ممكن الجميع يتفضل

**ahmed3** · 02-03-2015, 10:03 AM

الســـلام عليكم ورحمة الله وبركاته

كـــل عـــام وأنتم بألف خـــير

مبروك عليكم الشــهر الله يتقبل منا ومنكم صالح الأعمال

ياجماعة الخــــير أنا حجزت يوم الجمعه اللي يوافق العيد الأول ع الجاروده 2600 ريــال وبالقوه لقينا حنا طالعين أثنين أنا والله تعتبر الزياره الثانيه لي لبلاد العمه ولكــن لاحظت أن الخطوط كلها زحمه فأستغربت معليش تحملوني عندي بعض الأسئله وياليت اللي يقدر يفدني مايقصر الفتره اللي راح نجلسها تقريباً 7 أيام

ليه هالوقت الخطوط زحمه ؟

والوقت اللي حنا رايحين فيه كيف راح تكون الأسعار ؟

وش تنصحوني فيه يعني الجدول ؟ الطلعات والتمشيات ؟

صرف العمله من وين أحسن أنا صرفت من الجبال يوم رحت أخر مره أحسهم ماش الرياض أحسن منهم ؟

تنصحوني أروح جزيره بالي والا جزيره جاوه ؟ ومن أحجز لها أحسن شي ؟

هـــذا اللي في بالي الحين أعذروني ياجماعة الخير ع الأطاله لكن اللي يقدر يفيدني بشي أنا ماسألت عنه لا يقصر ولاهنتو

أشكركم ألف شكر

والسلام عليكم

مواضيع عشوائيه ممكن تكون تعجبك اخترناها لك:

**ahmed1** · 02-03-2015, 10:03 AM

لانه عيد يا غالي فيه ناس مرتبين رحلاتهم بهل وقت من هنا قبل بدايه المدارس وناس معتمرين من هناك جايين يقضون عمرتهم والعشر الاواخر ويمشون ولان اجازه العيد الفطر هناك تبدا من 9 سبتمبر تقريبا عشره ايام
وقت رحلتك ضيق وانصحك ترتب حجوزات السكن بالذات من هنا قبل تسافر لان ايامك قصيره في الرحله وعشان ما تخربط عليك برنامجك هناك

دام رحلتك سبعه ايام فخلها بجزيره جاوه فقط بين جاكرتا اول ما توصل وبونشاك وان حبيت تزرق بوقور قريبه منها او باندونق اذا انتم من اهل الطبيعه تطمرمنها للمبانق
واذا اكتفيت بالطبيعه في بونشاك ترجع اخر يويمين لجاكرتا اذا تبي اسواق والعاب مثلا

او تكون رحلتك كلها بالي من المطار دايركت بالي او ثاني يوم بعد وصولك حسب تحملك للسفر وطوله
مده رحلتك ما تتحمل زيارات واجد لمناطق واجد

اعتقد شكل جازم الرياض ولا جده ولا غيرها مهب احسن من هناك اسوا صرف يكون بالجزر مثل بالي غالبا تكون اقل من غرب جاوه زي جاكرتا وباندون قوبونشاك ورغم ذلك تكون افضل من صرف الرياض او جده
في سنوات مضت كان الريال يبدا يرتفع من هلوقت تقريبا الي موسم الحج لانه مطلوب هناك
انت رحلتك اسبوع مهب طويله تقدر تاخذ معك ريال امهات خمس ميه او الافضل دولار امهات 100 دولار لانها تصرف بكل مكان ومقبوله غالبا
بس قلت الريال لان مده رحلتك قصيره والتحويل من ريال لدولار اذا زاد بعد ما ترجع بترجع تحولها الي ريال وبيكون خساره عليك فحاول تحسب ميزاينتك بشكل مظبوط وان كنت افضل الدولار حتي لو كان انقص بفارق ضئيل ما يكون ملموس ومحسوس بشكل كبير احيانا
وان حبيت تاخذ الفئتين معك وتقسم ميزانيتك بينهم مافيه اشكال

وكل عام وانت بخير