الموضوع: الى كل نساء منتدى العرب المسافرون الراغبات في دخول الامارات

السلام عليكم ورحمة الله وبركاتة ...

اخواتي العزيزات ... اول شيء حياكم الله ومرحبا بكم في دولتنا الامارات ... وان شاء الله اقامة طيبة لكل شخص حاب يزور بلادنا وياهلا به ومسهلا ...


عندي ملاحظات لبعض البنات اللي يكتبون هني ...

1- الامارات دولة عربية مسلمة وفيها مسلمين ومواطنين والحمدالله احنا النساء نتمتع بخصوصيه كاملة ولا نشوف اي مضايقات من الرجال الا ما ندر

2- بخصوص الصالونات ... يا قلبي لا تروحون صالونات الفنادق لانها طبيعي بتكون مختلط ... اما الصالونات الخارجية فهي للنساء وللنساء فقط ... ومستحيل تكون مختلط الا اذا كانت بإدارة اجنبية .. وهذيلن الصالونات نادرة جداً واغلبيتهم اما في الفنادق او المولات .

3- بخصوص السيدات الراغبات في الخصوصية فانا اطمن كل امراة انه شيوخنا ماشاء الله ماقصروا وحطوا قوانين تردع اي شاب من اي جنسية كانت انه يتحرش ... واذا صار فاعلمي انه مب اماراتي .. وان كان اماراتي فهو جاني على نفسه ..

لان القانون يقف هنا لصالح السيدة ويوقف اي رجل عند حده مع انتشار رجال الامن في المولات والاسواق

4- دولة الامارات تعتبر دولة امانة جداً في كل اماراتها واخص بوظبي ودبي .. الحمدالله احنا نعيش في امن واماااااااااااان لدرجة نرقد وبيبان بيوتنا نادر مانسكرها ...

5- يا بنات وياحريم .. الحريم اللي تشوفونهم في المولات متبرجات او عاريات او حتى اللي يندرجن تحت مسمى كاسيات عريات ... اقولها لكم بالفم المليان .. هيلا مب اماراتيات وانما دخيلات علينا ولا يمثلونا في اي شيء كل انسان يحمل افكارة الخاصة ...
انا بنت عرب واتكلم بصفتي وحده عاشت في الامارات الحمدالله نداوم بانقبتنا ... ولنا خصوصيتنا في العمل كان اختلاط او خاص بالنساء ...

الامارات الحمدالله عطتنا كل شيء كنا نتمناه .. عطتنا الوظايف وصرنا نشغل كل مجال .. ومانلقى الا كل احترام من اخوانا الشباب في العمل او خارج العمل ..

اللي بتقول غير جذه هذي لانها انسانه ماحترمت نفسها لذلك محد احترمها ...

وارجع اقول بلادنا فيها حرية ولكن بحدود احنا يا بنات الامارات حطينها لانفسنا ... منا الزوجة والام ..والاخت والموظفة والابنة ... وكلنا هني في بلادنا يد وحده ... نحمدالله على كل شيء ....


واخيراً حبيت اوصل لكم فكرة دائماً تتردد في عقولكم وهي هل الامارات دولة منفتحة او منغلقة .. اقول احنا دولة وسطية في كل شيء ..


وياهلا وسهلا بكم واي استفسار خاص بالاسواق او الصالونات او اي شيء يخص النساء ... انا حاضرة لكل استفسارتكم ... مايردكم الا الكيبورد ...



واسمحولي لاحد يسالني عن السكن او الفنادق لاني ماعرف غير بيتنا

مواضيع عشوائيه ممكن تكون تعجبك اخترناها لك:

• الحجز مع فلاي دبي طيران دبي
• ابي شركات للشحن البحري للكويت من الامارات ؟
• العاب مائيه
• هل الباص البرمائى مكيف؟؟؟؟
• أنا حاليا في دبي ممكن الطريق الى الدمام
• استفسار عن تأمين سياره سعوديه في الامارات
• أرجو المساعده
• تعلم كيف تحجز بفلاي دبي بارخص الاسعار
• ايهما افضل ؟؟
• استفسار عن فندق ضروري
• فنادق تصلح للعوائل
• محتارة بين اكثر من فندق في دبي أرجو المساعدة ؟
• الى خبراء دبي
• من دبي الى الشارقة
• فلاي دبي تطلق خدمتين جديدتين إلى العراق وأرمينيا في نوفمبر
• قرية البوم والقريه الشعبيه
• ارجو المساعده الي يعرف شي عن الامارات يدخل
• وين ممكن اروح غير دبي؟؟
• أسعار الشقق المفروشة في الشارقة
• ممكن برنامج سياحي عائلي ولمدة ايام يا شباب

الله يوفقكم اختي

وانتشرف بزيارتكم

لكن علي ملاحظات

هالمفصخات واللي طبعا موب اماراتيات ولا يمثلون الامارات ليش مايحطون لهم حد

ويجبرونهم على التستر حتى والله مظهرهم قبيح واشكالهم مقززه


جزاكم الله خير .

مشكورة يالغالية على كلامك اللي يبرد القلب مع انه موجديد علينا
بغيت أسألك عن صالون (قص شعر) يكون حلو ومجرب واسعاره حلوة
لاهنتي يالغلا

صحيح كلامك
رحت للامارات كذا مره للاسف اللي طاغي عليها هم الروس والهنود والاجانب بشكل عام لدرجه ان احنا لما نشوف شخص اماراتي نفرح كثير
وحقيقة هم شعب جدا جدا جدا خدوم ومتعاون

لكن زي ماقال اخوي اللي قبل ياليت حكومتكم تحط حد لها المفاصيخ والاختلاط الزائد في الحدائق المائية والشاطئ لان احنا ياقلبي كشعب سعودي خليجي مسلم نمتنع عن دخول الاماكن هذي لاسباب عديدة منها خوفا من الوقوع من الحرام وايضا حتى اطفالنا مايشاهدون المناظر المقززة من التقسخ والعري من الاجانب
ومشكورة ياقلبي

.
زيتنا فى مكبتنا


هذا المفروض شعار اهل الخليج كلهم

عندنا دبى وابها وصلاله

تفينا عن استغلال الدول الثانيه

والنعم فيم يااهل الامارات والل عارف ان هالمتفصخااااااااااااااات اجنبياااات
لن ليت فى حدود لهم فى اللبس العارى فى المسابح الفندقيه او المدن المائيه

نى مثلا يصير لهم امان معيينه او شى مثل ذا

ويعطيم العاااااااااااااااااااافيه

اول شيء ياهلا وسهلا بكم في داركم ...

بخصوص المفاصيخ ... كلن وله دينه هم لهم دينهم واماكنهم ... والصراحه يمكن لانه احنا مانروح فنادق او بحر مانشوف ... وشيء طبيعي كون السائح اي ويسكن في فندق اكيد بيشوف ... بس اقولكم غضوا البصر ... مافي فايدة هم يتسترون ... تكلمنا بدون فايدة ....


اختي : في صالون اسمه عمرو في شارع المرقبات قصهم حلو .. وبعد صالون ثاني في نفس المكان اسمه شارم ...
واذا تبين صبغ وقص الصراحه في صالون اسعارم رخيصه جداً وشغلهم توب ...

اسم الصالون فيرست في شارع الرقة .. بجانب مطعم الاتوماتيكي ... العمارة الثانية في الدور الاول عند مدام نجوى ...
شغلهم حلو واسعارهم حلوه ورخيصه ومعقولة ...

فعلاااا ...
كلامك جداآ راااائع ..
وشعب الامارات بحياتي شفت مثلهم .. تواضع .. كرم .. شهامه .. تعااووووون .. احتررررررام ..
شبابهم وبناتهم .. صغيرهم وكبيرهم ..
حقآآ شعب مثقف ..
هنيئاآ لكم ,, وهنيئأآ ايتها الدوله بهم ..
بارككم المولى }~

مشكوره اختي
,,,,,,,,,,,,,,,,,,,,

اختي الغالية
ياعساك ووالديك ووالديهم في الفردوس الاعلى والمسلمين أجمعين
قولي آمين
أنا أشهد انك اجودية وبنت رجال..لاهنتي

والنعم والله بالامارات واهلها

الله يديم علينا وعليكم الامن والامان

ودي اسألك وش افضل الاسواق او الاوقات الي ما يكون فيها الاجانب متواجدين كثير
وماقصرتي يالغالية

السلام عليكم اختتي
انا بجي الامارات بهذي الاجازه وابي اروح صالون جويل
ابي اعرف كم اسعارهم اذا تعرفين ( قص شعر - صبغ - تشقير حواجب - بيرم للشعر - واذا اقدر اسوي تان عندهم (
يالييت تفيديني

ياحلو الامارات وياحلو اهلها والله احنا اهل الكويت نموت فى شىء اسمه الامارات عسى الله يحفظها من كل شر وانشالله دوم عامره بأهلها الطيبين

أهلا وسهلاً فيكم جميعاً

الامارات بلادكم الثانيه

المفاصيخ اللي تشوفونهم في البحر والمسابح يعني كيف تبون تحشمونهم !!! خلهم يولون عنكم واذا ما تحبون هالاماكن انتو في غنى عنها .... نحنا ناس مسالمين ومالنا تدخل في لبس حد وعشان جي مانسير مسابح وملاهي مائيه

مشكورة اختي على الموضوع ...

ان شاء الله ناويين نكون في دبي في عيد الاضحى

حبيبتي حبيت اسال فيه صالونات في المجمعات الكبيرة عندكم و تكون على مستوى و اسعارها زينة

يعني حق مساج و منيكير و بديكير و هالسوالف

يسلمووووو

عز الله انك ماقصرتي ياخوصه بوصه انتي ومثيلاتج الله يديمكن خوات نفتخر ونعتز فيكن ... بالنسبه للموضوع هذا نال اهتمام واسع من قبل السلطات بالدوله وصدر عليه قانون الاحتشام ووضعت ملصقات بمداخل كافة المراكز التجاريه سيشاهدها جميع الزوار وكتبت بلغات متعدده وقد قدمت احدى الاجنبيات للمحاكمه نتيجه اخلالها بهذا النظام واجبرت على البقاء مده طويله لاكمال اجراءات التقاضي بعد ان كانت في زياره لمدة قصيره بتأشيرة مرور .

وهنا اذكر عند مشاهدة اي من هذه المناظر الابلاغ عنها .

الامارات يقصدها الاجانب بكثره تفوق عدد سكانها المحليين - ( هههه اقسم بالله نفرح يوم نشوف بعض ) - ومن الطبيعي هناك العديد من الخدمات المخصصه لهم تقدم في اماكن متفرقه انصحكم تسوون مثلنا لاتزورون هذي الاماكن كالنوادي الليليه والشواطئ الخاصه بالفنادق ... الخ

اما عن الصالونات والاسواق اعذروني بناتنا مابيقصرن في ارشادكم وانا على ثقه تامه بانهن بينصحن بصدق وامانه واذا بغيتوا معلومات عن التصوير او الرحلات البريه انا حاضر وسلامتكم

المشاركة الأصلية كتبت بواسطة ام ملاك م
http://www.arabtravelersforum.com/tr...2/#post4122182

مشكورة اختي على الموضوع ...

ان شاء الله ناويين نكون في دبي في عيد الاضحى

حبيبتي حبيت اسال فيه صالونات في المجمعات الكبيرة عندكم و تكون على مستوى و اسعارها زينة

يعني حق مساج و منيكير و بديكير و هالسوالف

يسلمووووو



الله يحيج اختي الكريمه
وان شاء الله تستانسين في دبي
في صالونات في دبي مول حق تنظيف البشره وهالسوالف فوق في الطابق الثاني
وحق المساج شي مساج سنتر في الدور الارضي قريب من البنوك وهذا موقعهم http://www.feet1st.com

ادري أن الموضوع خاص بالنساء بس اللقافة خلتي امر من هنا ( طبعا سعودي)

بصراحة الشعب الإماراتي أفضل الشعوب العربية : احتراما وأدبا وخلقا ودينا ما أقوووووووووووووووووول

إلا : ليتني اماراتي



هنيالكم الطيبة المتناهية اللهم لا حسد

أنتم تاج على رأس العرب


تحية مني من السعودية وتحديدا من القصيم إلى كل أماراتي وكل عربي مقيم بالامارات


وشهر مبارك على الجميع

المشاركة الأصلية كتبت بواسطة saad0524
http://www.arabtravelersforum.com/tr...9/#post4130629

ادري أن الموضوع خاص بالنساء بس اللقافة خلتي امر من هنا ( طبعا سعودي)

بصراحة الشعب الإماراتي أفضل الشعوب العربية : احتراما وأدبا وخلقا ودينا ما أقوووووووووووووووووول

إلا : ليتني اماراتي



هنيالكم الطيبة المتناهية اللهم لا حسد

أنتم تاج على رأس العرب


تحية مني من السعودية وتحديدا من القصيم إلى كل أماراتي وكل عربي مقيم بالامارات


وشهر مبارك على الجميع



حياك الله اخوي الكريم

ومشكور اخوي على كلامك الطيب

نحنا اخوان وواجبنا ان نساعد بعض

كفو والله ولا يلحقنا ادنى شك باهلنا في الامارات

المشاركة الأصلية كتبت بواسطة صغير المتداولين
http://www.arabtravelersforum.com/tr...9/#post4134219

كفو والله ولا يلحقنا ادنى شك باهلنا في الامارات




مشكور وما تقصر

يسلم لسانك يالغالية

بالعفل بلادنا بلد الامان وشخيونا ممقصرين الله يوفقهم

تدرون ان احنا البنات نسوق السيارة بكل حرية وبكل امان وفي اي وقت حتى نقدر نسير من امارة الى امارة ثانية حتى لو بعيدة بروحنا وما ويانا ريال



اللهم ادمها نعمه واحفظها من الزوال

والله والنعم فيكم

كفوو والله ياحبنيلكم

رحت لمكه قبل كم يوم واشووف الاماراتيين بكثره هناك الله يوفقهم

ومن كثرتهم احسب اني بالامارات بصراحه اشوفهم اكثر من شوفتي لهم بدبي ههههههههههه


المهمة يابنات بسال عن سوق الكرامه شفت وحده من البنات بمنتدى مسويه تقرير عنه

وابي اتاكد هل الشنط اللي فيه درجه اولى وتستاهل العنوه

ومشكورات خواتي

وبالنسبه للرحلات البريه شلون ؟؟

المشاركة الأصلية كتبت بواسطة سنافيه . كوم
http://www.arabtravelersforum.com/tr...0/#post4173660

كفوو والله ياحبنيلكم

رحت لمكه قبل كم يوم واشووف الاماراتيين بكثره هناك الله يوفقهم

ومن كثرتهم احسب اني بالامارات بصراحه اشوفهم اكثر من شوفتي لهم بدبي ههههههههههه


المهمة يابنات بسال عن سوق الكرامه شفت وحده من البنات بمنتدى مسويه تقرير عنه

وابي اتاكد هل الشنط اللي فيه درجه اولى وتستاهل العنوه

ومشكورات خواتي

وبالنسبه للرحلات البريه شلون ؟؟



هلا اختي
التقرير اللي في المنتدى عن سوق الكرامه انا اللي مسويتنه
وفيه شنط تقليد سوبر aaa وفيه العادي
وفيه اكثر من 200 محل على جهتي شارع الكرامه

المشاركة الأصلية كتبت بواسطة سنافيه . كوم
http://www.arabtravelersforum.com/tr...0/#post4173660

كفوو والله ياحبنيلكم



وبالنسبه للرحلات البريه شلون ؟؟





الرحلات البرية وايد حلوة والحين بدا الجو يعدتل فالليل

بس طبعا البر رووووووعة في الشتاء

كل عام وانتم بخير
والنعم فيهم بنات الامارات
انا شفتهم في ميونخ مقصد الاماراتيين حشمه وحياء وبالشيلة والعبايه وامهاتهم بالبرقع الاماراتي ( مااعرف اسمه)
الله يديم علينا وعليكم نعمة الامن والامان

عندي استفسار عن المكتبات او المحلات اللي الاقي فيها ادوات مكتبيه دفاتر واقلام ومقالم حلوه وغريبه في دبي

ياحلو الامارات ويا حلو اهلها والله
الله يحفظكم اخلاق وربي






اختي : في صالون اسمه عمرو في شارع المرقبات قصهم حلو .. وبعد صالون ثاني في نفس المكان اسمه شارم ...
واذا تبين صبغ وقص الصراحه في صالون اسعارم رخيصه جداً وشغلهم توب ...

اسم الصالون فيرست في شارع الرقة .. بجانب مطعم الاتوماتيكي ... العمارة الثانية في الدور الاول عند مدام نجوى ...
شغلهم حلو واسعارهم حلوه ورخيصه ومعقولة ...



يعني كم تتراوح اسعار القص عندكم ؟


وبسالك اختي حبيبتي عن البحر اقدر اروح بحر مناسب للعائله
ما يكون فيه حركات الاجانب وتشمس وكذا ؟

المشاركة الأصلية كتبت بواسطة بنت الشيخ زايد
http://www.arabtravelersforum.com/tr...5/#post4173695

هلا اختي
التقرير اللي في المنتدى عن سوق الكرامه انا اللي مسويتنه
وفيه شنط تقليد سوبر aaa وفيه العادي
وفيه اكثر من 200 محل على جهتي شارع الكرامه



السلام عليكم


كل عام و انت بخير يا اختى بنت الشيخ زايد

ا
لعام الماضى حضرت لدبى لأنى كنت سامعة عنها و عن عروضها وقت الفستيفال ( مهرجان التسوق فى فبراير ) - ما كنت اعرف البلد كويس بس زرت كل المراكز التجارية - ما عرفت اسوى شوبنج كويس لأن الاسعار كانت غالية كل مشترياتى كانت محدودة و لم أكن أعرف أحد من أهل البلد.


بعد ما رجعت سمعت من صديقاتى عن اسواقها و لما دخلت المنتدى عرفت أن فيه سوق يسمى الكرامة و فيه شنط حريمى تقليد رائعة.


- يا ترى كم أسعارها بالدرهم ؟ و هل هى أفضل من البضائع فى تايلاند او ماليزيا و لا نفس الصنف ؟ ما هو مستوى البضائع الموجودة في "جبل على" ؟


- هل يوجد أسواق أخرى أسعارها رخيصة؟


- إذا كان معى خريطة فهل يمكن أن أتحرك إلى الاسواق بالحافلات أو المترو المهم وسيلة مواصلات معقولة و غير مكلفة؟ غير التاكسيات .


- إذا كنت أرغب فى الذهاب إلى الشارقة سمعت عن سوق فيه تابلوهات من الاوبيسون و الجوبلان تعلق على الحوائط - أين هذا السوق وهل ممكن أن أركب حافلة من دبى للذهاب إلى الشارقة و العودة فى نفس اليوم ؟


- ما هو أفضل وقت للحضور لدبى فيه تخفيضات؟

معذرة أختى أطلت عليك بس أود أرتب زيارة إن شاء الله قريبة و شكرا لك.

المشاركة الأصلية كتبت بواسطة alhana.kullah
http://www.arabtravelersforum.com/tr...7/#post4176387



الرحلات البرية وايد حلوة والحين بدا الجو يعدتل فالليل

بس طبعا البر رووووووعة في الشتاء





مشكوره اختي ان شاء الله اروح له ...








المشاركة الأصلية كتبت بواسطة بنت الشيخ زايد
http://www.arabtravelersforum.com/tr...5/#post4173695

هلا اختي
التقرير اللي في المنتدى عن سوق الكرامه انا اللي مسويتنه
وفيه شنط تقليد سوبر aaa وفيه العادي
وفيه اكثر من 200 محل على جهتي شارع الكرامه




مشكوره اختي ولك الفضل بعد الله بمعرفتنا بهالسوق

والله يجزاك خير وماتقصرين







المشاركة الأصلية كتبت بواسطة بنت الشيخ زايد
http://www.arabtravelersforum.com/tr...7/#post4223537

والنعم بحالج اختي
وهذا شي عادي لان مشاء الله لين الحين الناس متمسكه بالدين وبحشمتها سواء داخل او برع البلاد

بالنسبه لاستفسارج فيه فعاليات العوده للمدارس في ارض المعارض في مطار دبي
يبيعون كل مستلزمات المدارس باسعار تنافسيه
والمعرض اعتقد بستمر لين 18- 9
http://mydsf.ae/ar/eidnews/10-09-10/...%a7%d8%b1.aspx




هذا اللي ابيه ياحبيلك ان شاءالله نلقى شنط مدارس غير اللي بسيتي بلازا

وهل ارض المعارض هي نفسها مدينة مدهش او لا

ومشكوره ياختي

والله يكتبها لك بميزان حسناتك

انا حبيت اشكرك حبيبتى على الكلام الى كتبتيه
وزين ماقلتى عشان الناس اكون عندهم خبر بهالشى
والله ان دبى حلوووه بكل مافيها حتى عيالنا تعودوا على الاشياء الى اشوفينها فى دبى وبالذات الاجانب
انا اشوف هالموضوع عادى ومن عرفنا دبى وهى كذا وفعلا حتى الشباب والله انهم مايضايقونا
اذا تمشينا بعكس ديرتنا لاطلعنا مضايقات من كل صوب
ودبى روعه بكل مافيها انا اموووت عليها ذا الديره والواحد مايمل منها
الله احفظها من كل مكروه يارب
والله يعطيك العافيه
تقبلى تحياتى

شكراً على هالموضوع الرائع
انا زرت الامارات اكثر من مرة ومالقيت الا كل خير وطيبة من اهلها الطيبين
ولو كان علي كنت كل شهر ازورها

عندي استفسار بسيط ماعليكم أمر بغيت اسأل عن محلات العبايات غير عن ابوالهيل وين احصل

ولكم مني جزيل الشكر

فعلاااا ...
كلامك جداآ راااائع

المشاركة الأصلية كتبت بواسطة flying eagel
http://www.arabtravelersforum.com/tr...9/#post4237279

شكراً على هالموضوع الرائع
انا زرت الامارات اكثر من مرة ومالقيت الا كل خير وطيبة من اهلها الطيبين
ولو كان علي كنت كل شهر ازورها

عندي استفسار بسيط ماعليكم أمر بغيت اسأل عن محلات العبايات غير عن ابوالهيل وين احصل

ولكم مني جزيل الشكر




هلا اختي

مشكوره وما تقصرين والله وهذا من ذوقج

اختي محلات العبي من غير مركز ابوهيل
اذا تبين شي حلو وراقي بتلقين في دبي مول قسم الازياء العربية
وبعد في مركز الشاطئ في شارع جميرا محلات دوم انا اتعامل وياهم مثل سهرايه وسويت ليدي ومحل منى مودا يعني اسعارهم حلوه بالنسبه للعبي الراااقيه وايد يعني من 900 لين 1500

ونعم ,بأهل الامارات وبنات الامارات

هلا بك خوووصه بوووصه
ان شاالله الجمااااعه كلهم بخييييير

حبيت اسألك
انا سعوديه وابي محلات بدبي غير موجوده بالسعوديه وخصوصا الرياض
مثلا نبي شي مميز للعيد من تيورات او شنط نسائيه وملابس اطفال
ولا يهم السعر
اهم شي ماركات غير موجوده بالرياض

وسلمت اناملك

السلام عليكم
اخت خوصة بوصة
حبيت اشارك قي الموضوع ونرد على كلام بعض الاخوات اللي يكتبون كلام فارغ وبعيد عن الصحة لدولة الامارات وتحديدا دبي الجميلة في بعض الدول العربية يوجد بها ما يوجد في دبي شواطيء وشاليهات وجميع المترفات ولكن من يستمتع بها اهلها نجد المسلمات على الشاطيء بلباس البحر وحتى في شوارعهم وهي بنت البلد ولا يستطيع احد ان يكلمها او ينتقدها بسبب الحرية الزائفة ولا اريد ان اذكر اسماء دول اما ما رايته في دبي فانا اشهد ان كل من رايتهم بالشورتات او ملابس البحر كلهم اجانب عرب او غربيين فمن يستمتع بالشاطيء والبحر اكثر في دبي هم الغربيين ولم ارى بنت امراتية وهي غير محترمة كل اللي قبلتهم محترمين نفسهم لهم عاداتهم وتقالبدهم ومحافظين وحتى شبابهم لم ارى لهم تجمعات في المولات او حتى في الشوارع مثل ما يحصل في بعض الدول العربية من تجمعات ومشاكل في المولات والشوارع
وشكرا

المشاركة الأصلية كتبت بواسطة بنت الشيخ زايد
http://www.arabtravelersforum.com/tr...3/#post4238443

هلا اختي

مشكوره وما تقصرين والله وهذا من ذوقج

اختي محلات العبي من غير مركز ابوهيل
اذا تبين شي حلو وراقي بتلقين في دبي مول قسم الازياء العربية
وبعد في مركز الشاطئ في شارع جميرا محلات دوم انا اتعامل وياهم مثل سهرايه وسويت ليدي ومحل منى مودا يعني اسعارهم حلوه بالنسبه للعبي الراااقيه وايد يعني من 900 لين 1500

لكي من جزيل الشكر اختي بنت الشيخ زايد

فعلا الامارات شعب وحكومه تستحق التقدير والاحترام عمري ما زرتها وتندمت

أختي العزيزة الراقية....
السلام عليكم ورحمة الله وبركاته
أبدأ أولاً بدعوة لك من قلبي أن يجمع الله لكي كل خير ويصرف عنك كل شر آمــــــــــــــــــــين
وجزاك الله عنا خيراً كثيراً فقد رغبنا في زيارة الإمارات العربية المتحدة ولكن كان في عقلنا بعض القلق لأننا أسرة محافظة ولا نحب المظاهر التي تخدش الحياء ولكنك بموضوعك هذا أزليتيه عنا....
أختي لا أريد أن أطيل عليكي ولدي إستفسار بخصوص الأماكن التي تبيع ملابس نسائية راااااقية ومحترمة في إمارة دبي تحديداً وكذلك مجمعات الكمبيوتر...(مع الأخذ في الإعتبار أننا لا نحب الأسواق الشعبية والصينينة زهيدة الثمن رديئة البضاعة)
فلدينا سفرة قصيرة لدبي ولأول مرة بغرض التسوق والترفيه في الشهر القادم إن شاء الله ولا نعرف عنها شيئاً...
أختي العزيزة...أنتظر ردك في وقت تشائين
و السلام عليكم ورحمة الله وبركاته

المشاركة الأصلية كتبت بواسطة sanaaahmed03
http://www.arabtravelersforum.com/tr...0/#post4305830

أختي العزيزة الراقية....
السلام عليكم ورحمة الله وبركاته
أبدأ أولاً بدعوة لك من قلبي أن يجمع الله لكي كل خير ويصرف عنك كل شر آمــــــــــــــــــــين
وجزاك الله عنا خيراً كثيراً فقد رغبنا في زيارة الإمارات العربية المتحدة ولكن كان في عقلنا بعض القلق لأننا أسرة محافظة ولا نحب المظاهر التي تخدش الحياء ولكنك بموضوعك هذا أزليتيه عنا....
أختي لا أريد أن أطيل عليكي ولدي إستفسار بخصوص الأماكن التي تبيع ملابس نسائية راااااقية ومحترمة في إمارة دبي تحديداً وكذلك مجمعات الكمبيوتر...(مع الأخذ في الإعتبار أننا لا نحب الأسواق الشعبية والصينينة زهيدة الثمن رديئة البضاعة)
فلدينا سفرة قصيرة لدبي ولأول مرة بغرض التسوق والترفيه في الشهر القادم إن شاء الله ولا نعرف عنها شيئاً...
أختي العزيزة...أنتظر ردك في وقت تشائين
و السلام عليكم ورحمة الله وبركاته



وعليكم السلام ورحمة الله
حياج الله اختي العزيزه في بلادج الثانيه
اختي العزيزه ان شاء الله بترتاحون في دبي
اذا تحبين الملابس النسائيه الراقيه جداً عندج محل غاليري لافيت في مول دبي ,,, ومحل بوجاتي في مول الامارات
واكيد في المولين محلات راقيه جداً ..
ومجمع الكمبيوتر عندنا مركز العين بلازا في بردبي المركز طابقين وكله محلات اجهزة الكمبيوتر اصلي مب صيني

الامارات معروفه باهلها الطيبين من اول ماندخل المطار لين نرجع وهم يقدمون لنا كل الخدمات وكانا من اهلهم الله يجزاهم كل خير ويبارك لهم في حكومتهم .


حبيت اسالكم انا جايه قبل اجازه الاضحى وابغى انقش يديني بس عندي اطفال وماقدر اخذهم معايه ابغي انقش في مول اومجمع ويكونو الاطفال قريبين مني فياليت احد يقولي وين مكانهم بالظبط ؟ وكمان ابغى النقش يطول لاطول مده ممكنه وش النوعيه المناسبه عشان اطلبها والف الف شكرا لكم

http://www.arabtravelersforum.com/user152356/
أول من ترد علي (( إني إذاً لسعيدُ ))...
شرفني ذلك أختي وجزاك الله عني خير الجزاء...
وأكيد أختي بنرتاح في دبي طالما شعبها من أمثالك عزيزتي الغالية...

اختي بنت زايد ايش رايك بالاوت لت مول ؟ تنصحينا نزوره مع زوجتي وهل فيه بضاعه تستاهل ولا ستوكات قديمه وماتسوى ؟

المشاركة الأصلية كتبت بواسطة سحابه صيف22
http://www.arabtravelersforum.com/tr...5/#post4307165

الامارات معروفه باهلها الطيبين من اول ماندخل المطار لين نرجع وهم يقدمون لنا كل الخدمات وكانا من اهلهم الله يجزاهم كل خير ويبارك لهم في حكومتهم .


حبيت اسالكم انا جايه قبل اجازه الاضحى وابغى انقش يديني بس عندي اطفال وماقدر اخذهم معايه ابغي انقش في مول اومجمع ويكونو الاطفال قريبين مني فياليت احد يقولي وين مكانهم بالظبط ؟ وكمان ابغى النقش يطول لاطول مده ممكنه وش النوعيه المناسبه عشان اطلبها والف الف شكرا لكم



هلا اختي
ومشكوره على كلامج الحلو

بالنسبه للحنا
ما احب اللي يحنون في المول لان اصلاً مب حلو حناهم
تقدرين تتصلين بصالون مدام حبيبة في دبي هذا رقم فرعهم في الشارجه 06-5388964 اتصلي بهم وخذي منهم رقم دبي
وطلبي منهم يرسلون لج الحنايه لين الفندق تحنيج الصبح ,, واحلى شي الحنا الحمرا وفي الاساس الحنا يطير بعد كم يوم

فعلاااا ...
كلامك جداآ راااائع

ابى اشتري اي باد واي بود تتش هدايا
وش رايكم من وين اشتري من دبي وهل اقل سعر الامارات او السعوديه

مشكورة أختي من غير ما تقولين حن نعرف بنات الإمارات أنا رحت الصيف لدبي كان عندي كورس كل ما شفت إماراتية أفرح بشوفتها و ودي أتعرف عليها أما إلى تقولين عنهم عاريات ياليت يكون فيه قانون باللبس المحتشم مهما يكون هي دولة خليجية والله لما أشوفهم أتضايق ذكرتيني بالصالون أنا لما كنت بفندق خور دبي أختي كانت تبي الصالون ويوم شافت ريال يسوي شعر أجنبية زعلت تصدقين كل كورسات الدوام بدبي مع إن فيه غيرها من الدول بس سبحان الله من يوم رحت لها سنة 2008 حبيت دار زايـــــد وعمــــــــــــــــار يــــــــــا دار زايــــــــــــــــــد

شعب الامارات راااائع..كما رأيت
طيبة وحشمة وذوق رفيع

هالكلام اللي تقولينه معرووووووووووف عن اهل الامارات بطيبتهم وبفخرهم بالعادات والتقاليد انا احب الامارات واحب اهلها .. وامووووووووت عليها بعد صحيح ما رحتها لكن مشتاااااااقة ازورها ..
واتمنى لو اني اقدر كل شهر ازورها من حلاتها ..
هنيئا لكم الامارات وشعبها الكريم ..


بس حبيت اسألك .. انا رايحه دبي لمدة يوم واحد وعندي فقط من 8 الى 10 ساعات لاتسوق فيها ..
ابي اشتري عطورات وشنط و ملابس و بخور و هدايا بسيطة صوغه يعني للاهل والاصدقاء بأسعار رخيصة و متوسطة..

وزوجي ناوي يشتري موبايل و بعض الاجهزة المنزلية ؟
تنصحينيا وين نروح ؟ مكان واحد وفيه كل هالاشياء وبأسعار رخيصة ..وبجوده عالية ..؟ خصوصا ان ما عندنا وقت

وشكرا لك

المشاركة الأصلية كتبت بواسطة ملاك و حلاوووة
http://www.arabtravelersforum.com/tr...0/#post4329010

هالكلام اللي تقولينه معرووووووووووف عن اهل الامارات بطيبتهم وبفخرهم بالعادات والتقاليد انا احب الامارات واحب اهلها .. وامووووووووت عليها بعد صحيح ما رحتها لكن مشتاااااااقة ازورها ..
واتمنى لو اني اقدر كل شهر ازورها من حلاتها ..
هنيئا لكم الامارات وشعبها الكريم ..


بس حبيت اسألك .. انا رايحه دبي لمدة يوم واحد وعندي فقط من 8 الى 10 ساعات لاتسوق فيها ..
ابي اشتري عطورات وشنط و ملابس و بخور و هدايا بسيطة صوغه يعني للاهل والاصدقاء بأسعار رخيصة و متوسطة..

وزوجي ناوي يشتري موبايل و بعض الاجهزة المنزلية ؟
تنصحينيا وين نروح ؟ مكان واحد وفيه كل هالاشياء وبأسعار رخيصة ..وبجوده عالية ..؟ خصوصا ان ما عندنا وقت

وشكرا لك



هلا اختي
مشكوره على كلامج ونحنا نحب كل اللي يحبنا
اذا عندج وقت للتسوق من 8 الى 10 ساعات
انا اقترح عليج مكانين
دبي مول : للتسوق لج يعني تاخذين لج اشياء حلوه وراقيه
وللهدايا انصحج بسوق نايف فيه العود والبخور والالكترونيات و الجلابيات و الزعفران وكل شي

مشكوووورة يا عمري بس شنو رأيك بالقرية العالمية ؟ من حيث الفرق في تنوع البضائع والاسعار اي احسن وافضل هي ولا سوق نايف

موضوع رائع وسوق الاولت مول كثير يتكلمون عنه شنو هذا

^
^
ام جود
الاوت لت هو محل فيه الماركات المخفضه (اتمنى اني افدتك)
ــــــــ

اهلين اختي بنت زايد ..
بسألك تنصحيني اروح للـ اوت لت ؟؟ كيف البضاعه جديده ؟؟ واسعاره كيف؟؟

سؤؤال عاجل لبنات الامارات

امي تسألكم تقول ابي محلات للسايزات الكبيره شوي تعرفون وين ؟

المشاركة الأصلية كتبت بواسطة ملاك و حلاوووة
http://www.arabtravelersforum.com/tr...6/#post4331236

مشكوووورة يا عمري بس شنو رأيك بالقرية العالمية ؟ من حيث الفرق في تنوع البضائع والاسعار اي احسن وافضل هي ولا سوق نايف



العفو اختي
اكيد القرية العالميه بتكون البضاعة فيها متنوعة ومن كل مكان
يعني بعض البنات عندنا اللي يسون العطورات العربيه والدخون يفتحون لهم اكشاك فالقرية العالميه وماعندهم محلات برا واغلب الاكشاك اللي في القرى مشاريع صغيره
بس ما اعتقد انها ارخص من سوق نايف

المشاركة الأصلية كتبت بواسطة ممكن اسافر
http://www.arabtravelersforum.com/tr...6/#post4349146

^
اهلين اختي بنت زايد ..
بسألك تنصحيني اروح للـ اوت لت ؟؟ كيف البضاعه جديده ؟؟ واسعاره كيف؟؟



بنت الشيخ زايد سااعديني الله يخليك

المشاركة الأصلية كتبت بواسطة noufahs
http://www.arabtravelersforum.com/tr...6/#post4352726

سؤؤال عاجل لبنات الامارات

امي تسألكم تقول ابي محلات للسايزات الكبيره شوي تعرفون وين ؟




شي في مردف سيتي سنتر و دبي مول

و سبلاش فيه مقاسات كبيره

المشاركة الأصلية كتبت بواسطة ام جود2007
http://www.arabtravelersforum.com/tr...2/#post4340672

موضوع رائع وسوق الاولت مول كثير يتكلمون عنه شنو هذا



مول فيه مجموعه من المحلات ( ماركات ) بسعر ارخص بشوي