جدا جدا ممتاز 3- اول ما نطلع من باب الفندق ملاصق بالفندق بنك بما انها منطقة بزنس وشركات فا ماكينة الصراف عند باب الفندق مباشره
وكنا يوميا نروح نسحب من الصراف يوميا بقدرحاجتنا 4- الريسيبشن جدا متعاونين كنت اي شي ابغاه اسألهم و يعطوني المعلومات كامله بكل التفاصيل 5- الانترنت مجانا بالغرف 6- فيه 5 قنوات عربيه ( ام بي سي / الجزيره / دبي / واعتقد ابو ظبي او العربيه ناسيه ) بس اهم شي فيه قناة mbc على الاقل نلقى شي نتفرج عليه وهذي اعتبرها ايجابيه ..
- بخصوص الافطار :
طبعا الفندق ماكان عندهم عرض افطار مع الغرفه فا اخذنا معنا شنطتين كبيره فيها ملابسنا وصغيره مره فيها ( جبن يكفينا اسبوع / واظرف كابتشينو/ و شاي ليبتون / واظرف سكر وحلويات ) وبعض حاجاتنا
وكنا قبل مانرجع بالليل للفندق نشتري خبز فرنسي لفطور بكره
واللي بقي من الجبن والشاي والكابتشينو تركناه بالفندق والشنطه حطينا فيها مشترياتنا
______

وعدتينا ووفيتي
ما قصرتي
اولا ياليت الصور تحطينها علي الشكل العام وليس الخاص اذا هي من الالبوم لانها مو طالعه عندي
القارمن قوه غالي يعني لو شريتوا من هنا افضل واعتقد تعلمتو من هالشغله ذي والسفر كله تعلم
تصدقين يا أختي ان البعض وبكل أسف يقول ليش اشيل معي جبن وشاي وأِياء من هالقبيل يحسب انه بالسعوديه كل شيء مفتوح وبكل وقت يلقاه
تقرير منظم ومرتب كثير
ومعاكم لمعرفه اسم المدينه

وااااااااااااااااااااااو
قريب عندك برحله خطافيه


زين ما سويتوا والله بالأكل أشيد وبقوه
يا زين النظافه بعد
صراحه البدايه مشوقه
بارك الله فيك

وااااصـــل ابداعك اخووووي

الله يا صورة البرج
روعــــــــه ،، ننتظر بقية الصور

واصلي ابداعك نحن في انتظارك

واصلي واحنا معاك
تقرير رائع من اوله

يا سلام عليكم

هل تعبتوا من المواقف اذا عندك الاحداثيات يا اليت تضيفينها لكل موقع راح تفيد كثير

متابعين معاك

^
^
فعلا كنا نواجه مشكله مع المواقف باستثناء الاماكن العامه والحدائق
مثلا برج ايفيل
فيه حولين البرج اكثر من مكان مخصص لمواقف السيارات وكلها مجانيه
تقريبا يوميا نروح لبرج ايفي بالنهار و بالليل

بخصوص متحف اللوفر والشارع اللي قريب منه شارع التسوق
فيهمواقف سيارات مجانيه
مش من عند المتحف مباشره لا يعني لما وقفنا السياره دخلنا مع بداية الحديقه والمتحف قدام

_
بخصوص الاحداثيات
اول ما استأجرنا السياره من يوروب كار طلبنا نفيقيشن
واعطونا نيفيقيشن من نوع tomtom
طبعا زوجي ما يعرف له
وانا كانت اول مره بحياتي امسك فيه قارمن طبيعي ما اسوق سياره ولا عندي اي خبره بكيفية استعماله
حاولت افتش فيه كل اللي عرفته اني اكتب اسم الشارع اللي فيه الشي اللي بروح له
يعني مو احداثيات فقط اكتب اسم الشارع
وادخل على قوقل الصور زي ما وضحت فقط علشان اعرف عن المكان اللي بروح له وايش اللي قريب منه يعني علامه واضحه للموقع

بداية رائعة ومنتظرين منك باقي التقرير

مالاحظتي شي اهني ؟؟؟







عندها عين فيها رموش والعين الثانية بدون رموش خخخخخخ

ههههههههههههههههه
بطلت اصور رحلتي القادمه دام فيها قز واكتشاف اخطاء

المشاركة الأصلية كتبت بواسطة lord155
http://www.arabtravelersforum.com/tr...4/#post5084514

ههههههههههههههههه
بطلت اصور رحلتي القادمه دام فيها قز واكتشاف اخطاء




خخخخخخ

لالالا هاي العيب مش من المصور

العيب من الممكيج الي نسى يحط في العين الثانيه رموش تركيب خخخخخ

المشاركة الأصلية كتبت بواسطة lord155
http://www.arabtravelersforum.com/tr...4/#post5084514

ههههههههههههههههه
بطلت اصور رحلتي القادمه دام فيها قز واكتشاف اخطاء



خخخخخخخخخخخخخخخخخخخخخخخخخخخخخخخخ
أقص ايدي اذا ما راح تصور أنت

التقرير رووعة
في انتظار باقي الأجزاء

يعطيك العافية اختي الكريمة
تقرير رائع ومبهر فعلا
خصوصا ان فيه استئجار سيارة
لأني إن شاء الله مسافر لباريس في الصيف وراح استأجر
سيارة

تقرير رائع ..

الحين متحف الشمع ما فيه شخصيات لممثليين مشاهير مثل جوني ديب و دينيرو ؟

او بس للسياسين و الرؤساء ..

روعة و بانتظار باقي التقرير

روعة بصراحة التقرير والرائع تميزه بوجود السيارة
نادر ما نجد مسافريستخدم السيارة بباريس
لكن فتحتي عيوننا علي متعة وتجربة فريدة




أذا للتميز عنوان فبكل تميز فهو تقريرك المميز

عسى المانع خير أختي

صباح الخير
اعتذر عن التأخير الغير مقصود
بس كنت تعبانه وماقدرت اكمل التقرير
اليوم باذن الله بسهر عليه وانزله كامل ان شاء الله

الحمدلله على السلامه

بداية تقرير مميز

تقرير من بدايته حلووووووو ،، متابعينك...

بتسهرين عليه اجل ..

متابعك ..

مدري ليه خااق مع تقريرك ..

الحمد لله على السلامة

تقرير من البداية رائع رائع

واصلي متابعينك

الله يعطيج العافيه..تقرير رائع..

ماشاء الله
تقرير راااااائع جدا وان شاء الله راح نستفيد منه
بانتظارك ولاتطولين علينا

على فكرة هل كانت باريس فيها زينة الكريسمس في هالوقت ؟؟

مرحبا اختي
اول شيء الحمد لله على السلامه وشكرا على التقرير الي اكثر من رائع
ونحن بانتظار انج اتكملينه لنا
حبيت اسالج كم سوال اذا ما عليج امر تجاوبيني
بالنسبه للفندق ما عندج صور من تصويرج الخاص وهل هو مثل الصور الي بالموقع لاني انا حجزت فيه وحاب اعرف
وكم يبعد الفندق عن مول الفصول الاربعه الي بالاديفونس يعني اقدر اروحله مشي بسهوله
هل الفندق مكيف والام بي سي هل عي اون ولا فور تدرين بعد المسلسلات التركيه
هل فيه موظفين عرب في الفندق اقدر اكلمهم اذا اتصلت عليهم
وشكرا جزيلا والله ما قصرتي على التقرير وناطرين ردج علينا

بليز حد يجاوبني الي عنده خلفيه عن اسالتي ليش محد يدخل الموضوع يساعدنا

تقررير جميل بآنتظظآرك ..

المشاركة الأصلية كتبت بواسطة قمورة دايما
http://www.arabtravelersforum.com/tr...6/#post5345446

ماشاء الله
تقرير راااااائع جدا وان شاء الله راح نستفيد منه
بانتظارك ولاتطولين علينا

على فكرة هل كانت باريس فيها زينة الكريسمس في هالوقت ؟؟



يسعدني تواجدك حبيبتي

لا ما كان فيها
لكن المتاجر ومحلات التذكارات بدأو يعرضون منتجاتهم تبع الكريسميس

المشاركة الأصلية كتبت بواسطة الوحره
http://www.arabtravelersforum.com/tr...2/#post5386052

مرحبا اختي

اول شيء الحمد لله على السلامه وشكرا على التقرير الي اكثر من رائع
ونحن بانتظار انج اتكملينه لنا
حبيت اسالج كم سوال اذا ما عليج امر تجاوبيني
بالنسبه للفندق ما عندج صور من تصويرج الخاص وهل هو مثل الصور الي بالموقع لاني انا حجزت فيه وحاب اعرف
وكم يبعد الفندق عن مول الفصول الاربعه الي بالاديفونس يعني اقدر اروحله مشي بسهوله
هل الفندق مكيف والام بي سي هل عي اون ولا فور تدرين بعد المسلسلات التركيه
هل فيه موظفين عرب في الفندق اقدر اكلمهم اذا اتصلت عليهم

وشكرا جزيلا والله ما قصرتي على التقرير وناطرين ردج علينا

اهلين حبيبتي .. اعتذر عن التأخير لظروف الدراسه
احس اني نزلت الموضوع بتوقيت غلط وانقطعت فتره
اكرر اعتذاري
بخصوص استفساراتك حبيبتي
الفندق نفس الصور تماما
والقنوات فقط ( ام بي سي ون - وفيه 5 قنوات ما اتذكرها ناسيه بس من بينها العربيه و دبي الرياضيه اعتقد والجزيره) بخصوص المسلسلات التركيه
تابعيها عاليوتيوب
لان الانترنت جدا جدا سريع ومجانا بالغرف
- بخصوص الموظفين العرب ما قابلت صراحه لكن كل الموظفين يتكلمون اللغه الانجليزيه وجدا متعاونين
- بخصوص قربه من المول جدا جدا قريب لكن ماتقدرين تروحين للمول مشي لان منطقة اللاديفانس كلها انفاق وكبريات و شوارع ومباني عاليه
فا تحتاجين اما تكسي او اندرقراوند
اللي عرفته ان جنب الفندق علطول فيه اندر قراوند لكن ما جربته لان كان معنا سياره و لو بتروحين من الفندق للمول بالسياره ما ياخذ منك حتى 5 دقايق
وهذي صور للغرفه من تصويري








باقي الجزء اللي فيها المكتب و خلفه المطبخ الصغير للاسف ما صورته
لكن نفس الصور تماما
والمطبخ فيه كل شي للي حابين يطبخون

نورتي
وبانتظار اكمال التقرير

تقرير راائع

ممكن تعطيني اسعاار الفندق

المشاركة الأصلية كتبت بواسطة فيصل 2006
http://www.arabtravelersforum.com/tr...2/#post5451432

نورتي
وبانتظار اكمال التقرير



بإذن الله بكمله مشكور اخوي

المشاركة الأصلية كتبت بواسطة alraqi_66
http://www.arabtravelersforum.com/tr...2/#post5451532

تقرير راائع

ممكن تعطيني اسعاار الفندق



اخذنا الفندق 8 ليالي بحوالي 4000 ريال
كان السعر بالضبط تقريبا 840 يورو ل 8 ليالي

لشخصين صح

؟؟

مرحبا


عندي استفسار بخصوص السكن في باريس في Adagio La Défense Esplanade
هل اخذتوا ستوديو او شقه بغرفه ؟ وهل فعلا الغرفه ضيقه ؟

احنا عددنا 7 واخذت ستوديو ل 3 اشخاص وشقه بغرفه ل 4 اشخاص .. هل تكفي ؟ والا ضيق

المكان ؟ ياليت تعطيني انطباعك عن السكن .. المنطقه ماعليها كلام قد سكنت فيها لكن من تعليقات

الاشخاص اللي سكنوا فيها قالوا الغرف صغيره مره واتوقع الشقه بعد

ياليت تفيدينا ..

المشاركة الأصلية كتبت بواسطة loletania
http://www.arabtravelersforum.com/tr...4/#post5450904

اهلين حبيبتي .. اعتذر عن التأخير لظروف الدراسه
احس اني نزلت الموضوع بتوقيت غلط وانقطعت فتره
اكرر اعتذاري
بخصوص استفساراتك حبيبتي
الفندق نفس الصور تماما
والقنوات فقط ( ام بي سي ون - وفيه 5 قنوات ما اتذكرها ناسيه بس من بينها العربيه و دبي الرياضيه اعتقد والجزيره) بخصوص المسلسلات التركيه
تابعيها عاليوتيوب
لان الانترنت جدا جدا سريع ومجانا بالغرف
- بخصوص الموظفين العرب ما قابلت صراحه لكن كل الموظفين يتكلمون اللغه الانجليزيه وجدا متعاونين
- بخصوص قربه من المول جدا جدا قريب لكن ماتقدرين تروحين للمول مشي لان منطقة اللاديفانس كلها انفاق وكبريات و شوارع ومباني عاليه
فا تحتاجين اما تكسي او اندرقراوند
اللي عرفته ان جنب الفندق علطول فيه اندر قراوند لكن ما جربته لان كان معنا سياره و لو بتروحين من الفندق للمول بالسياره ما ياخذ منك حتى 5 دقايق
وهذي صور للغرفه من تصويري








باقي الجزء اللي فيها المكتب و خلفه المطبخ الصغير للاسف ما صورته
لكن نفس الصور تماما
والمطبخ فيه كل شي للي حابين يطبخون







مرحبا اختي الغاليه والله ما قصرتي وكفيتي ووفيتي فديتج وكلج ذوق على سعة الصدر وعلى ردودج والله احرجتيني باجاباتج الوافيه الكافيه الوافيه
وربي يوفقج ويسخرلج الي يسهلج امورج وين مارحتي وربي يسر امرج يا الغلا

ما شاء الله اختي تقرييييير راااااائع هل السفر في هدا الوقت لمن معهم اطفال رضع فيه تعب او لا ان شاء الله كان في عيد الاضحى رحلتك ام لا وهل زرتي ديزني لاند في هذا الوقت وهل كان برد جدا ومعليش عالاطاله

ممتع التقرير جداً

روووووووووووعه .............!

المشاركة الأصلية كتبت بواسطة goldensmile
http://www.arabtravelersforum.com/tr...4/#post5805604

ما شاء الله اختي تقرييييير راااااائع هل السفر في هدا الوقت لمن معهم اطفال رضع فيه تعب او لا ان شاء الله كان في عيد الاضحى رحلتك ام لا وهل زرتي ديزني لاند في هذا الوقت وهل كان برد جدا ومعليش عالاطاله



اهلين اختي
الجو كان مره روعه
بارد بس مو البرد القوي لا حلو الجو
وبخصوص دزني ماقدرت اروح لها لان كان فيه امطار
وبسافر السنه هذي بنفس التوقيت ان شاء الله
لان اشوفه انسب وقت
مافي زحمة سياح والجو مميز

المشاركة الأصلية كتبت بواسطة loletania
http://www.arabtravelersforum.com/tr...8/#post5818288

اهلين اختي
الجو كان مره روعه
بارد بس مو البرد القوي لا حلو الجو
وبخصوص دزني ماقدرت اروح لها لان كان فيه امطار
وبسافر السنه هذي بنفس التوقيت ان شاء الله
لان اشوفه انسب وقت
مافي زحمة سياح والجو مميز



ما شاء الله اختي كفيتي ووفيتي جزاك الله خير وان شاء الله يارب تروحي وترجعي بالسلامه إن شاء الله

موضوع مميز

وبانتظار التكمله


الاديفانس روعه فنادقها

بالنسبه للفصول الاربعه لمن سأل عنه فهو قريب من الفندق وتقدر توصل له مشي أما بالنسبه للتنقلات في باريس فأنا أنصح .. بالمترو بقوه وممكن أن تستخدمه بباريس أحسن من زحمة السياره ...والسياره ممكن تستخدمها خارج باريس ولكم الشكر

ننتظرك اختي

ان شاء الله سفرتنا في نفس الوقت هذا يارب يسهلها
ومره حمستيني

ما شاء الله موضوع أكثر من مميز بالخصوص اني مسافر في عيد الاضحى
ألاحظك تقولين ان الجو روعة ومو بارد لتلك الدرجة ، هل معناها اني اقدر اطلع بجاكيت خفيف ؟؟ أو أننا نحتاج (خصوصا المدام) نلبس كوتات طويلة شوي ؟ هل لبستوا قفازات و قبعات ؟


هل ديزني تتوقف في الامطار؟


وهل المشي ممتع في هذا الجو ؟ وله ما راح نقدر نتمشى في التشانز إلى الكونكورد على سبيل المثال؟


هل طلعتي رحلة في نهر السين ؟ هل الجو ممكن؟


وآسف على الاطالة

تقرير جدا رائع
يعطيك الف عافيه وفي انتظارك

مشكور على تقريرك لكن السياره ممكن سويسرا النمسا

ما في اجمل من تجربة المترو في باريس خصوصا بعد برامج المترو بالايفون
صار المترو سهل جدا و اشوفه متعه

ننتظر المزيد من ابداعك


بالتوفيق

يعطيك العافية على التقرير جميل جدا جدا

مرحبا موضوع مميز ننتظرك