12سبتمبر 2010

بعد قضاء يومين في دبي داااانه الخليج وكانت احتفلاتهم بعيد الفطر مررره شي حلو وكان فرصه حلوه وجودنا فيها بهاذي اليومين ..
(( تصحيح .. اعضاء الرحله 6..))
خرجنا من فندقنا في دبي الساعه 7 مسى وصلنا المطار في ابو ظبي تقريبا بعد ساعه دخلنا المطار واتوجهنا لشحن العفش اتفاجآنا بآن المرآه التي تعمل في الشحن قالت (( انتم مقاعدكم في الدرجه السياحيه هل تريدون الركوب في درجه رجال الاعمال ؟)) بدون تفكير قلنا اوك مافي اي مانع طبعا .. سآلتها عن السبب قالت لان احنا المسؤلين عن ضياع شنطتكم وانتو جين من جده فهذا مثل الاعتذار نقدمه لكم
.. بس اكيد انه درجه رجال الاعمال فاضيه واحنا اول ركاب على هاذي الرحله جينا المطار بدري فا حبت تسوي لنا جميل اما لو كانت بجد عشان الشنطه يبغالي في السفره الثانيه اضيع شنطتين عشان يحطوني درجه اولى ..

احنا جينا المطار بدري خوووفا من اي شي وحطينا احتمالات لكل شي بس الحمدالله كان كل شي تمام هاذي المره ..

دخلنا السوق الحره في المطار واتمشينا ( المطار لحاله تمشيه ماشاءالله ) الين موعد الطياره سمعنا الاعلان وتوجهنا للبوابه ودخلنا الطياره بكل سروووور على درجه رجال الاعمال احم احم ..

المقاعد تنفرد على اخر شي وراااحه (( اخي الصغير اكثر واحد مستمتع )


اول ما جلست جابتلي المضيفه قائمه الطعام وقالتلي انه الطلبات مفتوحه طول الوقت واختاري اذا بدك تتعشي الان ولا تنامي واي وقت نقومك واختاري وايش تحب تاكلي لما تقومي وووو مره كلام كثير انا اخترت اني انام عشان اوصل باريس فاااايقه بس طلبتها مويه - جابتلي اللي في الصوره - وبعدها نمت

قمت بعدها بكم ساعه لقيت الطياره ظلام والناس نايمه حطت فيلم اليس في بلاد العجائب اضيع وقت ..
شوي وجاتني نفس المضيفه وجابلتي فطور ..

حطيت على الخارطه اشوف موقعنا لقيت انه قرب القاء من باريس

وجات باريس واعلنو عن الهبوط ... وآخيرا جيتك يا فرنساااااااااااااا ...


منظر الطياره من الخارج

طبعا وصولنا كان مع شروووق شمس باريس واحلا صبااااح صباحك يباريس

بعد تختيم الجوازات اخذنا الشنط واتجهنا الى المترو لينقلنا الى فندقنا في جارد ليون قطعنا التكت بسعر 8 يورو للشخص




ركبنا المترو ووقفنا بعد كم محطه بدلنا بواحد ثاني (( طبعا معاناه عائله وشنط كثير وتبديل قطارات بسرعه بسرعه ))
وكملنا اللين وصلنا محطتنا المقصوده بسلام Gare de Lyon

الرجاء عدم الرد حتى اكتمال الحلقه (( انا عارفه انها طويله سوري))

مواضيع عشوائيه ممكن تكون تعجبك اخترناها لك: