الموضوع: مخطط شهر العسل لوس انجيليسفيجاس هاواي

السلام عليكم ورحمة الله وبركاته,

ان شاء الله انا ناوي اتزوج في شهر 3 تحديدا ( 26-3-2010) وبسافر ان شاء الله لشهر العسل بعد العرس بيوم ولا يومين..
....

احنا محتارين بين أمريكا و أستراليا.. ولكن الاغلب ان شاء الله امريكا...

الشي الوحيد اللي مخليني اتردد هو الوقت...

وصف الرحلة كالتالي:

تاريخ السفر 28 - 3 - 2010

المدة: 20-25 يوم

المدن: لوس انجيليس , سان دييغو , لاس فيجاس , جزيرة حلوة في هاواي

الخطة:


- الاقامة لمدة 9 أيام ( يتخللها يوم للذهاب الى سان دييغو)

- السفر الى هاواي والاقامة لمدة 6 أيام

- السفر الى لاس فيجاس والاقامة لمدة 5 أيام

طبعا الايام تشمل ايام السفر

التساؤلات اللي عندي:

- هل الجو مناسب هالفترة؟
- توزيع الايام على المدن مناسب ولا لا؟
- جدول الرحلة يناسب لشهر عسل؟
- اذا اي احد يجوف انه ممكن اعدل على جدول الرحلة عشان تصير انسب وأحلى اتمنى انكم ماتبخلون علي.




أخوكم.

مواضيع عشوائيه ممكن تكون تعجبك اخترناها لك:

• افيدونى بخصوص الولادة فى امريكا
• استفسارات خاصه بميامي
• ماهو الفرق بين و
• طلب نصائح من
• مساعدة عاجلة لو تكرمتم
• استفسار عن النقاب في امريكا ؟
• خبراء القيادة في امريكا استفسار بخصوص
• مهم مهم مهم جدا جدا جدا
• زيارة عمل
• للاسف تم رفص طلبي للحصول على الفيزا بقنصلية جدة
• سؤال عن مدة التأشيره ؟
• جاني رسالة من السفارة بعد يوم اشهر من المقابلة عجب
• متطلبات تجديد جواز أمريكي قديم له أكثر من سنوات
• هل يسمح بإصطحاب التمر والقهوة؟
• وين افضل مكان الواحد يسكن فيه في نيويورك يكون قريب من التايم سكوير وينفع للعوائل
• صـــــور ســـــاحره من جزيــــرة هــــاواي
• معلومات عن نيويورك
• يالربع موضوع يخص السياره الخاصه بامريكا
• عندي فيزاه سياحه وابي اغيرها دراسه ابي حل
• استفسار عن تاريخ السفر طيران

توكل على الله لامريكا والجدول اشوف انه حلو ربي يوفقكم ان شاء الله ويرزقكم الذريه الصالحه

أول شئ مبروك والله يتمم على خير ان شاءلله منك المال ومنها الاعيال

الجو في هالفتره راح يكون ممتاز لا تحاتي يعني مو برد قارس الجو لطيف ، انزين ما فكرت تروح الجهه الشرقيه من أمريكا يعني نيويورك وأورلاندو وميامي وهالمناطق ؟؟ فكر فيها !!

بالنسبه للمخطط ممتاز والمناطق جميله بس لو تعدل فيه اشوي يعني

لوس انجلوس لو تقسمها لقسمين شمالي وجنوبي تسكن بالقسم الجنوبي 4 أيام علشان تقدر تزور فيها الأماكن السياحيه الموجوده هناك وتزور سان دييغو بعد يوم كامل حلو ويفضل انك تسكن في منطقة انهايم لانه فيها الدزني لاند وتبعد عن سان دييغو ساعه ونصف الى ساعتين بالسياره وتقدر تزور مناطق حلوه بجنوب لوس انجلوس من هالمنطقه مثل لونج بيتش وأورنج حلو القسم الثاني اللي راح تسكن فيه بلوس انجلوس اللي اهو القسم الشمالي وتقعد فيها 6 أيام ويفضل السكن في منطقه هولييوود أو بفيرلي هيلز علشان تقدر تغطي الأماكن السياحيه اللي بجهة الشمال وهذا الرابط راح يفيدك بالسكن في لوس انجلوس

http://www.arabtravelersforum.com/travel292781/


يعني لوس انجلوس + سان دييغو 10 أيام

والحين ننتقل الى لاس فيغاس كثير 5 أيام عليها يكفيها 3 أيام لانه مافيها الا شارع واحد مليان فنادق ومجمعات تجاريه تابعه للنادق وعروض كافي عليها 3 الى 4 أيام بس

لاس فيغاس 3 أيام

هاواي ما عندي فكره عنها بس اتوقع انه 6 أيام كثيره عليها يعني لو تخليهم 4 أيام لانه انا اللي أعرفه عنها انها جزيره فراح تمل اذا طولت فيها الا اذا انت تشوف شئ ثاني على راحتك

هاواي 4 أيام

عندي اقتراح لك لو تروح منطقه زياده بحكم انك ضبطت الوضع سير على سان فرانسيسكو 3 أيام راح تغير فيها جو وفيها بعض الأماكن السياحيه الجميله يكفيها هالفتره اللي قلت لك عنها علشان تغطي الأماكن الحلوه اللي فيها

سان فرانسيسكو 3 أيام


إجمالي عدد الأيام 20 يوم


وعندك طبعا التقارير المصوره راح تساعدك وايد بالاختيار ومن الأماكن السياحيه اللي راح تشوفها فيها راح انت تقدر تحدد كل منطقه واشكثر تستاهل تقعد فيها تقبل مروري وسامحني على الازعاج وهذا رابط التقارير المصوره ان شاءالله تستفيد من التقارير اللي فيه

http://www.arabtravelersforum.com/travelarab175/

وهذا تقريري ان شاء الله هم تستفيد منه

http://www.arabtravelersforum.com/travel295384/

مشكورين يالربع على المرور...

اخوي the-wise-man ... فكرت في فلوريدا ونيويورك.. بس احس ان 20 يوم بيكون وايد عليها... وبعدين الرحلة لين فيجاس اتوقع بتطول يعني احس بتكون تعب اكثر.. ونيويورك زحمة واحس حلاتها في غير شهر العسل.. بس أشكرك على جدولك المقترح