الموضوع: استفسار لوســــــ انجلوســـــــ

السلام عليكم ..

كيف حالكم انشالله تمام ..

انا طالب في ولايه كولورادو .. وعندي اجازه وبروح انشالله ولايه كاليفورنيا و بتحديد لوس انجلوس ..

وحبيت استفسر منكم انتو يا اعضاء المنتدى يا اهل الخبره .. بقعد في لوس انجلوس اسبوعين 14 يوم وحبيت اعرف كم الميزانيه الكافيه في لوس انجلوس اسبوعين انا ميزانيتي على حدود 1500$ هل تكفي ولا ؟؟

وحبيت استفسر عن الأماكن السياحيه في لوس انجلوس انا اعرف اماكن في لوس انجلوس و بذكرها لكم بس ويلي يعرف اماكن ما تتفوت يقولي ::: وياريت احد يقدر يرتب رحلتي ابداها من وين ..

ملاحظه :: انا ماعندي سياره فا كيف وسيله التنقل في لوس انجلوس في باص وبكم يعني من هوليود الى لونق بيتش ؟؟

الأماكن السياحيه اللي اعرفها :::
1-لونق بيتش
2-سانت مونيكا
3-سكس فلاجس
4-هوليوود .. يونيفيرسال ستوديوز .. سن ست بولفارد .. هولي وود بولفارد
5-بيفرلي هيلز .. وبيل اير
6-ثيرد ستريت
7-لاقونا بيتش
8-دزني لاند
9-داون تاون
10-وول شر ستريت
11-اريفاين
12-اناهيم
___________________________________
هذي الأماكن اللي اعرفها ابي اسويلي جدول للأماكن هذي كلها خلال 14 يوم و مدى الأيام لكل مدينه و ايش المدن اللي تسوى واللي ما تسوى .. عندي استقفسار عن منطقه اريفاين ايش فيها بضبط و مدينه اناهيم وول شر ستريت وين مكانه بضبط ؟؟

وشاكر لكم ..

مواضيع عشوائيه ممكن تكون تعجبك اخترناها لك:

• موعدي مع السفار بعد يوم لفيزا دراسة وأبي فيزا سياحة وش الحل؟
• البعض من الاستتفسارات
• اللائحة التنظيميه للابتعاث والتدريب
• مساعدة لكاليفورنيا
• سؤال الاهل التجربة
• ممكن اقدم على الفيزا وانا خارج السعودية
• وسائل النقل من مطار لوس انجلوس الى سان دييغو
• هل اسكن فى سكن الجامعة ام اخذ شقة فى لوس انجلوس
• اهم الاماكن السياحية في مدينة شيكاغو
• مساااعده لاهنتوا انتظرررركم
• عاجل رفض اصدار تأشيرة تحت
• ساعدوني في حل هالمشكله ؟
• استفسار بسيط لواشنطن ؟
• فلل للايجار بساندييقو
• أحد راح أورلاندو قريب؟ تعال شف
• سواق عربي في لوس انجلوس وسان فرانسيسكو؟
• سؤال ضابط الجمارك ما سبب مجيئك لأمريكا
• ابي خبرتكم وين اروح باسبوع بالشرق ؟؟
• السفارة جوازات مفقودة سوريا ؟؟
• إجراءات المطار وين بالضبط؟

اخوي انا اشوف ان ميزانيتك قليله جدا على اسبوعين وخصوصا ما عندك سياره وطبعا هي فرصه تسافر ويكون عند فكره عن كلفورنيا بس لازم ترتب امورك زين ما زين ولاخوان الي عايشين بلوس انجلس ما راح يقصرون باقتراحاتهم والله يوفقك ان شاء الله

بسم الله الرحمن الرحيم

أولا اسبوعين في لوس انجليس اشوف انها ممتازة
لكن من وجهة نظري يبيلك تزيد المبلغ شوي لأنها فعلا تستاهل و انشاالله ماراح تندم على اللي صرفته وتعتبره مضيعة وقت

هذا الكلام اذا كنت لوحدك لكن اذا انتو قروب والواحد بيدفع 1500 فالفلوس كافية انشالله وزيادة

السكن انا اشوف ان افضل مكان يكون في الهوليوود وماتبعد عن hollywood blvd or sunset
هذولا الشارعين ممتازين وفيه كذا موتيل على السن ست اسعارهم تقريبا على 70 الى 90 في اليوم وممكن ارخص
اهم شي لاتبعد عن المنطقة وتروح تسكن في الداون تاون او عند المطار لانها بعيدة او الطريق زحمة وركز على كلمة زحمة وبعدين غير امنة
اذا حجزت دخل عنوان الفندق في ال google maps وشف وينك بالنسبة للهوليوود
مكان الزحمة في الهولليوود هو تقريبا تفاطع شارعي Hollywood blvd & N Highland ave
خل هذا نقطتك ومنها تفرع

طبعا عندك في هالمنطقة شغلات كثير وماتحتاج سيارة
اولا شارع الهولليوود اللي كله نجوم للمشاهير
وعليه مجمع Highland & chinese theater
راح تلقى زحمة الناس وعروض محلات في الشارع( اغلب العروض في العصر)
الشارع هذا يبيلك تبدا فيه من hollywood walk of fame (اللي راح يكون من تقاطع الهوليوود مع La brea ave وهو شارع مهم ايضا )وروح شرق

راح تلقاها بعد على قوقل ماب

راح تقابل الكثيرمن السياح والناس الغريبة على هالشارع
فيه مطعم هووترز ايضا
راح تلقى ناس حقين شركات عندهم باص او همر ويسوون توور في المنطقة ويودونك Beverly hills
ويخلونك تتمشى شوي فيها وتصور (احيانا يكون شغال في التوور عرب ويعطونك خصم) انصحك فيها



عند مجمع الهايلاند راح تلقى مترو تحت الارض وراح تلقى الخريطة وين يودي ووين يجيب تقدر تاخذه ل long beach
طبعا هذي عطها يوم بعد
عند الاكويريم
و الكورنيش
وبعض المطاعم والمقاهي العربية
لاتنسى تمر مطعم سمسم
http://www.opensesamegrill.com/




الداون تاون حلوه بعمايرهاتعالها قبل المغرب بساعة ولا تطول بعد الغروب
خلك على شارع welshire واتجه شرق الى ان تبدا تشوف العماير مع منظر الغروب شي ساحر غير كذا بالنسبة لي مافيها شي الا انها مليانه latinos
بس اذا تبي ممكن تجيها في الصباح فيه شارع فيه محلات رخيصه ناسي اسمه اتوقع Broadway او Hill or Main St
حول المنطقة وعندك على نفس الشارع china town

في السانتا مونيكاعندك الثيرد سترييت هذا وناسه وعجيب
تسوق وعروض من الصبح الى الساعة تسع بالليل والواحد مايمل
وبعده بشارعين عندك الشاطي حلو بس ترا بارد صيف وشتا نوعا ما وجنوبه فيه venice beach احلى من الاول بالنسبة لي
http://www.venicebeach.com/

فيه manhattan & Hermosa beaches طبعا كلها خذ لك تاكسي او اركب الباصات لانها بعيدة

universal stodios قريبة من الهوليوود ويبلها يوم كامل ويمكن ما يكفي

six falgs Magic Mountains يبيلها يوم بعد وتراها مسافه شوي

اناهايم مطاعم عربيه ومقاهي كلهاعلى شارع brookhurst طبعا لا تتوقع انها فخمه وفيها سوبر ماركت عربي كبير نوعا ما
وفيها طبعا ديزني لاند

ارفاين ماعمري جيتها ولا حتى فكرت مدري ليه
اخيرا
انصحك تمر مجمع beverly hills كبير وحلو

فيه ايضا مقهى حبيبي مشهور الكل يعرفه قريب من UCLA
وفيه واحد ثاني قدامه



هذا اللي عندي اتمنى اني اكون افدت

ممكن تضيف الروديو درايف في بيفرلي هلز

و ساوث كوست بلازا في كوستا ميسا ... و اذا انت من محبي الشواطي عندك ماليبو بيتش

انهايم فيها دزني و فيها جمع ذا بلوك ...

ارفاين فيها سبيكتروم

لونج بيتش فيها ذا بايك و السكند ستريت

سانتا مونيكا فيها الثيرد ستريت ...

نيوبورت بيتش فيها فاشن ايلاند

هنتيجتون بيتش فيها مكان حليو للتمشي

لاجونا بيتش


و السيارة لابد منها


بالتوفيق ان شاء الله

يعطيك العافيه اخوي بست بوي او بي هههههه مو مهم اهم شي انك بست ..
ومشكوور نو نيك على المعلومات الحلوه

معلومات روووووووووووووووعة كل الشكر لكم يا أخوان