الموضوع: العائلة في بالي

هل العباية والنقاب قي بالي ملفت للنظر واللى عادي مثل بنشاك وباندونق؟
وش افضل الفلل ؟
اماكن تواجد العوايل الخليجية في بالي؟

مواضيع عشوائيه ممكن تكون تعجبك اخترناها لك:

• استفساراتي المتواضعه ساعدونا ياخبرااء
• مساعدتك في جدول لشهر عسل
• استفسار من الغوالي
• ماهي افضل مطاعم باندونق ساعدووني
• محتاجه آرائكم ومشورتكم
• تكفوووووووون الله يرحم والديكم
• تكلفة السفر الى اندونيسيا
• ترتيب رحلة لـ اشخاص لمدة ايام مساعدتـــكــم
• فزعتكم بسافر لاندونيسيا وبنص فترة السفر بروح لماليزيا ايام وارجع اندونسيا
• استفسار عن هذا المجمع مجمع كوتا بونقا
• حجز بوكينق
• اسفسار و اقتراح
• عريس محتاج مساعدة
• استفسار عن القطار من باندوق لبونشك و بونشك لجاكرتا
• مساعده عاااجله
• مساعدة لبرنامج سياحي
• وش رايكم بسفرتيابي رايكم
• ساعدوني بالسكن لبالي
• ترتيبااااااتي وحجوزاتي واسئلتي لاصحااااااب الخبره في التنسيق محدث بستم
• مجموعة اسئلة خفيفه

احب افيدك بالي اعرفه من خلال كثرة استفساراتي من الاخوان


ابتعد عن شاطي ومحيط كوتا وتكونون بخير بأذن الله

والامور عاديه ان شاءالله

انا مثلك كنت متخوف ولكن الاخوان طمنوني

بالتوفيق

عطاك اياها المتيم وماقصر ..وبيني وبينك بالي لاتنفع للعوائل

ياأخوان انا أبي أعرف هل العباية ملفته للنظر؟او عادي في بالي؟

واكثر فندق او منتجع يكثر به الخليجيين؟

مساءك عطر
حياك الله اخوي
توكل على الله وسافر لاتفكر في مسألة العباية والنقاب ملفتة للنظر والأمور هذه
سبق لي السفر انا وزوجتي لبالي الامور كلها تمام المهم انك تبتعد عن شاطئ كوتا والسكن فيه
وخلي برنامجك في بالي يبداء كالتالي :
1- صلي الفجر واطلب ربك
2- الفطور
3- اتفق مع السائق انه يكون عندك من بدري على الساعة 7 او 8
4- حدد له الامكان اللي ترغب في زيارتها وخل كل يوم لك برنامج معين لزيارة الاماكان السياحية
5- العودة للسكن عند غروب الشمس

فيه نقطة هم بعد حلوة خصوصا اذا كان سفرك انت والمدام بروحكم ترى القعدة على البحرفي الليل شئ مايتعوض ابد
بتستمتع بالهدوء مع صوت البحر ولاتنسى انك تتعشى وتنام بدري أذا سهرت وطولت خلك الين 11 بالليل

واليوم الثاني ابداء بنفس البرنامج لكن لزيراة اماكن مختلفة ترى بالي ماتتعوض ابد وراح تحس بالفرق صدقني فلا تتخوف من شئ ابد الامور كلها تمام وتقدر ترجع إلى تقارير الأخوة اللي سافروا لبالي بصحبة عوائلهم وكذلك هناك ارقام للسواقين اللي يعرفون الاماكن والمناطق السياحية
اما بخصوص السكن هناك تقرير للأخ العزيز نجم الكويت واللي يعتبره تقريره عن السكن في بالي مرجع مهم للمسافر العربي
اتمنى يكون ردي المختصر هذا قد يساعدك والآكيد ان الاخوان ماراح يقصرون بيجي من يرد ويدلي بدلوه اللي يرضى الله
وتقبل كل الود والتقير
أخوك
ابو راكان

مثل ما ذكروا الاخوان ابعد عن فنادق شاطي كوتا وخليك على الفنادق بشاطي نوسا دوا ....ولاتنسى شاطي جمبران وقت الغروب والعشاء هناك باحد المطاعم البحريه وعلى الشاطي مباشره صراحة ممتعه جدا..
ترى المتعه بشواطي بالي قلة الخليجيين اكثر السياح من استراليا واليابان...
انا ذهبت هناك بعائلتي واطفالي وبالعبايه كامله ولاحد يمك لكن حاول ترتب مع سائق مسلم هناك يستقبلك بالمطار ويكون معك ببرنامجك السياحي اليومي ...
تحياتي

طيب وين وش اكثر المنتجعات او الفنادق اللي فيه خليجيين بكثرة؟

لو مصمم تبي تروح بالي بنصحك من تنزل من المطار احجز بفندق او الافضل بمنطقه اوبد منطقه تشبه البنشاك وبراد وماحولك احد بالمره وتطمن اوبد منطقه مرتفعه يعني بتكون انت فوق ومحد يكشف فلتك يعني خصوصيه ممتازه وبلاش من شواطي وكوتا وهالسوالف حر ورطوبه ماتصلح لاهلك والله بتخيس بالعبايه من الرطوبه .لكن لو تبي تنزل للشواطي مثل ماقالو الاخوان جمبران بالغروب لو كان عادي عندك ناس بملابس بحر جالسين
ولو تبي تسكن على شاطي فيه فلل وشاليهات على شواطي بعيده عن الناس يعني ماحولك احد يبي لك موتر عشان تروح اقرب بقاله لو تحب الخصوصيه
بس تري ماحد له باحد هناك يعني مافيه نظرات غريبه للعبايه بالعكس يعرفونه ويحترمونه ويسمونه جلباب