الموضوع: استفسارات فطومه الحلوة

السلام عليكم ورحمة الله وبركاته
مقرره اني وابو الهش ان زواجنا بيكون في شهر مي ان شاء الله اذا الله اراد والهوني مون في اندونيسيا طبعا المقصود بالي بالذات ولأن اختكم بالله تعرف عنجليزي فالهوني مون لازم يكون شهر مو 13 يوم
فبليز ساعدوني بترتيب الباكج بالموضوع مشكلتي المناطق
مش عارفه انظل في جاكرتا 3 ايام ونتجه لبالي نهدء هناك ونعيش جونا لمدة 13 يوم ونرجع او نخلي بالي للأخير انا الي افكر فيه ان حلو نخليها بعد 3 ايام لان بجاكرتا راح نعيش حركة دائمة وفي بالي هدوء ورومانسية
وبعدين نرجع ندور اندونيسيا كلها بالنسبة لبالي مقسمتها ل 3 مناطق ابود وسمارك وكوتا كل وحده بنظل فيها فترة بالاخص ان الثنتين الاخرين قريبين من بعض وقررت وين الفلل الي راح نروحها
بس حابه اعرف اذا ممكن تزودوني بمطاعم حلال هناك

مواضيع عشوائيه ممكن تكون تعجبك اخترناها لك:

• استشاره لاهل الخبره
• أتمنى من الجميع المشاركة وإفادتي حسب خبراتكم السابقة وترك نصائحكم
• كــــرت الدخول لاندونيسيا
• شهر العسل اندونيسيا ابغى شووووركم ضروووري
• انا الحين في العمه كم سؤال بعد اذنكم
• الحمد لله تم تاكيد الحجز ولكن ؟
• محتار بين ثلاثة فنادق في جاكرتا افيدوني
• خطوط الطيرات الافضل
• رايح بعد كم يوم للجبل ، نصائحكم لاهنتم
• استفسار عن الأضحيه
• اشتريت تذكرة الكترونية من موقع خطوط جارودا
• أول رحلة الى جاكرتا
• أرجوا المسارعه بأسرع وقت ممكن
• استفسارات فوضوي
• رحلتي لإندونيسيا يوم توجيهآتكم
• ترتيب رحله لشهر العسل
• شهر عسل في بالي استفسارات بسيطه
• طلبتكم ابي برنامج رحلة لاندونيسيا وجزاكم الله خير
• نحتاج إلى مشورتكم وآرائكمفي جدول عائلي
• اسواق منقادو

تبين الجد انلحس مخي وانااقرا السوال !!
كم عدد الايام كامله ومتي تاريخ السفر اختي ما فهمتك سوالك بشكل صحيح للاسف

Jaka

ههههه حليلك يا مشرفنا..الكبر شين
..

فطومه الحلوة

نصيحتي خلي بالي اخر شي..
لانها للهوني مون

كنت بقول لج ان 13 يوم وايد عليها..بس اللي فهمته انج ما تبين تطلعين تبون تمون في الفيلا وتستمتعون بخدماتهم
وهذي نصيحه ثانية
دوري فلل تقدم عروض,,,يعني مثل الشاي مع الكوكييز والعصاير بعد وقت الظهيره..وبعضها يكون فري
بعض الفلل اذا تفاوضتي معاهم بيعطونج مساج مجاني..بس اهم شي تخبرينهم انج في الهوني مون
بعض الفلل عندها برامج مثل اليوغا..والموسيقى الباليه وغيره

حاولي تدورين على الفلل وتسالين العاملين هناك عن طريق مراسلتهم بالايميل

اما بالنسبة للمطاعم الحلال فهي كالتالي:
الاكل الحلال في بالي :
- مطاعم الماكدونالدز
- مطاعم كنتاكي
- بيتزا هت
- بريد توك لديهم فطائر باللحم لذيذة
- مطعم هندي راقي O’India صاحبه مسلم شارع Sunset سيمنياك
- مطعم الخيمة المغربي سيمنياك شارع لاكسمانا
- Passargad Persian Restaurant مطعم ايراني في سيمنياك Jln. Camplung Tanduk 5

- Kebab Palace مطعم تركي
Jalan Kartika Plaza St. No. 3
Kuta Village, Kuta District
Badung District, 80361

مطعم النافورة
Anfora Bali Restaurant
Address: 100 yards west of the marina entrance on Kordon Cad. (Rte. 400), Finike
Phone: 242/855-3888

- هناك مطاعم اندونيسية حلال لكن اكلهم لايحتمل لذا لاانصح احدا بها ..

كما انصحج بزياره هالموضوع للاستفاده منه
http://www.arabtravelersforum.com/travel347957/

http://www.arabtravelersforum.com/travel381658/

اما باقي مناطق اندونيسيا اسمحي لي ما اقدر افيدج بها لاني ما زرتها..
وان شااء الله الاعضاء الباقين يفيدونج

تحياتي لج

مشرفنا Jaka
الكبر مو شين انا بطبيعتي حتى بالحقيقة يقولون عني اقط خيط وخيط
طيب راح اكون مرتبه اكثر
وقت السفر اما بشهر ابريل او مي
المدة 29 يوم
بالي منها 13 يوم بالاخر
حلو الكلام
ابي تقسيم سفر حلو في بداية الايام وبرنامج سياحي لو ممكن باعتبار ان احنا اول مره نروح اندونوسيا ويكون حق اعمارنا يعني لو في مدينة العاب ابد ما امزح بس يعني العاب حق كبار مش بيبيز والاماكان الرومانسية الشوبنغ بس قول لي وين تنصحني اتسوق بقوووة بأي مكان وانا ادور عالمول والديتيلز
السكن والفنادق والمطاعم بالفترة الاولى غير بالي لأنها اوردي منسقه
وشكرا عسى يارب صار مفهوم كلامي الحين

كيفي بحرينيه حبيبتي انتي وفيتي وكفيتي من خلال المطاعم خلاص مافي خوف على بطني
امممممممم اي اكيد احنا رتبنا كل الفلل بالهوني مون بنفيتس مساج ورومانتك دنيرز وبعضهم فري لنش بعد والهوني مون كيك والورد عالسرير وحمام الورد مرررررره اهتميت بهالامور عشان كذا مهتمه بالقسم الاول من الرحله حتى تصير كلها بالمررررررره
واااااااااو الموضوعين كفووو وفووو بجد بالاخص البرامج تسلمي بعنف ربي يحفظك

اي ولله الكبر شين اختي بحرينيه مافيه تركيز صراحه قلبت السوال يمين يسار ما ظبط معي
عموما الان اتضحت الصوره من خلال ردك ورد الاخت السائله
بخصوص بالي 13 يوم كثير عليها ممكن يضعون 3 او 4 ايام وسطها يزورون جزيره لومبوك القريبه منها وهي اهدا واقل ضجيجا من بالي
و9 او 10 ايام ببالي راح تكفيهم بزود بان الله
اتبعي نصح اختنا بحرينيه في حجز الفلل كل مازادت المده كل ما كان عندك مجال اكبر في اخذ خصم اكبر
ينزلون باكجات احيانا كل 3 ايام الرابع مجانا او نص القيمه او معه رحله والخ يعني الباكجات اللي ينزلونها تختلف من فيلا لاخري وبحسب وقت السفر والسيزن
واعطتكي مواضيع لاخونا نجم بالي ابو عبدالله زوريها راح تجدين مرادك من برامج واماكن زياره وسكن ماشا الله عليه ما خلي شارده ولا وارده في بالي الا غطاها بشكل مميز

بقيه الايام 16 يوم اري ان اتقسم بين مناطق ريفيه جبليه ومدن لان السواحل والشواطيء ستكون ببالي وهي تكفي وتفي ولن تجدي افضل منها
يعني يكون يوم وصولك لجاكرتا يوم راحه من السفر
حاولي مادمتي ما حجزتي للان ان يكون يوم الوصول يوافق يوم الاحد ليكون يوم راحه يعني سفرك يكون يوم سبت ووصولك يوم احد لانه يعد يوم ميت في الرحله من السفر والتعب من التنقل
تقضين هليوم الاحد في اجراءات الوصول وفندق مريح ومطعم فاخر ونوم
ثاني يوم يكون لمنطقه ترفيه كانشول واليوم اللاحق له يكون لمنطقه ترفيه كتمان ميني
ثم تتجهين اليوم اللاحق لهم الي بونشاك بين 4 و5 ايام مثلا بحسب راحتك وارتياحك في المنطقه
ومثلها في باندونق ولمبانق
باندونق مدينه صغيره تنفع للتسوق ولمبانق ضاحيه باندونق ضاحيه ريفيه طبيعيه بركانيه
هذي بحدود ال 12 يوم تقريبا
كل التنقلات بتكون بالسياره بين هلمناطق
ومن باندونق تاخذون طياره الي بالي وتحجزون قبلها بعده ايام لان السفر بين باندونق وبالي رحلاته اقل من السفر بين جاكرتا وبالي
بحيث يكون خط عودتكم بالي جاكرتا بعد انتهائكم من بالي

يبقي تقريبا 4 ايام اخيره تكون في جاكرتا للتسوق والاسواق الفاخره او الشعبيه
هذا خط عريض للرحله تبان تفاصيله بعد ان تقروون السفر وتحجزون
واذا فيه ميزانيه جيده لان رحلتكم طويله تقدرون تضيفون دوله اخري لرحلتكم اما ماليزيا او سنغافوره لقربها من اندونيسيا بس المصاريف بتكون اكبر بالتاكيد
وبالتوفيق يارب

ابوخالد افادالله ينور عليه

طيب رجعت استفسر عندكم
لأن خلاص حددنا الوقت زواجنا بيكون في 7 ابريل
بالنسبة لبالي خلاص رتبنا كل شي من فنادق وبكجات

نجي الحين اول شي لجاكرتا نبغى فندق حلو اول مانجي كذا اربع ايام ويوم واحد عند الرجعه وممكن مانحتاج عند الرجعه يعتمد على رحلة بالي


الحين فندق سيروني ونيفوس رشحو لي الافضل مع العلم ان نيفوس موقعهم مره واضح وباكجاتهم احلى واحلى بس من خلال تجاربكم ايش الافضل هذا بالنسبة للبونشاك

اخر شي باندوق اول شي ايش الفندق الحلو وشنو نسوي هناك مجمعات وكذا وشكرا انتظر ردكم

المشاركة الأصلية كتبت بواسطة فطومه الحلوة
http://www.arabtravelersforum.com/tr...4/#post4320674

طيب رجعت استفسر عندكم
لأن خلاص حددنا الوقت زواجنا بيكون في 7 ابريل
بالنسبة لبالي خلاص رتبنا كل شي من فنادق وبكجات

نجي الحين اول شي لجاكرتا نبغى فندق حلو اول مانجي كذا اربع ايام ويوم واحد عند الرجعه وممكن مانحتاج عند الرجعه يعتمد على رحلة بالي


الحين فندق سيروني ونيفوس رشحو لي الافضل مع العلم ان نيفوس موقعهم مره واضح وباكجاتهم احلى واحلى بس من خلال تجاربكم ايش الافضل هذا بالنسبة للبونشاك

اخر شي باندوق اول شي ايش الفندق الحلو وشنو نسوي هناك مجمعات وكذا وشكرا انتظر ردكم





شهر عسل مميز بأذن الله أختي الكريمة وشكرا من القلب لمشرفنا الفاضل جاكا على

أجاباته المميزة دوما وبخصوص الفنادق في جاكرتا وبنشاك الجبل ومدينه باندونق :-

بجاكرتا أنصحكم بفندق قران ميليا أو فندق كروان بلازا ...

بالجبل بنشاك أنصحكم بفندق سيروني 2 أو سيروني 3 ...

بمدينه باندونق أنصحكم بفندق جي أتش يونيفيرسال وهو من توصية لمشرفنا الفاضل جاكا

وعلى فكرة جميع الفنادق سواء بجاكرتا أو مدينه باندونق باأمكانكم حجزها عن طريق مكتب

كاها في اندونيسيا أما بخصوص فندق سيروني 2 او 3 فالحجز لابد أن يكون عن طريق الفندق

مباشرة أو عن طريق الاتصال عليهم وتجدين رقمهم في الموقع الخاص بهم لان مكتب كاها لايوفر

الحجوزات عليه ...

طيب ممكن اعرف فندق كراون بلازا موقعه كيف لأن سعره مرره حلو هالايام
وبعدين النوفتيل كيف مره عاجبني موقعه انه بالسووق وماخذ مركز متقدم في ترب ادبايزر وبعدين بصراحه شكله عجبني اكثر من كراون بلازا
بخصوص بينشاك هل تنصحوني في نيفوس فيه فلل ببركة سباحة خاصة والمنتجع جميل فهل فيه مايعبيبه لما اقارنه بسيروني لأن حابه نروح واحنا حاجزين كل شي ما احب طريقة ان نروح ونحجز هناك ابد اظل متوترة ومنرفزة
باندونق تم هالفندق انحط تحت الاختيار

السؤال الحين التكاسي جاكرتا عندنا 3 ايام
اول يوم ضايع في سوق كوفي شوب مطعم
اليومين الثانيين بنروح فيهم انشول فكرة بسيطة لو تعطونا تقسيم جيد

والحين نجي هل ناخذ سايق بالاجرة اليومية ؟؟ بكل الأيام او حرام ؟؟
والمطار نكلم واحد من هالسواقيين الي بالمنتدى ولا لا وكم اقصى سعر نعطيهم

وفي بونشاك هل السايق ضروري مع العلم ان بونشاك حق استرخاء مش حابين ندور ونطلع مثل جاكرتا اسواق وكذا
او نكلم احد من السايقيين مشاويير مقطعة

باندونق كيف السايق بعد ؟ حابين نعرف هالشي
وشكرا جاكا وابن السعودية على صبركم علينا

ألف مبروك أختي والله أني دخت
أختي ريلاكس ريلاكس
بعد التوكل على الله ترتيب الحبايب مية مية وأثني على كلام Jaka حبيبنا جربي 3 أيام في لمبوك.
أنا ترتيبي ليكي أذا كانت 29 يوم
3 جاكرتا (عشان تتعرفي على الأماكن والأسواق)
12 بالي
3 لومبوك
3 باندونق (تمشية وتسوق من الاوتليتس)
4 بونشاك (يومين ويكند)
4 جاكرتا (للتسوق)

أنا أشوف 12 يوم كثيير في بالي لكن ممكن أذا حبيت تزوري مدن أخرى زي سورابايا!
بالتوفيق والله يهنيكم

النملة حبيبتي سوري متحمسة بس
طيب بالنسبة لتوزيع الرحلة تم وخلصنا من الموضوع والتوتيل طلع بدون مسافة الطيران الي بيضيع منها يومين
26 ليلة و 27 يوم
قسمتها في جاكرتا - بونشاك - باندوق - بالي
وحددت الفنادق خلاص مئة بالمئة
بقى قضية السواق ايش رايكم
هل ناخذ سواق يوميا او الايام الي يكون كل يومنا نشاطات
ووين نحتاج السواق اكثر شي
طبعا بالي في ايام مابنتحرك من الفندق لأن نوعت بالفلل الفخامة والخدمات وفلل جيدة نوعا ما وقررنا ان طلعاتنا بتكون بالجيدة وبسطتنا بالفلة بالفخمة اكيد
لكن قضية السواق محيرتني ابغى الحل الأفضل اقتصادياً

افضل ايام حياتي كانت 23 يوم قضيتها في اندونيسيا و ماليزيا

طلبتك تزورون ماليزيا و الله الملاهي فيها حلوة زورو كوالا فقط و تكون هي البداية
يعني

الوصول كوالا 6 ايام
رحلة بالي 10 ايام و الله الفلل تستاهل الواحد يعيش عمره كله فيها مو 10 ايام بس
رحلة جاكرتا و على طول الجبل 5 ايام
بعدها باندونق و جاكرتا للعودة لأرض الوطن

في بالي من المطار فيه مكاتب تنسق لك سيارة مع سواق يكون مرشد سياحي يتكلم انجليزي ( شرط اساسي ) باليوم اليوم 8 ساعات
انا جربتها اليوم كان ب 350 الف روبية

الجبل نفس الحركة بس شوفوا واحد طيب و لو السواق ما عجبكم على طول غيروه

اولا اشكرك جزيل الشكر لانك ساعدتنا كثيرا بطرح كل اسئلتك في موضوعك ولم تفتحي موضوعا مستقلا لطرح اسئله متفرده رغم ان الموضوع بدا من عده اشهر وهذا دليل حبك للترتيب والتنظيم
قبل ان اجيبك ونجيبك عن اسئلتك يمكنكوضع سوال مستقل الان بترتيبك الجديد واسئلتك الجديده في موضوع اخر ان احببتي او نجيب عليها هنا بعد ان تطرحي تخطيطك الذي اخترتيه للرحله
انتظر منك الاجابه سوا هنا او بطرح موضوع مستقل جديد
وتقبلي تقديري اختي الفاضله

A BETTER MAN اخي بصراحه بخصوص ماليزيا مايصير مو لان ما احب ماليزيا حابه استكشف كل المناطق في اندونيسيا واخذ راحتي واخلي ماليزيا لها سفرة لحالها وعموما انا رحتها بصغري مره وبمتوسط مره وبثانوي حق دراسة مره يعني بالمره مو شي جديد علي بس على ابو الهش مره جديدة
بخصوص السعر الي تتكلم عنه في بالي مررره حلو السعر اي مكتب بالمطار
وبالجبل وين بعد لأن ماشوف الاسعار الي يتكلمو عنها باهالحدود
اني ودي اعرف حدود السواق يعني كم اقل شي كم اكثر شي




مشرفنا سؤالي بشكل اقوى
هذا القسم الي محيرني وحابه اعرف جوابة باكبر تفصيل ممكن يعني مكتب للتاجير السائقين وودي يكون انجليزي مو عربي وهذا سؤالي من الرد السابق
بقى قضية السواق ايش رايكم
هل ناخذ سواق يوميا او الايام الي يكون كل يومنا نشاطات
ووين نحتاج السواق اكثر شي
طبعا بالي في ايام مابنتحرك من الفندق لأن نوعت بالفلل الفخامة والخدمات وفلل جيدة نوعا ما وقررنا ان طلعاتنا بتكون بالجيدة وبسطتنا بالفلة بالفخمة اكيد
لكن قضية السواق محيرتني ابغى الحل الأفضل اقتصادياً

سوري مانتبهت للتخطيط
ايوه مخططي بيكون 27 يوم و 26 يوم بدون الطيران لأن الطيران بحاله بياخذ مني يومين
بوصل الاحد الصبح لين اخلص من المطار صار الظهر
جاكرتا بظل بالنوفتيل مانجا دوا الظاهر اسم السوق فيها 3 ليالي اربعة ايام مع الفطور اكزيكتف روم
وبيكون قعدتنا في جاكرتا انشول وسوق وبالاخص مانجا دوا الظاهر لأن يقولو مره حلو حق الشوبنغ نصايحكم هنا بتقسيم الذهاب لأنشول لانها قريبة من النوفتيل بس احنا بنروح دنيا فانتازي بس يعني مثلا مابنروح لوورلد سي لأن ماعدنا اطفال ممكن تقسيم ظريف يناسبنا كمتزوجين فله نحب الوناسة
بعدين بونشاك بنظل فيها اربع ليالي خمس ايام سروني 3 مطل ويقولون المطل بجاكوزي مع الفطور بس لسه اتأكد من هالمعلومة
كوتا بونغا - براشوت - مطاعم - حق الشاي - حديقة تمان سفاري
والاستمتاع بالجو والاكل والراحة لو في شي مهم ينقصني من البرامج اقترحوه علي بليز
نجي بعد بونشاك باندوغ وخليت لها ليلتين و3 ايام في فندق ماتوقع تعرفونه بالهوني مون سويت بيكون فيه جاكوزي وبرندا خاصه فينا مع الفطور
باندوق محتارة اخليها بس ليلتين ولا ازيد عددها ليلة
لأن مالقيت فيها الا سوق ومو حابه اوجع راس ابو الهش بالسوق كثير وبنروح هناك مطعم رومانسي مدحوه لنا ووكمان يمكن نزور بيوم البركان ومزارع الشاي والاناناس والفراولة كلهم راح نخلصهم بيوم
هل في شي غير ؟!!!! أعلموني عنه


بالي بالي بالي
مخططها طويل ومثل ماقلت لكم انا راح اسوي ايام بظل فيها بالفلة لأن اخترت انواع من الفلل الفخمة وانواع من الفلل الجيدة وجميعها بمسبح خاص والفطور وفوائد حق الهوني مون مثل مانصحتوني راح افاجئكم بالتقرير واتمنى اكون شي جديد بتقريري
بس شملتها منطقة ابود وسيميناك وكوتا

الحين بخصوص السواق بالمناطق الاولى والسواق بالايام الي راح اسوي فيها برامجي في بالي لأن راح اسوي كل البرامج مابترك ولا حاجه من موضوع الاخ كويتي لانه بصراحه وضح كل شي وبالاسعار
فعشان كذا عطيت بالي هالقسم الكبير 16 ليلة و 17 يوم مو تقولو كثير لأن في جزء منها بس قعدة واكل وقلة صنعه في الفلة حقتنا

اخر ليلة واخر يومين بيكونو بجاكرتا ونرجع للسعودية ان شاء الله بالسلامة

ايوه مخططي بيكون 27 يوم و 26 يوم بدون الطيران لأن الطيران بحاله بياخذ مني يومين
بوصل الاحد الصبح لين اخلص من المطار صار الظهر
جاكرتا بظل بالنوفتيل مانجا دوا الظاهر اسم السوق فيها 3 ليالي اربعة ايام مع الفطور اكزيكتف روم
وبيكون قعدتنا في جاكرتا انشول وسوق وبالاخص مانجا دوا الظاهر لأن يقولو مره حلو حق الشوبنغ نصايحكم هنا بتقسيم الذهاب لأنشول لانها قريبة من النوفتيل بس احنا بنروح دنيا فانتازي بس يعني مثلا مابنروح لوورلد سي لأن ماعدنا اطفال ممكن تقسيم ظريف يناسبنا كمتزوجين فله نحب الوناسة
*نوفوتيل جيد وان كنت افضل ميركوري عليه اولا لقرب الاسعار من بعضها مع افضليه في السعر اقل لميركوري
برايي نوفوتيل جيد لكن موقعه الجيد هو عيب من جهه ايضا لانه يقع منطقهالاسواق تماما في منقا دوا
ميركوري يقع علي شاطيء البحر
المسافه بين الفندقين قريبه جدا اختي ميركوري يقع بقلب انشول ومنقا دوا يقع جنوب الخط السريع الذي يمر بمنطقه انشول
شوفي هلصوره



*بخصوص منطقه انشول دنيا فنتازيا خيار مناسب حاولي روحتك له ما تكون وقت ظهيره
سي وورلد ليست كلها للاطفال اختي وهي قريبه من دنيا فنتازيا النفق البحري فيها يستحق من يزوره
هناك منطقه اتمني ان تزورونها وهي سومدرا ويليلت تدخلون عرض الفوردي تجربه لن تنسوها / وللعلم يوجد اقل منها تجربه ال 3 دي في دنيا فنتازيا
*بخصوص سوق منقا دوا هومجموعه اسواق اختي اشهرها منقا دوا سكوير ومنقا دوا itc ومنقا دوا wtc
مع وجود اسواق للجمله والالكترونيات وخلافه تتخلل شوارع المنطقه
المجمعات المذكوره ليست متساويه بالسعر ولا العروض مثلا اي تي سي سوق اقل والتكييف فيه سيء وزحام شديد لكن غالبا هو الاقل سعرا والاكثر عروضا بس بتتعبين شوي بالبحث فيه


بعدين بونشاك بنظل فيها اربع ليالي خمس ايام سروني 3 مطل ويقولون المطل بجاكوزي مع الفطور بس لسه اتأكد من هالمعلومة
كوتا بونغا - براشوت - مطاعم - حق الشاي - حديقة تمان سفاري
شيبوداس -حديقهالزهور -شلال شليمبر
والاستمتاع بالجو والاكل والراحة لو في شي مهم ينقصني من البرامج اقترحوه علي بليز
نجي بعد بونشاك باندوغ وخليت لها ليلتين و3 ايام في فندق ماتوقع تعرفونه بالهوني مون سويت بيكون فيه جاكوزي وبرندا خاصه فينا مع الفطور
باندوق محتارة اخليها بس ليلتين ولا ازيد عددها ليلة
لأن مالقيت فيها الا سوق ومو حابه اوجع راس ابو الهش بالسوق كثير وبنروح هناك مطعم رومانسي مدحوه لنا ووكمان يمكن نزور بيوم البركان ومزارع الشاي والاناناس والفراولة كلهم راح نخلصهم بيوم
هل في شي غير ؟!!!! أعلموني عنه
تقدرين انحبيتي تزودين ليله مثلا تسكنين في احدي منتجعات لمبانق كجراسيا سبا مثلا او هايلند ريسورت وهي منتجعات في ضاحيه لمبانق التي فيها المزارات التي ذكرتيها تقدرين تسكنين فيها ليله او تمشين بالستتم اللي حددتيه بالذهاب لها والعوده لسكنكم بباندونق
لاتنسين زياره مطعم كامبونق داون في باندونق
شلال ماربيا - واليماه البركانيه بمنتجع ساري اتير ايضا



بالي بالي بالي
مخططها طويل ومثل ماقلت لكم انا راح اسوي ايام بظل فيها بالفلة لأن اخترت انواع من الفلل الفخمة وانواع من الفلل الجيدة وجميعها بمسبح خاص والفطور وفوائد حق الهوني مون مثل مانصحتوني راح افاجئكم بالتقرير واتمنى اكون شي جديد بتقريري
بس شملتها منطقة ابود وسيميناك وكوتا

الحين بخصوص السواق بالمناطق الاولى والسواق بالايام الي راح اسوي فيها برامجي في بالي لأن راح اسوي كل البرامج مابترك ولا حاجه من موضوع الاخ كويتي لانه بصراحه وضح كل شي وبالاسعار
فعشان كذا عطيت بالي هالقسم الكبير 16 ليلة و 17 يوم مو تقولو كثير لأن في جزء منها بس قعدة واكل وقلة صنعه في الفلة حقتنا

اخر ليلة واخر يومين بيكونو بجاكرتا ونرجع للسعودية ان شاء الله بالسلامة

اختي انتي تقولين لاتقولوا كثير ببالي 16 يوم
وانا بقولككثير ببالي 16 يوم
انصحك تطمرين بوسطها لجزيره لومبوك الرائعه الهادئه وان حبيتي عناوين رائعه فيها راح اعطيكي روابط لها
*عدد ايام رحلتك يناسب السفر لمناطق اخري كقاروت او بلابون راتوا او زياره سنغافوره مادمتم سبق زرتم ماليزيا ولا لكم نيه فيها مثلا - مجرد تنويه والقرار لك

طيب مشرفنا بخصوص السايق كفيت ووفيت والمسألة دووون شكرا شكرا
نجي الحين لمخطط الرحلة بخصوص مركل انشول المشكلة الكل في ترب ادبيازر يحط فيه وفي وساخته وقدم غرفه بس باخذ رايك هل سبق ورحته ومتى ؟؟ لأن سعره مررره حلو بس الفندق نفسه ؟!! مادري اعطينا رايك ؟؟
انا بضيف على جاكرتا يوم ولو عطيتني قرين لايت على ميركور انشول يا اما اربع ايام فيه او يومين فيه ويومين بالنوفتيل



باندوق قررت اخليها يومين واضيف يومين حق لمبانق جراسيا سبا بس هل احتاج لسايق خاص حتى يوديني المناطق الي ذكرتها او مجرد تكسي هذا بخصوص لمبانق وجراسيا سبا ؟


بخصوص بالي اوردي الحين نقصت يومين وافكر بالروحه الى لومبوك بناء على نصيحتك 3 ايام يومين كيف الروحه لها من بالي بالبحر ادري كيف الاسعار كيف الحجز وحابه اعرف مكان مميز للسكن فيه احسها ماتفرق عن بالي شي ؟!!! ممكن تقنعني اكثر فيها لأنها مجهولة يمكن بالنسبة لي لو عندك وقت اكيد
سوري تعبتك معاي بس خلاص حابه ارتب اموري والفنادق حتى ابدا الحجز عن قريب خلاص
واخلص من سالفة ترتيب الهوني مون والتفت للعرس
شكرا شكرا مره ثانية

اخوي ا بيتر مان
حمستني اكثر لزيارة بالي اكثر مما اني متحمسة وشكرا على نصيحة السايق
بخصوص ماليزيا مو حابه اروح لها مع انها جميلة وسبق وزرتها مثل ماقلت من قبل

امم انتظرو تقريري في ماي بما ان الروحه في ابريل الا اذا تحمست وسويته وانا هناك يناسبني جداً
يسلمو عالردود واهتمامكم بأنكم تساعدونا وتعطونا فيد باك حلو عن استفساراتنا

نجي الحين لمخطط الرحلة بخصوص مركل انشول المشكلة الكل في ترب ادبيازر يحط فيه وفي وساخته وقدم غرفه بس باخذ رايك هل سبق ورحته ومتى ؟؟ لأن سعره مررره حلو بس الفندق نفسه ؟!! مادري اعطينا رايك ؟؟
سبق سكنته نعم | متي لا اتذكر لكن حدود 4 سنوات مضت |الرجل عليه صح ملاحظه مهمه منك لانه الفندق الوحيد المطل علي الشاطيء في انشول فراح يكون بالتاكيد مدعوك بلفظنا العامي يعني فيه نزلاء باستمرار هل هذا يعيبه بالطبع هو احد عيوبه لكن يقابلها ان كثير من الل يسكنوه خلال السنين القريبه وخلال الصيف الماضي وبعده يعني بوقت قريب مازالوا يمتدحونه ويمتدحون خدمته ونظافته | شخصيا لم اري اي عضو سكنه وذمه هنا في المنتدي الا عضوواحد وكان رايه انه قديم واثاثه كلاسيك وعادي وكان مشاركته بدون اي تصوير والحقيقه نعم هو تاثيثه ليس حديث يعني مو فندق فخم بالتاكيد لو قارناا السعر بجوده الخدمه برايي السعر مناسب جدا جدا لاننسي ان موقعه فريد يعطيه ميزه غيره لانه الوحيد بوسط انشول وعلي البحر من فئته من الفنادق في العاصمه

طيب تبين شي فخم وافخم منه موجود بس السعر بيكون اعلي + موقعه بيكون جنوب انشول مو بوسطها يعني لازم تاخذين تكسي للروحه لانشول كامثله فنادق قريبه من انشول وجيده شيبترا فندق جيد وارقي من ميركوري وتحته سوق ومول متوسط الحجم وقريب من تمان انقريك مول | وايضا بوسط العاصمه ان احببتي يوجد فنادق اقرب للمولات وافخم منه
اذا ما وجدتي مواضيع لتقارير اعضاء مروا بميركوري وسكنوا فيه بعطيكي روابط من خلال الاشهر القريبه الماضيه وتشوفين رايهم بنفسك من خلال تجربتهم فيه
* لاانسي ان فيه شقق مفروشه مو فندق قريبه جدا من انشول عند بوابه انشول تماما اسمها استونمارينا وهي بسعر مقارب للفندق للغرفه الواحده وهي اجدد منه كبناء



انا بضيف على جاكرتا يوم ولو عطيتني قرين لايت على ميركور انشول يا اما اربع ايام فيه او يومين فيه ويومين بالنوفتيل

مادمتي تملكين الوقت لا تقررين الان حتي لو اعطيتك قرين لايت مثلا روحي مثلا الي سكن ترين انه بدون اي ملاحظات من قبلك ليله واحده ومن هناك تقدرين تشوفين بقيه مواقع السكن المختاره من قبلك تمرينها وتشوفينها بعينك افضل لان اختلاف الاذواق والاراء قد يكون هو الفيصل في الامر برايي


باندوق قررت اخليها يومين واضيف يومين حق لمبانق جراسيا سبا بس هل احتاج لسايق خاص حتى يوديني المناطق الي ذكرتها او مجرد تكسي هذا بخصوص لمبانق وجراسيا سبا ؟
باندونق المدينه نفسها التكسي وحده يكفيكم فيها للتوفير تقدرين تروحين لها بقطار مثلا من جاكرتا او بالسياره من بونشاك واليومين اللي بتجلسين فيها تكتفون بالتكسي
لمبانق او اي ضاحيه جبليه كبونشاك ما انصحك ابدا ان تذهبين اليها الا بسائقك الخاص حتي لو اظطريتي لتقليل مده الرحله يومين مثلا مقابل ان ترتاحي من البحث عن سائق مناسب او سياره اجره تتاخر في الحضور وتخرب يومكم في منطقه قليل تواجد سيارات الاجره ونادر جدا
*لاحظي اختي امر مهم ضعيه في بالك مثلا لو اخذتي سائق مثلا من جاكرتا لبونشاك ومن بونشاك لباندونق وهناك في باندونق قررتم تخلونه يروح ويجيكم بعد يومين مثلا للذهاب للمبانق لاحظي هنا ان السائق الجيد عمله نادره السائققد يذهب ليرتبط بغيركم من المسافرين اولا او قد يكون مقر سكنه في منطقه بعيده عنكم فمن الصعب يجي يوم او اثنين لمنطقه بعيده عنه فهو يبحث ايضا عن مستاجر يبقيمعه اطول مده في اقصر اماكن ممكنه
*لاانسي ان انبه مره اخري بامكانيه التوجه من باندونق الي لمبانق يوميا والعوده الي باندونق بنفس اليوم للسكن ان احببتم

بخصوص بالي اوردي الحين نقصت يومين وافكر بالروحه الى لومبوك بناء على نصيحتك 3 ايام يومين كيف الروحه لها من بالي بالبحر ادري كيف الاسعار كيف الحجز وحابه اعرف مكان مميز للسكن فيه احسها ماتفرق عن بالي شي ؟!!! ممكن تقنعني اكثر فيها لأنها مجهولة يمكن بالنسبة لي لو عندك وقت اكيد

اولا ادخلي هالرابط لموسوعه اخونا ابو غاده عن الجزيره الهادئه الحالمه
http://www.arabtravelersforum.com/travel351867/

*السفر الي لومبوك يكون بالطياره من جزيره بالي افضل وهناك رحلات اليها من جاكرتا
وهناك بوت وقوارب تذهب بك الي الجزيره لكن مانصحك فيها لاني حسببحثي لم اجد نوعيه قوارب فاخره للذهاب اليها والمسافه تقريبا تاخذ ساعتين ونص الي 3 ساعات والافضل كما ذكرت ترتبينها برحلتك الاولي الداخليه
يعني مثلا جاكرتا لومبوك ثم لومبوك بالي ثم بالي جاكرتا او من بالي يكون فيه رحله الي لومبوك قبل عودتك لجاكرتا طيران
بحسب توفر الرحلات في الخطوط في الاوقات اللي تختارينها والسعر المناسب للرحلات (( كل ما اخذتي رحله اضافيه من خطوط الطيران يقل السعر غالبا ))
يعني حاولي تكون رحلتك للومبوك ان قررتيها يا قبل بالي او بعدها ولا تخلينها بوسط الرحله لبالي لانك بهذا الخيار بيكون عندك رحله طيران زائده بدل 3 تنقلات تصير اربع تنقلات

السكن في لومبوك غالبا يكون في منتجع هادي
سارشح فندقين اعرفهما وانصح بهما واحد في جنوب الجزيره في شاطيء كوتا لومبوك- ومو بعيد عنه شاطيء تانجونق
نوفوتيل لومبوك
http://www.novotel.com/gb/hotel-0571...ok/index.shtml

منطقه السكن الاكثر رواجا واقرب للخدمات هي شاطيء سنقيقي الرائع ومن اشهر المنتجعات فيه الشيراتون
هذا رابط موقعهم من موقع الشيراتون
http://www.starwoodhotels.com/sherat...propertyID=121

* في لومبوك يمكنك اخذ رحله بحريه نص ساعه او اقل الي احد جزر gili القريبه من لومبوك والصغيره للهدوء والاستجمام


وهي جزر متفرقه فيها الصغير والكبير اكبرها جزيره TRAWANGAN
ساعطيكي رابطين لمواقع سكنيه وهي قليله في هذه الجزر
Vila Ombak وهذا رابطها موجوده في جزيره تراونقان شمالها
http://www.hotelombak.com/

والاخر هو منتجع كوكومو هذا رابطه ويقع ايضا في نفس الجزيره لكن جنوبها
http://www.kokomogilit.com/

*ملاحظه يومين كما سئلتي الافضل تكون في لومبوك فقط
اذا كثر تقدرين تاخذين ليله في احد هلجزر للتجربه والاستجمام
لاحظي الذهاب للذجزر غالبا يكون بقوارب صغيره غير فاخره / الجزر هذي للاستجمام وللعرسان الطعام سيكون هو اكبر معاضلك فيها | ان سئلتي هل جربتها باجاوبك لا جربت زياره لومبوك مرتين فقط لكن هذي مواقع منتقات بشده من خلال النت ومن تجارب اعضاء في مواقع عالميه اوربيه غالبا



سوري تعبتك معاي بس خلاص حابه ارتب اموري والفنادق حتى ابدا الحجز عن قريب خلاص
واخلص من سالفة ترتيب الهوني مون والتفت للعرس
شكرا شكرا مره ثانية

مدري بعد هذي الاجابه ؟ هل ستقررين الحجز ام ستتمهلين مره اخري لانتقاء شيء جديد ؟؟
الجزر البعيده ممتعه للهدوء ويعيبها لخدمات القليله حولها / اسعارها غالبا تكون ليست رخيصه ليس للفخامه دوما لانما لقله المعروض غالبا

اهلين مشرفنا سوري تعبتك وياي
طبعاً لومبوك شلتها من الموضوع لأن بالاساس في بالي بنظل كذا يوم في سيمناك هدوء وفي دريم لاند البيتش هادئ وفي الاوشن بلو ريزورت اهدء واهدء منقطع فيعني بيكون عدنا هالطابع موجود في بعض الايام أحنا حابين نعيش كل الحالات الهدوء الراحه نشاهد افلام سوا نقعد بالفلل نستخدم خدماتها وبالبعض لا راح نتبع برامج الاخ نجم الكويت الي ماقصر


الحين ادري انك ودك تكفخني بس بخصوص جاكرتا
انتا حسستني ان النوفتيل مابيكون حلو حق هوني مون مثلا وانشول نفس الشي من الغرف الداخلية
وقريت في ترب ادبايزر ربيو ربيو وماعجبوني بالمررره
فقررت الاتي في 3 فنادق جراند محاكم الاكزيكتف سويت بس الكل كاتب ان موقعه زين وموقعه زين بس ماعندي خبرة ممكن انتا تكلمني عن موقعه ؟؟
Gran Mahakam Hotel
اكزيكتف سويت فطور

وفي فندق اسمه hotel manhattan بوكنج منهتاين سويت فطور
السويت حقهم واااو بس بليز اعطيني فكرة عن موقعهم قريت في بعض الربيو انه سو اند سو وبعضهم انه مره عادي ممكن انتا تعطيني وش قد بعده عن كل الامور

او اكتفي بقران ميليا في غرفة اكزكتف في الليبل مبنى مختلف ولونج مختلف ومميزات اضافية بس لو بالاخير قلت ان قران ميليا فهل اختياري للغرفة صحيح ولا ايش ؟

واخر شي بخصوص بالي هل اول ما احجز الطيران حق الرحلة في جانوري راح احجز
هل بنفس الوقت احجز الطيران الداخلي او اخليها لين وصلتي لبالي الاسعار انسب اكيد قبل والحجز بكير بس لأي درجة انسب هل اسوي الحجز قبل او لا
اتحملوني شوي

بقى بس قسم جاكرتا اشطب على خيار مرتاحه له مئة بالمئة

الحين ادري انك ودك تكفخني بس بخصوص جاكرتا
انتا حسستني ان النوفتيل مابيكون حلو حق هوني مون مثلا وانشول نفس الشي من الغرف الداخلية
وقريت في ترب ادبايزر ربيو ربيو وماعجبوني بالمررره
فقررت الاتي في 3 فنادق جراند محاكم الاكزيكتف سويت بس الكل كاتب ان موقعه زين وموقعه زين بس ماعندي خبرة ممكن انتا تكلمني عن موقعه ؟؟
Gran Mahakam Hotel
اكزيكتف سويت فطور
موقعه زين للاجانب بشكل اكبر ؟؟ ليش ؟؟
لقربه من بلوك ام وكونيانق ستريت
هلفندق يقع بجنوب جاكرتا تقريبا اقرب ماله مول بلوك ام بلازا
المنطقه هذي اذا تبينها وناويه تروحين لانشول انصحك لا بشده لان شوارعها متفرعه وصغيره في الغالب وفيها كثير من الشوارع باتجاه واحد
رايي هذا الفندق ينفع للشباب اللي يبون يكونون قريبين من شارع كونيانق فقط


وفي فندق اسمه hotel manhattan بوكنج منهتاين سويت فطور
السويت حقهم واااو بس بليز اعطيني فكرة عن موقعهم قريت في بعض الربيو انه سو اند سو وبعضهم انه مره عادي ممكن انتا تعطيني وش قد بعده عن كل الامور
مانهاتن غرفه الاعتياديه الديلوكس مثلا كلاسيك وعاديه مو ذاك الزود ماجربت السويت عندهم
الفندق كموقع رائع بس مو جنب انشول ؟؟ الفندق بقلب العاصمه التجاري اقرب ماله امباسادور مول وسمانقي بلازا مول
هل انصح فيه بالتاكيد هو احد الخيارات الرائعه للسكن في العاصمه لسعره المنخفض في موقعه


او اكتفي بقران ميليا في غرفة اكزكتف في الليبل مبنى مختلف ولونج مختلف ومميزات اضافية بس لو بالاخير قلت ان قران ميليا فهل اختياري للغرفة صحيح ولا ايش ؟
قران ميليا تقديرن تطلعين علي راي الاعضاء فيه من موضوع اختنا ام عزيز في القسم العام توها منزله موضوع عنه
http://www.arabtravelersforum.com/travel434911/

* انتي كان قرارك السكن شمال جاكرتا / الان الفنادق المختاره تقريبا بسوط العاصمه اوكي
الان عشان تكون الاجابه ادق واكثر تفصيل خياراتك هي السويتات وليس الغرف الستاندر في الفنادق !
السويتات تختلف من فندق لاخر مايحكم عليها الا من نزل فيها نقدر نحكم علي موقع الفندق فقط بحسب قربه ولابعدهمن المواقع والنشاطات اما السويت نفسه الحكم عليه صعب بدون تجربه
عشان هلنقطه ولانك اعطيتينا توجه انك ممكن تسكنين بوسط العاصمه فالسوال المطروح كم حاطه مبلغ ميزانيه للسكن !! في جاكرتا ؟؟
لانه قد تلقين غرفه في فندق 5 نجوم افضل من سويت في فندق 4 نجوم كتاثيث وفخامه
مثلا علي سبيل المثال لا الحصر /كومنسكي /قراند حياه /شنقيرلا /موليا سينايان
لو خيروني بين الفنادق ال 3 فقط اللي اخترتيها لاخترت مانهاتن كسهوله دخول وخروج منه واليه / وقران كستايل غريب وهاديء بشرط ان اجده منموقع خصومات جيد لان اسعاره مختلفه من موقع لاخر بشكل كبير
ولو كان لي معرفه قيمه السكن المحدده فساحاول ايجاد فندق افضل منهم كموقع او كرفاهيه



واخر شي بخصوص بالي هل اول ما احجز الطيران حق الرحلة في جانوري راح احجز
هل بنفس الوقت احجز الطيران الداخلي او اخليها لين وصلتي لبالي الاسعار انسب اكيد قبل والحجز بكير بس لأي درجة انسب هل اسوي الحجز قبل او لا
صدقيني هذاصعب سوال اختي | اسعار التيكت ومده فتح الحجزقبل كم شهر تختلف من شركه لثانيه
احيانا تحجز قبل السفر بفتره طويله عشان تضمن حجز وبسعر تشوفه مناسب مثلا 130 دولار ذهاب واياب وتتفاجا ان اللي جالس جنبك بالطياره اخذ التيكت ب95 دولار ؟؟ يا ان الرحله ما كانت مزحومه مثلا وحجزها قبل يوم اواثنين مثلا
واحيانا تكون مزحومه الرحله وقت سفرتك تقول بحجزها من هناك فتجد مقعد بس غالي لانه اخر المقاعد او قربت الطياره تكون فل فيرفعون السعر
مااقوم به عاده في الرحلات الداخليه ابحث عن حجز يناسبني بسعر مناسب والسعر المناسب للسفر الي بالي هو بين 95 الي 120 دولار ذهاب واياب باختلاف الخطوط وافضلها جارودال واير اسيا ثم تاتي بعدهم ليون
متي ما وجدت حجز مناسب بوقت مناسب للرحله بسعر مناسب اقوم بحجزه مباشره واريح مخي ان لم اجد انتظر وابحث هناك عن افضل العروض خاصه ان كانت الرحله في غير سيزن
اتحملوني شوي
اي سوال اوتعديل برنامجك اطرحيهبدون تردد دامه في هذا الموضوع سنتجاوب معه باذن الله بسعاده
رايك في السفر للومبوك صحيح لكن ما طرحته كراي مازلت متمسك به 16 يوم كثير ببالي
اتمني منكي عدم حجز كل مواقع السكن فيها علي اقل تقدير احجزي الاسبوع الاول فقط فيها وهناك تقررينالاكمال او تغغير الخط او يكون حجزك من موقع يمكن الغاء الحجز فيه بدون ضريبه او بضريبه قليله تحسبا لاي تغيير في الراي

بقى بس قسم جاكرتا اشطب على خيار مرتاحه له مئة بالمئة

أختي العزيزة ، ألف مبروك الزواج ، والله يرزقكم الذرية الصالحة والحياة الهانئة

فكرة الأستاذ الكبير جاكا بإضافة جزيرة لومبوك ممتازة جدًا خاصة وأن 16 يوم في بالي تبدو كثيرة نوعًا ما و مـكـلـفـة لأن الأسعار في الجزيرة مرتفعة عن الأسعار في بقية الدولة كونها جزيرة سياحية.

ولدي اقتراح (suggestion) لا أعرف إن كان موجود أصلا في الخطة أم لا ، وهو زيارة جاوة الشرقية (east java) مثل مدن سورابايا - مالانغ - تريتس فلها رونق وطابع خاص جدًا.

ونصيحتي هي الإقتصاد وخاصة في الأيام الأولى من الوصول وضبط الميزانية المالية وعدم حمل العديد من الأمتعة: الضرورات فقط خاصة أن الطيران الداخلي لا يسمح بأكثر من 20-25 ك فقط.

تمنياتي لكِ برحلة سعيدة ، صحبتكِ السلامة

مشرفنا العزيز كيفك حالك ؟!!
بخصوص جاكرتا غضيت النظر عن ميركور انشول التقارير سيئة مو بس في موقع ترب ادبايزر هنا بموقعنا اقرا بين الردود الكل يعطي ملاحظات عالنظافة فخلاص شلته من بالي
وكلامك عن مانهتان اقنعني والسويت باين حلوو جدا
فقررت الاتي زي ماقلت التجربة خير برهان فقلنا يومين في النوفتيل حتى نكون قريبين لهذيك المنطقة كأنشول وسوق على خفيف

ويومين مانهاتن في المانهتن سويت هذا اخر قرار واخيراً ومرتاحه له
بخصوص بالي راح انفذ كلامك لأنه عين العقل والمنطق بأني اختار تسع ايام حجز اكيد لبالي
وبعدين اقررر هل اكمل او اتجه مثل ماقلت وقال اخوي مكاوي اصيل لسورابيا وكذا بس لمبوك شايلتها من بالي لأني قريت اكثر بمواقع اجنبيه مافيها شي مختلف عن بالي الا الهدوء والهدوء هذا تقدر تلاقيه ببعض مناطق ومنتجعات بالي يختلف بالمناطق


بالنسبة للتذاكر عووولم ووضح الموضوع


بخصوص الاسعار لا تخاف اول شي اقارن بمواقع الانترنت وبعدين المواقع الرسمية اطلب منهم يعطوني عرض افضل و كمان الحين قاعده اشيك مع كاها جدة الظاهر مكتب سلطان واشوف انسب سعر باخذه ولاحظت ان كاها واغوديا وبوكنج افضل من اسيا روم باندونيسيا


خلصت استفساراتي ويعطيك الف عافية مشرفنا اسفه تعبتك معاي




اخوي مكاوي اصيل للاسف رحلتنا مقصدها الاساسي بالي لأصراركم ان هالوقت على بالي كثير راح اسمع كلام مشرفنا واوقف حجز ان كان ذوقنا مختلف كملنا ان كان ذوقنا متشابه طلعنا شكرا عالاهتمام والملاحظة الصريحة يعطيك العافية