الموضوع: لوس انجلس ونيوورك

ياشباب انا ابي فزعتكم وبقوه لاني من جد ضايع وبروح لاورلاندو وسان فرنسيسكو واعرف الكثير عنهم
لكن نيوورك ولوس انجلس والله اني مع جنبها
المهم بنيوورك وين اسكن بالتايم سكوير والا بسنترل بارك ابي شي اقرب وبدون تكاسي ويالتي تعطوني افضل الاسواق
بالنسبه للوس انجلس والله انقلب راسي من جد تكفى قولو لي وين اسكن بالضبط من كثر ماتصفحت المقالات ضعت
يعني هل اسكن بانهايم والا ارفاين والا بيرفيلي هيلز او هليوود او سانت مونيكا او لونق بيش او ويست وود مع ملاحظه انه بيكون معي سياره بلوس انجلس يعني ابي اقرب شي للادفينشر والينوفيرسل
وابي منكم احسن الفنادق بها والمطاعم والاسواق
اكون شاكر ومقدر لو تخدموني لاني ضعت من جد

مواضيع عشوائيه ممكن تكون تعجبك اخترناها لك:

• سفرتي بكره بحول الله وقوته استفسارات ضروريه
• K1 fiance visa
• رحلتي للوس انجلوس
• متى يبداء التسجيل في برنامج اليانصيب
• استفسار استخراج الفيزا من الكويت
• هل تغيرت طريقة التقديم للفيزا؟؟؟
• ولاية يوتا
• من اروع الطرق في العالم
• هل صحيح ان الشخص المضاف بالجواز لايحصل على تاشيره؟
• ما هي متطلبات السفر الى امريكا
• هذا اللي صار يوم المقابلة
• كملت كافة العلومات المطلوبة في موقع السفارة وطبعت جميع أوراقي ، وبعدين ؟
• ولاية أوريغان الامريكية ومن لديه اي معلومات عنها
• سؤال عن الدراسات العليا في المحاسبة في الجامعات الأمريكية؟
• انتهى الفيزا
• احتاج مساعدة الخبراء في ترتيب السفر الى مدن كاليفورنيا
• الاقامة في شيكاغو
• أرجوا منكم مساعدتي في توزيع تواجدي في هذه المناطق بالترتيب
• ارجو المساعدة
• مساء الخير

اخوي ركز بتقرير واحد او اثنين فقط والباقي خذ ما يناسبك وانا انصح بتقرير اخونا المشرف امباكت

http://www.arabtravelersforum.com/travel146112

وكذالك اخونا الخبير fms

طبعا ولا تهون تقارير جميع اخوانا الاعضاء بس عشان ما تتشتت افكارك والله يوفقك ان شاء الله

في البداية أتمنى لك رحلة موفقه ان شاء الله بالنسبه للسكن اخوي راح أبدي وياك بنيويورك شوف يفضل السكن في منهاتن بالتايم سكوير أو بالقرب من التايم سكوير علشان كل شئ راح يكون قريب منك وتقدر تستخدم الباصات السياحية وتنتقل بكل سهولة للأماكن السياحية والمنطقه فيها حركه وزحمه وممتازه والسنترال بارك هادية اشوي اكثر راحه من التايم سكوير صج انه بجانب الحديقه وراح تلاقي ناس كثار وزحمه بس مو نفس التايم سكوير وأنا أفضل السكن بالتايم سكوير أو بالقرب منه واذا تبي اقتراحات لبعض الفنادق شوف هالرابط راح يفيدك ان شاء الله


http://www.arabtravelersforum.com/travel272196/


والحين راح ننتقل الى لوس انجلوس شوف راح أعطيك رابطين راح يفيدونك من ناحية السكن وين تسكن والثاني راح يفيدك بالفنادق أوكي


http://www.arabtravelersforum.com/travel292781/

هذا الرابط راح يفيدك وين تسكن بلوس انجلوس اخونا المشرف امباكت ما قصر وضح المناطق التي تصلح للسكن في لوس انجلوس وانا مشيت على طريقه لمه سافرت قسمت لوس انجلوس الى قسمين جنوبي وشمالي راح تفهم لمه تقرأ الموضوع وانصحك تسوي مثل ما أهو مكتوب بالتقرير يعني اذا تبي تروح الأماكن السياحية اللي بالجنوب تسكن بالجنوب واذا تبي تروح اللي بالشمال تسكن بالشمال واذا تبي تروح الاثنين حاول تخلي السكن بلوس انجلوس على فترتين يعني بالشمال والجنوب أوكي



http://www.arabtravelersforum.com/travel272895/


أما هالرابط راح يفيدك في بعض الفنادق بلوس انجلوس والاقتراحات عليها



سامحني على القصور وتقبل مروري

الله يعطيكم العافيه وماقصرتو