السلام عليكم
اولا اسم القمه يونجفرو لان حرف j ينطقونه ي يعني y
الوصول لها عن طريق محطة انترلاكن او عن السيارة من قرية GRINDELWALD
جريندلولد
اولا عن طريق انترلاكن :
ويتم تغير ثلاث قطارات للوصول الى القمه الثلج
القطار الاول
والبدايه في محطة القطار بانترلاكن قريبه من النهر ياخذك القطار الاول الى منطقة لوتيربرونين Lauterbrunnen
وبالطريق يوقف القطار محطتين
والثالثه وهي اخر محطه للقطار الاول ويرجع لانترلاكن
اهنيه راح ينزلون كل اللي في القطار وسوف نذهب القطار الثاني
القطار الثاني
وهو الى محطة كلين شايديغ Kleine scheidegg
راح يوقف 4 محطات والخامسه راح يرجع وتغيرون القطار
القطار الثالث
يكون بالاتجاه الثاني بعد المبنى
وهذا القطار الاخير راح ياخذكم للقمه الثلج يونجفرو JUNGFRAU
وبطريق القطار يدش بنفق للقمه وبالطريق يوقف كذا اطلاله للوادي للتصوير وراح يكون الجو بارد حيل
الوصول القمة
راح يوقف وتنزلون قبالكم مطعم خلوا المطعم على اليسار وكملوا بطريق نفق للثلج لاتروحون للدرج لانه يودي لاماكن ثانيه وفيه خريطه بالطريج حاطينها تبين وين مكان التزلج
وماتروحون للقمه الا اذا الجو مشمس واخذوا معاكم كابات ونظرات شمسيه لان الشمس قويه ولاتنسون التحذف بالثلج
العوده الى انترلاكن
القطار الاول
اهو قطار واحد ماكو غيره بنفس المكان يردكم الى كلين شايديغ Kleine scheidegg
القطار الثاني
وما ادراك ما القطار الثانياهنيه ضيعة عبالي بس قطار واحد طلعوا اثنين
واحد يوروح للي جاي بسيارته الى قرية GRINDELWALDجريندلولد
يكونون موقفين سياراتهم اهناك نفسي
والثاني يوديك الى طريق منطقة لوتيربرونين Lauterbrunnen
وهو طريق اللي جاي من اترلاكن
القطار الثالث
اهنيه اختاروا اللي يودي انترلاكن
اللي يبي يروح بالسياره
يوصل بالسياره الى قرية جريندلولد GRINDELWALD
الاحداثياتN 46°37'27.2
E008°02'02.6
والصول للقمه سوف يتم تغيير قطارين
القطار الاول
ياخذك الي قرية كلين شايديغ Kleine scheidegg
وراح يوقف كذا محطه لين اخر محطه وينزلون كل اللي بالقطار
القطار الثاني
يكون بالاتجاه الثاني بعد المبنىوهذا القطار الاخير راح ياخذكم للقمه الثلج يونجفرو JUNGFRAU
وبطريق القطار يدش بنفق للقمه وبالطريق يوقف كذا اطلاله للوادي للتصوير وراح يكون الجو بارد حيل
الرده للسيارهيكون عن طريق قطارين
القطار الاول
اهو قطار واحد ماكو غيره بنفس المكان يردكم الى كلين شايديغ Kleine scheidegg
القطار الثاني
اهنيه الحذر اختاروا اللي يودي الى قرية جريندلولد GRINDELWALD
يعني لاتسوون نفس بعض الناس ههههههههه..
ملاحظه
في القمه الاكسجين قليل يعني لاتجهدون نفسكم امشوا على الخفيف عن الركض هههههههههه
السموحه اذا قصرت بشي اول مره اكتب تقرير جذي
مع السلامهمواضيع عشوائيه ممكن تكون تعجبك اخترناها لك:
- لقيت عرض خرااااافي لفندق فخم في انترلاكن و اخر في فيينا الرجاء المساعدة
- معلومة مهمة بخصوص الاطفال في القطارات
- سويسرا و باريس ارجو المساعده
- محتار بين فندقين أبي رايكم ؟
- أرجو الدخول ضروري جزاكم الله خير
- سؤال لو سمحتو؟؟؟
- هيلب مي
- رحلتي لسويسرا
- زبطووووني تكفون
- استفسار عن خط سير
- ارجوا المساعدة في التخطيط لرحلة للنمسا وسويسرا
- فديـــــــــــــــــــــــــتكم ردوا ؛
- مشكلتي مع يورب كار في مطار جنيف ارجو المساعدة
- ايش رايكم في برنامجي لعشرين يوم سويسرا المانيا النمسا مع التفاصيل
- اسئلة مهمة واستفسارات ومنكم استفيد
- الأسعار في سويسرا
- بخصوص تاجير السيارات
- هذه حجوزاتي في فنادق سويسرا ما رأيكم بها
- بدأ العد التنازلي للسفر وأرجو المساعدة
- شو رايكم بهالفندقين في زيوريخ ؟؟ ما استغنى عن مشورتكم
رد مع اقتباس
المشاركة الأصلية كتبت بواسطة lord155
المفضلات