الموضوع: في أحد جرب المقابلة في سفارة البحرين؟

السلام عليكم،

طبعا موضوع الفيزا مادري ليش مسوي قلق وخوف فينا
ما أحاتي إلا هالسالفه وباقي الأمور ميسرة والحمد لله

طلبي بس حبيت إذا في أحد من الأخوة الأعضاء خاض تجربة المقابلة في سفارة أمريكا في البحرين يذكر لنا إش صار معاه ويعطينه فكره كامله عن هاي التجربه أكون شاكره له.

والله يوفق الجميع يارب

مواضيع عشوائيه ممكن تكون تعجبك اخترناها لك:

• رحله الى كاليفورنيا نصائح مطلوبه من أهل الخبره
• التأمين الصحي في أمريكا
• أسبوعين أبي مسـآعدتكم تكفون
• لخبراء امريكا
• استفسار عن التذاكر طيران جدة الي نيويورك
• ايش الحل
• أغنى الولايات في أمريكا
• انا في امريكا ابي فزعة عاجلة
• نيو يورك او لوس انجلس او فلوريدا؟
• تخطيط لرحلتي وابي مساعدتكم
• مارأيكم بسياتل؟؟
• مساعدة لرحلة الي اورلاندو وميامي
• استفسار لخبراء سان فرانسيسكو
• كليفلانــــــــــــــــــد
• أووووول مره أمريكا وهذا مخططي وطالبه رايكم
• انا عندي فيزا وافراد عائلتي ونريد ان نقدم على طلب فيزا لأخت زوجتي هل استطيع شراء الم
• سؤال مهم يااخوان
• السفر على الخطوط السعودية
• كامبات في نيويورك و لوس انجلوس استفسار
• تأشيرتي الأمريكية تأخرت ما الحل ؟

مراحب الغاليه ،،

شوفي ، انتي من تستكملين كل شي ، وتروحين السفاره،

بيدلونج وين تروحين ، مش نفس طريقه السفارة البريطانيه الجديده..

من تدخلين تصفين دور عند كونتر 1

تقدمين الاوراق وتدفعين ، بينادونج كونتر 2 للبصمات ، ووتنتظرين المقابله كونتر 3 (بينادونج).

عاد ياخذ وقت استحملي

المقابله/ انا مقابلتي ما كان ناقصها شي ابدا ،، بس الموظفه تدخلت في امور السكن وقلت لها ما حجزنا !
لي خذنا الفيزا بنحجز .. وتدقق في اوراق البنك ، وقالت تضنين يكفي المبلغ اللي عندج؟ مع انه عندي!!
اسئلتها استفزازيه ، (مع ان محذريني انها بتسألني هالسؤال لانهم سألو الكل هسؤال) .. !

هم ما رفضو ، بس طلبو زياره جديده وفوقها طلبو استماره 157

ولما وديتها ما كان فيه مقابله ، مجرد تسليم اوراق ..

- بنت عمي وافقو على طلبها ، مع ان ستيتمنت البنك فاضي !

- زميلي في الدوام رفضو فيزته بالاول مع انه رئيس قسم وراتبه عالي !

- يعني حظك نصيبك مثل ما نقول

ملحوظه / اذا موظف اهون من الموظفه .... للعلم فقط

وموفقه ان شاء الله ..

همس الليل يعطيج ألف عافيه على ردج السريع لي
يارب تعدي على خير إن شاء الله وموضوع الحجوزات آنه بعد رايحه بدون أي حجز خل نضمن الفيزا أول شي وبعدين إصير ألف خير.

عندي سؤال إذا ما فيه كلافه-الكل يقول لازم يكون في الحساب مبلغ ممكن تقولين لي بحكم تجربه لزوجين وطفل كم ممكن المبلغ المتوقع يكون موجود في حسابنا لأن والله أبغي أخلص من هالسالفه وما بغي روحه وييه.

وثاني شي آنه معزمة أقعد 3 أسابيع بس يمكن أزودها فهل لما أذكر في السفارة فتره لازم ألتزم بها.

يعني كتبت أسبوعين ملتزمة إن رحلتي بالفعل تكون أسبوعين.

أدري كثرت من الأسئلة فسامحيني والله يجعله في ميزان حسناتك.

تفضل تقرير الاخ طلال البحرين عن المقابلة مع السفارة

http://www.arabtravelersforum.com/travel234570/

sam963 شكرا

مراحب اختي ..

اذا بتطلعين الفيزا لكم انتو الاثنين ودو الستيتمنت لكم انتو الاثنين ،

وهو الستيتمنت حظك نصيبك ، بس اذا رصيدكم انتو الاثنين كافي ما اتوقع يرفضون !!

وبالنسبه للفتره ، انا كتبت for about 3 Weeks خفت احدد واتوهق !

بس قالولي عادي ما بتفرق المده .. وحتى حجز الفندق ما بيوهقونج ،

وفي ناس توسوس وتروح تاخذ حجز مبدئي من مكاتب السياحه ..


واي خدمه ثانيه حاضرين ..

همس الليل يعطيج ألف عافيه على تجاوبج معاي

Sara
كانت المقابلة مالتي في شهر 8 انة و صديقي و كانت كلش عادية و عطوني الفيزا عقب شهر من المقابلة و رفيجي في 3 ايام و كان التخطيط حق الرحلة نفس الشي و المبلغ الي في الحساب نفس الشي
و حاولي تاخذين موعد الساعة 8 اول موعد عشان اخلصين من وقت و كوني هناك قبل الموعد ب 20 دقيقة
و في الفورمة كتبي خط الرحلة و مايحتاي حجز ولاشي و لا تقولين لهم يمكن اتمدديم اكثر من 3 اسابيع و لين وصلتي قعدي شهرين

و اي خدمة حاضرين

مراحب أخوي cooool ويعطيك ألف عافيه على تجاوبكم معاي

ممكن تذكر لي شنو سألوك بالضبط في المقابلة وهل كانت بالعربي وإلا الإنجليزي

مشكور وباقصرت

هلا اختي
المقابلة كانت بل الانجليزي معا وحدة امريكية
اول شي صبحت على و ابتسمت
قالت ليش تبي تروح امريكا و وين بتروح في امريكا و كم المدة في كل منطقة؟؟
رديت عليها باروح اجازة لوس انجلس و فيقس و المدة قالت ليش بتروح فيقس و لوس انجلس
قلت لها فووووور فن

عقب سألتني عن مجال شغلي
رديت عليها و قامت تسألني عن الشغل شوي جم سنة تشتغل


قالت تعال اخذ الفيزا بعد 3 ايام
وبعدها قالت الفيزا مالتك اوكي بس باقي على سفرتك اكثر من شهر و راح انكلمك .. مادري ليش غيرت رايها
و كلموني عقب شهر قالولي تعال و يب جوازك اخذ فيزتك و بعدها ب 3 اسابيع سافرت و رديت بسلامة


كل المقابلة كانت اقل من 10 دقايق
رفيجي في 3 ايام عطوة الفيزا

اي شي تبين اختي ترى انة حاضر

أخ coool وإنت كووول

يعطيك ألف عافيه

آنه بإذن الله راح تكون رحلتنا في شهر 7 2010 إش رايك أقدم من ألحين وإلا تو الناس ويمكن يردونا بسبب إن إحنا مبكرين

وسؤال ثاني ولا عليك أمر....إذا ذكرت في الفورم المناطق إلي أبغي أروح لها وغيرت بعدين ورحت أماكن ثانيه هل راح يحاسبوني إني ما تقيدت بالمكتوب وإلا لا؟

بصراحه أسئلتي أحس بها مو معقوله وبايخه بس سامحني هذول الأمريكان ما ينعرف لهم وما ندري إش به يفكرون ولولا إن حلمي أزور هالديره جان يودت مكاني أبرك لي بس شنو نسوي الدنيا تجارب لازم نخوضها

يعطيك مليون ألففففففففففففففففففف عافيه والله يجعله في ميزان حسناتك يا رب

انزين و اللة اجوف اتقدمين بداية السنة
بس لازم اتحاسبين انة قبل شهر 2 او 3 لنة الصيف ياي و وايد ناس راح اتقدم
انة اجوف Dec or jan اتقدمين يكون اوكي و لين سألوج ليش من وقت قدمتي قوليلهم قبل الزحمة


و كتبي في الفورمة تخطيط الرحلة و لين عطوج و قبل ماتروحين غيري
اكيد ماراح يحاسبونج لنة الفيزا حق 5 سنوات عاد ان شاء اللة تحصلين حق 5 سنوات
لو اهما بيحاسوبنج جان بيعطونة على قد مدة الرحلة
انة لو ماعندي امتحانات جان يمكن لحين هناك

بلعكس اسألتج عادية و انة بعد كنت ابي اعرف كل شي اخذي راحتج

اخوي كووول ..

انا وديت المطلوب ،، بس بعدهم ما اتصلو لي اخذ جوازي؟

هي تطول وايد ؟

يعني بمعنى اخر ، تعرف حد طولو معاه ؟؟

صار لي 10 ايام تقريبا انتظر ..

ولك جزيل الشكر ..

المشاركة الأصلية كتبت بواسطة cooool
http://www.arabtravelersforum.com/tr...9/#post3425139



بس لازم اتحاسبين انة قبل شهر 2 او 3 لنة الصيف ياي و وايد ناس راح اتقدم
انة اجوف dec or jan اتقدمين يكون اوكي و لين سألوج ليش من وقت قدمتي قوليلهم قبل الزحمة




معلومه ، الصيف زحمه عشان الاجازه ،، وديسمبر زحمه عشان الكرسماس ،،

الحين فضاوه وهدووووء عالاخر .

بخصوص الزحمة تقدرون تاخذون موعد من الحين من موقعهم و انة افضل انة تاخذون الموعد ساعة 8 او 8.30


و يوم رحتي و عطيتيهم المطلوب شنو قالو ؟؟
لنة اذا خذو الجواز المفروض ماطول لنة وافقو على الفيزا تقريبا 3 ايام او اسبوع بس اذا كان يبيلهم وقت اكثر راح يردون الجواز وبيقولن بنتصل حق اتودن الجواز
بس اذا الجوان عندهم المفروض يقولون متى تستلمونة
انة رفيجي خذو جوازة و قالولة بعد 3 ايام تعال استلم الجواز

بس اذا الجواز عندهم كلموهم بعد اسبوع

إذا حاولت آخذ موعد يصير أدخل على موقعهم بدون ما أحجز بس أجيك وإذا ما حصلت وقت يناسبني أرجع مره ثانيه؟

لأني ناويه أدخل آخذ موعد مو قريب بس أحجز من ألحين-يعني أبغي موعد نهاية الشهر الياي

ممكن تاخذوا معرف وتكملوا البيانات وعندكم 90 يوم لتحديد الموعد !!


واذا اكثر بينلغي المعرف ولازم تاخذوا معرف جديد !!

بالتوفيق