الموضوع: السشيل كما عشتها في منتجع الكونستانت ايفيليا

سلامي لجميع محبين الأسفار وبخاصة الإستجمام والهدوء والبحر .. :12 (97):
وجهتنا كانت الى السيشل والموريشيوس..*
وسأكتب عن السيشل فقط في هذا التقرير لاني حبيتها اكثر ولان الكثيرين لا يعرفون عن هذه الجزيرة الساحرة...
رحلتنا كانت في اول شهر يوليو
المدة 5 ايام فالسيشل و6 في الموريشيوس
الطيران كان الامارات وبين الجزيرتين السيشل بادارة الاتحاد
رحت انا وريلي و ولدي سنتين وبنتي سنة
وما خذت بشكارة والحمدلله ماتعبت وايد
الجو كان متقلب من غائم جزئيا الى ممطر الى مشمس:44 (21):
المنتجع كان الconstance ephelia *والي بيكون التقرير مركز عليه بشكل خاص
**************
أهم شي اختيار المنتجع لان البلد مافيها سياحة تسوى
اختيار المنتجع لازم يتم وفق الميزانية وسماحه لوجود الاطفال و نشاطاته وموقعه وشواطئه وتنوع مطاعمه
وادفعوا عليه كل الميزانية لان هناك مابتكون هناك صرفيه تذكر خاصة اذا الافطار والعشا عالمنتجع
انا اخترت هالمنتجع لان سعره كان رائع يمكن 1700 للسويت المطل عالبحر مع الافطار والعشا.. حجزناه عن طريق agoda
يسمح للاطفال وعندهم نادي العاب.. وفيه سبع مطاعم حلوة ... كبييير وفخم وحديث.. فاتح في 2010
فيه غير السويتات المطله عالبحر فلل حلوة بغرفتين وثلاث بحوض سباحة خاص
الاكل فيه حلاااااااااااال وهذا اهم شي .. واحتمال يكون في اغلب الجزيرة والمنتجعات لان اقتصاد البلد قايم عالسياحة وهم يبون يرضون كافة الجنسيات والاديان
**************
أهم وافخم منتجعاتهم على ما خبرونا هناك هم الميرا والفور سيسن وبنيان تري... بس الثلاث مايسمحون للاطفال :12 (96):
يعني للمعاريس بيكونون بيرفكت ولو ان اسعارهم غالية شوي!
**************
اترككم مع الصور والتعليقات عليها



هذا من الطايرة لما قربنا ننزل





مطارهم صغيييير ومتواضع من الموبايل

مواضيع عشوائيه ممكن تكون تعجبك اخترناها لك:

• Amilla Fushi - Maldives
• الله لايهينكم استفسار بسيط جدآ؟؟
• الله يخليكم ساعدونيمحتارة أسافر أو أبطل
• المالديف ماذا تعرف عنها ؟؟
• ووعد اخر مره أسأل؟؟
• جزيرة موريشوس تتبع لأي دولة ؟ ومنهم غالبية سكانها ؟
• أفضل فنادق شرق وغرب موريشوس
• للخبراء فقط
• مالديف المستقبل
• إستفسار عن موريشيوس
• اي معلومه عن جزر القمر
• أستفسار بخصوص المالديف
• مساعدة بخصوص هاواي
• أحتاج لراي خبير ببرنامجنا مع الشكر
• عرض القطرية الف ريال وش رايكم
• استفسار عن جزيرة المالديف وسيشل ومورشيوس
• جاني عرض وأبي شوركم
• الأخ الله لا يهينك
• طلب برنامج لموريشيوس ؟
• اللي عنده خبرهـ بجزر المالديف يدخل بسررررررعه

نادي الاطفال ومسبحهم الخاص



الالعاب تحت المظلة وحاطين مجموعة قصص وتركيبات وعرايس
وفيه غرفة بلي ستيشن وغرفة افلام
وفيه غرف تبديل
وممكن تتركين اليهال بروحهم اذا اكبر عن اربع سنوات
واذا اصغر لازم تاجرين بيبي ستر الساعة ب 10 يورو او انت وريلج تقعدين معاهم


************



وهذااا اهداااااااااااء لاهل الدار*

ركزوا فالصورة عدل
فيه قصر فوق الجبل
هذا قصر صاحب السمو الشيخ خليفة بن زايد
وكان متواجد بنفس الفترة فالسيشل:12 (19):



وخلصنا واي استفسار انا حاااااضرة :12 (42): من الموبايل

انا مش فااااهمة ... ليش مافي تغيير للخط واللون وخيارات متقدمة !!! من الموبايل

ما شاء الله ...

يعطيك العافيه عزيزتي على هالتقرير الجميل عن السيشل ...
و اجمل مافيه الصغار الله يحفظهم و يبارك فيهم ..
بصراحه حسافه ان مو كل المنتجعات و الفنادق تقبل اقامة الاطفال ،،،
عني انا شخصياً اشوف امتع الاوقات اذا اطفالي معاي ،،
و اذا حنا اهلهم ما طلعناهم و مشيناهم ، من لهم بعد الله ..




صور الطبيعه خلابه ..
و تصويرك ما شاء الله مشوق للسفر ..


و بالنسبه لتحرير النص و التحكم في الحجم واللون ، ممكن جداً ..
و الحين انا بحرر النص ، رغم اني اكتب من الاي باد ..


يعطيك العافيه عزيزتي ..
و بموازين حسناتك ان شاء الله ..

و بانتظار جزء موريشوس ..


.
.
.

شكرا جزيلا على الرد

وانا كاتبة الموضوع من الاي باد

بس ماتطلعلي اي خيارات تعديل نص من الموبايل

طيب زين ضبطت معاك الصور و نزلت بالموضوع ...

كذا مره احاول انزل صور بالآي باد و لا ضبطت ..

اما تحرير النص ، من نفس البوكس ، شكلها ضبطت معاي ،،

و الحين بغير اللون و الحجم ..


.
.
.

على فكره ،، تغيير اللون يكون للنص كامل ،،

جربت اغير لون كلمه واحده فقط ،، ولا ضبطت ..

الآي باد للتصفح ، افضل من تحرير النص ..


.
.
.

السلام عليكم ..

ما شاء الله تقرير جميل ومفيد ..
والف الحمد الله عالسلامه ..

للاسف الصور ما ظهرت عندي مع اني داخل بسرعه 180 من الحماس لووول

اختي انا عروس يديده ان شاء الله ومقررين نروح سيشل اول اسبوع

شهر 9 باذن الله ..

فانصحيني افضل الاماكن وباسعار معقوله وبخصوصيه


الله بعطيج العافيه ..

الحين اوكى ظهرت الصور كلها عندي

رووووووووعه

اختي ام عزيز الاي باد اله برنامج خاص تحملين فيه الصور اسمه phupp من الابل ستور
تحملين الصور بالسهم وبعدين بعد تحميل كل الصور روحي history واضغطي عالصورة واختاري copy URL
وبعدين روحي المنتدى واختاري علامة تنزيل الصورة وحطي الي نسختيه
وبتطلع

اختي شماني
المنتجع الي ذكرته اسعاره جدا مناسبة وخدمته راااائعة
اذا تبين حوض سباحة خاص اختاري الفلل بغرفة بوحدة

وعندج هيلتون ليبراز ( انتبهي في فندقين هلتون) عنده غرفه بمسبح خاص

هالاثنين اسعارهم بوايد احسن عالفنادق الفخمة الثانية مثل بنيان تري والميرا والفور سيسزن من الموبايل

اعشق سيشل وزرتها 4 مرات
جربت الميرديان فيشرمانز والهيلتون والفور سيزونز ولابريز بجزيرة سيلهويت
وطلعت على جزر براسلين ولاديغ ورحلتي القادمه راح اطلع على جزيرة الطيور ان شاء الله
افضل فندق سكنته وارخصهم تكلفه كان الميريديان فيشرمانز كوف ارتحت فيه جدا وكان هو اول فندق اسكنه باول رحله عائليه لها

الكونستانس ايفليا هو من فئة 4 نجوم لكن ماعرفت كيف نظام الغرف والسويتات ليه دورين؟
دور ارضي ودور علوي!!!!
زي بعض منتجعات موريشوس

وسبق رتبت رحله مثلكم تماما من دبي لسيشل ومن سيشل لموريشوس
عبر طيران اير سيشل ساعه المسافه كانت بينهم

على العموم رحله موفقه وتروحون وترجعون بالسلامه
ويعطيك العافيه على مشاركتك لنا بصور رحلتكم الرائعه

نحن شفنا ان بعض المواقع صنفت الايفيليا باربع نجوم وبعضها خمس بس انا سكنتهواقولج مستحيييييييل يكون اقل عن خمس نجوم.، راقي راقي وخدمته فخمممممممة ... فيه سويتات فالطابق الثاني وفيه فالارضي
انا خذت الارضي
كنا ناوين نقسم المدة بينه وبين الميريديان او الهلتون بس بعدين ماعجبتني تصاميم غرفهم ولا عروضهم مقارنة باسعارهم والحمدلله ماندمنا على تقضية الفترة كاملة في الايفيليا من الموبايل

ماشاء الله تبارك الله
بصراحة لم نشاهد الشيسل بهذا البهاء والجمال
فتقارير السيشل شحيحه
الصور ولا اروع
بصراحة اتحفتي البوابة بهذا التقرير
شكرا ....

ماشاء الله روووعة وربي يهنيكم

مشاءالله تبارك الرحمن
شكرا للتقرير

تقرير رووووووووووعةيسلمو ..

تقرير جميل

يعطيك العافيه