ابي تنظيم سفرة لـ جزر المالديف

**ahmed2** · 02-03-2015, 10:56 AM

[center]السلام عليكم
يا اخوان ابي انظم سفرة لـ جزر المالديف
بعطيكم كل شي وبوضحو لكم .. وتكفووون ساعدوووني
انا بجهز للرحلة وانظمها من الان وان شاء الله بسافر على بداية السنة الجديدة
طبعا انا رايح مع زوجتي ومعايا ولد صغير ( شهر )

مواضيع عشوائيه ممكن تكون تعجبك اخترناها لك:

**ahmedali** · 02-03-2015, 10:56 AM

أول شئ الله يقوم زوجتك بالسلامه
ويرزقك الله الذريه الصالحه

ميزانيتك طيبه جدا لكن انا ابي أنصحك
انك ما تحجز اي شئ لحد ما تولد زوجتك ان شاء الله وتتأكد أن الامور طيبه
وما شاء الله عندك متسع من الوقت انك تحجز على راحتك بعد ما يولدون ان شاء الله
بالنسبه لموعد الهطول اكثر شي في شهر 6 وشهر 7 انجليزي وجوها بشكل عام ثابت طوال السنه

الأمر الأخر المنتجعات في المالديف كثيره فيها الرخيص وفيها الغالي وفيها المناسب
الأكيد ان اذا رحت المالديف منت ساكن في شي حي الله تبي شي يستاهل العنوه
وما شاء الله ميزانيتك ممتازه جدا
الامر الاخر كل ما تأخرت في الحجز شوي يعني تعدي راس السنه شوي كل ما قلت الاسعار ووفرت على نفسك
انا اشوف ان الولد الصغير اذا كان عمره شهرين او حولها يمكن يشغلكم شوي
فـ اذا كان اذا كان فيه امكانيه تخليه عند جدانه يكون افضل خصوصا ان رحلتكم راح تكون اسبوع ان شاء الله وراجعين

ما يمنع انك تاخذ اراء الاعضاء في اختيار المنتجع المناسب بس صدقني لما تعيش تجربة انك تبحث عن الفندق اللى تلقى فيه احتياجاتك يكون افضل
لذلك فيه كثير من المواقع تقدم الخدمه هذي الموقع الاول اللى هو اقودا
http://www.agoda.ae/pages/agoda/defa...rchResult.aspx

تقدر عن طريقة تحدد التاريخ اللى تبي تسافر فيه وتشوف المنتجعات حتى تقدر تحجز تجريبي وتشوف كم السعر
والموقع الاخر
http://www.tripadvisor.com/Hotels-g2...es-Hotels.html
الموقع هذا ممتاز يوريك اراء الزوار وتقييماتهم وتقدر بعد تشوف خيارات الحجز للفندق في بعض المواقع المشهوره

واذا انت انسان مالك خلق السوالف هذي كلها

توجه لأقرب خطوط الاماراتيه للعطلات او القطريه للعطلات وهم يسون لك كل شئ وانت حاط رجل على رجل
بس تأكد انهم بياخذون عليك مبلغ تقدر توفره بنفسك لو انت اللى حجزت

--------
ابيك تدخل على موقع اقودا ادخل على المنتجعات واحد ورى الثاني شف انواع الغرف الموجوده شاطئيه او على البحر بمسبح ولا بجاكوزي
وكم مساحتها وغيره

-------

اذا شفت منتجعات اعجبتك ادخل على الموقع الثاني وشف اراء الزوار
-------
في الاخير اطرح المنتجعات اللى ودك فيها وراح يوجهونك الاعضاء لافضلها ان شاء الله
وتأكد ما راح نقصر ان شاء الله

نسيت اقولك ما في المالديف اماكن تروح لها او مطاعم
هو المنتجع اللى بتسكن فيه يكون فيه نشاطات بحريه و فيه 3 الى اربع مطاعم تقريبا يزيد وينقص حسب المنتجع
والمده الافضل في نظري 4 ايام في منتجع و 4 ايام في منتجع ثاني
والله يوفقك اخوي