الموضوع: احتاج الوصف من منفذ الرقعي إلى أرينزا تاور بالسالمية

السلام عليكم ورحمة الله....

سأكون في دولة الكويت الغد ان شاء الله، وسأسلك طريق البر انطلاقاً من الرياض ماراً المجمعة حتى الارطاوية ثم حفر الباطن يلي ذلك دولة الكويت ( منفذ الرقعي ). وسؤالي هو التالي:

كيف أصل من منفذ الرقعي إلى السالمية، وتحديداً " أرينزا تاور " - http://www.arinzatowers.com/ الواقعة بالسالمية، ان كان هناك احداثية للموقع اكون شاكر ومقدر، اذاً انتظر منكم الوصف. مع الشكر الجزيل مقدماً.

مواضيع عشوائيه ممكن تكون تعجبك اخترناها لك:

• إنجاز عالمي للخطوط الوطنية
• من يفيدنا بشأن الخطوط الكويتيه
• إستفسار عن الشقق المفروشة بالسالمية
• مهرجان هلا فبراير ؟؟؟
• شنو اييب بضاعة من الكويت
• بودل لشقق المفروشه وين موقعها وانا داخل من الخفجي وهل فيها واير لس
• قضاء الاجازه
• ملاحظات حول سفرتي للكويت العزيزة
• يالله يا شباب ادخلو ولا ترردد
• الاسواق الشعبية بالكويت
• فندق الربيع
• مساعدتكم يأهل الكويت ارجو الاجابة؟
• عااااجل اقرب فندق لمنطقة العارضية بليززز
• يا أهل الكويت قرأت فى موضوع عن مترو لانفاق
• استفسـارات بسيطـه
• برنامج عائلي لزيارة الكويت
• اماكن تجهيز المواليد ؟ استفسار
• طيران الجزيرة ؟؟؟
• خبيرات الماركات
• ممكن وصف بسيط وسهل لفندق الهوليدي إن بالسالمية

اخوي هرماس حياك الله في ديرتك

من تدخل الكويت ان شاء الله اخذ الدائري الخامس وكله سيييييييده لين ما يوصلك دوار الجوازات لا تنزل النفق اصعد فوق عند الدوار واخذه يسار راح تشوف شارع قطر ادخل شارع قطر انت في المنطقه اللي فيها الفندق بس بالضبط ما ادري اي صوب ..

هذا اللي قدرت عليه وان شاء الله الشباب مايقصرون

تطلع من منفذ السالمي 100 كيلو

لين توصل الدائري السادي كله سيدا لين توصل ملك فهد بعدين روح يسار سيدا لين تشوف السالميه دائري الخامس

اخذ الدائري الخامس وكله سيييييييده لين ما يوصلك دوار الجوازات لا تنزل النفق اصعد فوق عند الدوار واخذه يسار راح تشوف شارع قطر ادخل شارع قطر انت في المنطقه اللي فيها الفندق بس بالضبط ما ادري اي صوب .


توصل في السالميه اتوقع من المنفذ لين الفندق 160 كيلو تقريبا

و حياك الله

انا بدخل عرض شويه
اخوي ليه ماتسافر ع طريق رماح اقرب لك

المشاركة الأصلية كتبت بواسطة q8ya metnaqla
http://www.arabtravelersforum.com/tr...2/#post5241830

اخوي هرماس حياك الله في ديرتك

من تدخل الكويت ان شاء الله اخذ الدائري الخامس وكله سيييييييده لين ما يوصلك دوار الجوازات لا تنزل النفق اصعد فوق عند الدوار واخذه يسار راح تشوف شارع قطر ادخل شارع قطر انت في المنطقه اللي فيها الفندق بس بالضبط ما ادري اي صوب ..

هذا اللي قدرت عليه وان شاء الله الشباب مايقصرون





الله يحيك.. اشكر لك حسن حضورك وإرشادك، ولا شك دولة الكويت الشقيقة عزيزة على قلوبنا، واشكرك مرة ثانية.







المشاركة الأصلية كتبت بواسطة ولد خمس نجوم
http://www.arabtravelersforum.com/tr...2/#post5242010

تطلع من منفذ السالمي 100 كيلو

لين توصل الدائري السادي كله سيدا لين توصل ملك فهد بعدين روح يسار سيدا لين تشوف السالميه دائري الخامس

اخذ الدائري الخامس وكله سيييييييده لين ما يوصلك دوار الجوازات لا تنزل النفق اصعد فوق عند الدوار واخذه يسار راح تشوف شارع قطر ادخل شارع قطر انت في المنطقه اللي فيها الفندق بس بالضبط ما ادري اي صوب .


توصل في السالميه اتوقع من المنفذ لين الفندق 160 كيلو تقريبا

و حياك الله






راح اعيد لك وللاخ q8ya metnaqla الوصوف وارجو تصحيح ما ترونه ان كان هناك خطأ ما.

بعد أن أتجاوز منفذ الرقعي اذهب للامام ( سيده )، ادخل مع الدائري الخامس ثم سيده حتى دوار الجوازات ثم يأتي نفق واكون فوق ومع الدوار أخذ يسار حتى ياتي شارع قطر.


اخي العزيز ولد خمس نجوم رحم الله والديك ما قصرت. اذا كان هناك ملاحظة على الوصف اللي كتبته ارجو تعديل او اضافة .








المشاركة الأصلية كتبت بواسطة عيوني حلوين
http://www.arabtravelersforum.com/tr...2/#post5242138

انا بدخل عرض شويه
اخوي ليه ماتسافر ع طريق رماح اقرب لك






حياك الله بالعكس من حقك تسأل، الحقيقة طريق رماح يختصر المسافة إلا أن الطريق مليئ بالمطبات وقد استخدمته قبل سنتين، ونتج عن ذلك استبدال مساعدات الهيدروليك، وعليك الحساب المساعد الواحد الهيدروليك للمرسيدس سعره مبلغ وقدره، لذا اجد طريق المجمعة يلي ذلك حفر الباطن ثم الكويت افضل من ناحية الراحة على الرغم انني احب الاختصار... شاكر لك حضورك الكريم.

السلام عليكم
عندي ملاحظه
لأني ساكن قريب علي ارنزا تاور

وطريقي يوميا علي البلاجات للبيت

فأنصح انك اذا أخذت الدائري الخامس الي السالميه .. انك تذهب علي طول سيدا لغاية دوار البلاجات ثم يوجد يمين (الي البدع) ويسار (الي السالميه ) فقط
تذهب يسار في شارع البلاجات الي أشاره الهوليدي ان (الثانيه , وليس الأولي ) لان الاولي توديك شارع المطاعم
طبعا في شارع البلاجات تمر علي بيزا هت ثم بيرغر كينغ وعند الاشاره تذهب يسار
الي الدوار ( تري يسار الدوار Geant سوبر ماركت)
وتأخذ الدوار يسار ثم يمين خلف Geant تمشي قليل وتري ارينزا تاور في الجهه المقابله
علي يسارك

شكرا لكم

((وأذا معاك عائله وتريد سكن .. فأنا حاضر )) أدلك علي سكن زين